1/25:aṣṭanjanādipathimathyātveṣu āntaratamyāt anunāsikaprasaṅgaḥ |*
2/25:aṣṭanjanādipathimathyātveṣu āntaratamyāt anunāsikaḥ prāpnoti |
3/25:aṣṭābhiḥ , aṣṭābhyaḥ , jātaḥ , jātavān , panthāḥ , manthāḥ |
4/25:siddham anaṇtvāt |*
5/25:siddham etat |
6/25:katham |
7/25:anaṇtvāt |
8/25:katham anaṇtvam |
9/25:aṇsavarṇān gṛhṇāti iti ucyate na ca akāraḥ aṇ |
10/25:uccāraṇasāmarthyāt vā |*
11/25:atha vā śuddhoccāraṇasāmarthyāt na bhaviṣyati |
12/25:na etau staḥ parihārau |
13/25:yat tāvat ucyate anaṇtvāt iti na brūmaḥ aṇsavarṇān gṛhṇāti iti |
14/25:katham tarhi taparaḥ tatkālasya iti |
15/25:yat api ucyate uccāraṇasāmarthyāt vā iti asti anyat uccāraṇe prayojanam |
16/25:kim |
17/25:uttarārtham |
18/25:rāyaḥ hali iti |
19/25:evam tarhi na imau pṛthakparihārau |
20/25:ekapariharaḥ ayam |
21/25:siddham anaṇtvāt uccāraṇasāmarthyāt vā iti |
22/25:iha tāvat aṣṭābhiḥ , aṣṭābhyaḥ iti anaṇtvāt siddham |
23/25:jātaḥ , jātavān , panthāḥ , manthāḥ uccāraṇsāmarthyāt siddham |
24/25:yadi evam pṛthakparihārayoḥ api na doṣaḥ |
25/25:yaḥ yatra parihāraḥ saḥ tatra bhaviṣyati

aṣṭano vibhaktau parataḥ ākārādeśo bhavati. aṣṭābhiḥ. aṣṭābhyaḥ. aṣṭānām. aṣṭāsu. vibhaktau iti kim? aṣṭatvam. aṣṭatā. ā iti vyaktinirdeśo 'yam. ākṛtinirdeśe tu nakārasthane 'nunāsikākāraḥ syāt. vikalpena ayam ākāro bhavati, etaj jñāpitam aṣṭano dīrghāt 6-1-172) iti dīrghagrahaṇāt, aṣṭābhya auś (*7,1.21 iti ca kṛtātvasya nirdeśāt. tena aṣṭabhiḥ, aṣṭabhyaḥ ityapi bhavati. tadantavidhiśca atra iṣyate. priyāḥ aṣṭau yeṣām te priyāṣṭānaḥ. priyāṣṭau.

aṣṭana ā vibhaktau 7.2.84 aṣṭano vibhaktau parataḥ ākārādeśo bhavati. aṣṭābhiḥ. aṣṭābhyaḥ. aṣṭānām. aṣṭāsu. vibhaktau iti kim? aṣṭatvam. aṣṭatā. ā iti vyaktinirdeśo 'yam. ākṛtinirdeśe tu nakārasthane 'nunāsikākāraḥ syāt. vikalpena ayam ākāro bhavati, etaj jñāpitam aṣṭano dīrghāt 6.1.166 iti dīrghagrahaṇāt, aṣṭābhya auś 7.1.21 iti ca kṛtātvasya nirdeśāt. tena aṣṭabhiḥ, aṣṭabhyaḥ ityapi bhavati. tadantavidhiśca atra iṣyate. priyāḥ aṣṭau yeṣām te priyāṣṭānaḥ. priyāṣṭau.

aṣṭana ā vibhaktau. , 7.2.84 "ā iti vyaktinirdeśo'yam()" iti. śuddhāyā niranunāsikāyā ākārasya vyaktereva nirdeśa ityarthaḥ. athākṛtinirdeśe ko doṣaḥ syāt(), yatastatparīhārārtho vyaktinirdeśo'yamāśritaḥ? ityata āha--"ākṛtinirdeśe hi" ityādi. jātirihākṛtirvivakṣitā, na tu saṃsthānam(). jātinirdeśe sati śuddhāyā jāternirdeṣṭumaśakyatvāt? tadādhārabhūtāsu vyaktiṣu kāryaṃ vijñāyate. tatra yadīha jātinirdeśa āśrīyeta, tadā sarvāsvakāravyaktiṣu jātyāvāratvamupagatāsu "alo'ntyasya" 1.1.51 iti nakārasya vidhopamāna ākāra āntaratamyādanunāsikasya sthāne'nunāsika eva syāt(). vyaktinirdeśe tveṣa doṣo na bhavati; ityādi na sidhyati, na hratra vikalpābhidhāyi vacanamasti, napi prakṛtam()? ityata āha--"vikalpena" ityādi. "aṣṭano dīrghāt()" 6.1.166 ityanenāṣṭanī dīrghādasarvanāmasthānāvibhakterudāttatvaṃ vidhīyate. yadi ca nityamāttvaṃ syāt(), dīrghāditi viśeṣaṇaṃ nirarthakaṃ syāt(). aṣṭābhya auś()" 7.1.21ityatra ca kṛtāttvasya nirdeśo'narthakaḥ syāt(). vyavacchedyābhāvadaṣṭana ityevaṃ brāūyāt(). tasmāddīrghagrahena kṛtāttvanirdeśena vikalpenedamāttvaṃ bhavatīti jña#āpitam(). tenāṣṭabhirityādyapi pakṣe upāttaḥ; ekavacananirdeśāt(). anyathā hi bahvarthatvādaṣṭānāmityevaṃ brāūyāt(). tasmāt? svarūpadhānoyam(). tatrāṅge prakṛte'nena viśeṣyamāṇe tadantavidhirlabhyate. viśeṣaṇena hi tadantavidhirbhatītyuktam(). "priyāṣṭā" [nedamadāharaṇaṃ mūle dṛśyate] iti. "sarvanāmasthāne" 6.4.8 ityādinā dīrghaḥ॥

tasya viśeṣamāha–aṣṭana ā vibhaktau. `rāyo halī'tyo halītyapakṛṣyate. tacca vibhakterviśeṣaṇaṃ, tadādividhiḥ. tadāha–aṣṭana ātvamityādinā. grahaṇakasūtre'grahaṇena vārṇasamāmnāyikānāmeva grahaṇādākārasyā'naṇtvādbhāvyamānatvācca śuddha eva nakārasya ākāraḥ.

aṣṭana ā vibhaktau , 7.2.84 tasya viśeṣamāha--aṣṭana ā vibhaktau. "rāyo halī"tyo halītyapakṛṣyate. tacca vibhakterviśeṣaṇaṃ, tadādividhiḥ. tadāha--aṣṭana ātvamityādinā. grahaṇakasūtre'grahaṇena vārṇasamāmnāyikānāmeva grahaṇādākārasyā'naṇtvādbhāvyamānatvācca śuddha eva nakārasya ākāraḥ.

aṣṭana ā vibhaktau. sautratvādihā'llopo na kṛtaḥ. `kaninyuṣitakṣī'tyataḥ `kaniḥ nityanuvartamāne 'sapyaśūbhyāṃ tuṭ ce`tyanena saptannaṣṭanśabdau niṣpannau. `rāyau halī tyuttarasūtrāddhalītyapakṛṣyate, tacca vibhakterviśeṣaṇamityabhipretya vyācaṣṭe—halādāviti. `halī'tyasyānapapakarṣaṇe tvaṣṭānāmiti na sidhyet. paratvānnityatvācca nuṭaḥ prāgātve kṛte anāntatvena ṣaṭsaṃjñā'bhāvāntuṭo'pravṛtteḥ.na ca yathoddeśapakṣe'ntakaṅgatvātprāgeva kṛtā ṣaṭsaṃjñā ekadeśavikṛtanyāyena kṛtātve'pi sulabheti vācyam, alvidhau uktanyāya'yaugt. kiṃca `priyāṣṭānau'`priyaṣṭānaḥ'priyaṣṭnaḥ' `priyaṣṭne'tyādyapi na sidhyet, uktarītyā tatrāpyātvapravṛtteriti bodhyam.

rāyo hali 246, 7.2.84 rāyo hali. "aṣṭena ā vibhaktau"ityata "ā"iti, "vibhaktā"viti ca vartate. tadāha--ākāro'ntādeśa ityādi. "artharaivibhavā apī"tyamaraḥ. "rāyaśchāndasaḥ"iti bhāṣyam, tacca kyajantasya raiśabdasya chāndasatvaparaṃ natu kelasyāpīti "vanto yī"ti sūtre kaiyaṭaḥ. saeva kevalopi cchāndasa iti pakṣāntaramapyāha. ityaidantāḥ. glauriti. "glaurmṛgāṅkaḥ kalānidhi"rityamaraḥ. evaṃ janānavatīte "janauḥ". "jvaratvare"tyūṭh. "etyedatyūṭh"sviti vṛddhiḥ. acyāvādeśaḥ."janāvau""janāva"ityādi. na pravartate iti. he glaurityatra saṃbuddhilopaḥ, "glāva"ityatra "ṅasiṅasośce"ti pūrvarūpaṃ ca na pravartate ityāpi bodhyam. sāvaṇryāvajñāpanāditi. sati tu sāvaṇrye ecaścaturviśateḥ saṃjñā bhavantīti "vṛddhirādai"jityetadvṛddhirādeṅiti paṭhituṃ śakyatvādaiaujisūtraṃ vyarthaṃ satsāvaṇryā'bhāvaṃ jñāpayati. ataeva "edaitorodautośca na mithaḥ sāvaṇryam, aiaujiti sūtrārambhasāmathryā"dityādyaṇuditsavrṇasyeti sūtra evoktamiti bhāvaḥ. nanvaiaujiti sūtrā'bhāve "na yvābhyā"miti sūtre "tābhyāmai"jiti pratyāhāro'yaṃ na sidhyet,"pūrvau tu tābhyāme"ṅityukte tu vidhīyamānasya savarṇā'grāhakatayā "vaiyākaraṇaḥ"sauvaśca ityādāvedotāvevāgamau sto na tvaidautau. tataścaṭa vaiyathryā'bhāvādai aujiti sūtrārambhaḥ sāvaṇryā'bhāvaṃ na jñāpayatīti cainmaivaṃ, "pūrvau tu tābhyāmai au"iti paṭhanenāpi iṣṭasiddhestatsūtravaiyathryasya tadavasthatvāt. sthitasya gatipradarśanamidam. vastutastu "e o"ṅiti sūtrārambhasāmathryā"dityukte tu "tābhyāmai"jityatrānupapattirnāstyeva. na ca "e o "ṅiti sūtrā'bhāve "ādeṅguṇaḥ""eṅi pararūpam,eṅaḥ padāntādati"ityādāveṅapratyāhāraḥ kathaṃ sidhyediti vācyaṃ, sati tu sāvaṇrye "adejguṇaḥ, "eci pararūpam"ecaḥ padāntādatī"ti paṭhituṃ śakyatvāt. atiprasaṅgasya"e"jgrahaṇe'pi tulyatvāt. na caivamapyecāṃ caturṇā" kramādāyādyadeśasihrartham "aiau"jiti sūtradvayamapyāvaśyakamiti vācyaṃ; "sthāne'ntaratamaḥ"ityanenaiva ecāṃ kramādayādayaḥ sidhyantīti prāgevāsmābhirūpapāditatvāti. yadā hi "svarāṇāmṛṣmāṇāṃ caive"tyādidiprāguktaśikṣāvacanānurodhādeṅau vivṛtataparau, ecau vivṛtatamau" ityabhyupagamyate, tadātvedaitorodautośca mithaḥ sāvaṇryaprasaktireva nāstīti "aiau"jiti "eo"jiti "aio"ṅiti vā sūtraṃ noktajñāpakamiti jñeyam. kecittu vivṛtatarayoreṅa#orvivṛtatamatvā'bhāve'pi vivṛtatare vivṛtatameva vivṛtatvasya sattvāttadādāya tulyaprayatnatvameṅoraicoścāstīti sāvaṇryaparsaktāvuktajñāpakāśrayaṇaṃ samyagevetyāhuḥ. tadapare na kṣamante. tathāhi sati "iko guṇavṛddhī"iti sūtrasthaśabdakaustubhagranthena sasaha virodhaprasaṅgāt. tatra hi---"svarāṇāmūṣmaṇāṃ ce" tyādiśikṣānurodhā "ccetā""nete"tyādau guṇā'pravṛttiḥ syāt, vivṛtavivṛtataratvarūpavailakṣaṇyasya, sattvāditi na śaṅkayaṃ, vidhernirviṣayatvāpatteḥ. "jayaḥ karaṇam""dhānyānāṃ bhavane"ityādinirdeśairikārādiṣu guṇaparvṛttyanumānācceti prakārāntare samāhitam. taduktarītyā tulyaprayatnavattve tu "cetā""nete"tyādau guṇā'pravṛttiśaṅkā nirālambanaina syāt. tasmādīṣadvivṛtabhedena svarāṇāmūṣmaṇāmiva vivṛtataravivṛtatamabhedena sāvaṇryā'bhāvo'tra suvaca iti dik. ityajantā pum̐lliṅgāḥ.