1/8:kimartham astriyām iti ucyate na āṅaḥ nā puṃsi iti eva ucyeta |
2/8:kā rūpasiddhiḥ : trapuṇā , jatunā |
3/8:numā siddham |
4/8:na evam śakyam |
5/8:iha hi amunā brāhmaṇakulena iti mubhāvasya asiddhatvāt num na syāt |
6/8:astriyām iti punaḥ ucyamāne na doṣaḥ bhavati |
7/8:katham |
8/8:vakṣyati etat na mu ṭādeśe

gheḥ uttarasya āṅaḥ nābhāvo bhavati astriyām. agninā. vāyunā. paṭunā. puṃsi iti noktam, amunā brāhmaṇakulena. astriyām iti kim? kṛtyā. dhenvā.. ॥ iti śrīvāmanavircitāyāṃ kāśikāyāṃ vṛttau saptamādhyāyasya tṛtīyaḥ pādaḥ..

āṅo nā 'striyām 7.3.120 gheḥ uttarasya āṅaḥ na abhāvo bhavati astriyām. agninā. vāyunā. paṭunā. puṃsi iti noktam, amunā brāhmaṇakulena. astriyām iti kim? kṛtyā. dhenvā. iti kāśikāyāṃ vṛttau saptamādhyāyasya tṛtīyaḥ pādaḥ. . saptamādhyāyasya caturthaḥ pādaḥ.

āṅo nā'striyām?. , 7.3.119 āṅa iti sthānyantaranirdeśādihārthādvibhaktivipariṇāmo bhavatīti ṣaṣṭha()ntaṃ yadgheriti prakṛtaṃ tadiha pañcamyantamupajāyata ityāha--"gheruttarasya" ityādi. atha kimaratham? "astriyām()" ityucyate, "āṅo nā puṃsi" ityevocyeta; evamucyamāne trapuṇā jatunetyetanna sidhyatītyetacca nāśaṅkanīyam(); "iko'ci vibhaktau" (7.1.73) iti numaiva siddhatvāt()? iti yo manyeta, taṃ nirākarttum()--"amunā brāāhṛṇakulena ityasyopanyāsaḥ. atra hi tyadādyatve kṛte "adaso'serdādu do maḥ" 8.2.80 ityuttvamatve ca. tatra yadi puṃsītyucyate, tato'muneti napuṃsake na sidhyet(); mubhāvasyāsiddhatvāt(). numo'bhāvāt? "astriyām()" ityucyamāne napuṃsake'pi nābhāvo bhavatītyamuneti siddhaṃ bhavati. na hi nābhāve katrtavye mubhāvasyāsiddhatvam(); "na mu ne" 8.2.3 iti vacanādatyabhiprāyaḥ॥ iti bodhisattvadeśīyācārya śrījinendrabuddhipādaviracitāyāṃ kāśikāvivaraṇapañjikāyāṃ saptamādhyāyasya tṛtīyaḥ pādaḥ - - - atha saptamo'dhyāyaḥ caturthaḥ pādaḥ

āṅo nāstriyām 171, 7.3.119 gheḥ parasyāṅo nā syādastriyām. āṅiti ṭāsaṃjñā. hariṇā. haribhyām. haribhiḥ॥

āṅo. gheḥ parasyeti. `acca gheḥ' ityato ghigrahaṇānuvṛtteriti bhāvaḥ. hariṇeti. nādeśe `aṭkupvā'ṅiti ṇatvam. nanvāṅo vihito nābhāvaḥ kathaṃ ṭā ityasya syādityata āha–āṅitīti. prācāmācāryāṇāṃ śāstre saṃñjñaiṣetyarthaḥ. matyeti. `striyāṃ kti'niti ktinnantamatiśabdasya strīliṅgatvānnābhāvo neti bhāvaḥ. haribhyām. haribhiḥ. hari-e iti sthite.

āṅo nā'striyām 242, 7.3.119 āṅo. gheḥ parasyeti. "acca gheḥ" ityato ghigrahaṇānuvṛtteriti bhāvaḥ. hariṇeti. nādeśe "aṭkupvā"ṅiti ṇatvam. nanvāṅo vihito nābhāvaḥ kathaṃ ṭā ityasya syādityata āha--āṅitīti. prācāmācāryāṇāṃ śāstre saṃñjñaiṣetyarthaḥ. matyeti. "striyāṃ kti"niti ktinnantamatiśabdasya strīliṅgatvānnābhāvo neti bhāvaḥ. haribhyām. haribhiḥ. hari-e iti sthite.

āṅo nā. `puṃsī'ti tu noktam, `amunā kulene'tyatra yathā syāt. na ca numā rūpasiddhiḥ, mutvāsyā'siddhatvā `iko'cī'ti numo'pravṛtteḥ. nādeśe tu nā'siddhatvam. `na mune' iti niṣedhāt. naca `na mu ne' iti niṣedho numyeva kiṃ na syāt,-`na' ityakārasyā'vivakṣitatvāditi vācyam, `amunā ghaṭene'tyādyasiddhyāpatteḥ. `amuṣmai kulāye'tyādau numprasaṅgācca. na ca tatrasmāyādeśe sati numo'pravṛttiriti śaṅkyaṃ, smāyādeśaṃ bādhitvā paratvānnumaḥ pravṛtteḥ. prācāmiti. `ācāryāṇā'miti śeṣaḥ.

āṅo nā'striyām 204, 7.3.119 āṅo nā. "puṃsī"ti tu noktam, "amunā kulene"tyatra yathā syāt. na ca numā rūpasiddhiḥ, mutvāsyā'siddhatvā "iko'cī"ti numo'pravṛtteḥ. nādeśe tu nā'siddhatvam. "na mune" iti niṣedhāt. naca "na mu ne" iti niṣedho numyeva kiṃ na syāt,-"na" ityakārasyā'vivakṣitatvāditi vācyam, "amunā ghaṭene"tyādyasiddhyāpatteḥ. "amuṣmai kulāye"tyādau numprasaṅgācca. na ca tatrasmāyādeśe sati numo'pravṛttiriti śaṅkyaṃ, smāyādeśaṃ bādhitvā paratvānnumaḥ pravṛtteḥ. prācāmiti. "ācāryāṇā"miti śeṣaḥ.