1/28:saṃyoge gurusañjñāyām guṇaḥ bhettuḥ na sidhyati |*
2/28:saṃyoge gurusañjñāyām bhettā , bhettum iti guṇaḥ na prāpnoti |
3/28:vidhyapekṣam laghoḥ ca asau |*
4/28:vidhyapekṣam laghugrahaṇam kṛtam laghoḥ ca asau vihitaḥ |
5/28:katham kuṇḍiḥ na duṣyati |*
6/28:kuṇḍitā , huṇḍitā atra kasmāt na bhavati |
7/28:dhātoḥ numaḥ |*
8/28:dhātoḥ numvidhau uktam tatra dhātugrahaṇasya prayojanam dhātūpadeśāvasthāyām eva num bhavati iti |
9/28:katham rañjeḥ |*
10/28:katham rañjeḥ upadhālakṣaṇā vṛddhiḥ |
11/28:āścaryaḥ rāgaḥ , vicitraḥ rāgaḥ |
12/28:syandiśranthyoḥ nipātanāt |*
13/28:yat ayam syandiśranthyoḥ avṛddhyartham nipātanam karoti tat jñāpayati ācāryaḥ bhavati evañjātīyakānām vṛddhiḥ iti |
14/28:anaṅlopaśidīrghatve vidhyapekṣe na sidhyataḥ |*
15/28:anaṅlopaḥ |
16/28:dadhnā , sakthnā |
17/28:śidīrghatvam |
18/28:kuṇḍāni , vanāni |
19/28:evam tarhi abhyastasya yat āha aci |*
20/28:yat ayam na abhyastasya aci piti sārvadhātuke iti ajgrahaṇam karoti tat jñāpayati ācāryaḥ bhavati evañjātīyakānām guṇaḥ iti |
21/28:laṅartham tat kṛtam bhavet |*
22/28:laṅartham etat syāt |
23/28:anena ik |
24/28:knusunoḥ yat kṛtam kittvam jñāpakam syāt laghoḥ guṇe |*
25/28:yat ayam trasigṛdhidhṛṣikṣipeḥ knuḥ ikaḥ jhal halantāt ca iti knusanau kitau karoti tat jñāpayati ācāryaḥ bhavati evañjātīyakānām guṇaḥ iti |
26/28:saṃyoge gurusañjñāyām guṇaḥ bhettuḥ na sidhyati , vidhyapekṣam laghoḥ ca asau katham kuṇḍiḥ na duṣyati |*
27/28:dhātoḥ numaḥ katham rañjeḥ syandiśranthyoḥ nipātanāt , anaṅlopaśidīrghatve vidhyapekṣe na sidhyataḥ |*
28/28:abhyastasya yat āha aci laṅartham tat kṛtam bhavet , knusunoḥ yat kṛtam kittvam jñāpakam syāt laghoḥ guṇe*

pugantasya aṅgasya laghūpadhasya ca sārvadhātukārdhadhātukayor guṇo bhavati. pugantasya vlepayati. hrepayati. knopayati. laghūpadhasya bhedanam. chedanam. bhettā. chettā. pratyayāderaṅgāvayavasya ca halorānantarye sati lag hūpadhaguṇo na vyāvartyate iti jñāpitam etat knusanoḥ kitkaraṇena, trasigṛdhidhṛṣikṣipeḥ knuḥ 3-2-140, halantāc ca 1-2-10 iti. saṃyoge gurusaṃjñāyāṃ guṇo bhettur na sidhyati. vidhyapekṣaṃ laghośca asau kathaṃ kuṇḍir na duṣyati. dhātonumaḥ kathaṃ rañjeḥ syandiśranthyor nipātanāt. anaṅlopaśidīrghatve vidhyapekṣe na sidhyataḥ. abhyastasya yadāhāci laṅarthaṃ tatkṛtaṃ bhavet. knusanor yatkṛtaṃ kittvaṃ jñāpakaṃ syāl laghor gaṇe. upadhā ca atra igeva gṛhyate, tato bhinatti iti guṇo na bhavati. apare puki antaḥ pugantaḥ, laghvī upadhā laghūpadhā, pugantaśca laghūpadhā ca pugantalaghūypadham iti sūtrārthaṃ varṇayanti.

pugantalaghūpadhasya ca 7.3.86 pugantasya aṅgasya laghūpadhasya ca sārvadhātukārdhadhātukayor guṇo bhavati. pugantasya vlepayati. hrepayati. knopayati. laghūpadhasya bhedanam. chedanam. bhettā. chettā. pratyayāderaṅgāvayavasya ca halorānantarye sati lag hūpadhaguṇo na vyāvartyate iti jñāpitam etat knusanoḥ kitkaraṇena, trasigṛdhidhṛṣikṣipeḥ knuḥ 3.2.140, halantāc ca 1.2.10 iti. saṃyoge gurusaṃjñāyāṃ guṇo bhettur na sidhyati. vidhyapekṣaṃ laghośca asau kathaṃ kuṇḍir na duṣyati. dhātonumaḥ kathaṃ rañjeḥ syandiśranthyor nipātanāt. anaṅlopaśidīrghatve vidhyapekṣe na sidhyataḥ. abhyastasya yadāhāci laṅarthaṃ tatkṛtaṃ bhavet. knusanor yatkṛtaṃ kittvaṃ jñāpakaṃ syāl laghor gaṇe. upadhā ca atra igeva gṛhyate, tato bhinatti iti guṇo na bhavati. apare puki antaḥ pugantaḥ, laghvī upadhā laghūpadhā, pugantaśca laghūpadhā ca pugantalaghūypadham iti sūtrārthaṃ varṇayanti.

pugantalaghūpaghasya ca. , 7.3.86 pugantasyāṅgasya, laghūpadhasya cetyubhāvapi bahuvrīhī--puganto yasya tat? tathoktam(), ladhvī upadhā yasya tallaghūpadham(). "bhettā, chettā" iti. nanu ca pratyayāderhalo'ṅgāvayavasya cānantarye sati "saṃyoge guru" (1.4.11) iti gurusaṃjñayā laghusaṃjñāyāṃ vādhitāyāṃ guṇenātra na bhavitavyam()? ityata āha--"pratyayādeḥ" ityādi. "trasigṛdhidhṛṣikṣipeḥ knuḥ" 3.2.140, "halantācca" 1.2.10 iti knusanoḥ kitkaraṇasyaitadeva prayojanam()--gṛdhnuḥ, vibhatsatītyādau guṇo mā bhūditi. yadi pratyayāderhalo'ṅgāvayavasya cānaktarye sati laghūpadhaguṇo na syāt? tayoḥ kittvaṃ na kuryāt(), kṛtañca, tasmāt? knusano kittvaṃ kurvatā--pratyayāṅgāvayavayorhalorānantarye'pi laghūpadhaguṇo na vyāvarttyata iti jñāpitametat(). nanu ca sanaḥ kittvaṃ sisṛkṣatītyatrāmāgamo mā bhūdityevamarthaṃ syāt()? naitadasti; yadi hretat? prayojanamabhimataṃ syāt? tatraivaṃ pratiṣedhaṃ kuryāt()--sūjadṛśorjhalyamakitsanoriti. tasmāt sanaḥ kitkaraṇaṃ jñāpakameva yada laghūpadhalyānena guṇo vidhīyate. evaṃ sati "iko guṇavṛddhī" 1.1.3 ityasyā upasthāne sati yatra tatra sthitasyeko guṇaḥ prasajyeta, tataścehāpi prāpnoti--bhinattīti, bhavati hratara laghūpadhamaṅgam(). na ca śakyate vaktum()--"halo'nantarāḥ saṃyogaḥ" 1.1.7 iti saṃyogasaṃjñāyāṃ satyāṃ laghūpadhametanna bhavatīti guṇo na bhaviṣyatīti. yajjñāpitametadidādhīmeva--pratyayāderaṅgāvayavasaya ca halorānantarye sati laghupadhaguṇo na vyāvarttyata iti? ata āha--"upadhā cātra" ityādi. ikparibhāṣayā hratrakaḥ sanidhāpitatvādigevopadhā gṛhrate, tena bhinattītyatra guṇo na bhavati; na hratrāṅgasyegupadhā, kiṃ tarhi? akāraḥ. "apare tu" ityādio. sūtrārtha varmayantī ta vakṣyamāṇena sambandhaḥ. puki antaḥ pugantaḥ--"saptamī" (2.1.40) iti yogavibhāgāt? samāsaḥ. antaśabdo'yamavayavavacanaḥ, puki parato'vayava ityarthaḥ. kasyāvayavaḥ? "aṅgasya" ityanuvṛtteḥ pugiti vacanāt()pugāgamavato'ṅgasya. na punaḥ puganta ikparibhāṣopaśtānādigeva veditavyaḥ. "ladhvī upadhā laghūpadhā" iti. viśeṣaṇasamāsaḥ. "pugantalaghūpadham()" iti. samāhāradvandvo'yam(). "sūtrārtham" iti. tūtrārthaikadeśe sūtrārthaśabdo vatrtate, na hretāvāneva sūtrārthaḥ, aparisamāptatvāt(). aparisamāptistu pugantasya tasyāśca laghūpadhāyā guṇo bhavatītyasya sūtrārthasyaikadeśasyānabhidhānāt(). "varṇayanti" iti. vyācakṣata iti. bhinattītyatra guṇo mā bhūdityevamartham(). na hratra sūtrārthe bhinattītyatra guṇaḥ prasajyeta. bahuvrīhau hrāśrīyamāṇe'ṅgasyānyapadārthasya yo nāma kaścidik? tasya yatra tatrāvasthitasya guṇaḥ prasajyeta. bahuvrīhau hayaśrīyamāṇo'ṅgasayānyapadārthasya yo nāma kaścidik? tasya yatra tatrāvasthitasya guṇaḥ prasajyeta. tatpureṣe tu nāyaṃ doṣaḥ, tatra hi laghūpadhegbhyāmaṅgaṃ viśiṣyate, atastasyā eva guṇo vidhīyate--aṅgasya yā lagha#ūpadhā ik? tasyā guṇo bhavatīti. bhinattītyatrayā'ṅgasya laghūpadhā nāsāvik(), yaścek? sa yadyapi laghurbhavati laghurbhavati na tvasyopadhā. tasmāt? tatpuruṣa āśrīyamāṇe neha guṇasya prasaṅgaḥ. sārvadhātukārdhadhātukayorityeva--"aganicittvam(), agnicitakāmyati". pugantagrahaṇaṃ laghūpadhārtham()॥

pugantasya laghūpadhasya cāṅgasyeko guṇaḥ sārvadhātukārdhadhātukayoḥ. dhātvāderiti saḥ. sedhati. ṣatvam. siṣedha..

pugantalaghūpadhasya ca 453, 7.3.86 pugantasya laghūpadhasya cāṅgasyeko guṇaḥ sārvadhātukārdhadhātukayoḥ. dhātvāderiti saḥ. sedhati. ṣatvam. siṣedha॥

tathā ca bhāvit– ā iti sthite–pugantalaghu. `miderguṇa' ityato guṇa ityanuvartate. aṅgasyetyadhikṛtamavayavaṣaṣṭha\ufffdntamāśrīyate. pugantalaghūpadhasyeti tadviśeṣaṇam. puk anto yasya tat pugantaṃ. laghvī upadhā yasya tallaghūpadhaṃ. pugantaṃ ca laghūpadhaṃ ceti samāhāradvandvāt ṣaṣṭhī. `iko guṇavṛddhī' iti paribhāṣayā `ika' ityupasthitaṃ sthānaṣaṣṭha\ufffdntamāśrīyate. tadāha–pugantasyetyādinā. aṅgasyeka iti. aṅgāvayavasyetyarthaḥ. dveṣṭi dveṣṭatyādyudāharaṇam. nanvatrā'ṅgāvayavasyekastaduparitanahalā vyavadhānātsārvadhātukaparatvā'bhāvātkathamiha iko guṇa ityata āha–yena neti. yena = sthānyuttaravarṇena paranimittasya , nā'vyavadhānaṃ = vyavadhānamavarjanīyamiti yāvat, tena = varṇena vyavahite'pi paranimittaṃ kāryaṃ bhavatītyarthaḥ. kuta ityata āha– vacanaprāmāṇyāditi. tathāvidhavarṇavyavadhāne'pi kāryapravṛttau vacanārambhasyaiva pramāṇatvādityarthaḥ. laghūpadhasya hīko guṇo vidhiyate, upadhātvaṃ cā'ntyādalaḥ pūrvasyaiva bhavati. tataśceka uparyantyasya varṇasyā'bhāve ika upadhātvā'bhāvāllaghūpadhasyā'ṅgasya guṇavidhānaṃ nirviṣayameva syādatastadvyavadhānaṃ soḍhavyamiti bhāvaḥ. nanu vyavahitasyāpīko guṇapravṛttyabhyupagame bhinatti chinattītyādau ikārasyāpi guṇaḥ syādityata āha—teneti. avarjanīyavyavadhanāsyaivāśrayamenetyarthaḥ. upadhātvasyaikameva varṇamuparitanamādāya sambhavādanekavarṇavyavadhānaṃ nādartavyamiti bhāvaḥ. guṇe prāpta iti. bhavit - ā iti sthite ḍābhāvasaṃpannasyā''kārasya sthānivattvena sārvadhātukatayā tasmin pare bhavidityaṅgāvayavasyopadhābhūtasyekārasya guṇe prāpte satītyarthaḥ. na ca bhūdhātorvihitaṃ sārvadhātukaṃ prati bhūdhāturevā'ṅgaṃ, na tu bhavit iti vikaraṇaviśiṣṭamiti vācyam, aṅgasaṃjñāsūtre tadādigrahaṇena vikaraṇaviśiṣṭasyā'pyaṅgatvāt.

pugantalaghupadhasya ca 38, 7.3.86 tathā ca bhāvit-- ā iti sthite--pugantalaghu. "miderguṇa" ityato guṇa ityanuvartate. aṅgasyetyadhikṛtamavayavaṣaṣṭha()ntamāśrīyate. pugantalaghūpadhasyeti tadviśeṣaṇam. puk anto yasya tat pugantaṃ. laghvī upadhā yasya tallaghūpadhaṃ. pugantaṃ ca laghūpadhaṃ ceti samāhāradvandvāt ṣaṣṭhī. "iko guṇavṛddhī" iti paribhāṣayā "ika" ityupasthitaṃ sthānaṣaṣṭha()ntamāśrīyate. tadāha--pugantasyetyādinā. aṅgasyeka iti. aṅgāvayavasyetyarthaḥ. dveṣṭi dveṣṭatyādyudāharaṇam. nanvatrā'ṅgāvayavasyekastaduparitanahalā vyavadhānātsārvadhātukaparatvā'bhāvātkathamiha iko guṇa ityata āha--yena neti. yena = sthānyuttaravarṇena paranimittasya , nā'vyavadhānaṃ = vyavadhānamavarjanīyamiti yāvat, tena = varṇena vyavahite'pi paranimittaṃ kāryaṃ bhavatītyarthaḥ. kuta ityata āha-- vacanaprāmāṇyāditi. tathāvidhavarṇavyavadhāne'pi kāryapravṛttau vacanārambhasyaiva pramāṇatvādityarthaḥ. laghūpadhasya hīko guṇo vidhiyate, upadhātvaṃ cā'ntyādalaḥ pūrvasyaiva bhavati. tataśceka uparyantyasya varṇasyā'bhāve ika upadhātvā'bhāvāllaghūpadhasyā'ṅgasya guṇavidhānaṃ nirviṣayameva syādatastadvyavadhānaṃ soḍhavyamiti bhāvaḥ. nanu vyavahitasyāpīko guṇapravṛttyabhyupagame bhinatti chinattītyādau ikārasyāpi guṇaḥ syādityata āha---teneti. avarjanīyavyavadhanāsyaivāśrayamenetyarthaḥ. upadhātvasyaikameva varṇamuparitanamādāya sambhavādanekavarṇavyavadhānaṃ nādartavyamiti bhāvaḥ. guṇe prāpta iti. bhavit - ā iti sthite ḍābhāvasaṃpannasyā'‌'kārasya sthānivattvena sārvadhātukatayā tasmin pare bhavidityaṅgāvayavasyopadhābhūtasyekārasya guṇe prāpte satītyarthaḥ. na ca bhūdhātorvihitaṃ sārvadhātukaṃ prati bhūdhāturevā'ṅgaṃ, na tu bhavit iti vikaraṇaviśiṣṭamiti vācyam, aṅgasaṃjñāsūtre tadādigrahaṇena vikaraṇaviśiṣṭasyā'pyaṅgatvāt.

pugantalaghūpadhasya ca 30, 7.3.86 anekavyavahitasyeti. sārvadhātukādikamiko viśeṣaṇaṃ na tvaṅgasyeti bhāvaḥ॥