1/22:saṃvatsaragrahaṇam anarthakam parimāṇāntasya iti kṛtatvāt |*
2/22:saṃvatsaragrahaṇam anarthakam |
3/22:kim kāraṇam |
4/22:parimāṇāntasya iti kṛtatvāt |
5/22:parimāṇāntasya asañjñāśāṇayoḥ iti eva siddham |
6/22:jñāpakam tu kālaparimāṇānām vṛddhipratiṣedhasya |*
7/22:evam tarhi jñāpayati ācāryaḥ kālaparimāṇānām vṛddhiḥ na bhavati iti |
8/22:kim etasya jñāpane prayojanam |
9/22:dvairātrikaḥ , trairātrikaḥ , atra vṛddhiḥ na bhavati |
10/22:na etat asti prayojanam |
11/22:na asti atra viśeṣaḥ satyām vā uttarapadavṛddhau asatyām vā |
12/22:idam tarhi |
13/22:dvasamikaḥ , traisamikaḥ |
14/22:idam ca api prayojanam dvairātrikaḥ , trairātrikaḥ |
15/22:nanu ca uktam na asti atra viśeṣaḥ satyām vā uttarapadavṛddhau asatyām vā iti |
16/22:ayam asti viśeṣaḥ |
17/22:yadi atra uttarapadavṛddhiḥ syāt acām ādeḥ vṛddhiḥ na syāt |
18/22:aparaḥ āha : jñāpakam tu kālaparimāṇānām parimāṇāgrahaṇasya |
19/22:evam tarhi jñāpayati ācāryaḥ kālaparimāṇānām parimāṇagrahaṇena grahaṇam na bhavati iti |
20/22:kim etasya jñāpane prayojanam |
21/22:aparimāṇabistācitakambalyebhyaḥ na taddhitaluki dvivarṣā , trivarṣā |
22/22:parimāṇaparyudāsena paryudāsaḥ na bhavati

saṅkhyāyā uttarapadasya saṃvatsaraśabdasya saṅkhyāyāśca acāmāderacaḥ sthāne vṛddhir bhavati taddhite ñiti, ṇiti, kiti ca parataḥ. dvau saṃvatsarābadhīṣṭo bhṛto bhūto bhāvī vā dvisāṃvatsarikaḥ. saṅkhyāyāḥ dve ṣaṣṭī adhīṣṭo bhṛto bhūto bhāvī vā dviṣāṣṭikaḥ. dvisāptatikaḥ. dviṣaṣṭhyādiśabdo varṣeṣu saṃkhyeyeṣu vartamānaḥ kālādhikāravihitaṃ pratyayam utpādayati. parimāṇāntasya asaṃjñāśāṇayoḥ 7-3-17 ityeva siddhe saṃvatsaragrahaṇam parimāṇagrahaṇe kālaparimāṇasya agrahaṇārtham. tena dvaisamikaḥ, traisamikaḥ iti uttarapadavṛddhir na bhavati. dvivarṣā, trivarṣā māṇavikā iti aparimāṇabistācita iti paryudāso na bhavati.

saṅkhyāyāḥ saṃvatsarasaṅkhyasya ca 7.3.15 saṅkhyāyā uttarapadasya saṃvatsaraśabdasya saṅkhyāyāśca acāmāderacaḥ sthāne vṛddhir bhavati taddhite ñiti, ṇiti, kiti ca parataḥ. dvau saṃvatsarābadhīṣṭo bhṛto bhūto bhāvī vā dvisāṃvatsarikaḥ. saṅkhyāyāḥ dve ṣaṣṭī adhīṣṭo bhṛto bhūto bhāvī vā dviṣāṣṭikaḥ. dvisāptatikaḥ. dviṣaṣṭhyādiśabdo varṣeṣu saṃkhyeyeṣu vartamānaḥ kālādhikāravihitaṃ pratyayam utpādayati. parimāṇāntasya asaṃjñāśāṇayoḥ 7.3.17 ityeva siddhe saṃvatsaragrahaṇam parimāṇagrahaṇe kālaparimāṇasya agrahaṇārtham. tena dvaisamikaḥ, traisamikaḥ iti uttarapadavṛddhir na bhavati. dvivarṣā, trivarṣā māṇavikā iti aparimāṇabistācita iti paryudāso na bhavati.

saṃkhyāyāḥ saṃvatsarasaṃkhyasya ca. , 7.3.15 "dvisāṃvatsarikaḥ" iti. pūrvavat? taddhitārthe samāsaḥ. tataḥ prāgvatīyaṣṭhañ(). "dviṣāṣṭikaḥ, dvisāptatikaḥ" iti. nanu ca "tamadhīṣṭo bhṛto bhṛto bhāvī" 5.1.79 ityatra kālāditi. 5.1.77 vatrtate, na dviṣaṣṭa()ādiḥ kālaśabdaḥ, kiṃ tarhi? saṃkhyāśabdaḥ, tatkathaṃ kālādhikāravihitaṃ pratyayamutpādayati? ityāha--"dviṣaṣṭa()ādiśabdaḥ" ityādi. kālavāciśabdastatra kālagrahaṇena gṛhrate, dviṣaṣṭa()ādiśabdo hi yadā varṣeṣu saṃkhyeyeṣu vatrtate, tadā kālavācitvāt? kālaśbdo bhavati. tataḥ kālādhikārīyaṃ pratyayamutyādayati. atha saṃvatsaragrahaṇaṃ kimartham(), yāvataḥ "parimāṇāntasyāsaṃjñāśāṇayoḥ" 7.3.17 ityatra parimāṇaśabdena paricchedahetumātra gṛhrate, na tu prasthādivadārohapariṇāhaparicchedahetuḥ, anyathā hi śāṇapratiṣedho'narthakaḥ syāt(), na hi śāṇaḥ parimāṇamārohaparaṇāhaparicchedahetuḥ, ataḥ kālo'pi paricchedaheturbhavati, tataśca so'pi parimāṇamiti saṃvatsaraśabdasya "parimāṇasyāsaṃjñāśāṇayoḥ" (7.3.17) ityeva siddham()? iti codyanirāsāyāha--"saṃvatsaragrahaṇam()" ityādi. parimāṇagrahaṇena kālaparimāṇasya grahaṇaṃ mā bhūdityevamarthaṃ saṃvatsaragrahaṇam(). saṃvatsaragrahaṇenāsāvartho jñāpyate--"parimāṇagrahaṇe kālaparimāṇagrahaṇaṃ na bhavati" iti. tataśca yatra parimāṇagrahaṇaṃ tatra kalaparimāṇaṃ na gṛhrate. "tena" ityādinā parimāṇagrahaṇe kālaparimāṇasyāgrahaṇe sati yadiṣṭaṃ sidhyati taddarśayati. "uttarapadavṛddhirana bhavati" iti. "parimāṇāntasya" 7.3.17 ityādinā. "dvivarṣā" iti. dve varṣe bhṛto bhūto bhāvī vā, pūrvavaṭṭhak, tasya "varṣālluk()" 5.1.87 ityanuvatrtamāne "cittavati nityam()" 5.1.88 iti luk(). "paryudāso na bhavati" iti. ṅīppratiṣedhe katrtavye tena pratiṣedhaḥ. pravatrtata eveti "dvigoḥ" 4.1.21 iti ṅībna bhavati॥

ṭhañi tvādivṛddhau prāptāyāṃ–saṃkhyāyāḥ saṃvatsara. ādivṛddhiprakaraṇe `uttarapadasye'tyadhikāre idaṃ sūtram. saṃvatsaraścasaṅkhyā ceti samāhāradvandvāt ṣaṣṭhī. saṃkhyāyā uttarapadasyeti. saṃkhyāyāḥ parasya saṃvatsarasaṃkhyasyottarapadasyetyarthaḥ. nanvatra saṃvatsaragrahaṇaṃ vyarthaṃ, saṃvatsarasya dvādaśamāsaparimāṇatayā `parimāṇāntasyā'saṃjñāśāṇayo'rityeva siddherityata āha– parimāṇāntasyetyeveti.

saṅkhyāyāḥ saṃvatsara saṅkhyasya ca 1729, 7.3.15 ṭhañi tvādivṛddhau prāptāyāṃ--saṃkhyāyāḥ saṃvatsara. ādivṛddhiprakaraṇe "uttarapadasye"tyadhikāre idaṃ sūtram. saṃvatsaraścasaṅkhyā ceti samāhāradvandvāt ṣaṣṭhī. saṃkhyāyā uttarapadasyeti. saṃkhyāyāḥ parasya saṃvatsarasaṃkhyasyottarapadasyetyarthaḥ. nanvatra saṃvatsaragrahaṇaṃ vyarthaṃ, saṃvatsarasya dvādaśamāsaparimāṇatayā "parimāṇāntasyā'saṃjñāśāṇayo"rityeva siddherityata āha--parimāṇāntasyetyeveti.

uttarapadavṛddhirneti. etaccopalakṣaṇam. `dvivarṣā'ityatra `dvigo'riti ṅīnbabhavati. parimāṇaparyudāsena paryudāsā'bāvāt `aparimāṇabistācite'tīha niṣedhapravṛtteḥ. dvivarṣe bhṛte `tamadhīṣṭaḥ'iti ṭhañ.`varṣāllukca'iti luk. `cittavati nitya'miti nityaluko vakṣyamāṇatvādacittavāniha pratyayārtha iti pratyudāharati.

saṅkhyāyāḥ saṃvatsarasaṅkhyasya ca 1336, 7.3.15 uttarapadavṛddhirneti. etaccopalakṣaṇam. "dvivarṣā"ityatra "dvigo"riti ṅīnbabhavati. parimāṇaparyudāsena paryudāsā'bāvāt "aparimāṇabistācite"tīha niṣedhapravṛtteḥ. dvivarṣe bhṛte "tamadhīṣṭaḥ"iti ṭhañ."varṣāllukca"iti luk. "cittavati nitya"miti nityaluko vakṣyamāṇatvādacittavāniha pratyayārtha iti pratyudāharati.