1/7:gheḥ ṅiti guṇavidhāne ṅīsārvadhātuke pratiṣedhaḥ |*
2/7:gheḥ ṅiti guṇavidhāne ṅīsārvadhātuke pratiṣedhaḥ vaktavyaḥ |
3/7:paṭvī , mṛdvī , kurutaḥ iti |
4/7:subadhikārāt siddham |*
5/7:sup iti vartate |
6/7:kva prakṛtam |
7/7:supi ca bahuvacane jhali et iti

ghyantasyāṅgasya ṅiti pratyaye parato guṇo bhavati. agnaye. vāyave. agnerāgacchati. vāyorāgacchati. agneḥ svam. vāyoḥ svam. gheḥ iti kim? sakhye. patye. ṅiti iti kim? agnibhyām. supi ityeva, paṭvī. kurutaḥ.

gher ṅiti 7.3.111 ghyantasyāṅgasya ṅiti pratyaye parato guṇo bhavati. agnaye. vāyave. agnerāgacchati. vāyorāgacchati. agneḥ svam. vāyoḥ svam. gheḥ iti kim? sakhye. patye. ṅiti iti kim? agnibhyām. supi ityeva, paṭvī. kurutaḥ.

gherṅiti. , 7.3.111 "sakhye, patye" iti. sakhipatiśabdau ghisaṃjñakau na bhavataḥ; "śeṣo dhyasakhi" 1.4.7 iti paryudāsāt(); "patiḥ samāsa eva" 1.4.8 iti niyamācca. "paṭvī" iti. "voto guṇavacanāt()" 4.1.44 ṅīṣu. atra guṇo na bhavati; "supi ca" 7.3.102 ityataḥ supītyanuvṛtte "kurutaḥ" iti. karotestas(), upratyayaḥ, dhātorguṇaḥ, raparatvam(), "ata ut? sārvadhātuke" 6.4.110 ityuttvam(). atrāpi supītyanuvṛttestasi parato vikaraṇāntasaya na bhavati guṇaḥ॥

gherṅiti. `supi ce'tyataḥ `supī'ti `hyasvasye'tyato `guṇa' iti cānuvartate. tadāha-ghisaṃjñakasyetyādinā. yaṇo'pavādaḥ. haraye iti. guṇe ?yādeśaḥ. supi kiṃ paṭvīti. `voto guṇavacanā'diti ṅīṣ. tasya ṅittve'pi suptvā'bhāvāttasmin parato na guṇa ityarthaḥ. naca `gheṅī'tyeva sūtryatām, idgrahaṇaṃ na kartavyam, `yasmin vidhi'riti paribhāṣayā ṅakārādau supītyarthalābhāditi vācyam, evaṃ sati `āṇnadyāḥ' ityatrāpi ṅītyevānuvṛttau ṅakārāderāma āṅvidhīyeta. tataśca `matyā'mityatra āṇna syāt. āmo ṅāditvā'bhāvāt. naca sthānivadbhāvena ṅāditvaṃ śaṅkyam. alvidhitvāt. sthānino ṅerṅakārasya itsaṃjñālopābhyāmapahmatatvena āmsthānyaltvā'bhāvāt, anubandhānāmanekāntatvāt. ekāntatvapakṣe.ñapi algrahaṇena anubandhasya grahaṇaṃ na bhavati, `anekālśitsarvasye'tyatra śidgrahaṇājjñāpakāt. anyathā `idama i' śityādiśitāṃ śakāreṇānubandhena sahānekāltvādeva siddhe kiṃ tena ?. ataeva tibādyādeśeṣu pittvādi sidhyati. ata eva tibādyādeśeṣu pittvādi sidhyati. ata eva `sehrrapicce'tyatra apidityarthavat. anyathā pitkāryasyā'lvidha#itvāttatra sthānivadbhāvasyaivā'prasaktyā heḥ pittvasyaivā'prasaktau kiṃ tanniṣedhena ?. tadidaṃ sthānivatsūtre śabdenduśekhare prapañcitam. guṇe kṛte iti. `ṅasiṅaso'riti śeṣaḥ. hare-as iti sthite'padāntatvāt `eṅaḥ padāntā'diti pūrvarūpe aprāpte, ayādeśe prāpte–.

gherṅiti 243, 7.3.111 gherṅiti. "supi ce"tyataḥ "supī"ti "hyasvasye"tyato "guṇa" iti cānuvartate. tadāha-ghisaṃjñakasyetyādinā. yaṇo'pavādaḥ. haraye iti. guṇe?yādeśaḥ. supi kiṃ paṭvīti. "voto guṇavacanā"diti ṅīṣ. tasya ṅittve'pi suptvā'bhāvāttasmin parato na guṇa ityarthaḥ. naca "gheṅī"tyeva sūtryatām, idgrahaṇaṃ na kartavyam, "yasmin vidhi"riti paribhāṣayā ṅakārādau supītyarthalābhāditi vācyam, evaṃ sati "āṇnadyāḥ" ityatrāpi ṅītyevānuvṛttau ṅakārāderāma āṅvidhīyeta. tataśca "matyā"mityatra āṇna syāt. āmo ṅāditvā'bhāvāt. naca sthānivadbhāvena ṅāditvaṃ śaṅkyam. alvidhitvāt. sthānino ṅerṅakārasya itsaṃjñālopābhyāmapahmatatvena āmsthānyaltvā'bhāvāt, anubandhānāmanekāntatvāt. ekāntatvapakṣe.ñapi algrahaṇena anubandhasya grahaṇaṃ na bhavati, "anekālśitsarvasye"tyatra śidgrahaṇājjñāpakāt. anyathā "idama i" śityādiśitāṃ śakāreṇānubandhena sahānekāltvādeva siddhe kiṃ tena?. ataeva tibādyādeśeṣu pittvādi sidhyati. ata eva tibādyādeśeṣu pittvādi sidhyati. ata eva "sehrrapicce"tyatra apidityarthavat. anyathā pitkāryasyā'lvidha#itvāttatra sthānivadbhāvasyaivā'prasaktyā heḥ pittvasyaivā'prasaktau kiṃ tanniṣedhena?. tadidaṃ sthānivatsūtre śabdenduśekhare prapañcitam. guṇe kṛte iti. "ṅasiṅaso"riti śeṣaḥ. hare-as iti sthite'padāntatvāt "eṅaḥ padāntā"diti pūrvarūpe aprāpte, ayādeśe prāpte--.