1/52:kim idam ñṇinnakāragrahaṇam hantiviśeṣaṇam : ñṇinnakāraparasya hanteḥ yaḥ hakāraḥ iti |
2/52:āhosvit hakāraviśeṣaṇam : ñṇinnakāraparasya hakārasya saḥ cet hanteḥ iti |
3/52:kaḥ ca atra viśeṣaḥ |
4/52:hanteḥ tatparasya iti cet nakāre aprasiddhiḥ |*
5/52:hanteḥ tatparasya iti cet nakāre aprasiddhiḥ |
6/52:ghnanti , ghnantu , aghnan |
7/52:astu tarhi hakāraviśeṣaṇam |
8/52:hakārasya iti cet ñṇiti aprāptiḥ |*
9/52:hakārasya iti cet ñṇiti aprāptiḥ |
10/52:ghātayati ghātakaḥ |
11/52:kim kāraṇam |
12/52:nakāreṇa vyavahitatvāt na prāpnoti |
13/52:vacanāt bhaviṣyati |
14/52:iha api vacanāt prāpnoti |
15/52:hananam icchati hananīyate hananīyateḥ ṇvul hananīyakaḥ iti |
16/52:sthānivadbhāvāt ca acaḥ nakāre aprasiddhiḥ |*
17/52:sthānivadbhāvāt ca acaḥ nakāre aprasiddhiḥ |
18/52:ghnanti , ghnantu |
19/52:vacanāt bhaviṣyati |
20/52:vacanaprāmāṇyāt iti cet alope pratiṣedhaḥ |*
21/52:vacanaprāmāṇyāt iti cet alope pratiṣedhaḥ vaktavyaḥ |
22/52:hantā , hantum |
23/52:nakāragrahaṇasāmarthyāt alope na bhaviṣyati |
24/52:asti anyat nakāragrahaṇasya prayojanam |
25/52:kim |
26/52:śrūyamāṇaviśeṣaṇam |
27/52:yatra nakāraḥ śrūyate tatra yathā syāt |
28/52:iha mā bhūt |
29/52:hataḥ hathaḥ iti |
30/52:siddham tu upadhālope iti vacanāt |*
31/52:siddham etat |
32/52:katham |
33/52:upadhālope ca iti vaktavyam |
34/52:sidhyati |
35/52:sūtram tarhi bhidyate |
36/52:yathānyāsam eva astu |
37/52:nanu ca uktam hanteḥ tatparasya iti cet nakāre aprasiddhiḥ iti |
38/52:vacanāt bhaviṣyati |
39/52:atha vā punaḥ astu hakāraviśeṣaṇam |
40/52:nanu ca uktam hakārasya iti cet ñṇiti aprāptiḥ iti |
41/52:vacanāt bhaviṣyati |
42/52:nanu ca uktam iha api vacanāt prāpnoti hananīyakaḥ iti |
43/52:na eṣaḥ doṣaḥ |
44/52:yena na avyavadhānam tena vyavahite api vacanaprāmāṇyāt |
45/52:na ca kva cit dhātvavayavena avyavadhānam etena punaḥ saṅghātena vyavadhānam bhavati na ca bhavati |
46/52:yat api ucyate sthānivadbhāvāt ca acaḥ nakāre aprasiddhiḥ iti vacanāt bhaviṣyati |
47/52:nanu ca uktam vacanaprāmāṇyāt iti cet alope pratiṣedhaḥ iti |
48/52:na eṣaḥ doṣaḥ |
49/52:ānantaryam iha āśrīyate hakārasya nakāraḥ iti |
50/52:kva cit ca sannipātakṛtam ānantaryam śāstrakṛtam anānantaryam kva cit ca na sannipātakṛtam na api śāstrakṛtam |
51/52:lope sannipātakṛtam ānantaryam alope na eva sannipātakṛtam na api śāstrakṛtam |
52/52:yatra kutaḥ cit eva ānantaryam tat āśrayiṣyāmaḥ

hanteḥ hakārasya kavargādeśo bhavati ñiti ṇiti pratyaye parataḥ nakāre ca. ghātayati. ghātakaḥ. sābhughātī. ghātaṃghātam. ghāto vartate. nakāre ghnanti. ghnantu. aghnan. haḥ iti kim? alo 'ntyasya mā bhūt. hanteḥ iti kim? prahāraḥ. prahārakaḥ. ñṇitpratyayo hanter viśeṣaṇam, nakāro hakārasya, nakāre 'nantarasya hantihakārasya iti. taccānantarya śrutikṛtaṃ sannipātakṛtam āśrīyate. sthānivadbhāvaśāstrakṛtaṃ tu yadanānantaryaṃ tadavighātakam, vacanasāmarthyāt. yadyapi sarvaireva ñṇinnairhantihakāro viśiṣyate tathāpi yena nāvyavadhānaṃ tena vyavahite 'pi vacanaprāmāṇyātiti ñṇiti dhātvavayavena vyavahite 'pi sati bhavati. iha tu na bhavati, hananam icchati hananīyati, hananīyater ṇvul hananīyakaḥ iti.

ho hanter ñṇinneṣu 7.3.54 hanteḥ hakārasya kavargādeśo bhavati ñiti ṇiti pratyaye parataḥ nakāre ca. ghātayati. ghātakaḥ. sābhughātī. ghātaṃghātam. ghāto vartate. nakāre ghnanti. ghnantu. aghnan. haḥ iti kim? alo 'ntyasya mā bhūt. hanteḥ iti kim? prahāraḥ. prahārakaḥ. ñṇitpratyayo hanter viśeṣaṇam, nakāro hakārasya, nakāre 'nantarasya hantihakārasya iti. taccānantarya śrutikṛtaṃ sannipātakṛtam āśrīyate. sthānivadbhāvaśāstrakṛtaṃ tu yadanānantaryaṃ tadavighātakam, vacanasāmarthyāt. yadyapi sarvaireva ñṇinnairhantihakāro viśiṣyate tathāpi yena nāvyavadhānaṃ tena vyavahite 'pi vacanaprāmāṇyātiti ñṇiti dhātvavayavena vyavahite 'pi sati bhavati. iha tu na bhavati, hananam icchati hananīyati, hananīyater ṇvul hananīyakaḥ iti.

ho hanterñṇinneṣu. , 7.3.54 "dhātayati" ityādyudāharaṇāni "hanasto'ciṇṇaloḥ" 7.3.32 ityatra vyutpāditāni. "dhnanti" iti. laṭ(), jherantādeśaḥ, "gamahana" 6.4.98 ityādinopadhālopaḥ. "dhnantu" iti. loṭ(). "adhvan()" iti. laṅ(), "itaśca" 3.4.100 itīkāralopaḥ. "prahāraḥ, prahārakaḥ" iti. haraterghañṇavulau. iha ṇinnagrahaṇaṃ hantiviśeṣaṇaṃ vā syāt()--ñṇinnakāraparasya hanteryo hakāra iti, hakāraviśeṣaṇaṃvā--ñṇinnakāraparasaya hakārasyeti sa ceddhanteriti? tatra yadi pūrvakaḥ pakṣa āśrīyeta, dhnantyādau na syāt(), na hratra nakāraparo hantiḥ; avayavena samudāyasya paurvāparyānupapatteḥ, anyasya nakārasyābhāvāt(). athetaraḥ pakṣa āśrīyeta, na kvacit? syāt(), na hi hakārasya ñṇinnakāraparatā sambhavati. asambhavastu dhnantatyādāvakāralopasya pūrvavidhau sthānivadbhāve satyakāreṇa vyavadhānāt, ghātayatītyādāvapi hakārāt? pareṇa hantyavayavenānaśabdena vyavadhānāt(). atha vacanasāmathryādvyavadhāne'pi kṛtvaṃ syāt(), evamapi hananamicchatīti "supa ātmanaḥ kyaca" 3.1.8, "kyaci ca" 7.4.33 itīttvam(), kyajantāṇṇavul(), "ato lopaḥ" 6.4.48 ityakāralopo hananīyaka ityatrāpi syāditi yaścodayet(), taṃ prati pakṣāntaramāśrityāha--"ñṇitpratyayo'tra hanterviśeṣaṇam()" ityāda. na hi sarveṣāṃ ñṇinnakārāṇāṃ ha()nta prati viśeṣaṇatvamupapadyate, nāpi hakāraṃ prati. tasmādyathāsambhavaṃ kiñcideva kasyacidviśeṣaṇam(). ñṇitpratyayastu hanteḥ parataḥ upapadyate iti tasyāsau viśeṣaṇam()--ñṇiti pratyaye parato'nantarasya hanteriti. nakārastu hanterviśeṣaṇam̐ nopapadyate; pūrvoktāt? kāraṇāt(). ikārasya tūpapadyata iti tasyaiva viśeṣaṇam()--nakāre paratonantarasya hantihakārasyānantara iti. ayaṃ tu "tasminniti nirdiṣṭe pūrvasya" 1.1.65 iti nirdiṣṭagrahaṇasyānantaryārthatvāllabhyate. ānantaryāśrayaṇe tu--hantā, hantumityatrāpyatiprasaṅgo nirastaḥ. nanu cānantaryameva hakārasya ṇakāreṇa na sambhavati, akāralopasya sthānivadbhāve satyakāreṇa vyavadhānāt()? ityata āha--"tacca" ityādi. "sannipātakṛtam" iti. śrutikṛtamityarthaḥ. nanu cāśrite'pi sannipātakṛtānantarye sthānivadbhāvaśāstreṇa yat? kṛtamanānantaryaṃ tadvihanyādeva kutvam()? ityata āha--"sthānivadbhāvaśāstrakṛtaṃ tu" ityādi. kiṃ kāraṇamavidhātakam()? ityāha--"vacanasāmathryāt()" iti. yadi sthānivadbhāvaśāsatadrakṛtamanānantarya vyavadhāyakaṃ bādhakaṃ syānnakāravacanamanarthakaṃ syāt(); niravakāśatvāt(). tasmādvacanasāmathryānna vighātakam(). "yadyapi" ityādinā yau dvau pakṣāvupanyastau, tatra dvitīye pakṣe yo doṣastasya parīhāraḥ. tatra nakāreṇa hakāre viśeṣyamāṇe yo doṣaḥ sa pūrvameva parihmataḥ. samprati tu ñṇitpratyayena hakāre viseṣyamāṇe yo doṣastaṃ pariharati. yo'yaṃ hanteravayavo hakārāt? paro'kārādirnakārāntaḥ, tena sarvatra ñṇitpratyayasya vyavadhānam(). ananīyaśabdena tu cyavadhānaṃ sambhavati, na sambhavati ca tatra "yena nāvyavadhānaṃ tena vyavahite'ti vacanaprāmāṇyāt()" (vyā.pa.46) iti ghātayatītyādau kutvaṃ bhavati. yena tvananīyaśabdena vyavadhānaṃ na sambhavati, sambhavati ca tena vyavadhāne hananīyaka ityatra na bhaviṣyati. ādye tu pakṣe yo doṣa uktaḥ, sa tasyānabhyupagamādevānavasaraḥ. hanteḥ śtipā nirdeśo dhātunirdeśārtha eva, na yaṅlugnivṛttyarthaḥ. tatra hi "abhyāsācca" 7.3.55 iti bhavitavyameva kutvena॥

ñiti ṇiti pratyaye nakāre ca pare hanterhakārasya kutvam. vṛtraghnaḥ ityādi. evaṃ śārṅgin, yaśasvin, aryaman, pūṣan..

ho hanterñṇinneṣu 289, 7.3.54 ñiti ṇiti pratyaye nakāre ca pare hanterhakārasya kutvam. vṛtraghnaḥ ityādi. evaṃ śārṅgin, yaśasvin, aryaman, pūṣan॥

ho hanteḥ. `haḥ' iti sthānaṣaṣṭhī, `hante'rityavayavaṣaṣṭhī. ñ ca ṇ ca ñṇau. tau itau yayostau ñṇitau. icchabdaḥ pratyekaṃ sambadhyate. ñṇitau ca naśca ñṇinnāḥ, teṣviti vigrahaḥ. aṅgādhikārātpratyayatvaṃ ñṇitorlabhyate. `cajoḥ ku ghiṇyato'rityataḥ kugrahaṇamanuvartate. tadāha–ñitītyādinā. `hante'riti śtipā nirdeśaḥ. handhātorityarthaḥ. prakṛte hakārasya nakāraparatvātkutvam. tatra ghoṣavato nādavato mahāprāṇasya saṃvṛtakaṇṭhasya hasya tādṛśo vargacaturtho ghakāraḥ. vṛtraghnaḥ vṛtraghnā ityādi siddham.

ho hanterñṇinneṣu , 7.3.54 ho hanteḥ. "haḥ" iti sthānaṣaṣṭhī, "hante"rityavayavaṣaṣṭhī. ñ ca ṇ ca ñṇau. tau itau yayostau ñṇitau. icchabdaḥ pratyekaṃ sambadhyate. ñṇitau ca naśca ñṇinnāḥ, teṣviti vigrahaḥ. aṅgādhikārātpratyayatvaṃ ñṇitorlabhyate. "cajoḥ ku ghiṇyato"rityataḥ kugrahaṇamanuvartate. tadāha--ñitītyādinā. "hante"riti śtipā nirdeśaḥ. handhātorityarthaḥ. prakṛte hakārasya nakāraparatvātkutvam. tatra ghoṣavato nādavato mahāprāṇasya saṃvṛtakaṇṭhasya hasya tādṛśo vargacaturtho ghakāraḥ. vṛtraghnaḥ vṛtraghnā ityādi siddham.

hanterhasyeti. `ñiti' `ṇitī'tyetaddhanterviśeṣaṇam, `nakāre'iti tu `hasye'ti yathāsaṃbhavaṃ bodhyam. yadvā ñiṇṇinnāḥ sarve'pi hyasyaiba viśeṣaṇaṃ. ñiti ṇitītyaṃśe yena nāvyavadhānanyāyena dvābhyāṃ vyavadhānaṃ svīkriyate. te `ghātaḥ'`ghātaka'ityatra kutvaṃ bhavati. iha tu na bhavati, hananamātmana icchati hananīyati. hananīyaterṇvul–`hananīyaka'iti. etacca bhāṣyakaiyaṭādau spaṣṭam.

ho hanterñṇinneṣu 318, 7.3.54 hanterhasyeti. "ñiti" "ṇitī"tyetaddhanterviśeṣaṇam, "nakāre"iti tu "hasye"ti yathāsaṃbhavaṃ bodhyam. yadvā ñiṇṇinnāḥ sarve'pi hyasyaiba viśeṣaṇaṃ. ñiti ṇitītyaṃśe yena nāvyavadhānanyāyena dvābhyāṃ vyavadhānaṃ svīkriyate. te "ghātaḥ""ghātaka"ityatra kutvaṃ bhavati. iha tu na bhavati, hananamātmana icchati hananīyati. hananīyaterṇvul--"hananīyaka"iti. etacca bhāṣyakaiyaṭādau spaṣṭam.