1/21:kimartham svapeḥ abhyāsasya samprasāraṇam ucyate yadā sarveṣu abhyāsasthāneṣu svapeḥ samprasāraṇam uktam |
2/21:svāpigrahaṇam vyapetārtham |*
3/21:svāpigrahaṇam kriyate vyapetārtham |
4/21:vyapetārthaḥ ayam ārambhaḥ |
5/21:suṣvāpayiṣati iti |
6/21:asti prayojanam etat |
7/21:kim tarhi iti |
8/21:tatra kyajante atiprasaṅgaḥ |*
9/21:tatra kyajante atiprasaṅgaḥ bhavati |
10/21:iha api prāpnoti |
11/21:svāpakam icchati svāpakīyati svāpakīyateḥ san sisvāpakīyiṣati iti |
12/21:siddham tu ṇigrahaṇāt |*
13/21:siddham etat |
14/21:katham |
15/21:ṇigrahaṇam kartavyam |
16/21:na kartavyam |
17/21:nirdeśāt eva hi vyaktam ṇyantasya grahaṇam iti |
18/21:na atra nirdeśaḥ pramāṇam śakyam kartum |
19/21:yathā hi nirdeśaḥ tathā iha api prasajyeta |
20/21:svāpam karoti svāpayati svāpayateḥ san sisvāpayiṣati iti |
21/21:tasmāt ṇigrahaṇam kartavyam

dyuti svāpi ityetayoḥ abhyāsasya samprasāraṇaṃ bhavati. vididyute. vyadidyutat. vididyotiṣate. vididyutiṣate. videdyutyate. svāpeḥ suṣvāpayiṣati. svāpiḥ ṇyanto gṛhyate, tasya abhyāsanimittena pratyayena ānantarye sati samprasāranam iṣyate. iha na bhavati, svāpayater ṇvul svāpakaḥ, tasmāt kyaci svāpakīyati, svāpakīyate, san siṣvāpakīyiṣti.

dyutisvāpyoḥ samprasāraṇam 7.4.67 dyuti svāpi ityetayoḥ abhyāsasya samprasāraṇaṃ bhavati. vididyute. vyadidyutat. vididyotiṣate. vididyutiṣate. videdyutyate. svāpeḥ suṣvāpayiṣati. svāpiḥ ṇyanto gṛhyate, tasya abhyāsanimittena pratyayena ānantarye sati samprasāranam iṣyate. iha na bhavati, svāpayater ṇvul svāpakaḥ, tasmāt kyaci svāpakīyati, svāpakīyate, san siṣvāpakīyiṣti.

dyūtisvapyoḥ samprasāraṇam?. , 7.4.67 halādiśeṣe prāpte tasyāpavādau dyutisvāpyoḥ samprasāraṇamārabhyate. "vididyute" iti. "dyuta dīptau" (dhā.pā.741), liṭ(), anudāttettvādātmanepadam(); tatra samprasaraṇamanena, "samprasāraṇācca" 6.1.104 iti parapūrvatvam(). "vyadyutat()" ti. ṇyantālluṅa; śleścaṅ(), ṇilopaḥ upadhāhyasvatvam(), dvirvacanam(), aḍāgamaḥ. "vididyutiṣate, vididyotiṣate" iti. san(), "ralo vyupadhāt()" 1.2.26 ityādinā vikalpena kittvam(). yadā kittvaṃ nāsti, tadā laghūpadhaguṇaḥ, "pūrvavatsanaḥ" 1.3.62 ityātmanepadam(). "susvāpayiṣati" iti. "ñiṣvap? śaye" (dhā.pā.1068), ṇic(), tadantāt? san(). kiṃ kāraṇaṃ ṇyantasyodāharaṇamupanyastam()? ityata āha--"svapiṇryanto gṛhrate" iti. tena ṇyantasyodāharaṇamupadarśitamityabhiprāyaḥ. ṇyantasya grahaṇaṃ svāperiti nirdeśādeva vijñāyate. na hraṇyāntasyaivaṃvidho nirdeśa upapadyate. api ca--aṇyantasya yo'byāsastasyānenaiva śāstreṇa sampsāraṇaṃ siddham(). tathā hi--liṭi tāvat? "liṭa()bhyāsasyobhayeṣām()" 6.1.17 ityanenaiva siddham(), sani tu "rudavida" 1.2.8 ityādinā sanaḥ kittve sati vacyādisūtreṇa 6.1.15 kṛtasamprasāraṇa eva supibhūto dvirucyeta, yaṅyapi "svapisyamivyeñāṃ yaṅi" 6.1.19 iti kṛtasamprasāraṇa evāsau dvirucyate. tasmādaṇyantasyānena śāstreṇa samprasāraṇasya siddhatvāt? svāpiṇryanto gṛhrate. yadi svāpiṇryanto gṛhrate. tadā svāpayaterṇvul()--svāpakaḥ, svāpakamicchatīti kyac(), svāpakīya iti sthite svāpakīyitumicchatīti san()--sidhvāpakīyiṣati, atrāpi samprasāraṇaṃ prāpnoti? ityāha--"tasya" ityādi. tasya svāperabhyāsasya ni mattaṃ yaḥ pratyayastenānantarye satyavyavadhāna idaṃ samprasāraṇamiṣyate, tena sidhvāpakīyiṣatītyatra na bhavati. na hrabhyāsanimittaṃ yaḥ pratyayaḥ iha sa svāperanantaraḥ; ṇvulā kyacā ca vyavadhānāt(). kathaṃ punarabhyāsanimittena pratyayenānantarye sati samprasāraṇaṃ labhyate, yāvatā nāyaṃ viśeṣaḥ sūtropāttaḥ? evaṃ manyate--abhyāsenābhyāsanimittaṃ yaḥ pratyayaḥ sannidhāpitaḥ, tasya pratyayaviśeṣanimittatvāt(); tatra lenābhyāsanimittena pratyayena svāpiraṅgaṃ viśiṣyate--abhyāsanimitte pratyaye yadaṅgaṃ svāpiriti. evañca viśeṣyaviśeṣaṇabhāve sakyabhyāsanimitte pratyaye'nantare sati svāperaṅgasya yo'bhyāsastasyaiva samprasāraṇena bhavitavyam(). na tu vyavahitena pratyayāntareṇa hi yo vyavahitaḥ pratyayaḥ sannabhyāse nimitta tadapekṣayā svāpiraṅgaṃ bhavati, na ca sidhvāpavyavahitena pratyayāntareṇa hi yo vyavahitaḥ pratyayaḥ sannabhyate nimittaṃ tadapekṣayā svāpiraṅgaṃ bhavati, na ca sidhvāpakauyiṣatatyabhyāsanimittaṃ yaḥ pratyayaḥ sa svāreraṅgasyānantaraḥ, yastu svāperanantaro ṇvul? tadapekṣayā svāpiraṅga bhavati, na cāsāvabhyāsanimittaṃ bhavati. iha tarhi kasmānna bhavati--svapanaṃ svāpo ghañ(), svāpaṃ karotati ṇic(), svāpayitumicachatīti san? siṣvāpayiṣatīti? ucyate; akāralopaśya sthānivadbhāvāt? svāperyo'bhyāsastasya samprasāraṇena bhavitavyam(). na cākāralopasya sthānivadbhāve sati svāperabhyāsaḥ, kiṃ tarhi śabdāntarasya svāpa ityetasya॥

dyutisvāpyoḥ. abhyāsasyeti. `atra lopo'bhyāsasye'tyatastadanuvṛtteriti bhāvaḥ. didyute iti. dvitve `halādiḥ śeṣaḥ' ityanena yakārasya lope prāpte tadapavādatvena `dyutisvāpyo'riti saṃprāsaraṇe, `saṃprasāraṇācce'ti ukārasya pūrvarūpe rūpam.

dyutisvāpyoḥ saṃprasāraṇam 183, 7.4.67 dyutisvāpyoḥ. abhyāsasyeti. "atra lopo'bhyāsasye"tyatastadanuvṛtteriti bhāvaḥ. didyute iti. dvitve "halādiḥ śeṣaḥ" ityanena yakārasya lope prāpte tadapavādatvena "dyutisvāpyo"riti saṃprāsaraṇe, "saṃprasāraṇācce"ti ukārasya pūrvarūpe rūpam.

saṃprasāraṇe kṛte `saṃprasāraṇācce'ti pūrvarūpam. teneha na– svāperṇvul svāpakaḥ, tamicchati svāpakīyati, tataḥ san sisvāpakīyiṣati.

dyutisvāpyoḥ saṃprasāraṇam 156, 7.4.67 dyutisvāpyoḥ. "svāpī"ti ṇijantasya grahaṇam. didyute iti. saṃprasāraṇe kṛte "saṃprasāraṇācce"ti pūrvarūpam. teneha na-- svāperṇvul svāpakaḥ, tamicchati svāpakīyati, tataḥ san sisvāpakīyiṣati.