1/56:snukramoḥ anātmanepadanimitte cet kṛti upasaṅkhyānam |*
2/56:snukramoḥ anātmanepadanimitte cet kṛti upasaṅkhyānam kartavyam |
3/56:prasnavitā , prasnavitum , prasnavitavyam , prakramitā , prakramitum , prakramitavyam |
4/56:tat tarhi vaktavyam |
5/56:na vaktavyam |
6/56:aviśeṣeṇa snukramoḥ iḍāgamam uktvā ātmanepadapare na iti vakṣyāmi |
7/56:ātmanepadaparapratiṣedhe tatparaparasīyuḍekādeśeṣu pratiṣedhaḥ |*
8/56:ātmanepadaparapratiṣedhe ca tatparaparasīyuḍekādeśeṣu pratiṣedhaḥ vaktavyaḥ |
9/56:tatparapare tāvat : prasusnūṣiṣyate , pracikraṃsiṣyate |
10/56:sīyuṭi : prasnoṣīṣta , prakraṃsīṣṭa |
11/56:ekādeśe |
12/56:prasnoṣyante , prakraṃsyante |
13/56:ekādeśe kṛte vyapavargābhāvāt na prāpnoti |
14/56:antādivadbhāvena vyapavargaḥ |
15/56:ubhayataḥ āśraye na antādivat |
16/56:evam tarhi ekādeśaḥ pūrvavidhim prati sthānivat bhavati iti sthānivadbhāvāt vyapavargaḥ |
17/56:tatparaparasīyuṭoḥ tarhi pratiṣedhaḥ vaktavyaḥ |
18/56:siddham tu snoḥ ātmanepadena samānapadasthasya iṭpratiṣedhāt |*
19/56:siddham etat |
20/56:katham |
21/56:snoḥ ātmanepadena samānapadasthasya na iṭ bhavati iti vaktavyam |
22/56:yadi snoḥ ātmanepadena samānapadasthasya iṭ na bhavati iti ucyate prasnavitā iva ācarati prasnavitrīyate atra na prāpnoti |
23/56:bahiraṅgalakṣaṇam atra ātmanepadam |
24/56:kramoḥ ca |*
25/56:kramoḥ ca ātmanepadena samānapadasthasya iṭ na bhavati iti vaktavyam |
26/56:atha kimartham krameḥ pṛthaggrahaṇam kriyate na snukramibhyām iti eva ucyeta |
27/56:kartari ca ātmanepadaviṣayāt kṛti na iti vakṣyatgi tat krameḥ eva syāt snoḥ mā bhūt |
28/56:vyatiprasnavitārau , vyatiprasnativāraḥ |
29/56:kartari ca ātmanepadaviṣayāt kṛti |*
30/56:kartari ca ātmanepadaviṣayāt kṛti pratiṣedhaḥ vaktavyaḥ |
31/56:prakrantā , upakrantā |
32/56:tat tarhi idam bahu vaktavyam |
33/56:snoḥ ātmanepadena samānapadasthasya iṭ na bhavati iti vaktavyam |
34/56:krameḥ ca iti vaktavyam |
35/56:kartari ca ātmanepadaviṣayāt kṛti iti vaktavyam |
36/56:sūtram ca bhidyate |
37/56:yathānyāsam eva astu |
38/56:nanu ca uktam snukramoḥ anātmanepadanimitte cet kṛti upasaṅkhyānam iti |
39/56:na eṣaḥ doṣaḥ |
40/56:snukramī eva ātmanepadanimittatvena viśeṣayiṣyāmaḥ |
41/56:na cet snukramī ātmanepadasya nimitte iti |
42/56:katham punaḥ dhātuḥ nāma ātmanepadasya nimittam syāt |
43/56:dhātuḥ eva nimittam |
44/56:āha hi bhagavān anudāttaṅitaḥ ātmanepadam śeṣāt kartari parasmaipadam iti |
45/56:yatra tarhi dhātuḥ na āśrīyate bhāvakarmaṇoḥ iti |
46/56:atra api dhātuḥ eva āśrīyate |
47/56:bhāvakarmavṛttāt dhātoḥ iti |
48/56:katham prakramitavyam |
49/56:sati ātmanepade nimittaśabdaḥ vartate |
50/56:katham prakrantā , upakrantā |
51/56:tasmāt asati api |
52/56:katham prakramitavyam |
53/56:tasmāt sati eva |
54/56:katham prakrantā , upakrantā |
55/56:vaktavyam eva etat kartari ca ātmanepadaviṣayāt kṛti iti |
56/56:atha vā kṛti iti vartate

niyamārtham idam. snukramoḥ ārdhadhātukasya valādeḥ iḍāgamo bhavati, na cet snukramī ātmanepadasya nimittaṃ bhavataḥ. kva ca tāvātmanepadasya nimittam? yatra ātmanepadaṃ tadāśrayaṃ bhavati, bhāvakarmakarmakartṛkarmavyatihārāḥ kramer vṛttyādayaśca. tena ayam satyātmanepade pratiṣedho bhavati na asati iti. pratiṣedhaphalaṃ ca idaṃ sūtram. snukramoruditvātiṭ siddha eva. prasnavitā. prasnavitum. prasnavitavyam. prakramitā. prakramitum. prakramitavyam. anātmanepadanimitte iti kim? prasnoṣīṣṭa. prakraṃsīṣṭa. prasnoṣyate. prakraṃsyate. prasusnūṣiṣyate. pracikraṃsiṣyate. sarvatra eva atra snaitiḥ kramiśca ātmanepadasya nimittam. sanantādapi pūrvavatsanaḥ 1-3-62 iti ātmanepadaṃ vidhīyate. nimittagrahaṇaṃ kim? sīyuḍādes tatparaparasya ca pratiṣedhārtham. iha tu prasnavitevācarati iti prasnavitrīyate iti kyaṅatam ātmanepadasya nimittam, na snautiḥ. krames tu kartaryātmanepadaviṣayādasatyātmanepade kṛti pratiṣedho vaktavyaḥ. prakrantā. upakrantā. kartari iti kim? prakramitavyam. upakramitavyam. ātmanepadaviṣayātiti kim? niṣṭramitiā. snauteḥ sani kiti ca pratyaye śryukaḥ kiti 7-2-11, sani grahaguhośca 7-2-12 ityeva pratiṣedho bhavati. prasusnūṣati. prasnutaḥ. prasnutavān.

snukramoranātmanepadanimitte 7.2.36 niyamārtham idam. snukramoḥ ārdhadhātukasya valādeḥ iḍāgamo bhavati, na cet snukramī ātmanepadasya nimittaṃ bhavataḥ. kva ca tāvātmanepadasya nimittam? yatra ātmanepadaṃ tadāśrayaṃ bhavati, bhāvakarmakarmakartṛkarmavyatihārāḥ kramer vṛttyādayaśca. tena ayam satyātmanepade pratiṣedho bhavati na asati iti. pratiṣedhaphalaṃ ca idaṃ sūtram. snukramoruditvātiṭ siddha eva. prasnavitā. prasnavitum. prasnavitavyam. prakramitā. prakramitum. prakramitavyam. anātmanepadanimitte iti kim? prasnoṣīṣṭa. prakraṃsīṣṭa. prasnoṣyate. prakraṃsyate. prasusnūṣiṣyate. pracikraṃsiṣyate. sarvatra eva atra snaitiḥ kramiśca ātmanepadasya nimittam. sanantādapi pūrvavatsanaḥ 1.3.62 iti ātmanepadaṃ vidhīyate. nimittagrahaṇaṃ kim? sīyuḍādes tatparaparasya ca pratiṣedhārtham. iha tu prasnavitevācarati iti prasnavitrīyate iti kyaṅatam ātmanepadasya nimittam, na snautiḥ. krames tu kartaryātmanepadaviṣayādasatyātmanepade kṛti pratiṣedho vaktavyaḥ. prakrantā. upakrantā. kartari iti kim? prakramitavyam. upakramitavyam. ātmanepadaviṣayātiti kim? niṣṭramitiā. snauteḥ sani kiti ca pratyaye śryukaḥ kiti 7.2.11, sani grahaguhośca 7.2.12 ityeva pratiṣedho bhavati. prasusnūṣati. prasnutaḥ. prasnutavān.

snukaramoranātmanepadanimitte. , 7.2.36 "snu praruāvaṇe" ["ṣṇu"--dhā.pā.] (dhā.pā.1038), "kramu pādavikṣepe" (dhā.pā.473)--anayorudāttatvādiṭi siddhe niyamārthaṃ vacanam()--anātmanepadaviṣaya evānayoryathā syāt(), anyatrā mā bhūditi. nanu ca snoterugantattvāt? kiti sani ca pratiṣedhavidhānāt? tasya vacanaṃ vidyarthamapi sambhavati? naitadasti; "ārdhadhātukasyeḍvalādeḥ" 7.2.35 ityanuvatrtate. tenāsyāḥ prāpterviṣaye yogo'yamiti vijñāyate. na cāsyāḥ prāpteḥ sankitau viṣayau; tayorapavādaviṣayatvāt(). ātmanepadanimitte iti prathamādvivacanāntam(). snukramoretadviśeṣaṇamiti darśayitumāha--"na cet()" ityādi. "kva ca tāvātmanepadanimitte" iti. kiṃ yatrātmanepadaṃ prati yogyatāmātramapi tayorasti tatrāpi tāvātmanepadanimitte? uta yatra tadāśrayamātmanepadaṃ bhavati tatra? evamartha pṛcchati--"yatra" ityādi. atraivaṃ vyākhyānam()--yatra tadāśrayamāt()manepadaṃ sambhavati tatra tāvātmanepadanimitte. kiṃ punastad? yatra tadāśrayamātmanepadaṃ bhavati? ityāha--"bhāvakarmakarttṛkarmakarmavyatīhāraḥ, krameśca" iti. eṣu hi stukramyāśrayamātmanepadaṃ bhavati. ādiśabdena sargādiparigrahaḥ. nimittam()=kāraṇam(). na cākurvat? kārya#ṃ kāraṇaṃ bhavati. yatra tvakurvatyapi kāryaṃ kusūlasya bījādau kāraṇamapi vyapadeśaḥ, tatrāsau yogyatayaupacārikaḥ. tasmādyatra snukramāvāśrityātmanepadaṃ bhavati, tatraiva bhāvakarmādau tayorātmanepadanimittaṃ mukhyaṃ vijñāyate. "tena" ityādi. yasmādevaṃ yatra tāvāśrityātmanepadaṃ bhavati tatra tayorātmanepadanimittatvam(). tena satyātmanepade pratiṣedho'yaṃ bhavati, nāsati. na hrasatyātmanepade tayormukhyamātmanepadanimittatvamupapadyate. tataśca prasnavitā, prasnavitum(), prasnavitavyam(), prakramitā, prakramitum(), prakramitavyamityatra yadyapyātmanepadayogyatvāt? snukramāvātmanepadasya nimittavyapadeśamāsādayataḥ, tathāpi pratiṣedho na bhavati. na hratra mukhyamātmanepadanimittatvam(); ātmanepadābhāvāt(). "prāpnoṣīṣṭeti. āśiṣi liṅ? sīyuṭ(), "bhāvakarmaṇoḥ" 1.3.13 ityātmanapadam(), "suṭ()tithoḥ" 3.4.107 iti suṭ(), ṣatvam(), ṣṭutvam(). "prakraṃsīṣṭa" iti. atra "propābhyāṃ samarthābhyāma" 1.3.42 iti katrtarthātmanepadam(). "prasnoṣyate" iti. "lṛṭ? śeṣe ca" 3.3.13 iti lṛṭ(). "pracikraṃsate" [nāstīdamudāharaṇaṃ kāśikāyām(). "pracikraṃsiṣyate" ityevāsti] iti. san(), "pūrvavatsanaḥ" 1.3.62 ityātmānepadam(). "sarvatraiva" ityādi. yuktaṃ prakraṃsīṣṭa, prasnīṣīṣṭetyādau snukramorātmanepadasya nimittatvam(), tasmādātmanepadasya vidhānāt(); pracikraṃsata ityatra tu kathaṃ kramirātmanepadasya nimittam(), na hratra kramimāśrityātmanepadaṃ bhavati, kiṃ tarhi? sanantaṃ dhātvantaram()? ityāha--"sanantādapi" ityādi. sanantādapi hi yadātmanepadaṃ vidhīyate "pūrvavatsanaḥ" 1.3.62 ityanena. tena tatrāpi pūrvavaditi vacanāt? pūrva dhātusvarūpamātmanepadasya nimittamāśrīyata iti. yadyapi sanantādātmanepadaṃ vidhīyate tathāpi kramestatra nimittābhāvo'styevetyabhiprāyaḥ. atha nimittagrahaṇaṃ kimarthamupādīyate, na "ātmanepade" ityevocyate? ityata āha--"nimittagrahaṇam()" ityādi. sīyuṭ? ādiryasya sa sīyuḍādiḥ, tadātmanepade paraṃ yasmāt? sa tatparaḥ syapratyayaḥ, sa paro yasmāt? sa tatparaparaḥ sanpratyayaḥ; tayoḥ pratiṣedo yathā syādityavamarthaṃ nimittagrahaṇam(). tatra sīyuḍādeḥ pratiṣedhārtham()--prasnoṣīṣṭa, prakraṃsīṣṭeti; tatparaparasya ca pratiṣedhārtham()--pracikraṃsiṣyata iti; atra hi nimittagrahaṇaṃ na kriyate, tadā "ātmanepade" ityeṣā parasaptamī vijñāyeta. na ca prasnīṣīṣṭa, prakraṃsīṣṭetyātmanepade parata ārdhadhātukamasti tathā hrātmanepadasyāgamaḥ sīyuṭ(), tadekadeśātvadātmanepade parata uccārthamāṇaḥ pratiṣedho na syāt(). pracikraṃsiṣyata ityatra "ātmanepade" ityetasyāṃ parasaptamyāṃ vijñāyamānāyāṃ "tasminniti nirdiṣṭe pūrvasya" (1.1.66) iti nirdiṣṭagrahaṇasyānantaryārthatvāt? syena vyavadhāne sati sana iṭpratiṣedho na syāt? nimittagrahaṇe tu sati bhavati. asti hratra sarvatra snukramoryathāyogamātmanepadaṃ prati nimittabhāvaḥ. tasmānnimittagrahaṇaṃ katrtavyam(). prasnavitrīyata ityata snauterātmanepadaṃ paraṃ copalabdham(); ataḥ snautirātmanepadasaya nimittamiti pratiṣedhena bhavitaśyamiti kasyacidbhrāntiḥ syāt(), atastāṃ nirākarttumāha--iha prasnavitevācarati" ityādi. kvacit? "prasnavitāramivācarati" iti pāṭhaḥ, sa tu nopapadyate. na hi karmaṇaḥ kyaṅ? vidhīyate, kiṃ tarhi? subantāt? karttuḥ. tasmāt? pramādakṛto'yaṃ pāṭhaḥ. prasnavitevācaratīti tṛ()jantāt(), "karttuḥ kyaṅa salopaśca" 3.1.11 iti kyaṅ(), "rīṅṛtaḥ" 7.4.27 iti rīṅ(). kyaṅantādātamanepadaṃ vidhīyamānaṃ ṅita ityevaṃ vidhīyate. sa ca snautirṅit? kiṃ tarhi? kyaṅantaḥ. tasmāt? kyaṅantamevātmanepadanimittaṃ na snautiriti na bhavati pratiṣedhaḥ. "kramestu" ityādi. nimittagrahaṇāt? satyevātmanepade pratiṣedhena bhavitavyam(), nāsatīti. katrtari kṛti pratiṣedho na prāpnotītyupasaṃkhyāyate. "prakrāntā, upakrāntā" iti. "propābhyāṃ samarthābhyām()" (1.3.42) iti propāmyāmupasuṣṭāt? kramerātmanepadavaṣānādiha kramerātmanepadasya viṣayaḥ. "ātmanepadaviṣayaḥ" [ātmanepadaviṣayāt()--mūlam()] iti. ātmanepadaṃ viṣayo yasya sa ātmanepadaviṣayaḥ. "prakramitavyam(), upakramitavyam()" iti. "tayoreva kṛtyaktakhalarthāḥ" 3.4.70 iti bhāve karmaṇi kṛtyaḥ. "niṣkramitā" iti. "idudupaṣasya" 8.3.41 iti visarjanīyasya ṣatvam(). niṣphūrvāt? kramerātmanepadasyābhāvādihātmanepadasya vaṣayo na bhavati. atha prasusnūṣati, prasnutaḥ, prasnutavānityatra kasmānna bhavati, na hratra snautirātmanepadaviṣayaḥ? ityāta āha--"snauteḥ" ityādi. nanu "śrayukaḥ kiti" 7.2.11, "sani grahaguhośca" 7.2.12 itīṭpratiṣedhasya dhātvantaramugantamavakāśa iti paratvādidaivātra bhavitavyam(), na pratiṣedhena? naitadasti; uktaṃ hi purastāt? pratiṣedhakāṇjasya balīyastvāt? prayojanamiṇmātrasthānāśritaviśeṣavidhānasya pratiṣedho yathā syāditi॥

snukramoḥ. pañcamyarthe ṣaṣṭhī. ātmanepadanimittasyā'bhāvaḥ– anātmanepadanimittam. arthābhāve'vyayībhāvena saha nañtatpuruṣo vikalpyata ityukteḥ samāsaḥ. ātmanepadanimittā'bhāve sati snukrambhyāṃ parasya valādyādrdhadhātukasya iṭ syādityarthaḥ. snukramoranudāttopadeśānantarbhāvadiṭi siddhe vacanamidaṃ niyamārthamityāha–atraiveḍiti. evaṃ ca bhāvakarmalakāreṣu iṇna bhavati. upasnoṣyate jalena. bāvalakāro'yam. upakrasyate. karmaṇi luṭ. syaḥ. `prasnuta'mityatra tu śryukaḥ kitīti niṣedhānneṭ, `ādrdhadhātukasyeḍvalāde'ritīḍvidheḥ purastātpratiṣedhakāṇḍārambhasāmathryāt. `snukramoranātmanepade' iti tu na sūtritam, ātmanepadabhinne parasmaipade pare ityarthe cikramiṣiṣyatītyasiddeḥ, syena vyavadhānāt. ātmanepade pare neḍitrthe tu pracikraṃsiṣyata ityasiddhiḥ, ato nimittagrahaṇamityalam. akramīditi. `hmyante'ti na vṛddhiḥ. iti kramyantāḥ parasmaipadino gātaḥ. revatyantā iti. `revṛ plavagatā'vityetatparyantā ityarthaḥ. ayapayetyārabhya śala calane ityataḥ prāga yakārāntāḥ.

snukramoranātmanepadanimitte 163, 7.2.36 snukramoḥ. pañcamyarthe ṣaṣṭhī. ātmanepadanimittasyā'bhāvaḥ--anātmanepadanimittam. arthābhāve'vyayībhāvena saha nañtatpuruṣo vikalpyata ityukteḥ samāsaḥ. ātmanepadanimittā'bhāve sati snukrambhyāṃ parasya valādyādrdhadhātukasya iṭ syādityarthaḥ. snukramoranudāttopadeśānantarbhāvadiṭi siddhe vacanamidaṃ niyamārthamityāha--atraiveḍiti. evaṃ ca bhāvakarmalakāreṣu iṇna bhavati. upasnoṣyate jalena. bāvalakāro'yam. upakrasyate. karmaṇi luṭ. syaḥ. "prasnuta"mityatra tu śryukaḥ kitīti niṣedhānneṭ, "ādrdhadhātukasyeḍvalāde"ritīḍvidheḥ purastātpratiṣedhakāṇḍārambhasāmathryāt. "snukramoranātmanepade" iti tu na sūtritam, ātmanepadabhinne parasmaipade pare ityarthe cikramiṣiṣyatītyasiddeḥ, syena vyavadhānāt. ātmanepade pare neḍitrthe tu pracikraṃsiṣyata ityasiddhiḥ, ato nimittagrahaṇamityalam. akramīditi. "hmyante"ti na vṛddhiḥ. iti kramyantāḥ parasmaipadino gātaḥ. revatyantā iti. "revṛ plavagatā"vityetatparyantā ityarthaḥ. ayapayetyārabhya śala calane ityataḥ prāga yakārāntāḥ.

snukramo. anātmanepadanimitte iti. ātmanepadanimittā'bhāve ityarthaḥ. anye tu dvivacanasthāne vyatyayena ekavacanam, anātmanepadanimittayorityartha ityāhuḥ. ubhayorapi bhāvakarmakarmavyatihārāstaṅo nimittaṃ, kramestu vṛttisargādayo'pīti bodhyam. snukarmorudāttatvadiṭi siddhe niyamārtho'mityāha– atraiveḍiti. anātmanepadeti kim ?. `upasnoṣyate jalena'. `upakraṃsyate'. `ākraṃsyate'. nimitta iti kim ? snautīti snavitā, sa ivācarati snavitrīyate. iha kyaṅ ātmanepadanimittaṃ na tu snautirityāhuḥ.

snukramoranātmanepadanimitte 137, 7.2.36 snukramo. anātmanepadanimitte iti. ātmanepadanimittā'bhāve ityarthaḥ. anye tu dvivacanasthāne vyatyayena ekavacanam, anātmanepadanimittayorityartha ityāhuḥ. ubhayorapi bhāvakarmakarmavyatihārāstaṅo nimittaṃ, kramestu vṛttisargādayo'pīti bodhyam. snukarmorudāttatvadiṭi siddhe niyamārtho'mityāha-- atraiveḍiti. anātmanepadeti kim?. "upasnoṣyate jalena". "upakraṃsyate". "ākraṃsyate". nimitta iti kim? snautīti snavitā, sa ivācarati snavitrīyate. iha kyaṅ ātmanepadanimittaṃ na tu snautirityāhuḥ.