1/16:abhyāsāt kutvam asupaḥ |*
2/16:abhyāsāt kutvam asupaḥ iti vaktavyam |
3/16:iha mā bhūt |
4/16:hananam icchati hananīyati hananīyateḥ san jihananīyiṣati iti |
5/16:tat tarhi vaktavyam |
6/16:na vaktavyam |
7/16:hanteḥ abhyāsāt iti ucyate na ca eṣaḥ hanteḥ abhyāsaḥ |
8/16:hanteḥ eṣaḥ abhyāsaḥ |
9/16:katham |
10/16:ekācaḥ dve prathamasya iti |
11/16:evam tarhi hanteḥ aṅgasya yaḥ abhyāsaḥ tasmāt iti ucyate na ca eṣaḥ hanteḥ aṅgasya abhyāsaḥ |
12/16:hanteḥ aṅgasya eṣaḥ abhyāsaḥ |
13/16:katham |
14/16:ekācaḥ dve prathamasya iti |
15/16:evam tarhi yasmin hantiḥ aṅgam tasmin yaḥ abhyāsaḥ tasmāt iti ucyate |
16/16:yasmin ca atra hantiḥ aṅgam na tasmin abhyāsaḥ yasmin ca abhyāsaḥ na tasmin hantiḥ aṅgam bhavati

abhyāsāduttarasya hantihakārasya kavargādeśo bhavati. jighāṃsati. jaṅghanyate. ahaṃ jaghana. abhyāsanimitte pratyaye hanteraṅgasya yo 'bhyāsaḥ tasmādeva etat kutvam. iha na bhavati, hananīyitum icchati jihananīyiṣati.

abhyāsāc ca 7.3.55 abhyāsāduttarasya hantihakārasya kavargādeśo bhavati. jighāṃsati. jaṅghanyate. ahaṃ jaghana. abhyāsanimitte pratyaye hanteraṅgasya yo 'bhyāsaḥ tasmādeva etat kutvam. iha na bhavati, hananīyitum icchati jihananīyiṣati.

abhyāsācca. , 7.3.55 "jighāṃsati" iti. san(), "ajjhanagamāṃ sani" 6.4.16 iti dīrghaḥ, dvirvacanam, "kuhoścuḥ" 7.4.62 iti cutvam()--jhakāraḥ; "abhyāse carca" 8.4.53 iti jaśtvam()--jakāraḥ, "sanyataḥ" 7.4.79 ittīttvam(). "jaṅghanyate" iti. "nugato'nunāsikāntasya" 7.4.85 iti nuk(). jaghāna" iti. uttamapuruṣeṇali yadā ṇitvaṃ nāsti tadedamudāharaṇam(). ṇittvapakṣe tu pūrveṇaiva siddham(). agra hananaśabdāt? kyaci kṛte tadantāt? sani jihananīyiṣatītyatra kasmānna bhavatīti, bhavati hravābhyāsāt? paro hantihakaraḥ? ityāha--ihābhyāsanimittapratyaye" ityādi. iha "hanteḥ" 7.3.54 ityanuvatrtate, aṅgasyeti ca. abhyāsenābhyāsanimittaṃ pratyayaḥ sannidhāpitaḥ, tasya pratyayaḥ viśeṣanimittatvāt(), tatra tenābhyāsanimittena pratyayena hanteraṅgaṃ viśiṣyate. "abhyāsanimitte[abhyāsanimitte pratyeye hanteraṅgasya--kāśikā] pratyaye yadaṅgaṃ hantiḥ" iti. tenāpyevaṃvidhena hantinābhyāso viśiṣyate. yathoktaviśeṣaṇaviśiṣṭasya hanteraṅgasya yo'bhyāsaḥ--ityevaṃ viśeṣaṇaviśeṣyabhāve satyabhyāsanimitte sanādau pratyaye hanteraṅgasya yo'bhyāsastasmādeva kutvena bhavitavyam(). "teneha ["tena" nāsti--kāśikā] na bhavati--"jihananīyiṣati" iti. na hratarābhyāsanimitte pratyaye sani hantiraṅgam(), kiṃ tarhi? hananīyaśabdaḥ. ya()smastu hantiraṅgam(), lyuṭi sa nābhyāsanimittm()॥

abhyāsātparasya hanterhasya kutvaṃ syāt. jaghanitha, jaghantha. jaghnathuḥ. jaghna. jaghniva. jaghnima. hantā. haniṣyati. hantu, hatāt. hatām. ghnantu..

abhyāsācca 562, 7.3.55 abhyāsātparasya hanterhasya kutvaṃ syāt. jaghanitha, jaghantha. jaghnathuḥ. jaghna. jaghniva. jaghnima. hantā. haniṣyati. hantu, hatāt. hatām. ghnantu॥

abhyāsācca. `ho hante'rityanuvartate. `cajoḥ ku ghiṇṇyato'rityataḥ kugrahaṇaṃ ca. tadāha–abhyāsātparasyetyādinā. jaghanitha jaghantheti. iḍabhāve nasyā'nusvāraparasavarṇau. jaghnathuḥ. jaghna. jaghāna–jaghana, jaghniva jaghnima. lṛṭi sye iṇniṣedhamāśaṅkyāha- - ṛddhanoriti. han hi iti sthite `hujhalbhyaḥ' iti dhitve prāpte–.

abhyāsācca 261, 7.3.55 abhyāsācca. "ho hante"rityanuvartate. "cajoḥ ku ghiṇṇyato"rityataḥ kugrahaṇaṃ ca. tadāha--abhyāsātparasyetyādinā. jaghanitha jaghantheti. iḍabhāve nasyā'nusvāraparasavarṇau. jaghnathuḥ. jaghna. jaghāna--jaghana, jaghniva jaghnima. lṛṭi sye iṇniṣedhamāśaṅkyāha-- ṛddhanoriti. han hi iti sthite "hujhalbhyaḥ" iti dhitve prāpte--.