1/32:muki svare doṣaḥ |*
2/32:muki sati svare doṣaḥ bhavati |
3/32:pacamānaḥ , yajamānaḥ |
4/32:mukā vyavahitatvāt anudāttatvam na prāpnoti |
5/32:nanu ca ayam muk adupadeśabhaktaḥ adupadeśagrahaṇena grāhiṣyate |
6/32:na sidhyati |
7/32:aṅgasya muk ucyate vikaraṇāntam ca aṅgam saḥ ayam saṅghātabhaktaḥ aśakyaḥ adupadeśagrahaṇena grahītum |
8/32:evam tarhi abhaktaḥ kariṣyate |
9/32:abhakte ca |*
10/32:kim |
11/32:svare doṣaḥ bhavati |
12/32:pacamānaḥ , yajamānaḥ |
13/32:mukā vyavahitatvāt anudāttatvam na prāpnoti |
14/32:evam tarhi parādiḥ kariṣyate |
15/32:parādau dīrghaprasaṅgaḥ |*
16/32:yadi parādiḥ kriyate ataḥ dīrghaḥ yañi iti dīrghatvam prāpnoti |
17/32:na eṣaḥ doṣaḥ |
18/32:tiṅi iti evam tat |
19/32:sidhyati |
20/32:sūtram tarhi bhidyate |
21/32:yathānyāsam eva astu |
22/32:nanu ca uktam muki svare doṣaḥ iti |
23/32:parihṛtam etat adupadeśabhaktaḥ adupadeśagrahaṇena grāhiṣyate |
24/32:nanu ca uktam aṅgasya muk ucyate vikaraṇāntam ca aṅgam saḥ ayam saṅghātabhaktaḥ aśakyaḥ adupadeśagrahaṇena grahītum iti |
25/32:atha ayam adbhaktaḥ syāt gṛhyeta adupadeśagrahaṇena |
26/32:bāḍham gṛhyeta |
27/32:adbhaktaḥ tarhi bhaviṣyati |
28/32:tat katham |
29/32:ataḥ yā iyaḥ iti atra akāragrahaṇam pañcamīnirdiṣṭam aṅgasya iti ca ṣaṣṭhīnirdiṣṭam tatra aśakyam vivibhaktitvāt ataḥ iti pañcamyā aṅgam viśeṣayitum |
30/32:tat prakṛtam iha anuvartiṣyate |
31/32:evam api ṣaṣṭhyabhāvāt na prāpnoti |
32/32:ānaḥ iti eṣā saptamī ataḥ iti pañcamyāḥ ṣaṣṭhīm prakalpayiṣyati tasmin iti nirdiṣṭe pūrvasya iti

āne parato 'ṅgasyātaḥ mugāgamo bhavati. pacamānaḥ. yajamānaḥ. akāramātrabhakto 'yaṃ mukadupadeśagrahaṇena gṛhyate iti adupadeśāditi lasārvadhātukānudattatvaṃ bhavati. yadyevam āto ṅitaḥ 7-2-81 ityayam api cidhiḥ prāpnoti? taparanirdeśān na bhaviṣyati. muki sati adhyardhamātro bhavati. lasārvadhātukānudāttatvam api tarhi na prāpnoti? na eṣa doṣaḥ. upadeśagrahaṇaṃ tatra kriyate. tena upadeśādūrdhaṃ satyapi kālabhede bhavitavyam. tathā ca pacavaḥ, pacāmaḥ ityatra api bhavati.

āne muk 7.2.82 āne parato 'ṅgasyātaḥ mugāgamo bhavati. pacamānaḥ. yajamānaḥ. akāramātrabhakto 'yaṃ mukadupadeśagrahaṇena gṛhyate iti adupadeśāditi lasārvadhātukānudattatvaṃ bhavati. yadyevam āto ṅitaḥ 7.2.81 ityayam api cidhiḥ prāpnoti? taparanirdeśān na bhaviṣyati. muki sati adhyardhamātro bhavati. lasārvadhātukānudāttatvam api tarhi na prāpnoti? na eṣa doṣaḥ. upadeśagrahaṇaṃ tatra kriyate. tena upadeśādūrdhaṃ satyapi kālabhede bhavitavyam. tathā ca pacavaḥ, pacāmaḥ ityatra api bhavati.

āne muk?. , 7.2.82 "aṅgasyātaḥ" iti. vyādhikaraṇe ṣaṣṭha()o--āṅgasya yo't? tasaya mugagamo bhavatīti. tadihādgrahaṇaṃ tarhi kriyatām()? na katrtavyam(); "ato yeyaḥ" 7.2.80 ityato'ta ityanuvarttiṣyate. nanu ca pañcamīnirdiṣṭaṃ tatra, ṣaṣṭhīnirdiṣṭena cehārthaḥ? naitadasti; ata ityeṣā tu pañcamī tatreyādeśe caritārthā, "āne" ityeṣā tu saptamyakṛtārthā. tasmādāna ityeṣā saptamyata ityasyāḥ pañcamī tatrepādeśe caratārthā, "āne ityeṣā tu saptamyakṛtārthā. tasmādāna ityeṣā saptamyata ityasyāḥ pañcamyāḥ ṣaṣṭhītvaṃ parikalpabayiṣyati, "tasminniti nirddiṣṭe pūrvasya" 1.1.65 iti niyamāt(). nanu cākārovarṇo makāro'pi varṇa eva, mugayaṃ tvantaliṅgaḥ, antaścāvayavaḥ, na ca varṇo "varṇasyāvayavo ["varṇasyāvayavī--mudrita pāṭhaḥ] yujyate, tenānārabdhatvāt(), tasmādayuktamuktam()--ato mugāgamo bhavatati? naiṣa doṣaḥ; sarvatraiva hi yasyāgamo vidhīyate, yaścāgamo vidhīyate tatsamudāyāpekṣayā'‌'ditvamantatvaṃ vā vidhīyate. tasmādatto mugāgamo bhavatītyasyārtho'yaṃ vivakṣitaḥ--akārādirayaṃ samudāyo sakārāntaśca bhavatīti. "pacamānaḥ" iti. laṭ(), tasya śānac(). āne parato'hgasyāto mugāgamo bhavatītyukte samānādhikaraṇe ete ṣaṣṭha()āviti manyamāno'kārāntasya āne parato mugagagamo bhavatītīdaṃ sūtrārtha gṛhītvā ya evaṃ deśayet()--yadyakārāntamaṅgamāgami, pacamāna ityatra "adupadeśāllasārvadhātukamanudāttam()" 6.1.180 ityanudāttatvaṃ na syāt(); akārasya mukā vyavahitatvāt(). akāro ya upadeśa ityevaṃ hi tatara vyavasthitam(), na tvakārānto'yamupadeśa iti. na ca śakyate vaktum()--aṅgabhakto'yaṃ nuk(), ato nāsti vyavadānamiti; aṅgabhakto hrayamaṅgameva na vyavadadhyāt(), akāraṃ tu vyavadadhātyeva. avayavo hi samudāyasya vyavadhāyako na bhavati. avayavāntarasya tu vyavadhāyako bhavatyevetyata āha--"akāramātrabhakto hrayam()" ityādi. mātraśabdo'yamaṅgabhaktatvavyavacchedāya. aṅgañcātrākāraviśeṣaṇam(). akāra evāgamī, nāṅgam(). tasmāt? tadabhaktatvāt? tadagrahaṇenaiva mug? gṛhayata iti vyavadhānābhāvāllasārvadhātukamanudattaṃ bhavati. nanu cākārāntabhakte'pi muki bhavitavyameva "lasārvadhātukamanudāttamahanviṅoḥ" 6.1.180 ityanudāttatvena, "svaravidhau vyañjanamavidyamānavat()" (vyā.pa.37) iti muko'vidyamānavattvādvyavadhānābhāvāt()? evaṃ manyate--naiṣā paribhāṣā bhāṣyakārasya sammatā. tathā hi--tenemāṃ paribāṣāṃ pratyākhyāyeyamanyā paribhāṣā gṛhītā--"halaḥsvaraprāptau ["halsvaraprāptau--nī.pa.vṛ] vyañjanamavidyamānavat()" (nī.pā.vṛ.68), iti. na cātra halaḥ svaraprāpatirasti, kiṃ tarhi? acaḥ. "yadyevam()" ityādi. yadyakārabhakto'ya mukaṃ tadgrahahaṇena gṛhra ityevaṃ styavyavadhāyakatvādeva tasya pacamāna ityatrākārādanantarasyāna iti, tasya "āto ṅitaḥ" 7.2.81 itīyadeśaḥ prāpnotītyata āta--"taparakaraṇanirdeśānna bhavati" iti. akāro hratra mātrākālastaparo niradiṣṭo muki satayardhamātro bhavati. ataḥ kālabhedānna bhaviṣyati. adhikamadrdha yasyāḥ sā'dhyadrdhā, adhyadrdhā mātrā yasyā so'dyadrdhamātraḥ. lasārvadhātukamanudāttamapi tarhi na prāpnotīti tadvidhāvapi taparanirdeśāt(). "upadeśagrahaṇam()" ityādi. upadeśagrahaṇa tatra kriyate prāgavasthopalaśraṇārtham(). tena upadeśāvasthāyāṃ mātrākālastasya yadyapyuttarakālaṃ muki kṛte kālabhedo'sti, tathāpayupadeśāvasthāyāṃ mātrākālatvādbhavatyevātrānudāttatvam(). "tathā ca" ityādi. yatastatropadeśādūdhrvaṃ satyapi kālabhede'nudāttatvena bhavitavyam(), evañca kṛtvā yatrāpi "ato dīrgho yañi" 7.3.101 iti da#īrghatve kṛte kālabhedo'sti--pacāva ityādau, tatrāpi bhavati॥

adantāṅgasya mugāgamaḥ syādāne pare. pacamānaṃ caitraṃ paśya. laḍityanuvartamāne punarlaḍgrahaṇāt prathamāsāmānādhikaraṇye'pi kvacit. san dvijaḥ..

āne muk. `aṅgasye'tyadhikṛtam `ato yeyaḥ' iti pūrvasūtrādanuvṛttena ṣaṣṭha\ufffdā vipariṇatena atā viśeṣyate. tadantavidhiḥ. tadāha– adantasyeti. muki kakāra it, ukāra uccāraṇārthaḥ, kittvādantāvayavaḥ. anuvartamāne iti. `vartamāne la'ḍiti pūrvasūtrādanuvṛttasya laḍityasya ṣaṣṭha\ufffdā viparimāṇena uktārthalābhe satītyarthaḥ. adhiketi. sūtrākṣarā'nārūḍhasyāpi arthasya lābhārthamityarthaḥ. san brāāhṛṇa iti. `asa bhuvi' śatṛpratyaye śapo luk, śnasorallopaḥ. māṅīti. māṅi prayujyamāne ākrośe gamye laṭaḥ śatṛśānacāviti vaktavyamityarthaḥ. mā jīvanniti. na jīvatyayam. anupakāritvānmṛtaprāya ityarthaḥ. `mā pacamāna' ityapyudāhāryam. `laṭaḥ śatṛśānacau' ityeva siddheḥ kimarthamidamityata āha– māṅi luṅitīti.

āne muk 903, 7.2.82 āne muk. "aṅgasye"tyadhikṛtam "ato yeyaḥ" iti pūrvasūtrādanuvṛttena ṣaṣṭha()ā vipariṇatena atā viśeṣyate. tadantavidhiḥ. tadāha-- adantasyeti. muki kakāra it, ukāra uccāraṇārthaḥ, kittvādantāvayavaḥ. anuvartamāne iti. "vartamāne la"ḍiti pūrvasūtrādanuvṛttasya laḍityasya ṣaṣṭha()ā viparimāṇena uktārthalābhe satītyarthaḥ. adhiketi. sūtrākṣarā'nārūḍhasyāpi arthasya lābhārthamityarthaḥ. san brāāhṛṇa iti. "asa bhuvi" śatṛpratyaye śapo luk, śnasorallopaḥ. māṅīti. māṅi prayujyamāne ākrośe gamye laṭaḥ śatṛśānacāviti vaktavyamityarthaḥ. mā jīvanniti. na jīvatyayam. anupakāritvānmṛtaprāya ityarthaḥ. "mā pacamāna" ityapyudāhāryam. "laṭaḥ śatṛśānacau" ityeva siddheḥ kimarthamidamityata āha-- māṅi luṅitīti.

āne muk. `ato yeyaḥ' iti pūrvasūtrādanuvṛttaṃ pañcamyantamapyata iti padaṃ ṣaṣṭha\ufffdā vipariṇamyate, `āne' iti saptamībalāt. na cā'ta iti pañcamībalādāna iti saptamyantaṃ paṃ ṣaṣṭha\ufffdā vipariṇamyate iti śaṅkyaṃ, pañcamyāḥ pūrvasūtre caritārthatvātsaptamyāścā'caritārthatvāt. tadetadāha– aṅgasyā'ta iti. prācā tvadantaṅgasyeti vyākhyātaṃ, tadayuktam. `pacamāna' ityādau `adupadeśāllasārvadhātukamanudātta'miti śānacaḥ svarasyā'siddhiprasaṅgāt. `adantāṅgasye'ti pakṣe hi `aṅgabhakto muk sa cāṅgameva na vyavadadhyāt , tadavayavamakāraṃ tu vyavadadhyādeva. akāramātrabhaktatve tu tadavayavatvānnāsti vyavadhānamityadoṣaḥ. nanu `svaravidhau vyañjanamavidyamānava'diti paribhāṣayā muko'vidyamānavattvena vyavadhānā'bāvātsyādevānudāttatvamiti cet. atrāhuḥ- halaḥ svaraprāptau vyañjanamavidyamānavannānyatretyākarārūḍham. na cā'tra halaḥ svaraprāptirastīti prakṛte paribhāṣeyaṃ nopayujyate. anyathā maruttvanityādāvapi `hyasvanuḍ?bhyāṃ matu'viti matupa udāttatvaṃ syāditi dik. liḍiti. yadyapi prathamāntaṃ prakṛtaṃ, tathāpi dhātorityadhikārātpañcamyantātparaṃ prathamāntaṃ ṣaṣṭha\ufffd#ā vipariṇamyata iti bhāvaḥ. na ca `vartamāne la'ḍityatraivoktarītyā vipariṇāmo'stviti śaṅkyaṃ, pratyayavidhau pañcamyāḥ prakalpakatvaṃ nāstīti `guptijkidbhyaḥ sa'nityatra bhāṣyakāraiḥ svīkṛtvāt. prathamāsāmānādhikaraṇye'pīti. upalakṣamamidam. aprathamāntena sāmānādhikaraṇyā'bhāve'pītyarthaḥ. upalakṣaṇamidam. aprathamāntena sāmānādhikaraṇyā'bhāve'pītyarthaḥ. tena kurvato'patyaṃ kaurvataḥ. kurvato bhaktiḥ kurvadbhaktiḥ,kurvāṇabhaktiriti pratyayottarapadayorapi sidhyati. anyathā kurvato'patyamityādautaddhitasamāsau na syātām.

āne muk 744, 7.2.82 āne muk. "ato yeyaḥ" iti pūrvasūtrādanuvṛttaṃ pañcamyantamapyata iti padaṃ ṣaṣṭha()ā vipariṇamyate, "āne" iti saptamībalāt. na cā'ta iti pañcamībalādāna iti saptamyantaṃ paṃ ṣaṣṭha()ā vipariṇamyate iti śaṅkyaṃ, pañcamyāḥ pūrvasūtre caritārthatvātsaptamyāścā'caritārthatvāt. tadetadāha-- aṅgasyā'ta iti. prācā tvadantaṅgasyeti vyākhyātaṃ, tadayuktam. "pacamāna" ityādau "adupadeśāllasārvadhātukamanudātta"miti śānacaḥ svarasyā'siddhiprasaṅgāt. "adantāṅgasye"ti pakṣe hi "aṅgabhakto muk sa cāṅgameva na vyavadadhyāt , tadavayavamakāraṃ tu vyavadadhyādeva. akāramātrabhaktatve tu tadavayavatvānnāsti vyavadhānamityadoṣaḥ. nanu "svaravidhau vyañjanamavidyamānava"diti paribhāṣayā muko'vidyamānavattvena vyavadhānā'bāvātsyādevānudāttatvamiti cet. atrāhuḥ- halaḥ svaraprāptau vyañjanamavidyamānavannānyatretyākarārūḍham. na cā'tra halaḥ svaraprāptirastīti prakṛte paribhāṣeyaṃ nopayujyate. anyathā maruttvanityādāvapi "hyasvanuḍ()bhyāṃ matu"viti matupa udāttatvaṃ syāditi dik. liḍiti. yadyapi prathamāntaṃ prakṛtaṃ, tathāpi dhātorityadhikārātpañcamyantātparaṃ prathamāntaṃ ṣaṣṭha()#ā vipariṇamyata iti bhāvaḥ. na ca "vartamāne la"ḍityatraivoktarītyā vipariṇāmo'stviti śaṅkyaṃ, pratyayavidhau pañcamyāḥ prakalpakatvaṃ nāstīti "guptijkidbhyaḥ sa"nityatra bhāṣyakāraiḥ svīkṛtvāt. prathamāsāmānādhikaraṇye'pīti. upalakṣamamidam. aprathamāntena sāmānādhikaraṇyā'bhāve'pītyarthaḥ. upalakṣaṇamidam. aprathamāntena sāmānādhikaraṇyā'bhāve'pītyarthaḥ. tena kurvato'patyaṃ kaurvataḥ. kurvato bhaktiḥ kurvadbhaktiḥ,kurvāṇabhaktiriti pratyayottarapadayorapi sidhyati. anyathā kurvato'patyamityādautaddhitasamāsau na syātām.