1/6:dīrghoccāraṇam kimartham na jñājanoḥ jaḥ iti eva ucyeta |
2/6:kā rūpasiddhiḥ : jānāti , jāyate |
3/6:ataḥ dīrghaḥ yañi iti dīrghatvam bhaviṣyati |
4/6:evam tarhi siddhe sati yat dīrghoccāraṇam karoti tat jñāpayati ācāryaḥ bhavati eṣā paribhāṣā aṅgavṛtte punarvṛttau avidhiḥ iti |
5/6:kim etasya jñāpane prayojanam |
6/6:pibeḥ guṇapratiṣedhaḥ coditaḥ saḥ na vaktavyaḥ bhavati

jña jana ityetayoḥ jādeśo bhavati śiti parataḥ. jānāti. jāyate. janer daivādikasya grahaṇam.

jñājanor jā 7.3.79 jña jana ityetayoḥ jādeśo bhavati śiti parataḥ. jānāti. jāyate. janer daivādikasya grahaṇam.

jñājanorjā. , 7.3.79 "janerdevādakasaya grahaṇam()" iti. dvau janī--daivādikaḥ "janī prādurbhāve" (dhā.pā.1149), jauhotyādikaḥ "jana janane" (dhā.pā.1105) iti. tatraiha daivādikasya grahaṇam(), netarasya. na hi tataḥ paraḥ śit? sambhavati, śluvidhānāt(). dīrghoccāraṇasya prayojanamuttaratra vakṣyati॥

jñājanorjā. śitīti. `ṣṭhivuklamucamā'mityatastadanuvṛtteriti bhāvaḥ. jāyate iti. jñādhātostuśnavikaraṇatvājjānātītyudāharaṇam. ubhayatrāpi jādeśasya hyasvāntatve `aṅgakārye kṛte punarnāṅgakārya'miti paribhāṣayā `ato dīrgho yañī' tyapraptarjārdeśasya dīrghāntatvamāśritam. jajñe iti. `gamahane'tyupadhālope nasya ścutvena ñaḥ. jāyeta.janiṣīṣṭa. luṅi ajan ta iti sthite āha– dīpeti. vā ciṇiti. `cle'riti śeṣaḥ. ajan i ta iti sthite upadhāvṛddhau prāptāyām–

jñājanorjā 340, 7.3.79 jñājanorjā. śitīti. "ṣṭhivuklamucamā"mityatastadanuvṛtteriti bhāvaḥ. jāyate iti. jñādhātostuśnavikaraṇatvājjānātītyudāharaṇam. ubhayatrāpi jādeśasya hyasvāntatve "aṅgakārye kṛte punarnāṅgakārya"miti paribhāṣayā "ato dīrgho yañī" tyapraptarjārdeśasya dīrghāntatvamāśritam. jajñe iti. "gamahane"tyupadhālope nasya ścutvena ñaḥ. jāyeta.janiṣīṣṭa. luṅi ajan ta iti sthite āha-- dīpeti. vā ciṇiti. "cle"riti śeṣaḥ. ajan i ta iti sthite upadhāvṛddhau prāptāyām--

jñājanorjā. jānāti. śiti kim ?. jñātā. `ja' iti hyasvoccāraṇe'pi `ato dīrghoyañī'ti dīrghe siddhe jāgrahaṇamaṅgavṛttaparibhāṣājñāpanārtham. tena pādhātoḥ pibādeśe kṛte guṇo na bhavati, pibādeśasyā'dantatvāśrayaṇaṃ tūpāyāntaramityāhuḥ.

jñājanorjā 297, 7.3.79 jñājanorjā. jānāti. śiti kim?. jñātā. "ja" iti hyasvoccāraṇe'pi "ato dīrghoyañī"ti dīrghe siddhe jāgrahaṇamaṅgavṛttaparibhāṣājñāpanārtham. tena pādhātoḥ pibādeśe kṛte guṇo na bhavati, pibādeśasyā'dantatvāśrayaṇaṃ tūpāyāntaramityāhuḥ.