1/25:jusi guṇe yāsuṭpratiṣedhaḥ |*
2/25:jusi guṇe yāsuḍādau pratiṣedhaḥ vaktavyaḥ |
3/25:cinuyuḥ , sunuyuḥ iti |
4/25:na vaktavyaḥ |
5/25:na evam vijñāyate mideḥ guṇaḥ jusi ca iti |
6/25:katham tarhi |
7/25:mideḥ guṇaḥ ajusi ca iti |
8/25:kim idam ajusi iti |
9/25:ajādau usi ajusi iti |
10/25:iha api tarhi prāpnoti |
11/25:cakruḥ , jahruḥ iti |
12/25:evam tarhi śiti iti vartate |
13/25:evam api ajuhavuḥ , abibhayuḥ iti atra na prāpnoti |
14/25:bhūtapūrvagatyā bhaviṣyati |
15/25:na sidhyati na hi us śidbhūtapūrvaḥ |
16/25:us śidbhūtapūrvaḥ na asti iti kṛtvā usi yaḥ śidbhūtapūrvaḥ tasmin bhaviṣyati |
17/25:atha vā kriyate nyāse eva |
18/25:avibhaktikaḥ nirdeśaḥ |
19/25:na evam vijñāyate mideḥ guṇaḥ jusi ca iti |
20/25:katham tarhi |
21/25:mideḥ guṇaḥ u jusi iti |
22/25:kim idam u jusi iti |
23/25:ukārādau jusi |
24/25:atha vā aci iti vartate tena jusam viśeṣayiṣyāmaḥ |
25/25:ajādau jusi iti

jusi ca pratyaye parataḥ igantasya aṅgasya guṇo bhavati. ajuhavuḥ. abibhayuḥ. abibharuḥ. atha cinuyuḥ, sunuyuḥ ityatra kasmān na bhavati? atra hi dve ṅittve, sārvadhātukāśrayam, yāsuḍāśrayaṃ ca. tatra na aprāpte sārvadhātukāśrayaṅittvanimitte pratiṣedhe jusi guṇaḥ ārabhyamāṇaḥ tam eva bādhate. yāsuḍāśrayaṅittvanimittaṃ tu na bādhate, tatra hi prāpte ca aprāpte ca ārabhyate iti.

jusi ca 7.3.83 jusi ca pratyaye parataḥ igantasya aṅgasya guṇo bhavati. ajuhavuḥ. abibhayuḥ. abibharuḥ. atha cinuyuḥ, sunuyuḥ ityatra kasmān na bhavati? atra hi dve ṅittve, sārvadhātukāśrayam, yāsuḍāśrayaṃ ca. tatra na aprāpte sārvadhātukāśrayaṅittvanimitte pratiṣedhe jusi guṇaḥ ārabhyamāṇaḥ tam eva bādhate. yāsuḍāśrayaṅittvanimittaṃ tu na bādhate, tatra hi prāpte ca aprāpte ca ārabhyate iti.

jusi ca. , 7.3.83 ikātra sannihitena prakṛtamaṅgaṃ viśiṣyate, viśeṣaṇena tadantavidhirbhavatītyata āha--"igantasya" ityādi. "ajuhavuḥ" iti. laṅ(), "sijabhyastavidabhyaśca" 3.4.109 iti jherjus(), śapaḥ śluḥ, "ślau" 6.1.10 iti dvirvacanam(). "abibhayuḥ" iti. "ñibho bhaye" (dhā.pā.1084). "abibharuḥ" iti. "ḍu bhṛñ? dhāraṇapoṣaṇayoḥ" (dhā.pā.1087), "bhuñāmit()" 7.4.76 ityabhyāsasyettvam(). "cinuyuḥ sunuyuḥ" iti. liṅ(), yāsuṭ? jherjus(), "svādibhyaḥ śnuḥ" 3.1.73 "usyapadāntāt()" 6.1.93 iti pararūpatvām(). "tatra nāprāpte" ityādi. sārvādhātukamāśrayo yasyatat? sārvadhātukāśrayam(). ṅittvaṃ nimittaṃ yasya pratiṣedhasya sa tathoktaḥ. sa sarvatraiva jusi prāpnotīti tasminnāprāpte'yaṃ guṇa ārabhyamāṇastasyaiva bādhako bhaviṣyati; na tu yasya yāsuḍāśrayaṃ ṅittvaṃ nimittam(), tasyāpi. atra hi prāpte cāprāpte'yamārabhyate. cinuyurityādau prāpte, ajuhavurityādāvaprāpte. cakāraḥ samuccaye. nānyat? samuccetavyamastītyasyaiva lakṣaṇasya punarāvṛttimācaṣṭe. tena prakṛtalakṣaṇasyāpi pratiṣedhaviṣaye bhavati. "adīdhayuḥ" iti. "dīdhīṅ? dīptidevanayoḥ" (dhā.pā.1076), laṅ? vyatyayena parasmaipadam(), jhiḥ, "jakṣityādayaḥ ṣaṭ()" 6.1.6 ityabhyastasaṃjñā, "sijabhyastavidibhyaśca" 3.4.109 iti jherjus(), adāditvācchapo luk(). tataḥ "sārvadhātukārdhadhātukayoḥ" 7.3.84 iti guṇaḥ prāptaḥ, sa "kṅiti ca" 1.1.5 iti pratiṣiddhaḥ, so'pyanena punaḥ prāptau "dīdhīvevīṭām()" 1.1.6 iti pratiṣiddhaḥ samuccayārthatvāccakārasya bhavati॥

igantāṅgasya guṇo'jādau jusi. ajuhavuḥ. juhuyāt. hūyāt. ahauṣīt. ahoṣyat.. ñibhī bhaye.. 2.. bibheti..

jusi ca 611, 7.3.83 igantāṅgasya guṇo'jādau jusi. ajuhavuḥ. juhuyāt. hūyāt. ahauṣīt. ahoṣyat॥ ñibhī bhaye॥ 2॥ bibheti॥

jusi ca. aṅgasyetyadhikṛtam. `miderguṇa' ityato guṇa ityanuvartate. `iko guṇavṛddhī' iti paribhāṣayā `ika' ityupasthitena aṅgasya viśeṣaṇāttadantavidhiḥ. `ksasyācī'ityato'nuvṛttena acītyanena jusītyasya viśeṣaṇāttadādividhiḥ. tadāha- - ajādāvityādinā. ajagaruriti. ajāgaḥ ajāgṛtam ajāgṛta. ajāgaram ajāgṛva ajāgṛma. vidhiliṅi yāsuṭo ṅittvānna guṇaḥ. jāgṛyāt jāgṛyatām. jāgṛyuriti. `jusi ce'tyatra ajādāvityukterna guṇa iti bhāvaḥ. jāgṛdhātorluṅi sici iṭi yaṇādiprāptikramaṃ darśayati– jāgṛ isityatreti. tatra kṛte iti. `jāgro'viciṇṇa'liti guṇe raparatve kṛte ajāgar īditi sthite satītyarthaḥ. tadāhuriti. `vṛddhā' iti śeṣaḥ. ajāgariṣṭām ajāgariṣurityādi sugamam. daridrādhāturādantaḥ seṭ. durgatiḥ = dhanahīnībhavanam. dāridrātīti. dhanahīnībhavatītyarthaḥ.

jusi ca 311, 7.3.83 jusi ca. aṅgasyetyadhikṛtam. "miderguṇa" ityato guṇa ityanuvartate. "iko guṇavṛddhī" iti paribhāṣayā "ika" ityupasthitena aṅgasya viśeṣaṇāttadantavidhiḥ. "ksasyācī"ityato'nuvṛttena acītyanena jusītyasya viśeṣaṇāttadādividhiḥ. tadāha-- ajādāvityādinā. ajagaruriti. ajāgaḥ ajāgṛtam ajāgṛta. ajāgaram ajāgṛva ajāgṛma. vidhiliṅi yāsuṭo ṅittvānna guṇaḥ. jāgṛyāt jāgṛyatām. jāgṛyuriti. "jusi ce"tyatra ajādāvityukterna guṇa iti bhāvaḥ. jāgṛdhātorluṅi sici iṭi yaṇādiprāptikramaṃ darśayati-- jāgṛ isityatreti. tatra kṛte iti. "jāgro'viciṇṇa"liti guṇe raparatve kṛte ajāgar īditi sthite satītyarthaḥ. tadāhuriti. "vṛddhā" iti śeṣaḥ. ajāgariṣṭām ajāgariṣurityādi sugamam. daridrādhāturādantaḥ seṭ. durgatiḥ = dhanahīnībhavanam. dāridrātīti. dhanahīnībhavatītyarthaḥ.

jusi ca. cakāraḥ spaṣṭapratipattyarthaḥ. `ksasyācī'tyato'tyato'cītyanuvartata ityāha– ajādāviti. jāgṛyuriti. evaṃ śrṛṇuyuḥ cinuyurityādāvapi guṇo neti bodhyam. `yāsuṭo ṅittavācchṛṇuyurityādau guṇo ne'ti prācoktistu manoramāyāṃ dūṣitā, `jusi ce'ti guṇasya niṣedhāpavādatvāditi. kecittu–`jusi ce'tyatra usītyāvarttya `uruāūpe jusī'ti vyākhyānānnoktadoṣa ityāhuḥ. `ajādau jusī'ti samādhānaṃ tu bhāṣyārūḍham. jāgarteḥ sica iṭi kṛte yaṇādiprāptikramaṃ darśayati- - jāgṛ- isityatreti.tatra kṛte iti. halantalakṣaṇāyā vṛddherjāgartiguṇena bādhaḥ, tena guṇenahalantatvasaṃpādanāt. yā hi guṇapravṛttisamaye vṛddhiḥ sā bādhyate nānyeti bhāvaḥ. ajāgariṣṭām. ajāgariṣuḥ. ajāgarīdityādi. daridrā.

jusi ca 271, 7.3.83 jusi ca. cakāraḥ spaṣṭapratipattyarthaḥ. "ksasyācī"tyato'tyato'cītyanuvartata ityāha-- ajādāviti. jāgṛyuriti. evaṃ śrṛṇuyuḥ cinuyurityādāvapi guṇo neti bodhyam. "yāsuṭo ṅittavācchṛṇuyurityādau guṇo ne"ti prācoktistu manoramāyāṃ dūṣitā, "jusi ce"ti guṇasya niṣedhāpavādatvāditi. kecittu--"jusi ce"tyatra usītyāvarttya "uruāūpe jusī"ti vyākhyānānnoktadoṣa ityāhuḥ. "ajādau jusī"ti samādhānaṃ tu bhāṣyārūḍham. jāgarteḥ sica iṭi kṛte yaṇādiprāptikramaṃ darśayati-- jāgṛ- isityatreti.tatra kṛte iti. halantalakṣaṇāyā vṛddherjāgartiguṇena bādhaḥ, tena guṇenahalantatvasaṃpādanāt. yā hi guṇapravṛttisamaye vṛddhiḥ sā bādhyate nānyeti bhāvaḥ. ajāgariṣṭām. ajāgariṣuḥ. ajāgarīdityādi. daridrā.