1/28:kim idam ayatigrahaṇam rephaviśeṣaṇam : ayatiparasya rephasya laḥ bhavati saḥ cet upasargasya bhavati iti |
2/28:āhosvit upasargaviśeṣaṇam : ayatiparasya upasargasya yaḥ rephaḥ tasya laḥ bhavati iti |
3/28:kaḥ ca atra viśeṣaḥ |
4/28:rephasya ayatau iti cet pareḥ upasaṅkhyānam |*
5/28:rephasya ayatau iti cet pareḥ upasaṅkhyānam kartavyam |
6/28:palyayate |
7/28:vacanāt bhaviṣyati |
8/28:asti vacane prayojanam |
9/28:kim |
10/28:plāyate palāyate |
11/28:astu tarhi upasargaviśeṣaṇam |
12/28:upasargasya iti cet ekādeśe aprasiddhiḥ | upasargasya iti cet ekādeśe aprasiddhiḥ bhavati |*
13/28:plāyate palāyate |
14/28:ekādeśe kṛte vyapavargābhāvāt na prāpnoti |
15/28:antādivat bhāvena vyapavargaḥ |
16/28:ubhayataḥ āśraye na antādivat |
17/28:evam tarhi ekādeśaḥ pūrvavidhau sthānivat bhavati iti sthānivadbhāvāt vyapavargaḥ |
18/28:pratiṣidhyate atra sthānivadbhāvaḥ pūrvatrāsiddhe na sthānivat iti |
19/28:doṣāḥ eva ete tasyāḥ paribhāṣāyāḥ tasya doṣaḥ saṃyogādilopalatvaṇatveṣu iti |
20/28:atha vā punaḥ astu rephaviśeṣaṇam |
21/28:nanu ca uktam rephasya ayatau iti cet pareḥ upasaṅkhyānam iti |
22/28:vacanāt bhaviṣyati |
23/28:nanu ca uktam asti vacane prayojanam kim plāyate palāyate iti |
24/28:atra api akāreṇa vyavahitatvāt na prāpnoti |
25/28:ekādeśe kṛte na asti vyavadhānam |
26/28:ekādeśaḥ pūrvavidhau sthānivat bhavati iti sthānivadbhāvāt vyavadhānam eva |
27/28:pratiṣidhyate atra sthānivadbhāvaḥ pūrvatrāsiddhe na sthānivat iti |
28/28:doṣāḥ eva ete tasyāḥ paribhāṣāyāḥ tasya doṣaḥ saṃyogādilopalatvaṇatveṣu iti

ayatau parataḥ upasargasya yo rephaḥ tasya lakāraḥ ādeśo bhavati. plāyate. palāyate. atra ca yo 'yam ekādeśaḥ, tasya sthānivadbhāvādayateḥ upasargasya ca vibhāge sati, yadi ayatigrahaṇaṃ rephasya viśeṣaṇam, tadā yena na avyavadhānaṃ tena vyavahite 'pi vacanaprāmāṇyātiti ekena varṇena vyavadhāne 'pi latvaṃ bhavati. tathā ca palyayate ityatra api bhavati. upasargaviśeṣaṇe tu ayatigrahaṇe siddham eva etat sarvam, praterapi tu vyavahite 'pi prāpnoti. tatra keṣāṃcid darśanaṃ bhavitavyam eva platyayate iti. prathamapakṣadarśanābhiniṣṭāstu pratyayate ityeva bhavati iti manyante. apare tu pratiśabdopasṛṣṭasya ayateḥ prayogam eva na icchanti. nis dusityetayos tu rutvasya asiddhatvāl latvena na eva bhavitabyam. nirayaṇam. durayaṇam.

upasargaya ayatau 8.2.19 ayatau parataḥ upasargasya yo rephaḥ tasya lakāraḥ ādeśo bhavati. plāyate. palāyate. atra ca yo 'yam ekādeśaḥ, tasya sthānivadbhāvādayateḥ upasargasya ca vibhāge sati, yadi ayatigrahaṇaṃ rephasya viśeṣaṇam, tadā yena na avyavadhānaṃ tena vyavahite 'pi vacanaprāmāṇyātiti ekena varṇena vyavadhāne 'pi latvaṃ bhavati. tathā ca palyayate ityatra api bhavati. upasargaviśeṣaṇe tu ayatigrahaṇe siddham eva etat sarvam, praterapi tu vyavahite 'pi prāpnoti. tatra keṣāṃcid darśanaṃ bhavitavyam eva platyayate iti. prathamapakṣadarśanābhiniṣṭāstu pratyayate ityeva bhavati iti manyante. apare tu pratiśabdopasṛṣṭasya ayateḥ prayogam eva na icchanti. nis dusityetayos tu rutvasya asiddhatvāl latvena na eva bhavitabyam. nirayaṇam. durayaṇam.

upasargasyāyatau. , 8.2.19 iha dvau pakṣau sambhavataḥ--ayatigrahaṇaṃ rephaviśeṣaṇamityekaḥ pakṣaḥ, upasargasya viśeṣaṇamiti dvitīyaḥ. tatrādye pakṣe'yatau parata ityevāmādiko vṛttigrantha evaṃ neyaḥ--ayatau parato yo repha upasargasthastasya lakārādeśo bhavatīti. dvitīye hrevaṃ neyaḥ--ayatau parato ma upasargastasyopasargasya yo rephastasya lakārādeśo bhavatīti. "plāyate" palāyate" iti. "aya ṇya" ityasmādanudāttettvādātmanepadam(). kathamatrādye pakṣe latvaṃ bhavati, yāvatā tasmin? katrtavye "acaḥ parasmin? pūrvavidhau" 1.1.56 iti sthānivadbhāvena bhavitavyam(), tataśca prakṛtyupasargayornimāge satyavarṇena vyavadhānadrephasyāyatiparatā na sambhavati? ityāha--"atra yo'yam()" ityādi. vibhāge viśleṣa ityarthaḥ. ekagrahaṇaṃ pratyaya ityatra saṅghāte vyavadhāne latvaṃ na bhavatīti pradarśanārtham(). yena hi vyavadhānameva nāvyavadhānaṃ tena vyavadhāne vacanāprāmāṇyāllatvena bhavitavyam(). kena vyavadhānamevam()? ekena varṇena. saṅghātena punavryavadhānamasti nāsti ceti, tena vyavadhāne bhavati. "tathā ca" ityādi. evamādye pakṣa ekena varṇena vyavadhāne latvaṃ bhavati. na kevala palyayata ityatra pravatrtate yatra syānivadbhāvadvāreṇāśāstrīyaṃ vyavadhānam(); yatrāpi tu śrūyamāṇenaiva varṇena laukikaṃ vyavadhānam(), tatrāpi pravarttta ityeṣo'piśabdasyārthaḥ. nanu ca niraḥ kuṣaḥ" 7.2.46 ityatra nira iti nirdeśena jñāpitametat()--niriti rephāntamupasargāntara mastīti, tataśca nilaya ityatra vacanasyāvakāśe sati kathaṃ "yena nāvyavadhānaṃ tena vyavahite'pi vacanaprāmāṇyāt()" (vyā.pā.46) ityuktam()? evaṃ manyate--naikamudāharaṇaṃ sāmānyalakṣaṇaṃ sāmānyalakṣaṇaṃ prayojayati, yadi hretāvat? prayojanaṃ syāt(), nira eva grahaṇaṃ kuryāditi. evaṃ prathame pakṣe sarvasya siddhatāṃ pratipādya dvitīye pakṣe pratipādayitumāha--"upasargaviśeṣaṇe tu" ityādi. tuśabdo'yamapiśabdasyārthe vatrtate. na kevalaṃ rephaviśeṣaṇe'yatigrahaṇe palyayata ityādi sarvaṃ siddham(), api tūpasargaviśeṣaṇe'pi tasmin? sarvametat? siddham(). atha vā--tuśabdaḥ pūrvasmātpakṣādasya viśeṣaṃ dyotayati. tatra hi vayavadhānāllatvaṃ prāpnotītyetaccodyamavatarati. ato yadetat? pratipādyametat? sarvam(). iha tvasya codyasyāvatāra eva nāstīti siddhamevaitat(), na yatnasādhyamityarthaḥ. praterapi prāpnotīti codakaḥ. tuśabdaḥ pūrvasmādviśeṣaṇārthaḥ, pūrvatra praterna prāpnoti; saṅghātena vyavadhānāt(); iha tu nāsti kenacidvyavadhānam(), ataḥ praterapi prāpnotīti manyante. "apare" iti. dvitīyapakṣābhiniviṣṭānāmamyatame. "nisdusityetayoḥ" iti. yadyayatigrahaṇaṃ rephasya viśeṣaṇam(), athāpyupasargasya viśeṣaṇam(), sarvathāḥ ratve kṛte latvaṃ prāpnoti? iti yaścodayet(), taṃ pratyāha--"nisdus()" ityādi. gatārtham()॥

upasargasyāyatau 537, 8.2.19 ayatiparasyopasargasya yo rephastasya latvaṃ syāt. plāyate. palāyate॥

upasargasyā'yatau. ayatāviti śtipā nirdeśaḥ. `kṛpo ro la' ityato ro la ityanuvartate. tadāha–ayatiparasyetyādinā. plāyata iti. pra ityupasargaḥ. plāyata iti. parā ityākārānta upasargaḥ. nanu nirayate durayata ityatrāpi latvaṃ syādityata āha- –nisdusoriti. tarhi nilayate dulayata iti kathamityata āha–nirdurostviti. etadarthameva prādiṣu rephāntayośca nirdeśa iti bhāvaḥ. tarhi `pratyaya' ityatrāpi praterayatiparatvādrasya latvaṃ syādityata āha— pratyaya iti tviti. pratipūrvakādiṇdhātoratacpratyaye `pratyaya' iti rūpam. ayatiparatvā'bhāvānna latvamityarthaḥ. ayadhātumādaya `platyaya' iti na, anabhidhānāditi kaiyaṭaḥ. kathamudayatīti. utpūrvakādayadhātoḥ śatrantātsaptamyantamiti matvā ākṣepaḥ. anudāttettvena laṭaḥ śānacprasaṅgāditi bhāvaḥ. praśliṣṭasyeti. `idhāto'riti śeṣaḥ. tasya anudāttettvā'bāvācchatṛpratyayo nirbādha iti bhāvaḥ. jñāpakāditi. `cakṣiṅ dhātorikārasyā'nudāttatayā anudāttettvādevātmanepadasiddhau ṅitkaraṇamanudāttettvaprayuktātmanepadasyā'nityatāṃ jñāpayati. tasyā'nityatve tu nityātmanepadārthaṃ ṅitkaraṇamarthavaditi bhāvaḥ. idaṃ tu bhāṣye na dṛśyate. vāditvāditi vayadhātorliṭi vāditvādetvābhyāsalopayorabhāve sati `vavaye' iti rūpamityarthaḥ. ṇayadhāturṇopadeśa iti matvā āha–praṇayata iti. `upasargādasamāse'pī'ti ṇatvamiti bhāvaḥ. dayāṃcakra iti. `dayāyāsaśce'tyām. ūyāṃcakra iti. ijāditvādām. undane ceti. kledane cetyarthaḥ. sphāyī opyāyīti. odittvam `oditaśce'ti niṣṭhānatvārtham. īdittvaṃ tu `\ufffdāīdito niṣṭhāyā'mitīṇniṣedhārtham.

upasargasyāyatau 166, 8.2.19 upasargasyā'yatau. ayatāviti śtipā nirdeśaḥ. "kṛpo ro la" ityato ro la ityanuvartate. tadāha--ayatiparasyetyādinā. plāyata iti. pra ityupasargaḥ. plāyata iti. parā ityākārānta upasargaḥ. nanu nirayate durayata ityatrāpi latvaṃ syādityata āha---nisdusoriti. tarhi nilayate dulayata iti kathamityata āha--nirdurostviti. etadarthameva prādiṣu rephāntayośca nirdeśa iti bhāvaḥ. tarhi "pratyaya" ityatrāpi praterayatiparatvādrasya latvaṃ syādityata āha--- pratyaya iti tviti. pratipūrvakādiṇdhātoratacpratyaye "pratyaya" iti rūpam. ayatiparatvā'bhāvānna latvamityarthaḥ. ayadhātumādaya "platyaya" iti na, anabhidhānāditi kaiyaṭaḥ. kathamudayatīti. utpūrvakādayadhātoḥ śatrantātsaptamyantamiti matvā ākṣepaḥ. anudāttettvena laṭaḥ śānacprasaṅgāditi bhāvaḥ. praśliṣṭasyeti. "idhāto"riti śeṣaḥ. tasya anudāttettvā'bāvācchatṛpratyayo nirbādha iti bhāvaḥ. jñāpakāditi. "cakṣiṅ dhātorikārasyā'nudāttatayā anudāttettvādevātmanepadasiddhau ṅitkaraṇamanudāttettvaprayuktātmanepadasyā'nityatāṃ jñāpayati. tasyā'nityatve tu nityātmanepadārthaṃ ṅitkaraṇamarthavaditi bhāvaḥ. idaṃ tu bhāṣye na dṛśyate. vāditvāditi vayadhātorliṭi vāditvādetvābhyāsalopayorabhāve sati "vavaye" iti rūpamityarthaḥ. ṇayadhāturṇopadeśa iti matvā āha--praṇayata iti. "upasargādasamāse'pī"ti ṇatvamiti bhāvaḥ. dayāṃcakra iti. "dayāyāsaśce"tyām. ūyāṃcakra iti. ijāditvādām. undane ceti. kledane cetyarthaḥ. sphāyī opyāyīti. odittvam "oditaśce"ti niṣṭhānatvārtham. īdittvaṃ tu "()āīdito niṣṭhāyā"mitīṇniṣedhārtham.

atha kathamiti. śānacā bhāvyamiti śaṅkiturāśayaḥ. knūyī śabde śabde ca. undaḥ kledanam.

upasargasyāyatau 139, 8.2.19 atha kathamiti. śānacā bhāvyamiti śaṅkiturāśayaḥ. knūyī śabde śabde ca. undaḥ kledanam.