1/17:pravacigrahaṇam anarthakam vacaḥ aśabdasañjñābhāvāt |*
2/17:pravacigrahaṇam anarthakam |
3/17:kim kāraṇam |
4/17:vaco'śabdasañjñābhāvāt |
5/17:vaco'śabdasañjñāyām pratiṣedhaḥ ucyate prapūrvaḥ ca vaciḥ aśabdasañjñāyām vartate |
6/17:upasarganiyamārtham tarhi idam vaktavyam |
7/17:prapūrvasya eva vaceḥ aśabdasañjñāyām pratiṣedhaḥ yathā syāt |
8/17:iha mā bhūt |
9/17:avivākyam iti |
10/17:upasargapūrvaniyamārtham iti cet avivākyasya viśeṣavacanat siddham |*
11/17:viśeṣe etat vaktavyam |
12/17:avivākyam ahaḥ iti |
13/17:kva mā bhūt |
14/17:avivācyam eva anyat iti |
15/17:ṇyapratiṣedhe tyajeḥ upasaṅkhyānam |*
16/17:ṇyapratiṣedhe tyajeḥ upasaṅkhyānam kartavyam |
17/17:tyājyam

yaja yāca ruca pravaca ṛca ityeteṣāṃ ṇye parataḥ kavargādeśo na bhavati. yaja yājyam. yāca yācyam. ruca rocyam. pravaca pravācyam. ṛca arcyam. ṛdupadhādapi ṛcerata eva nipātanāt ṇyat bhavati. pravacagrahaṇaṃ śabdasaṃjñārtham. pravācyo nāma pāṭhaviśeṣopalakṣito grantho 'sti. apare punarāhuḥ, upasargapūrvasya niyamārtham, prapūrvasya eva vaceraśabdasaṃjñāyāṃ kutvapratiṣedho yathā syāt, anyopasargapūrvasya mā bhūtiti. avivākyamahaḥ iti paṭhanti. etat tu viśeṣa eva iṣyate, daśarātrasya yad daśamamahaḥ. anyatra avivācyam eva bhavati. ṇyati pratiṣedhe tyajerupasaṅkhyānam. tyājyam.

yajayācarucapravacarcaś ca 7.3.66 yaja yāca ruca pravaca ṛca ityeteṣāṃ ṇye parataḥ kavargādeśo na bhavati. yaja yājyam. yāca yācyam. ruca rocyam. pravaca pravācyam. ṛca arcyam. ṛdupadhādapi ṛcerata eva nipātanāt ṇyat bhavati. pravacagrahaṇaṃ śabdasaṃjñārtham. pravācyo nāma pāṭhaviśeṣopalakṣito grantho 'sti. apare punarāhuḥ, upasargapūrvasya niyamārtham, prapūrvasya eva vaceraśabdasaṃjñāyāṃ kutvapratiṣedho yathā syāt, anyopasargapūrvasya mā bhūtiti. avivākyamahaḥ iti paṭhanti. etat tu viśeṣa eva iṣyate, daśarātrasya yad daśamamahaḥ. anyatra avivācyam eva bhavati. ṇyati pratiṣedhe tyajerupasaṅkhyānam. tyājyam.

yajayācarucapravacarcaśca. , 7.3.66 "ṇye" ityeva. anāvaśyakārthamidam(). "yājyam()" ityādi. "yaja devapūjādau" (dhā.pā.1002), "ṭuyāc? yācñāyām()" (dhā.pā.863), "ruca dīptau" (dhā.pā.745), "vaca paribhāṣaṇe" (dhā.pā.1842) prapūrvaḥ, "ṛca stutau" (dhā.pā.1302). kathaṃ punaṝceṇryat(), yāvatā "ṛdupadhāccāklṛ()pi cṛteḥ" (3.1.110) iti ṇyadapadādeva kyapā bhavitavyam()? ityāha--ṛdupadhāt()" ityādi. atha pravacigrahaṇaṃ kimartham(), yāvatā "vaco'śabdasaṃjñāyām()" (7.3.67) ityanenaiva pratiṣedho bhaviṣyati? ityāha--"pravacigrahaṇaṃ śabdasaṃjñārtham()" iti. syādetat(). nāstyeva kaścicchabdo yasya vācyamiti nāmadheyam()? ityāha--"pravācyo nāma" ityādi. "apare punaḥ" ityādinā matāntaraṃ darśayati. "etattu" iti. avivākyametadrūpam(). kaḥ punarasau viśeṣaḥ? ityāha--"daśarātrasya" ityādi. yasmin? yājñikā na vibrāuvate, tasya daśarātrasya yaddaśamāhastatraivaitacchaśabdarūpamiṣyate, nānyatra. yadyevam(), anarthakaṃ niyamārthaṃ pravacigrahaṇam(), avaśyaṃ tasya viśiṣṭaviṣaye vuttiryathā syādityavamartho yatnaḥ katrtavyaḥ, tata eva yatnāt? tatra kutvamapi bhaviṣyati? naitadasti; niyamāddhyanyopasargasya kutvapratiṣedho nivatrtate. abhidheyavyavasthā tu prasiddhivaśādeva vijñāsyate. "ṇyati pratiṣedhe" ityādi. ṇyati pratiṣedhe'smin? kriyamāṇe "tyaja hānau" (dhā.pā.986) ityasyopasaṃkhyānaṃ katrtavyam(). upasaṃkhyānaśabdasaya pratipādanamarthaḥ. tatredaṃ pratipādanam()---cakāro'nuktasamuccayārthaḥ, tena tyajerapi pratiṣedho bhaviṣyatīti॥

yajayāca. ṇye kutvaṃ neti. śeṣapūraṇamidam. yaja, yā, ruca, pravaca, ṛc eṣāṃ dvandvāt ṣaṣṭhī. eṣāṃ ṇye pare `cajoḥ ku ghiṇṇyato'riti kutvaṃ netyarthaḥ. nanu acryamityat ra kathaṃ ṇyat, `ṛdupadhāccā'klṛpicṛte'riti ṛdupadhatvalakṣasya ṇyadapavādatvādityata āha– ṛdupadhatve'pīti. tyajipūjyośceti. `ṇye kutvaṃ ne'ti śeṣaḥ.

yajayācarucapravacarcaśca 699, 7.3.66 yajayāca. ṇye kutvaṃ neti. śeṣapūraṇamidam. yaja, yā, ruca, pravaca, ṛc eṣāṃ dvandvāt ṣaṣṭhī. eṣāṃ ṇye pare "cajoḥ ku ghiṇṇyato"riti kutvaṃ netyarthaḥ. nanu acryamityat ra kathaṃ ṇyat, "ṛdupadhāccā'klṛpicṛte"riti ṛdupadhatvalakṣasya ṇyadapavādatvādityata āha-- ṛdupadhatve'pīti. tyajipūjyośceti. "ṇye kutvaṃ ne"ti śeṣaḥ.

yaja. yaja devapūjādau. ṭuyācṛ yācñāyām. ruca dīptau. prapūrvo vaca paribhāṣaṇe. ṛca stutau. granthaviśeṣa iti. tathā ca saṃjñeyamiti `vaco'śabdasaṃjñāyā'mityasyā'prasaṅgānniṣedho'yamiti bhāvaḥ. jñāpakāditi. sarūpatvādvāsarapavidhinā ṇyadbhavediti na śaṅkanīyamiti bhāvaḥ.

yajayājarucapravacarcaśca 581, 7.3.66 yaja. yaja devapūjādau. ṭuyācṛ yācñāyām. ruca dīptau. prapūrvo vaca paribhāṣaṇe. ṛca stutau. granthaviśeṣa iti. tathā ca saṃjñeyamiti "vaco'śabdasaṃjñāyā"mityasyā'prasaṅgānniṣedho'yamiti bhāvaḥ. jñāpakāditi. sarūpatvādvāsarapavidhinā ṇyadbhavediti na śaṅkanīyamiti bhāvaḥ.