1/28:añceḥ natve vyaktapratiṣedhaḥ |*
2/28:añceḥ natve vyaktasya pratiṣedhaḥ vaktavyaḥ |
3/28:vyaktam anṛtam kathayati iti |
4/28:añjivijñānāt siddham | na etat añceḥ rūpam |*
5/28:añjeḥ etat rūpam |
6/28:añcatyarthaḥ vai gamyate |
7/28:kaḥ punaḥ añcatyarthaḥ |
8/28:añcatiḥ prakāśane vartate |
9/28:añcitam gacchati |
10/28:prakāśayati ātmānam iti gamyate |
11/28:na vai loke añcitam gacchati iti prakāśanam gamyate |
12/28:kim tarhi |
13/28:samādhānam gamyate |
14/28:samāhitaḥ bhūtvā gacchati iti |
15/28:evam tarhi añcateḥ aṅkaḥ aṅkaḥ ca prakāśanam |
16/28:aṅkitāḥ gāvaḥ iti ucyate anyābhyaḥ gobhyaḥ prakāśyante |
17/28:añcatyarthaḥ iti cet añjeḥ tadarthatvāt siddham | añcatyarthaḥ iti cet añjiḥ api añcatyarthe vartate |*
18/28:katham punaḥ anyaḥ nāma anyasya arthe vartate |
19/28:katham añjiḥ añcatyarthe vartate |
20/28:anekārthāḥ api dhātavaḥ bhavanti |
21/28:asti punaḥ kva cit anyatra api añjiḥ añcatyarthe vartate |
22/28:asti iti āha |
23/28:añjeḥ añjanam añjanam ca prakāśanam |
24/28:aṅkteṣiṇī iti ucyate yat tat sitam ca asitam ca etat prakāśayati |
25/28:tathā añjeḥ vyañjanam vyañjanam ca prakāśanam |
26/28:yat tat snehena madhureṇa ca jaḍīkṛtānām indriyāṇām svasmin ātmani vyavasthāpanam saḥ rāgaḥ tat vyañjanam |
27/28:anvartham khalu api nirvacanam |
28/28:vyajyate anena iti vyañjanam iti

añcateḥ uttarapadasya niṣthātakārasya nakārādeśo bhavati na cedapādānaṃ tatra bhavati. samaknau śakuneḥ pādau. tasmāt paśavo nyaknāḥ. anapādāne iti kim? udaktam udakaṃ kūpāt. vyaktam ityetadañjeḥ rūpam.

añco 'napādāne 8.2.48 añcateḥ uttarapadasya niṣthātakārasya nakārādeśo bhavati na cedapādānaṃ tatra bhavati. samaknau śakuneḥ pādau. tasmāt paśavo nyaknāḥ. anapādāne iti kim? udaktam udakaṃ kūpāt. vyaktam ityetadañjeḥ rūpam.

añco'napādāne. , 8.2.48 "na cedapādānaṃ tatra bhavati" iti. tatretyanenāñcatiḥ parāmṛśyate. śabdadvāreṇāñcatyarthaṃ evāyamapādānasya pratiṣedhasāmathryādvijñāyate. na hrañcatāvapādānatvaṃ sambhavati, kiṃ tarhi? tadarthe kriyāviṣayatvāt? kārakāṇām(). tadetaduktaṃ bhavati--na cedañcatyarthe viṣayabhūte'pādānaṃ na bhavatīti. "samaknau" iti. saṅgatāvityarthaḥ. "ancu gatipūjanayoḥ" ["ancū" iti kāśīmudritaḥ pāṭhaḥ](dhā.pā.188) ityudittvādvibhāṣiteṭ(). [ityūdittvāt()--kāśīmudritaḥ pāṭhaḥ] tena "yasya vibhāṣā" 7.2.15 iti niṣṭhāyāmiṭ()pratiṣedhaḥ, "aniditām()" 6.4.24 ityanunāsikalopaḥ. "udaktamudakam()" iti. uddhṛtamudakamityarthaḥ. atha vyaktamityatra natavaṃ kasmānna bhavati? ityāha--"vyaktamityetat()" ityādi. "añjū vyaktimrakṣaṇakāntigatiṣu" ["ancū" iti. kāśīmudritaḥ pāṭhaḥ] (dhā.pā.1458) ityetasyaitadrūpam(),ityetadrūpam()--kāśīmudritaḥ pāṭhaḥ] nāñcateḥ; tato natvamiha na bhavatīti bhāvaḥ॥

añco'napādāne 833, 8.2.48 añco'napādāne. na tvapādāne iti. apādānasamabhihavyāhāre asatītyarthaḥ.