ucer dhātoḥ ke pratyaye okaḥ iti nipātyate. kim punaratra nipātyate? kutvaṃ guṇaśca. nyokaḥ śakunataḥ. nyoko gṛham. kartari igupadhalakṣaṇaḥ kaḥ pratyayaḥ. adhikaraṇādau tu kārakāntare ghañarthe kavidhānam iti. kim arthaṃ punarayaṃ ghañyeva na vyutpadyate? svarārtham antodātto 'yam iṣyate, ghañi sati ādyudāttaḥ syāt. divaukasaḥ, jalaukasaḥ ityevam ādāvapyasuni pratyaye uṇādayo bahulam 3-3-1 iti kutvaṃ draṣṭavyam.

oka ucaḥ ke 7.3.64 ucer dhātoḥ ke pratyaye okaḥ iti nipātyate. kim punaratra nipātyate? kutvaṃ guṇaśca. nyokaḥ śakunataḥ. nyoko gṛham. kartari igupadhalakṣaṇaḥ kaḥ pratyayaḥ. adhikaraṇādau tu kārakāntare ghañarthe kavidhānam iti. kim arthaṃ punarayaṃ ghañyeva na vyutpadyate? svarārtham antodātto 'yam iṣyate, ghañi sati ādyudāttaḥ syāt. divaukasaḥ, jalaukasaḥ ityevam ādāvapyasuni pratyaye uṇādayo bahulam 3.3.1 iti kutvaṃ draṣṭavyam.

āka ucaḥ ke. , 7.3.64 "nyokaḥ" iti. nipūrvāt? "uca samavāye" (dhā.pā.1223) ityasmāt? "igupadhajñaprīkiraḥ kaḥ" 3.1.135--nyucatīti nyokaḥ, nivasatītyarthaḥ. nyucantyasminniti "ghañarthe kavidhānam()" (vā.306) iti vā kaḥ--nyokaḥ, nivasantyasminnityarthaḥ. "kimarthaṃ punaḥ" ityādi. evaṃ manyate--rūḍhiśabdo'yam(), nātra kaścidavayavārtho'sti, vyatpattiḥ kevalaṃ katrtavyā, sā ca "halaśca" 3.3.121 iti ghañyapi kṛte bhavatyeva, tato nārtho'nena yogeneti. "ghañi satyādyudāttaḥ syāt()" iti. "ñnityādernityam()" 6.1.191 ityanena. atha divaukasaḥ, jalaukasa ityādau kathaṃ kutvamṣa yāvatā nātra kapratyayo'sti, nāpi dhiṇṇyatau, kiṃ tarhi? asunniti? ata āha--"divaukasaḥ" ityādi. gatārtham()॥

ghañā siddhe iti. `uca samavāye' ityasmāddhañi `cajo'riti kutve laghūpadhaguṇe ca `oka ' iti rūpaṃ sidhyati, paraṃ tu `ñnityādirnitya'mityādyudāttatvamaniṣṭaṃ syāditi bhāvaḥ.

oka ucaḥ ke 579, 7.3.64 ghañā siddhe iti. "uca samavāye" ityasmāddhañi "cajo"riti kutve laghūpadhaguṇe ca "oka " iti rūpaṃ sidhyati, paraṃ tu "ñnityādirnitya"mityādyudāttatvamaniṣṭaṃ syāditi bhāvaḥ.