anudāttam iti vartate. citityetasmin nipāte upamārthe prayujyamāne vākyasya ṭeḥ anudāttaḥ pluto bhavati. pluto 'pyatra vidhīyate, na guṇamātram agnicid bhāyā3t. rājacid bhāyā3t. agniriva bhāyāt, rājeva bhāyātityarthaḥ. upamārthe iti kim? kathañcidāhuḥ. prayujyamāne iti kim? agnirmāṇavako bhāyāt.

ciditi ca upamārthe prayujyamāne 8.2.101 anudāttam iti vartate. citityetasmin nipāte upamārthe prayujyamāne vākyasya ṭeḥ anudāttaḥ pluto bhavati. pluto 'pyatra vidhīyate, na guṇamātram agnicid bhāyā3t. rājacid bhāyā3t. agniriva bhāyāt, rājeva bhāyātityarthaḥ. upamārthe iti kim? kathañcidāhuḥ. prayujyamāne iti kim? agnirmāṇavako bhāyāt.

ciditi copamārthe prayujyamāne. , 8.2.101 "ciditi" iti. itikaraṇaḥ prayujyamāna ityetacchabdasya viśeṣaṇamityasyārthasya dyotanāva. asati hretadarthaṃ itikaraṇe hrupamārthe'nyasmin? prayujyamāne cicchabdaḥ plavata iti vijñāyeta. tatprajyamānatayātra tasmin? viśeṣite vākyasya ṭeḥ plataḥ siddho bhavati. "katathañcidāhaḥ" iti. atra kṛcchre cicchabdo vatrtate. "agnirmāṇavako bhāyāt()" iti. agniriva māṇavako dīpyetetyarthaḥ astīhopamārthaḥ, tathāpi cicchabdasya prayogo nāstīti na pluto bhavati. asati tu prayujyamānagrahaṇe ihopamānagatau satyāṃ yadapyanyeṣāmapi sarveṣāmupamānārthānāṃ prayogo gamyate, tathāpi yo'tra cicchabdasya prayogastadāśrayaḥ plutaḥ syādeva. cakārosyaiva plutasya samuccayārthaḥ. samuccayaśca bhedādhiṣṭhāna iti plutānantaramevedamākhyātaṃ bhavati; anyathā pūrvadhveva plutanimitteṣvetasmin? viṣaye'nudāttatvamātraṃ vidhīyata iti vijñāyeta॥