1/57:kim idam ṭhādeśe varṇagrahaṇam āhosvit saṅghātagrahaṇam |
2/57:kaḥ ca atra viśeṣaḥ |
3/57:ṭhādeśe varṇagrahaṇam cet dhātvantasya pratiṣedhaḥ |*
4/57:ṭhādeśe varṇagrahaṇam cet dhātvantasya pratiṣedhaḥ vaktavyaḥ |
5/57:paṭhitā , paṭhitum |
6/57:astu tarhi saṅghātagrahaṇam |
7/57:saṅghātagrahaṇam cet aṇādimāthitikādīnām pratiṣedhaḥ |*
8/57:saṅghātagrahaṇam cet uṇādimāthitikādīnām pratiṣedhaḥ vaktavyaḥ |
9/57:uṇādīnām tāvat |
10/57:kaṇṭhaḥ , vaṇṭhaḥ , śaṇṭhaḥ |
11/57:iha ca mathitam paṇyam asya māthitikaḥ iti akāralope kṛte tāntāt iti kādeśaḥ prāpnoti |
12/57:varṅagrahaṇe punaḥ sati alvidhiḥ ayam bhavati |
13/57:tasmāt viśiṣṭagrahaṇam |*
14/57:tasmāt viśiṣṭasya ṭhakārasya grahaṇam kartavyam |
15/57:na kartavyam |
16/57:astu tāvat varṇagrahaṇam |
17/57:nanu ca uktam ṭhādeśe varṇagrahaṇam cet dhātvantasya pratiṣedhaḥ iti |
18/57:na eṣaḥ doṣaḥ |
19/57:aṅgāt iti vartate |
20/57:na vā aṅgāt iti pañcamī asti |
21/57:evam tarhi pratyayasthasya iti vartate |
22/57:kva prakṛtam |
23/57:pratyayasthāt kāt pūrvasya ataḥ it āpi asupaḥ iti |
24/57:tat vai pañcamīnirdiṣṭam ṣaṣṭhīnirdiṣṭena ca iha arthaḥ |
25/57:arthāt vibhaktivipariṇāmaḥ bhaviṣyati |
26/57:tat yathā |
27/57:uccāni devadattasya gṛhāṇi |
28/57:āmantrayasva enam |
29/57:devadattam iti gamyate |
30/57:devadattasya gāvaḥ aśvāḥ hiraṇyam |
31/57:āḍhyaḥ vaidhaveyaḥ |
32/57:devadattaḥ iti gamyate |
33/57:purastāt ṣaṣṭhīnirdiṣṭam sat arthāt prathamānirdiṣṭam dvitīyānirdiṣṭam ca bhavati |
34/57:evam iha api purastāt pañcamīnirdiṣṭam sat arthāt ṣaṣṭhīnirdiṣṭam bhaviṣyati |
35/57:evam api uṇādīnām pratiṣedhaḥ vaktavyaḥ |
36/57:na vaktavyaḥ |
37/57:uṇādayaḥ avyutpannāni prātipadikāni |
38/57:evam api karmaṭhaḥ iti atra prāpnoti |
39/57:evam tarhi aṅgasya iti sambandhaṣaṣṭhī vijñāsyate |
40/57:aṅgasya yaḥ ṭhakāraḥ |
41/57:kim ca aṅgasya ṭhakāraḥ |
42/57:nimittam |
43/57:yasmin aṅgam iti etat bhavati |
44/57:kasmin ca etat bhavati |
45/57:pratyaye |
46/57:atha vā punaḥ astu saṅghātagrahaṇam |
47/57:nanu ca uktam saṅghātagrahaṇam cet uṇādimāthitikādīnām pratiṣedhaḥ iti uṇādīnām tāvat pratiṣedhaḥ na vaktavyaḥ |
48/57:parihṛtam etat uṇādayaḥ avyutpannāni prātipadikāni iti |
49/57:yat api ucyate iha ca mathitam paṇyam asya māthitikaḥ iti akāralope kṛte tāntāt iti kādeśaḥ prāpnoti iti |
50/57:na eṣaḥ doṣaḥ |
51/57:akāralopasya sthānivadbhāvāt na bhaviṣyati |
52/57:na sidhyati |
53/57:pūrvavidhau sthānivadbhāvaḥ na ca ayam pūrvavidhiḥ |
54/57:ayam api pūrvavidhiḥ |
55/57:pūrvasmāt api vidhiḥ pūrvavidhiḥ iti |
56/57:atha api uṇādayaḥ vyutpādyante evam api na doṣaḥ |
57/57:kriyate nyāse eva viśiṣṭagrahaṇam ṭhasya iti

aṅgasya nimittaṃ yaḥ ṭhaḥ, kaśca aṅgasya nimittam, pratyayaḥ, tasya pratyayaṭhasya ikaḥ ityayam ādeśo bhavati. prāg vahateṣ ṭhak 4-4-1 ākṣikaḥ. śālākikaḥ. lavaṇāṭ ṭhañ 4-4-52 lāvaṇikaḥ. ṭhagādiṣu yadi varṇamātraṃ pratyayaḥ, uccāraṇārtho 'kāraḥ, tadā iha api akāra uccāraṇārthaḥ, varnamātraṃ tu sthānitvena upādīyate. saṅghātagrahaṇe tu pratyaye 'tra api saṅghātagrahaṇam eva. tatra kaṇeṣṭhaḥ kaṇṭhaḥ ityevam ādīnām uṇādīnām uṇādayo bahulam 3-3-1iti na bhavati. mathitaṃ paṇyam asya māthitikaḥ ityatra tu yasya iti ca 6-4-148) iti lope kṛte isusuktāntāt kaḥ (*7,3.51 iti sthānivadbhāvādikasya kādeśaḥ prāpnoti, sannipātalakṣaṇo vidhiranimittaṃ tadvighātasya iti na bhavati. yasyeti ca iti lopasya sthānivadbhāvādvā. pūrvasmādapi hi vidhau sthānivadbhāvaḥ.

ṭhasya ikaḥ 7.3.50 aṅgasya nimittaṃ yaḥ ṭhaḥ, kaśca aṅgasya nimittam, pratyayaḥ, tasya pratyayaṭhasya ikaḥ ityayam ādeśo bhavati. prāg vahateṣ ṭhak 4.4.1 ākṣikaḥ. śālākikaḥ. lavaṇāṭ ṭhañ 4.4.52 lāvaṇikaḥ. ṭhagādiṣu yadi varṇamātraṃ pratyayaḥ, uccāraṇārtho 'kāraḥ, tadā iha api akāra uccāraṇārthaḥ, varnamātraṃ tu sthānitvena upādīyate. saṅghātagrahaṇe tu pratyaye 'tra api saṅghātagrahaṇam eva. tatra kaṇeṣṭhaḥ kaṇṭhaḥ ityevam ādīnām uṇādīnām uṇādayo bahulam 3.3.1iti na bhavati. mathitaṃ paṇyam asya māthitikaḥ ityatra tu yasya iti ca 6.4.148 iti lope kṛte isusuktāntāt kaḥ 7.3.51 iti sthānivadbhāvādikasya kādeśaḥ prāpnoti, sannipātalakṣaṇo vidhiranimittaṃ tadvighātasya iti na bhavati. yasyeti ca iti lopasya sthānivadbhāvādvā. pūrvasmādapi hi vidhau sthānivadbhāvaḥ.

ṭhasyekaḥ. , 7.3.50 atra yadyaviśeṣeṇa ṭhasya grahaṇaṃ syāt(), paṭhitā, paṭhitumityādau dhātvantasyāpi syāt(). ata etaddoṣaparijihīrṣayā pratyayasaya ṭhasya grahaṇam(), na tu ṭhamātrasyeti darśayitumāha--"aṅgasya nimittaṃ yaṣṭhaḥ" iti. aṅgasyeti sambandhalakṣaṇā ṣaṣṭhī. atara yadyapi dhātvavayavo hraṅgasya sambandhī bhavati, tathāpi yadā yato hraṅgasyātmalābho yasminnaṅgamityetadbhavati, sa eva pratyāsatteraṅgasya nimittībhūtaḥ sambandhī gṛhrate, na tvarayavo'pi. "kaścāṅgasya nimittaṃ bhavati" iti. evaṃ manyate--yadi sāmānyenāṅgasya nimittaṃ yattadiha gṛhrate dhātvantasya ṭhasya syādeva, bhavanti hi avayavā aṅgasayāvayavino nimittam(); taistasyārabhyamāṇatvādityāha--"pratyayaḥ" iti. asyāyamabhiprāyaḥ--satsvapyavayaveṣu yāvatpratyayo notpadyate tāvattasyāvayavino'ṅgātmalābho na bhavati, ta()smastūtpanne sati bhavati; tasmātpratyaya evāṅgasya nimittam(), nāvayava iti. "ākṣikaḥ, śālākikaḥ" iti. akṣairdīvyati, ["akṣairdīvyatītyarthe ṭhak()--mu. pāṭhaḥ] śalākābhirdīṣyatītyarthe ṭhak(). "lāvaṇikaḥ" iti. atrāpi lavaṇaṃ paṇyamasyeti "lavaṇāṭṭhañ()" 4.4.52. iha ṭhasyeti varṇamātrasya grahaṇaṃ vā syāt()? saṅghātasya vā? tatra pūrvasmina pakṣe ṭhasyeti nirdeśo nopadyate; itara()smastvoṇādike'tiprasaṅgaḥ--"kaṇeṣṭhaḥ" (da.u.5-6) kaṇṭha ityādau. iha tu mathitaṃ paṇyamasyeti māthitika iti ṭhasyekādeśe kṛte prakṛteśca "yasyeti ca" (6.4.148) ityakāralope sati tāntatāyāmupajātāyāmikādeśasya sthānivadbhāvāṭṭhagrahaṇena grahaṇāt? "isusuktāntāt? kaḥ" 7.3.51 iti kādeśaḥ prasajyeteti yaścodayet(), taṃ pratyāha--"ṭhagādiṣu" ityādi. ādiśabdena ṭhañādīnāṃ grahaṇam(), yadi teṣu varṇamātramanackapratyayo'kārastūccāraṇārthaḥ, tadā "ṭhasyekaḥ" 7.3.50 ityatrāpyakāra uccāraṇārthaḥ. evaṃ varṇamātraṃ sthānitvenopādīyate. ihāpyakāra uccāraṇārtha eveti varṇamātragrahaṇena yo doṣaḥ parasya codayiṣyataḥ sa varṇamātraṃ sthānitvenopādīyate. ihāpyakāra uccāraṇārtha eveti varṇamātragrahaṇena yo doṣaḥ parasya codayiṣyataḥ sa nirākṛtaḥ. satyapi varṇamātrasya grahaṇe, āgantukenoccāraṇārthenākāreṇa ṭhasyeti nirdeśasyopādānāt(). "saṅghātagrahaṇe tu" ityādi. atha ṭhagādiṣu saṅghātaḥ sāckaṣṭhaśabdaḥ pratyayaḥ, evaṃ satyatrāpi sūtre saṅghātasyeti sthānitvena grahaṇaṃ yuktam(). yastvasmin? pakṣe prathamo doṣaścodayitumiṣṭaḥ parasya, taṃ jihīrṣurāha--"tatra" ityādi. yo'pyasmin? pakṣe dvitīyo doṣastaṃ "mathita paṇyamasya" ityādinā'‌'viṣkṛtya--"sannipātalakṣaṇo vidhiḥ" ityādinā pariharati. ajādisannipātena takārāntatopajātā, sā notsahate'jāditvaṃ vihantumiti na bhavati kādeśaḥ. "yasyeti ceti lopasya sthānivadbhāvādvāvādvā" iti. na bhavati kādeśa iti prakṛtena sambandhaḥ; sthānivadbhāvena takārāntatayā vihatatvāt(). sthānivadbhāvaḥ punaḥ "acaḥ parasmin()" 1.1.56 ityādinā. pūrvavidhau katrtavye sthānivadbhavati, na cātra parvasya vidhiḥ, kiṃ tarhi? pūrvasmāduttarasya, tatkutaḥ sthānivadbhāvaḥ? ityāha--"pūrvasmādapi" ityādi. na kevalaṃ pūrvasya vidhiḥ pūrvavidhiriti ṣaṣṭhasamāso'bhimataḥ, api tu pūrvasmādvidhiḥ pūrvavidhiriti pañcamīsamāso'pītyabhiprāyaḥ॥

ṭhasyekaḥ. aṅgasyetyadhikṛtaṃ pañcamyā vipariṇamyate. tadāha–aṅgātparasya ṭhasyeti. ṭhakārasyetyarthaḥ. raivatika iti. revatyā apatyamiti vigrahaḥ. ṭhaki kakāra it, akāra uccāraṇārthaḥ. ṭhakārasya iko'danta ādeśaḥ. aṅgātkim ?. karmaṇa ityatra ṭhakārasya na bhavati. atra bhāṣye aṅgasaṃbandhiṭhasyeti vyākhyāne karmaṭha ityatra supaṃ prati karmaṭhaśabdasyāṅgatvāttadīyaṭhasya ikādeśamāsaṅkhya aṅgasaṃjñānimittaṃ yaṣṭhakārastasye ko bhavati, tādṛśaśca ṭhakāraḥ pratyaya eva bhavati, naceha ṭhakāraḥ pratyaya iti samāhitam. tataśca ṭhaki akāra uccāraṇārthaḥ, ṭhakāra eva pratyaya ikati vijñāyate. `ṭhasyeti saṅghātagrahaṇa'mityapi bhāṣye sthitam. asminpakṣe ṭhaki akāra uccāraṇārtho na bhavati, saṅaghāta eva pratyayaḥ, ikādeśe akāra uccāraṇārtha evetyalam.

ṭhasyekaḥ 1154, 7.3.50 ṭhasyekaḥ. aṅgasyetyadhikṛtaṃ pañcamyā vipariṇamyate. tadāha--aṅgātparasya ṭhasyeti. ṭhakārasyetyarthaḥ. raivatika iti. revatyā apatyamiti vigrahaḥ. ṭhaki kakāra it, akāra uccāraṇārthaḥ. ṭhakārasya iko'danta ādeśaḥ. aṅgātkim?. karmaṇa ityatra ṭhakārasya na bhavati. atra bhāṣye aṅgasaṃbandhiṭhasyeti vyākhyāne karmaṭha ityatra supaṃ prati karmaṭhaśabdasyāṅgatvāttadīyaṭhasya ikādeśamāsaṅkhya aṅgasaṃjñānimittaṃ yaṣṭhakārastasye ko bhavati, tādṛśaśca ṭhakāraḥ pratyaya eva bhavati, naceha ṭhakāraḥ pratyaya iti samāhitam. tataśca ṭhaki akāra uccāraṇārthaḥ, ṭhakāra eva pratyaya ikati vijñāyate. "ṭhasyeti saṅghātagrahaṇa"mityapi bhāṣye sthitam. asminpakṣe ṭhaki akāra uccāraṇārtho na bhavati, saṅaghāta eva pratyayaḥ, ikādeśe akāra uccāraṇārtha evetyalam.