1/38:tāsau atvatpratiṣedhe ghaseḥ pratiṣedhaprasaṅgaḥ akāravattvāt |*
2/38:tāsau atvatpratiṣedhe ghaseḥ pratiṣedhaḥ prāpnoti |
3/38:jaghasitha |
4/38:kim kāraṇam |
5/38:akāravattvāt |
6/38:saḥ api hi akāravān |
7/38:siddham tu halādigrahaṇāt |*
8/38:siddham etat |
9/38:katham |
10/38:halādigrahaṇam kartavyam |
11/38:tat ca avaśyam kartavyam |
12/38:aṭhyaśī prayojayataḥ |
13/38:āthyaśī tāvat na prayojayataḥ |
14/38:kim kāraṇam |
15/38:tāsau aniṭaḥ iti ucyate seṭau ca imau tāsau |
16/38:añjvaśū tarhi prayojayataḥ |
17/38:añjvaśū ca api na prayojayataḥ |
18/38:kim kāraṇam |
19/38:tāsau nityāniṭaḥ iti ucyate vibhāṣiteṭau ca etau |
20/38:adiḥ tarhi prayojayati |
21/38:āditha |
22/38:kriyamāṇe api vai halādigrahaṇe atra prāpnoti |
23/38:jaghasitha |
24/38:eṣaḥ api halādiḥ |
25/38:tasya ca abhāvāt tāsau |*
26/38:tāsau aniṭaḥ iti ucyate na ca ghasiḥ tāsau asti |
27/38:nanu ca yaḥ tāsau na asti aniṭ api asau tāsau bhavati |
28/38:na evam vijñāyate yaḥ tāsau aniṭ iti |
29/38:katham tarhi |
30/38:yaḥ tāsau asti aniṭ ca iti |
31/38:kim vaktavyam etat |
32/38:na hi |
33/38:katham anucyamānam gaṃsyate |
34/38:saptamyarthe api vai vatiḥ bhavati |
35/38:tat yathā |
36/38:mathurāyām iva mathurāvat |
37/38:pāṭaliputre iva pāṭaliputravat |
38/38:evam tāsau iva tāsvat

upadeśe yo dhāturakāravān tāsau nityāniṭ tasmāt tāsāviva thali iḍāgamo na bhavati. paktā papaktha. yaṣṭā iyaṣṭha. śktā śaśaktha. upadeśe iti kim? karṣṭā cakarṣitha. atvataḥ iti kim? bhettā vibheditha. taparakaraṇaṃ kim? rāddhā rarādhitha. tāsvatityeva, jighṛkṣati. jagrahitha. nityam aniṭaḥ ityeva, aṅktā, añjitā ānañjitha.

upadeśe 'tvataḥ 7.2.62 upadeśe yo dhāturakāravān tāsau nityāniṭ tasmāt tāsāviva thali iḍāgamo na bhavati. paktā papaktha. yaṣṭā iyaṣṭha. śktā śaśaktha. upadeśe iti kim? karṣṭā cakarṣitha. atvataḥ iti kim? bhettā vibheditha. taparakaraṇaṃ kim? rāddhā rarādhitha. tāsvatityeva, jighṛkṣati. jagrahitha. nityam aniṭaḥ ityeva, aṅktā, añjitā ānañjitha.

upadeśe'tvataḥ. , 7.2.62 anajantārtho'yamārambhaḥ. "iyaṣṭha" ["iyaṣṭa" iti padamañjarī] iti. pūrvavadabhyāsasya samprasāram(), vraścādisūtreṇa 8.2.36 ṣatvam(), ṣṭutvam(). "cakarṣitha" iti. "kṛṣa vilekhane" (dhā.pā.990). bhavatyayamakāravān(), na tūpadeśe, kiṃ tarhi? paścādguṇe kṛte. upadeśagrahamiha śakyamakarttum(), śakyata eva hi "ekāca upadeśe" (7.2.10) ityata upadeśagrahaṇamanuvatrtayitum()? tat? kriyate vispaṣṭārtham(). asati tasmin(), pūrvasūtre tasyānupayogānnivṛtiṃ()ta manyamānaḥ "tāsāvatvataḥ" ityevamapi kaścit? pratipadyeta. "rarādhitha" iti. "rādha sādha saṃsiddhau" (dhā.pā.1262,1263). "jighṛkṣati" iti. "sani grahaguhośca" 7.2.12 itīṭpratiṣedhādbhavati nityāniṭ(), na tu tāsau, kiṃ tarhi? saci. "ānāñjatha" iti. "anjū "vyaktibhrakṣaṇādiṣu" ["vyaktimaraṣaṇakāntigatiṣu"--dhā.pā.] (dhā.pā.1458). "ata ādeḥ" 7.4.70 ityabhyāsasya dīrghaḥ, "tasmānnuṅ? dvihalaḥ" 7.4.71 nuṭ(), bhavatyayaṃ dhāturupadeśe'kāravān(), na tu tāsau nityāniṭ(); svaratyādisūtreṇa 7.2.44 vikalpiteṭkatvāt()॥

upadeśe'tvataḥ. `atvata' iti cchedaḥ. at = hyasvākāraḥ, so'syā'stīti atvān. `tasau matvartha' iti bhatvānna jaśtvam. aca iti varjaṃ pūrvasūtraṃ, tatra yadanuvṛttaṃ tadapyanuvartate. tadāha– upadeśe'kāravata iti. `śaklṛ śaśaktha, `pac' papakthetyudāharaṇam. atra krādiniyamaprāpta iṇna bhavati. upadeśe kim ?. `kṛṣa vilekhane'. cakarṣitha. atvata iti kim ?. bibheditha. taparaḥ kim ?. rarādhitha. tāsau kim ?. jagrahitha `jighṛkṣatī'tyatra `sani grahaguhośce'ti sani nityamaniṭ , na tu tāsau. nityeti kim ?. `añja', ānañjatha. `ūdittvāttāsau ve'ḍiti bhāṣyam. cakramithetyapyudāharaṇam, snukramo'riti niyamenātmanepade tāsāvaniṭkatve'pi parasmaipade seṭkatvāt.

upadeśe'tvataḥ 138, 7.2.62 upadeśe'tvataḥ. "atvata" iti cchedaḥ. at = hyasvākāraḥ, so'syā'stīti atvān. "tasau matvartha" iti bhatvānna jaśtvam. aca iti varjaṃ pūrvasūtraṃ, tatra yadanuvṛttaṃ tadapyanuvartate. tadāha-- upadeśe'kāravata iti. "śaklṛ śaśaktha, "pac" papakthetyudāharaṇam. atra krādiniyamaprāpta iṇna bhavati. upadeśe kim?. "kṛṣa vilekhane". cakarṣitha. atvata iti kim?. bibheditha. taparaḥ kim?. rarādhitha. tāsau kim?. jagrahitha "jighṛkṣatī"tyatra "sani grahaguhośce"ti sani nityamaniṭ , na tu tāsau. nityeti kim?. "añja", ānañjatha. "ūdittvāttāsau ve"ḍiti bhāṣyam. cakramithetyapyudāharaṇam, snukramo"riti niyamenātmanepade tāsāvaniṭkatve'pi parasmaipade seṭkatvāt.

upadeśe'tvataḥ. papaktha. iyaṣṭha. upadeśe kim ?. karṣṭhā. cakarṣitha. akāravata iti kim ?. bhettā. bibheditha. taparakaraṇaṃ kam ?. rāddhā. rarādhitha. tāsau kim ?. jighṛkṣati. jagrahitha. `sani grahaguhośce'ti sani nityamaniraṭ. krāntaḥ. cakramitha. ūdittvena ktvāyāṃ veṭkatvāt `yasya vibhāṣe'ti niṣṭhāyāṃ neṭ. nityānityā'niṭ. `snukramoranātmanepadanimitte' iti parasmaipade sekṭatvāt.

upadeśe'tvataḥ 113, 7.2.62 upadeśe'tvataḥ. papaktha. iyaṣṭha. upadeśe kim?. karṣṭhā. cakarṣitha. akāravata iti kim?. bhettā. bibheditha. taparakaraṇaṃ kam?. rāddhā. rarādhitha. tāsau kim?. jighṛkṣati. jagrahitha. "sani grahaguhośce"ti sani nityamaniraṭ. krāntaḥ. cakramitha. ūdittvena ktvāyāṃ veṭkatvāt "yasya vibhāṣe"ti niṣṭhāyāṃ neṭ. nityānityā'niṭ. "snukramoranātmanepadanimitte" iti parasmaipade sekṭatvāt.