1/12:īttvam bahuvacanāntasya |*
2/12:īttvam bahuvacanāntasya iti vaktavyam |
3/12:bahuvacane iti iyati ucyamāne iha eva syāt |
4/12:amībhiḥ amīṣu| iha na syāt |
5/12:amī atra |
6/12:amī āsate |
7/12:tat tarhi vaktavyam |
8/12:na vaktavyam |
9/12:na idam pāribhāṣikasya bahuvacanasya grahaṇam |
10/12:kim tarhi |
11/12:anvarthagrahaṇam etat |
12/12:bahūnām arthānām vacanam bahuvacanam bahuvacane iti

adaso dakārāduttarasya ekārasya īkārādeśo bhavati, dakārasya ca makāraḥ, bahuvacane bahūnāmarthānāmuktau. amī. amībhiḥ. amībhyaḥ. amīṣām. amīṣu. bahuvacane ityarthanirdeśo 'yam, pāribhāṣikasya hi bahuvacanasya grahaṇe amī ityatra na syāt.

eta īd bahuvacane 8.2.81 adaso dakārāduttarasya ekārasya īkārādeśo bhavati, dakārasya ca makāraḥ, bahuvacane bahūnāmarthānāmuktau. amī. amībhiḥ. amībhyaḥ. amīṣām. amīṣu. bahuvacane ityarthanirdeśo 'yam, pāribhāṣikasya hi bahuvacanasya grahaṇe amī ityatra na syāt.

eta īdrabahuvacane. , 8.2.81 "bahuvacana ityarthavirdeśo'yam()" iti. anvarthanirdeśa ityarthaḥ. etaduktaṃ bhavati--nedaṃ pāribhāṣikasya bahuvacanasya grahaṇam(), kiṃ tarhi? anvarthasya grahaṇam()--bahunāmarthānāmuktiḥ bahuvacanamiti. kiṃ kāraṇamevaṃ vyākhyātam()? ityāha--"pāribhāṣikasya hi" ityādi. yadi pāribhāṣikasya bahuvacanasyedaṃ grahaṇaṃ syāt(), amī ityatra na syāt(). na hratraikārāt? paraṃ pāribhāṣikaṃ bahuvacanamasti. anvarthagrahaṇe tvatrāpi bahunāmaryānāmabhidhānamastīti sidhyati. anvarthagrahaṇaṃ tu vyāptinyāyāllabhyate--eva iti ekārasya sthānivattvaṃ yathā vijñāyeta. "eḥ" ityucyamāne, ikārasyāpi sthānitvamāśaṅkyeta. kiñca syāt()? adra()ādeśe kṛte tadavayava syekārasya yaṇādeśo bādhitaḥ syāt(). īditi takāro mukhasukhārthaḥ॥

adaso dātparasyaita īddasya ca mo bahvarthoktau. amī. pūrvatrāsiddhamiti vibhaktikāryaṃ prāk paścādutvamatve. amum. amū. amūn. mutve kṛte ghisaṃjñāyāṃ nābhāvaḥ..

eta īdbahuvacane 359, 8.2.81 adaso dātparasyaita īddasya ca mo bahvarthoktau. amī. pūrvatrāsiddhamiti vibhaktikāryaṃ prāk paścādutvamatve. amum. amū. amūn. mutve kṛte ghisaṃjñāyāṃ nābhāvaḥ॥

tatra dakārādekārasya ūttve prāpte eta īt. `adaso'serdādu do maḥ' ityasmāt `adaso dā'diti `do maḥ' iti cānuvartate. tadāha-adasa ityādinā. bahvarthoktāviti. sūtre bahuvacanaśabdo yaugikaḥ. pāribhāṣikasya grahaṇe tu amībhirityādisiddhāvapi amī iti na sidhyet, `ade' ityekārasya bahuvacanatayā tatparakatvā'bhāvāditi bhāvaḥ. nanu aujasādiṣu tyadādyatve pararūpe ca uttvamatvayoḥ kṛtayoramuau amuaḥ ityādi syāt. mutvasyā'siddhatvānna `yaṇityāśaṅkya āha–pūrvatreti. vibhaktikāryamiti. tyadādyatvādikamityarthaḥ. yadi tu pūrvatrāsiddha mityatra `kāryāpravṛtterāvaśyakatayā paratvātraipādike mutve kṛte sati utvasthānino'kārasyāpahāre sati, paścānmutve'bhāvapratiyogitvārope'pi `devadattasya hantari hate sati devadattasya na punarunmajjana'miti nyāyena sthānibhūtasya dakārādakārasyā'bhāvādvṛddhiguṇādi na syāt. śāstrā'siddhatvapakṣe tu yadyatraipādikaṃ śāstraṃ pravṛttyunmukhaṃ tattacchāstra evā'bhāvāropasambhavātpūrvaśāstrapratibandhakasya paraśāstrasya ucchedabuddau satyāṃ `vipratiṣedhe paraṃ kārya'miti na pravartate. taduktaṃ `pūrvatrāsiddhe nāsti vipratiṣedho'bhāvāduttarasye'ti. tataśca sthānino'kārasya nivṛttyabhāvādvṛddhiguṇādipravṛttirnirbādhā. etacca `pūrvatrāsiddha'mityatra `acaḥ parasmin' ityatra `ṣatvatukorasiddhaḥ' ityatra ca bhāṣye spaṣṭam. prapañcitaṃ ca śabdenduśekhare śabdaratne ca ityāstāṃ tāvat. amumiti. adas am iti sthite tyadādyatvaṃ, pararūpam, ami pūrvaḥ, utvamatve iti bhāvaḥ. amū iti. dvitīyādvivacanaṃ prathamādvivavacanavat. amūniti. śasi, tyadādyatvaṃ, pararūpaṃ, pūrvasavarṇadīrghaḥ, natvam, utvamatve iti bhāvaḥ. tṛtīyaikavacane adas ā iti sthite tyadādyatvaṃ, pararūpam, utvamatve ca siddhavatkṛtyāha–nābhāva iti. `śeṣo ghyasakhī'ti ghisaṃjñāyām `āṅo nā'striyā'miti nābhāva ityarthaḥ. nanu `pūrvatrāsiddha'miti vibhaktikāryaṃ prāk?paścādutvamutve iti prāguktam. samprati tu mutve kṛte ghisaṃjñāyāṃ nābhāva ityucyate. tadidaṃ pūrvā'paraviruddhamiti cetsatyam. yadvibhaktikāryaṃ prati mutvaṃ nimittaṃ na bhavati, tadeva vibhaktikāryaṃ prāk bhavati, na tvanyaditi vivakṣitam. iha ca nābhāvaṃ prati mutvaṃ nimittamiti prathamaṃ mutvapravṛtteravirodhaḥ, `na mu ne' ityārambhasāmathryādityalam.

eta īdbahuvacane , 8.2.81 tatra dakārādekārasya ūttve prāpte eta īt. "adaso'serdādu do maḥ" ityasmāt "adaso dā"diti "do maḥ" iti cānuvartate. tadāha-adasa ityādinā. bahvarthoktāviti. sūtre bahuvacanaśabdo yaugikaḥ. pāribhāṣikasya grahaṇe tu amībhirityādisiddhāvapi amī iti na sidhyet, "ade" ityekārasya bahuvacanatayā tatparakatvā'bhāvāditi bhāvaḥ. nanu aujasādiṣu tyadādyatve pararūpe ca uttvamatvayoḥ kṛtayoramuau amuaḥ ityādi syāt. mutvasyā'siddhatvānna "yaṇityāśaṅkya āha--pūrvatreti. vibhaktikāryamiti. tyadādyatvādikamityarthaḥ. yadi tu pūrvatrāsiddha mityatra "kāryāpravṛtterāvaśyakatayā paratvātraipādike mutve kṛte sati utvasthānino'kārasyāpahāre sati, paścānmutve'bhāvapratiyogitvārope'pi "devadattasya hantari hate sati devadattasya na punarunmajjana"miti nyāyena sthānibhūtasya dakārādakārasyā'bhāvādvṛddhiguṇādi na syāt. śāstrā'siddhatvapakṣe tu yadyatraipādikaṃ śāstraṃ pravṛttyunmukhaṃ tattacchāstra evā'bhāvāropasambhavātpūrvaśāstrapratibandhakasya paraśāstrasya ucchedabuddau satyāṃ "vipratiṣedhe paraṃ kārya"miti na pravartate. taduktaṃ "pūrvatrāsiddhe nāsti vipratiṣedho'bhāvāduttarasye"ti. tataśca sthānino'kārasya nivṛttyabhāvādvṛddhiguṇādipravṛttirnirbādhā. etacca "pūrvatrāsiddha"mityatra "acaḥ parasmin" ityatra "ṣatvatukorasiddhaḥ" ityatra ca bhāṣye spaṣṭam. prapañcitaṃ ca śabdenduśekhare śabdaratne ca ityāstāṃ tāvat. amumiti. adas am iti sthite tyadādyatvaṃ, pararūpam, ami pūrvaḥ, utvamatve iti bhāvaḥ. amū iti. dvitīyādvivacanaṃ prathamādvivavacanavat. amūniti. śasi, tyadādyatvaṃ, pararūpaṃ, pūrvasavarṇadīrghaḥ, natvam, utvamatve iti bhāvaḥ. tṛtīyaikavacane adas ā iti sthite tyadādyatvaṃ, pararūpam, utvamatve ca siddhavatkṛtyāha--nābhāva iti. "śeṣo ghyasakhī"ti ghisaṃjñāyām "āṅo nā'striyā"miti nābhāva ityarthaḥ. nanu "pūrvatrāsiddha"miti vibhaktikāryaṃ prāk()paścādutvamutve iti prāguktam. samprati tu mutve kṛte ghisaṃjñāyāṃ nābhāva ityucyate. tadidaṃ pūrvā'paraviruddhamiti cetsatyam. yadvibhaktikāryaṃ prati mutvaṃ nimittaṃ na bhavati, tadeva vibhaktikāryaṃ prāk bhavati, na tvanyaditi vivakṣitam. iha ca nābhāvaṃ prati mutvaṃ nimittamiti prathamaṃ mutvapravṛtteravirodhaḥ, "na mu ne" ityārambhasāmathryādityalam.

eta īdbahuvacane. paribhāṣikasya bahuvacanasya grahaṇe `amībhi rityādisiddhāvapi jasu `amī ti na sidhyet. na hratra ekārasya bahuvacanaparatā'srti. ato vyācaṣṭe– bahvārthoktāviti. vibhaktikārya prāgiti. `tyadādīnāmaḥ'ityādisapādasaptādhyāyīṃ prati `adaso'se'riti traipādikasāstrasyā'siddhatvāt, akṛte vibhaktikārye sāntatvādutvamatvayorapravṛtteśceti bhāvaḥ. yadi tu `pūrvatrāsiddha'mityatra kāryā'siddhatvamiṣyeta, tarhi `amū'`amu'mityādi na siddhyet. tyadādyatve kṛte pararūpātprāgevotvamatvayoḥ kṛtayoḥ paścānmutvakāryasyā'siddhatayā `ato guṇe'iti pararūpe `amau'ityādi rūpasiddhiparsaṅgāt. kiṃca carma vaste `carmavaḥ', suṣṭu vaste `suvaḥ'. atra paratvātskoriti salope tasyā'siddhatvā4ddhalhrādilope uktarūpaṃ na sidhyatīti kārya'siddhi pakṣo heya eva. atra vadanti–`sapādasaptādhyāyyāṃ vihitaṃ kāryaṃ prati tripādyāṃ vihitamasiddha'miti prakriyāgranthoktakāryā'siddhipakṣe `manorathaḥ' `amu'mityādi na siddhyediti kecut. tanna. praktiyāgranthokterhi kārya prati–kārye kartavye, asiddhaṃ–pūrvameva na jātamityarthaḥ. śastrā'siddhatve'pyevameva phalito'rthaḥ. taduktaṃ kaiyaṭena—`yacchāstramuccāritaṃ tasyā'siddhatvamaśakyaṃ kartumityasiddhavacanādatideśa āśrīyate'iti. tathā cātidaśena kāryā'pravartakatvarūpo'siddhadharmaḥ śāstre'tidiśyamānaḥ kāryā'siddhatva eva phalati. evaṃ ca `manoratha'ityatra utve karyavye rephalopasya pūrvamevā'pravṛttau rorutvasyā'partīghātānmanorathasiddhiraptyūhā. tathā `amu'mityādisiddhiriti kāryā'siddhapakṣe na kāpyanupapattiriti.\t

na ṅisaṃbuddhyoḥ 312, 8.2.81 niṣedhasāmathryāditi. yadā tu "na ṅisaṃbuddyo"rityatra ṣaṣṭha()ntatāmaśritya "ṅyantasya saṃbuddyantasya ca padasya ne"ti vyakhyāyate, tadā pratyayalakṣaṇaṃ sulabhamiti tadarthaṃ niṣedhasāmathryānusaraṇakleśo na kartavya ityāhuḥ. pūrvasmādapi vidhau sthānivattvamāśaṅkyāha--na ceti. ṣāṣṭhīṃ paribhāṣāmiti. "vāha ū"ḍityatra jñāpatatvena taddeśasthatvāditi bhāvaḥ.