1/45:kim punaḥ idam iṇgrahaṇam pratyayaviśeṣaṇam : iṇaḥ uttareṣām ṣīdhvaṃluṅliṭām yaḥ dhakāraḥ iti |
2/45:āhosvit dhakāraviśeṣaṇam : iṇaḥ uttarasya dhakārasya saḥ cet ṣīdhvaṃluṅliṭām dhakāraḥ iti |
3/45:kaḥ ca atra viśeṣaḥ |
4/45:tatra pratyayaparatve iṭaḥ liṭi ḍhatvam parāditvāt | tatra pratyayaparatve iṭaḥ liṭi ḍhatvam na prāpnoti |*
5/45:luluviḍhve luluvidhve iti |
6/45:kim kāraṇam |
7/45:parāditvāt |
8/45:iṭ parādiḥ |
9/45:vacanāt bhaviṣyati |
10/45:asti vacane prayojanam |
11/45:kim |
12/45:alaviḍhvam alavidhvam |
13/45:astu tarhi dhakāraviśeṣaṇam |
14/45:dhakāraparatve ṣīdhvami ananantaratvāt iṭaḥ vibhāṣābhāvaḥ |*
15/45:dhakāraparatve ṣīdhvami ananantaratvāt iṭaḥ vibhāṣā na prāpnoti |
16/45:laviṣīḍhvam laviṣīdhvam iti |
17/45:vacanāt bhaviṣyati |
18/45:asti vacane prayojanam |
19/45:kim |
20/45:luluviḍhve luluvidhve iti |
21/45:iṇgrahaṇasya ca aviśeṣaṇatvāt ṣyādimātre ḍhatvaprasaṅgaḥ | iṇgrahaṇasya ca aviśeṣaṇatvāt ṣyādimātre ḍhatvam prāpnoti : pakṣīdhvam , yakṣīdhvam iti |*
22/45:na eṣaḥ doṣaḥ |
23/45:aṅgāt iti vakṣyāmi |
24/45:aṅgagrahaṇāt ca doṣaḥ |
25/45:iha na prāpnoti : upadidīyidhve , upadidīyiḍhve |
26/45:yaḥ hi atra aṅgāntyaḥ iṇ na tasmāt uttaraḥ iṭ yasmāt ca uttaraḥ iṭ na asau aṅgāntyaḥ iṇ iti |
27/45:yathā icchasi tathā astu |
28/45:astu tāvat pratyayaviśeṣaṇam |
29/45:nanu ca uktam tatra pratyayaparatve iṭaḥ liṭi ḍhatvam parāditvāt luluviḍhve luluvidhve iti |
30/45:vacanāt bhaviṣyati |
31/45:nanu ca uktam asti vacane prayojanam |
32/45:kim |
33/45:alaviḍhvam alavidhvam iti |
34/45:yat etasmin yoge liḍgrahaṇam tadanavakāśam tasya anavakāśatvāt vacanāt bhaviṣyati |
35/45:atha vā punaḥ astu dhakāraviśeṣaṇam iti |
36/45:nanu ca uktam dhakāraparatve ṣīdhvami ananantaratvāt iṭaḥ vibhāṣābhāvaḥ laviṣīḍhvam laviṣīdhvam iti |
37/45:vacanāt bhaviṣyati |
38/45:nanu ca uktam asti vacane prayojanam |
39/45:kim |
40/45:luluviḍhve luluvidhve iti |
41/45:yat etasmin yoge ṣīdhvaṅgrahaṇam tat anavakāśam tasya anavakāśatvāt vacanāt bhaviṣyati |
42/45:yat api ucyate iṇgrahaṇasya ca aviśeṣaṇatvāt ṣyādimātre ḍhatvaprasaṅgaḥ iti aṅgāt iti vakṣyāmi |
43/45:nanu ca uktam aṅgagrahaṇāt ca doṣaḥ iti |
44/45:pūrvasmin yoge yat aṅgagrahaṇam tat uttaratra nivṛttam |
45/45:atha vā pūrvasmin yoge iṇgrahaṇam pratyayaviśeṣaṇam uttaratra dhakāraviśeṣaṇam

iṇaḥ parasmātiṭa uttareṣāṃ ṣīdhvaṃluṅliṭāṃ yo dhakāraḥ tasya mūrdhanyādeśo bhavati vibhāṣā. laviṣīḍhvam, laviṣīdhvam. paviṣīḍhavam, paviṣīdhvam. luṅ alaviḍhavam, alavidhvam. liṭ luluviḍhve, luluvidhve. iṇaḥ ityeva, āsiṣīdhvam. atha iha kathaṃ bhavitavyam, upadidīyidhve? kecidāhuḥ, iṇantādaṅgāduttarasya iṭa ānantaryaṃ yuṭā vyavahitam iti na bhavitavyaṃ ḍhatvena iti. apareṣāṃ darśanam, aṅgātiti nivṛttam, iṇaḥ ityanuvartate, tataśca yakārādeva inaḥ paro 'nantaraḥ iṭiti pakṣe bhavitavyaṃ mūrdhanyena iti.

vibhāṣā iṭaḥ 8.3.79 iṇaḥ parasmātiṭa uttareṣāṃ ṣīdhvaṃluṅliṭāṃ yo dhakāraḥ tasya mūrdhanyādeśo bhavati vibhāṣā. laviṣīḍhvam, laviṣīdhvam. paviṣīḍhavam, paviṣīdhvam. luṅ alaviḍhavam, alavidhvam. liṭ luluviḍhve, luluvidhve. iṇaḥ ityeva, āsiṣīdhvam. atha iha kathaṃ bhavitavyam, upadidīyidhve? kecidāhuḥ, iṇantādaṅgāduttarasya iṭa ānantaryaṃ yuṭā vyavahitam iti na bhavitavyaṃ ḍhatvena iti. apareṣāṃ darśanam, aṅgātiti nivṛttam, iṇaḥ ityanuvartate, tataśca yakārādeva inaḥ paro 'nantaraḥ iṭiti pakṣe bhavitavyaṃ mūrdhanyena iti.

vibhāṣeṭaḥ. , 8.3.79 kvacit? pūrveṇa nitye prāpte, kvacidaprāpta eva vikalpārtha vacanam(). etaccodāharaṇe vyaktokariṣyāmaḥ. atreṇgrahaṇamiṭo viśeṣaṇam(), so'pi ṣodhvamādonām(), te'pi dhakārasyeti darśayannāha--"iṇaḥ parasmāt()" ityādi. nanu ṣīdhvamo liṭaśceḍapekṣaṃ paratvaṃ na sambhavati, tasya tadgrahaṇena grahaṇāt()? yadyapi śāstrakṛtaṃ na sambhavati, tathāpi śrutikṛtaṃ tu sambhavatyevetyadoṣaḥ. "laviṣīdhvam(), laviṣīḍhvam()" iti. atra ṣīdhvaṃśabdasyeṭi kṛte tasya tadgrahaṇena grahaṇādvyavadhānaṃ nāstīti pūrveṇa nityaṃ prāpnoti. "alavidhvam()" ityatrāpi sica eveḍāgamaḥ kriyate, na luṅa iti tasya tadgrahaṇenāgrahaṇāt? pūrveṇa na prāpnoti. "luluviḍhve" ityatrāpi liṭa eveḍāgama iti tasya tadgrahaṇena grahaṇādasati vyadadhāne pūrveṇa nityaṃ prāpnoti. "āsiṣīdhvam()" iti. "āsa upadaśane" (dhā.pā.1021), liṅ(), sovuṭ(), dhātusakārasyeṇo'sanni veśādiṇaḥ paro'troḍāgamo na bhavati. "atheha kathaṃ bhavitavyam()" iti. kimatrānena vikalpena bhavitavyam()? uta nityena bhavitavyamityabhiprāyaḥ. "dīṅ? kṣaye" (dhā.pā.1134), liṭ(), krādiniyamādiṭ? 7.2.13. "dīṅo yuḍaci kṅiti" 6.4.63 iti guṭ(), ṭerettavam(). upadidīyidhva iti sthite kecidāhunaṃ bhavitavyamevātra ḍhatvavikalpena; iṇantādaṅgādiṭo yadānantarya tasya yuṭā vyavahitatvāta. samudāyabhakto hrasau yuṭ? samudāyameva na vyavadadhāti. avayavaṃ tu vyavadadhātyeva. atha pūrveṇa nityaṃ kasmānna bhavati? atreṇantādaṅgāduttaro liṭ(), satsambandhī ca dhakāra iti bhavitavyam(). tathā ca vṛttikṛtā sūtrārtho darśitaḥ. atha tu neṣyate, tato vibhāṣāgrahaṇaṃ pūrveṇāsambandhanīyam(). sā ca vyavasthitavibhāṣaḥ, teneha na bhavati. evamanyatra tu nityameva bhaviṣyati. "apareṣām()" ityādi. yadāṅgagrahaṇamiha nivṛttam(), iṇa ityetadevānuvatrtate, tadeṇaiva kevaleneḍāgamo viśeṣyate--iṇaḥ paro ya iḍiti. evañcātra bhavitavyameva pākṣikeṇa ḍhatvena. bhavati hratra yakārādiṇa uttaro'nantaraśceḍāgamaḥ॥

iṇaḥ paro ya iṭ tataḥ pareṣāṃ ṣīdhvaṃluṅliṭāṃ dhasya vā ḍhaḥ. kāmayiṣīḍhvam, kāmayiṣīdhvam. kamiṣīṣṭa. kamiṣīdhvam..

vibhāṣeṭaḥ 529, 8.3.79 iṇaḥ paro ya iṭ tataḥ pareṣāṃ ṣīdhvaṃluṅliṭāṃ dhasya vā ḍhaḥ. kāmayiṣīḍhvam, kāmayiṣīdhvam. kamiṣīṣṭa. kamiṣīdhvam॥

vibhāṣeṭaḥ. `iṇaḥ ṣīdhvaṃluṅliṭā dhaḥ' ityanuvartate. `apadāntasye'tyato mūrdhanya iti ca. tadāha– iṇaḥ paro ya iḍityādi. iṇantādaṅgādityarthaḥ. ayiṣīḍhvamiti. luṅo dhvami cleḥ sici āṭi vṛddhau sica iṭi `dhi ce'ti salopaḥ. dhvama ivarṇāntādaṅgātparatvānnitye prāpte vikalpaḥ. aṅgāditi. nivṛttamiti kecit.

vibhāṣeṭaḥ 165, 8.3.79 vibhāṣeṭaḥ. "iṇaḥ ṣīdhvaṃluṅliṭā dhaḥ" ityanuvartate. "apadāntasye"tyato mūrdhanya iti ca. tadāha-- iṇaḥ paro ya iḍityādi. iṇantādaṅgādityarthaḥ. ayiṣīḍhvamiti. luṅo dhvami cleḥ sici āṭi vṛddhau sica iṭi "dhi ce"ti salopaḥ. dhvama ivarṇāntādaṅgātparatvānnitye prāpte vikalpaḥ. aṅgāditi. nivṛttamiti kecit.