ākārasya ṅidavayavasya akārāntādaṅgāduttarasya sārvadhātukasya iyityayam ādeśo bhavati. pacete pacethe. pacetām. pacethām. yajete. yajethe. yajetām. yajethām. sārvadhātukam apit 1-2-4 ityatra na ṅitīva ṅidvatityevam aṅgīkriyate, api tu ṅita iva ṅidvatiti. pūrvasūtra eva uccukuṭiṣati iti prasiddhaye tathāṅgīkaraṇam. yadi gāṅkuṭādisūtre 1-2-1 ṅita iva ṅidvad bhavati ityevam aṅgīkriyate, tadā anudāttaṅiti ātmanepadam 1-3-12 ityātmanepadaṃ prāpnoti iti. ātaḥ iti kim? pacanti. yajanti. pacante. yajante. ṅitaḥ iti kim? pacāvahai. pacāmahai. ataḥ ityeva – cinvāte. sunvāte. taparakaraṇam kim? mimāte. mimāthe..

āto ṅitaḥ 7.2.81 ākārasya ṅidavayavasya ākārāntādaṅgāduttarasya sārvadhātukasya iyityayam ādeśo bhavati. pacete pacethe. pacetām. pacethām. yajete. yajethe. yajetām. yajethām. sārvadhātukam apit 1.2.4 ityatra na ṅitīva ṅidvatityevam aṅgīkriyate, api tu ṅita iva ṅidvatiti. pūrvasūtra eva uccukuṭiṣati iti prasiddhaye tathāṅgīkaraṇam. yadi gāṅkuṭādisūtre ṅita iva ṅidvad bhavati ityevam aṅgīkriyate, tadā anudāttaṅiti ātmanepadam 1.3.12 ityātmanepadaṃ prapnoti iti. ātaḥ iti kim? pacanti. yajanti. pacante. yajante. ṅitaḥ iti kim? pacāvahai. pacāmahai. ataḥ ityeva, cinvāte. sunvāte. taparakaraṇam kim? mimāte. mimāthe.

āto ṅitaḥ. , 7.2.81 "ātaḥ", "ṅitaḥ" iti vyadhikaraṇe ṣaṣṭhyau. āta iyādeśāpekṣayā sthāne ṣaṣṭhīti. ṅita iti ākārāpekṣayāvayavaṣaṣṭhī" ṅito hrakāramātrasyāsambhavāt(). ṅita ityeṣo'vacavayoge ṣaṣṭho vijñāyate--ṅidavayasyeti ṅakāra idyasya sa ṅit(), tasyāvayavo ṅidavayavaḥ. "pacete" pacethe" iti. laṭ(), svaritettvādātmanepadam(), ātāmathām(), "sārvadhātukamapit()" (1.2. 4) iti ṅittvam(). "pacotām(), pacethām()" iti. loṭ(), ṭerettve 3.4.79 kṛte "āmetaḥ" 3.4.90 ityām(). nanu ca ṅidavayavo'trākāro na bhavati, yasmādgāṅakuṭādisūtre 1.2.1 ṅitīva ṅidvadityevamarvo'ṅgaukriyate, tathā "sārvadhātukamapit()" 1.2.4 ityatrāpyayamarthaḥ, tathā hrasminnapi yoge tadeva ṅidgrahaṇamanuvatrtate, ta()smaścārthe'ṅgīkriyamāṇe ṅiti yatkāryaṃ tadapi hi sārvadhātuke parataḥ pūrvasya lakṣyate, na tu tasyaivāpitsārvadhātukasyaṅitvam()? ityāha--"sārvadhātukamapidityatra" ityādi. "pūrvasūtra eva" iti. gāṅkuṭādisūtre 1.2.1 yadyevamaṅgīkriyate--gāṅkuṭādibhyaḥ paro yo'ñṇitpratyayo'sau ṅidavadbhavatīti, tadā kuṭādibhyaḥ parasya sano ṅittvaṃ bhavati, ṅittve sati "anudāttaṅitaḥ" 1.3.12 ityādinā'‌'tmanedapaṃ syāt(), tataścoccukuṭipatīti na sidhyet(). tasmādetatsidhyarthaṃ ṅitīya ṅidvadityaṅgīkriyate. "sārvadhātukamapit? (1.2.4) ityatra tu tat? sārvadhātukaṃ ṅidbhavatītyeṣo'rtho'ṅgīkriyate. tasmādyuktamevākārasya ṅidavayavatvam(). "pacante, yajante" iti. "bhavatyatra ["bhavatyaṅidavayavo"--mudritapāṭhaḥ] ṅidavayavo'ktādeśasyākāraḥ, tathāpyāta iti vacanātra bhavati. "pacāvahai, pacāmahai" iti. loṭ? vahimahiṅau. āḍuttamasya picca" 3.4.92 ityāṭ(), uttamaśca pidbhavatīti. atra pittvānṅittvaṃ na bhavatīti āto ṅidadayavākāro na bhavati. "mimāte, mimāthe" iti. "māṅa māne" ["māne śabde ca"--dhā.pā.] (dhā.pā.1088), juhotyāditvācchapaḥ śluḥ. "ślau" 6.1.10 iti dvirvacanam(), "bhṛñāyit()" 7.4.76 ityabhyāsasyettvam(), "śnābhyastayorātaḥ" 6.4.112 ityākāralopaḥ॥

āto ṅitaḥ. ṅita ityavayavaṣaṣṭhī. `ato yeya' ityasmādata iti pañcamyantam, iya iti prathamāntaṃ cānuvartate. yakārādakāra uccāraṇārthaḥ. tadāha–ataḥ parasyeti. `ṅitā'mityanantaram' `avayavasye'ti śeṣaḥ. edhete iti. edha–āto iti sthite, ākārasya iñ, `#ādguṇaḥ' antādeśe, pararūpe, ṭeretvamiti bhāvaḥ. atha laṭo madhyamapuruṣaikavacane thāsādese kṛte `ṭita ātmanepadānā'mityetve prāpte–

āto ṅitaḥ 81, 7.2.81 āto ṅitaḥ. ṅita ityavayavaṣaṣṭhī. "ato yeya" ityasmādata iti pañcamyantam, iya iti prathamāntaṃ cānuvartate. yakārādakāra uccāraṇārthaḥ. tadāha--ataḥ parasyeti. "ṅitā"mityanantaram" "avayavasye"ti śeṣaḥ. edhete iti. edha--āto iti sthite, ākārasya iñ, "#ādguṇaḥ" antādeśe, pararūpe, ṭeretvamiti bhāvaḥ. atha laṭo madhyamapuruṣaikavacane thāsādese kṛte "ṭita ātmanepadānā"mityetve prāpte--