1/5:dṛśeḥ ca iti vaktavyam |
2/5:dadṛśvān , dadṛśivān |
3/5:tat tarhi vaktavyam |
4/5:na vaktavyam |
5/5:dṛśeḥ iti vartate

gama hana vida viśa ityeteṣāṃ dhātūnāṃ vasau vibhāṣā iḍāgamo bhavati. gama jagmivān, jaganvān. mo no dhātoḥ 8-2-64 iti nakāraḥ. hana jaghnivān, jaghanvān. vida vividivān, vividvān. viśa viviśivān, viviśvān. viśinā sāhacaryādiha videstaudādikasya lābhārthasya grahaṇam. jñānārthasya tu nityaṃ vividvānityeva bhavati. dṛśeśceti vaktavyam. dadṛśivān, dadṛśvān.

vibhāṣā gamahanavidaviśām 7.2.68 gama hana vida viśa ityeteṣāṃ dhātūnāṃ vasau vibhāṣā iḍāgamo bhavati. gama jagmivān, jaganvān. mo no dhātoḥ 8.2.64 iti nakāraḥ. hana jaghnivān, jaghanvān. vida vividivān, vividvān. viśa viviśivān, viviśvān. viśinā sāhacaryādiha videstaudādikasya lābhārthasya grahaṇam. jñānārthasya tu nityaṃ vividvānityeva bhavati. dṛśeśceti vaktavyam. dadṛśivān, dadṛśvān.

vibhāṣā gamahanavidaviśām?. , 7.2.68 pūrvasmānniyamādgamādīnāmiṅ? na bhavatīti vibhāṣeyamārabhyate. "jagmivān()" iti. paratvādiṭ? tataḥ "gamahana" 6.4.98 ityādinopadhālopaḥ, tato dvirvacanam(). "jaghanvāniti, jadhnivāna" iti. "abhyāsācca" 7.3.55 iti kutvam()--hakārasya ghakāraḥ. "lābhārthasya" iti. "vidlṛ lābhe" (dhā.pā.1432) ityasya. "na jñānārthasya" iti. "vida jñāne" (dhā.pā.1064) ityasya. "vida sattāyām()" (dhā.pā.1171), "vida vicāraṇe" (dhā.pā.1450)--ityetayoścātmanepaditvādātmanepadeṣu kvasurna bhavatītyanupanyāsaḥ. "dṛśeśca" ityādi. "vṛśir? prekṣaṇe" (dhā.pā.988) ityasmācca pare kvasoriḍāgamo bhavatītyetadartharūpaṃ vyākhyeyamityarthaḥ. tatredaṃ vyākhyānam()--"vibhāṣā" iti yogavibhāgaḥ kriyate, tena dṛśerapi bhaviṣyatīti. na caivaṃ sati "gamahanavidaviśām()" ityasyānarthakyam; pūrvayogasyāsarvavaṣayatvasūcanāt(). evaṃ hratiprasaṅgaḥ parihmato bhavati॥

vibhāṣā gamahanavidaviśām 742, 7.2.68 jagmivānityādi. iṭpakṣe "gamahane"tyupadhālopaḥ.