1/34:ārdhadhātukagrahaṇam kimartham |
2/34:yathā valādigrahaṇam ārdhadhātukaviśeṣaṇam vijñāyeta |
3/34:valādeḥ ārdhadhātukasya iti |
4/34:atha akriyamāṇe ārdhadhātukagrahaṇe kasya valādigrahaṇam viśeṣaṇam syāt |
5/34:aṅgasya iti vartate |
6/34:aṅgaviśeṣaṇam |
7/34:tatra kaḥ doṣaḥ |
8/34:aṅgasya valādeḥ āditaḥ iṭ prasajyeta āḍāḍvat |
9/34:tat yathā āḍāṭau aṅgasya āditaḥ bhavataḥ tadvat |
10/34:kriyamāṇe api ārdhadhātukagrahaṇe aniṣṭam śakyam vijñātum |
11/34:valādeḥ ārdhadhātukasya yat aṅgam iti |
12/34:akriyamāṇe ca iṣṭam |
13/34:aṅgasya yaḥ valādiḥ iti |
14/34:kim ca aṅgasya valādiḥ |
15/34:nimittam |
16/34:yasmin aṅgam iti etat bhavati |
17/34:kasmin ca etat bhavati |
18/34:pratyaye |
19/34:yāvatā kriyamāṇe ca aniṣṭam vijñāyate akriyamāṇe ca iṣṭam tatra akriyamāṇe eva iṣṭam vijñāsyāmaḥ |
20/34:idam tarhi prayojanam |
21/34:iha mā bhūt |
22/34:āste, śete |
23/34:etat api na asti prayojanam |
24/34:rudādibhyaḥ sārvadhātuke iti etanniyamārtham bhaviṣyati |
25/34:rudādibhyaḥ eva sārvadhātukaḥ iṭ bhavati na anyebhyaḥ iti |
26/34:evam api vṛkṣatvam , vṛkṣatā atra prāpnoti |
27/34:evam tarhi vihitaviśeṣaṇam dhātugrahaṇam |
28/34:dhātoḥ yaḥ vihitaḥ |
29/34:nanu dhātoḥ eva ayam vihitaḥ |
30/34:na ca ayam dhātoḥ iti evam vihitaḥ |
31/34:kva punaḥ dhātugrahaṇam prakṛtam |
32/34:ṛtaḥ it dhātoḥ iti |
33/34:tat vai ṣaṣṭhīnirdiṣṭam pañcamīnirdiṣṭena ca iha vihitaḥ śakyate viśeṣayitum |
34/34:atha idānīm ṣaṣṭhīnirdiṣṭena ca api vihitaḥ śakyate viśeṣayitum śakyam ārdhadhātukagrahaṇam akartum iti

chandasi iti nivṛttam. ārdhadhātukasya valāderiḍāgamo bhavati. lavitā. lavitum. lavitavyam. pavitā. pavitum. pavitavyam. ārdhadhātukasya iti kim? āste. śete. vaste. rudādibhyaḥ sārvadhātuke 7-2-56 ityetasmin niyamārthe vajñāyamāne pratipattigauravam bhavati iti ārdhadhātukagrahaṇaṃ kriyate. valādeḥ iti kim? lavyam. pavyam. lavanīyam. pavanīyam. iṭiti vartamāne punaḥ iḍgrahaṇaṃ pratiṣedhanivṛttyartham.

ārdhadhātukasya iḍ valādeḥ 7.2.35 chandasi iti nivṛttam. ārdhadhātukasya valāderiḍāgamo bhavati. lavitā. lavitum. lavitavyam. pavitā. pavitum. pavitavyam. ārdhadhātukasya iti kim? āste. śete. vaste. rudādibhyaḥ sārvadhātuke 7.2.56 ityetasmin niyamārthe vajñāyamāne pratipattigauravam bhavati iti ārdhadhātukagrahaṇaṃ kriyate. valādeḥ iti kim? lavyam. pavyam. lavanīyam. pavanīyam. iṭiti vartamāne punaḥ iḍgrahaṇaṃ pratiṣedhanivṛttyartham.

ārghadhātukasyeṅūvalādeḥ. , 7.2.35 "āste, śete, vaste" iti. "āsa upaveśane" (dhā.pā.1021), "śīṅ? svapne" (dhā.pā.1032), "dasa ācchādane" (dhā.pā.1023). adāditvācchapo luk(), "śīṅaḥ sārvadhātuke guṇaḥ" 7.4.21. ārdhadhātukagrahaṇādiha--sārvadhātukasyeṇna bhavatīti. nanu ca "rudādibhyaḥ sārvadhātuke" 7.2.76 ityetanniyamārtha vijñāyate--"rudādibhya eva sārvadhātukasya nānyebhya" iti. "rudādibhyaḥ sārvadhātukasyaiva" ityeṣā tu viparītaniyamāśaṅkā na katrtavyā. yadi hrevaṃvidho niyamaḥ syāt(), tadā rudādeḥ parasya sana iḍāgamo na syāt(); niyamena vyāvarttitatvāt(). tataśca "rudavida" 1.2.8 ityatra rudigrahaṇamanarthakaṃ syāt(); "halantācca" 1.2.10 iti kittvasya siddhatvāt(). tasmānnātra viparītaniyamāśaṅkā. "rudādibhya eva sārvadhātukasya, nānyebhyaḥ" ityeṣa niyamo bhaviṣyati, tato nārthaḥ sārvadhātukanivṛttyarthenādrdhadhātukagrahaṇena? ityata āha--"rudādibhyaḥ" ityādi. "rudādibhyaḥ sārvadhātuke" 7.2.76 ityetasminniyamārthe vijñāyamāne kaścinmandabuddhiḥ pratipattā viparītaniyamaṃ sambhāvayet(), tatrānantaroktayā nītyā'bhimataniyame pratipadyamāne "pratipattigauravaṃ bhavati" iti. itikaraṇo hetau. yata eva "rudādibhyaḥ sārvadhātuke" 7.2.76 ityetasminniyamārthe vijñāyamāne pratipattigauravaṃ bhavati, ato hetorārdhadhātukagrahaṇaṃ kasmānna bhavati? nārhatītyevamarthaṃ bhavitum(). yadi hraṅgasya syāt(), "ekāca upadeśe'nudāttāt()" 7.2.10 iti pratyayasyeṭpratiṣedho'narthakaḥ syāt(); prāptyabhāvā. "na ktvā seṭ()" 1.2.18, "niṣṭhā śīṅ()" 1.2.19 iti vacanācca. na hrasyeḍāgame sati ktvāniṣṭhayoḥ seṭtvamupapadyate. iha tarhi vṛkṣātvam(), vṛkṣateti prātipadikapratyayasya mā bhūdityevamarthaṃ kasmānna bhavati? evamarthamapi nārhati bhavitum(), "ṛta iddhātoḥ" 7.1.100 ityataḥ "dhātoḥ" ityanuvatrtate. nanvevamapi lūbhyām(), lūbhirityatra prāpnotītyeva, na hratra prakṛteḥ pratipadikatvena dhātutvaṃ vihanyate "kvibantā dhātutvaṃ na jahati" (vyā.pa.132) iti kṛtvā, tasmādiha mā bhūdityevamarthamārdhadhātukagrahaṇaṃ yuktam()? naitadasti; "ṝta iddhātoḥ" 7.1.100 ityatra hi svarūpapadātmakasya dhātuśabdasya grahaṇam(). ata ihāpi "dhāto" rityanuvatrtamānaṃ tathābhūtamevānuvatrtate. tena "dhātoḥ" ityevaṃvihitasyeṅ()vidhānāt? lūbhyām(), lūbhirityatrāsatyārdhadhātukagrahaṇa iṭaḥ prasaṅgo na bhavati. tathā jugupsata ityevamādāvapi; na hratra dhātorityevaṃ san? vihitaḥ, kiṃ tarhi? gupādīn? dhātūn? svarūpeṇopādāya. tasmādetannivṛttyarthamapyārdhadhātukagrahaṇaṃ na bhavatīti veditavyam(). "ṛta iddhātoḥ" 7.1.100 ityatra svarūpapadātmakasya dhātuśabdasya grahaṇaṃ syāt(). tadā tasyāpi "ṛtaḥ" iti viśeṣaṇaṃ na parikalpyeta. tasya dhātuśabde'sambhavāt? tadarthasya viśeṣaṇaṃ vijñāyata ityadovaḥ. atha vā--tatra tantreṇa dve dhādugrahaṇa upātte; tatraikamarthapadātmakam(), aparaṃ svarūpapadātmakam(). tatra yadarthapadātmakaṃ tatra tasyopayogaḥ, aparasya tvatreti na kaściddoṣaḥ. tasmāt? pratipattigauravaparīhārārthamevārdhadhātukagrahaṇam(). atheṅgrahaṇaṃ kimartham(), yāvatā "neṅvaśi kṛti" (7.2.28) ityata iṅgrahaṇamanuvarattate? ityāha--"iḍiti vatrtamāne" ityādi. taddhiḍgrahaṇaṃ pratiṣedhena sambaddham(), atastadanuvṛttau tasyāpyanuvṛttiḥ syāt(). tannivṛtyartha punariḍgrahaṇaṃ kriyate. nanu ca prāptau satyāṃ pratiṣedhaḥ syāt(), na ca valāderārdhadhātukasya kenacidiṭprāpnoti, ataḥ prāptyabhāvādeva vidhirayaṃ vijñāsyate, na pratiṣedhaḥ? naitadasti; etasmādeva pratiṣedhavacanādvidhirapyanumīyate. nūnamārdhadhātukasyeṅ()vidhirastīti yena valādeḥ pratiṣedhaṃ śāsti. punariḍgrahaṇāt? tu vidhireṣa vijñāsyate॥

valāderārdhadhāturasyeḍāgamaḥ syāt. babhūvitha. babhūvathuḥ. babhūva. babhūva. babhūviva. babhūvima.

ārdhadhātukasyeḍvalādeḥ 403, 7.2.35 valāderārdhadhāturasyeḍāgamaḥ syāt. babhūvitha. babhūvathuḥ. babhūva. babhūva. babhūviva. babhūvima.

sipasthali babhū tha iti sthite –ādrdhadhātusyeṭ. `neḍvaśi kṛtī'tyasmādanuvṛttyaiva siddheriheḍgrahaṇaṃ na kāryamiti `neḍvaśī'ti sūtrabhāṣye pratyākhyātam. ādrdhadhātukasyeti kim ?. jugupsati. atra `guptij?kidbhya' iti sano dhātorityadhikṛtya vihitatvā'bhāvānnādrdhadhātukatvam. babhūvitheti. sipasthali tasya iḍāgame vugādi pūrvavat. babhūvathuriti. thaso'thusādeśe vugādi pūrvavat. sakārasya rutvavisargau. babhūveti. madhyamapuruṣabahuvacanasya akāraḥ sarvādeśa iti `parasmaipadānāṃ ṇalatu'sityatroktam. vugādi pūrvavat. babhūveti. mipo ṇali vugādi pūrvavat. babhūviveti. vaso vādeśe valāditvādiḍāgame vugādi pūrvavat. nacātra `śryukaḥ kitī'tīḍāgamaniṣedhaḥ śaṅkyaḥ, `kṛsṛbhṛvṛstudruruāuśruvo liṭī'ti krādiniyamādiṭasiddheḥ. babhūvimeti. maso mādeśe iḍāgame vugādi pūrvavat. iti liṭprakriyā.

ādrdhadhātukasyeḍ?valādeḥ 33, 7.2.35 sipasthali babhū tha iti sthite --ādrdhadhātusyeṭ. "neḍvaśi kṛtī"tyasmādanuvṛttyaiva siddheriheḍgrahaṇaṃ na kāryamiti "neḍvaśī"ti sūtrabhāṣye pratyākhyātam. ādrdhadhātukasyeti kim?. jugupsati. atra "guptij()kidbhya" iti sano dhātorityadhikṛtya vihitatvā'bhāvānnādrdhadhātukatvam. babhūvitheti. sipasthali tasya iḍāgame vugādi pūrvavat. babhūvathuriti. thaso'thusādeśe vugādi pūrvavat. sakārasya rutvavisargau. babhūveti. madhyamapuruṣabahuvacanasya akāraḥ sarvādeśa iti "parasmaipadānāṃ ṇalatu"sityatroktam. vugādi pūrvavat. babhūveti. mipo ṇali vugādi pūrvavat. babhūviveti. vaso vādeśe valāditvādiḍāgame vugādi pūrvavat. nacātra "śryukaḥ kitī"tīḍāgamaniṣedhaḥ śaṅkyaḥ, "kṛsṛbhṛvṛstudruruāuśruvo liṭī"ti krādiniyamādiṭasiddheḥ. babhūvimeti. maso mādeśe iḍāgame vugādi pūrvavat. iti liṭprakriyā.

`neḍvaśi kṛtī'tyata iḍityanuvartamāne punariḍgrahaṇaṃ niṣedhasaṃbaddhasyeṭo nivṛttyartham. vastutastu `samarthānāṃ prathamādve'tyanuvṛttasya padatrayasay madhye `prāgdiś' ityanantaraṃ `samarthānāṃ prathamā'diti nivṛttaṃ, `ve'titvanuvartata iti vyākhyānamiva `neti nivṛttam, iḍityanuvatrtate' iti vyākhyātuṃ śakyatvādiḍgrahaṇaṃ tyuktaṃ śakyam, tathāpi spaṣṭapratipattyarthaṃ tatsvīkṛtamiti bodhyam. ādrdhadhātukasyeti kim ?. āste, śete. valādeḥ kim ?. edhanīyam. nanu `rudādibhyaḥ sārvadhātuke' ityanena sārvadhātukasya yadīḍbhavati tarhi rudādibhya eve'ti niyamādāste śeta ityatra iḍna bhavedityādrdhadhātukasyeti grahaṇaṃ vyartham. na ca rudādibhyaḥ sārvadhātuka eveti viparītaniyamādroditetyatra na syāt, āste śeta ityatra tu syāditi śaṅkyam. `rudavidamuṣagrahisvapipracchaḥ saṃśce'ti ktvāpratyaye aupadeśikakittvasya susthatvāt. `halantañce'ti jhalādisanaḥ kittvācca. tasmādviparītaniyamā'saṃbhavenādrdhadātukagrahaṇaṃ vyarthameva. nanu tadgrahaṇā'bhāve valāderityasya– aṅgasyeti yadadhikṛtaṃ tadviśeṣyaṃ syāt, tataśca aḍāṭāviveḍāgamo'tādavasthyāt, akṛte.?pi tadgrahaṇe'ṅgasya yo valādiraṅganimittaṃ tasyeḍiti vyākhyānādiṣṭasiddheśca. tasmādubhayathāpi vyākhyāneśaraṇīkartavye `ādrdhadhātukasye'tyasya tyāga eva śreyān. nanvevaṃ `keśavaḥ', `aṅganā' `vṛkṣatva'mityatreṭ syāt. `ṛta iddhāto'rityato dhātorityanuvartanādadhātoḥ parasya na bhavatīti parihārasaṃbhave'pi lūbhyāṃ pūbhyāmityatra durvāra eveḍāgamaḥ. vihitaviśeṣaṇenāpyayaṃ vārayitumaśakyaḥ, kvibantā dhātutvaṃ na jahatīti lūbhyāṃ lūbhirityatra byāmāderdhātorvihitatvā'napāyāt. kiṃca `jugupsate' ityādau `guptijkidbhyaḥ' iti dhātorvihitasya sana iḍ durvāraḥ syāt. na ceha dhātoḥ paratra vihitasya valāderiti vyākhyānalābhāya dhātoriti pañcamyantamapekṣitaṃ, tacca durlabham, `ṛta iddhāto'rityatra dhātorityasya ṣaṣṭha\ufffdntatvāt, tathā ca vṛkṣatvamityādāvapīḍāgamaprasaṅga iti vācyaṃ, śabdādhikārapakṣe svaritatvena tatsadṛśaśabdo'numīyata iti pañcamyantalābhāt. astu vā ṣaṣṭha\ufffdntatvaṃ, vihitatvaṃ ṣaṣṭha\ufffdrtha iti vyākhyāyāmiṣṭasiddhaḥ. tasmājjugupsata ityādāvatiprasaṅgavāraṇārthamādrdhadhātukasyati grahaṇam. kecittu– - dhātorityuccārya vihito yaḥ pratyayastasya#eḍiti yadi vyākhyāyeta tadā lūbhyāṃ jugupsata ityatrātiprasaṅgā'bhāvādādrdhadhātukasyeti vyarthamityāhuḥ. babhūviveti. na cā'tra `śryukaḥ kitī'tīṇniṣedhe vugāgamo'pi na syāditi śaṅkyaṃ, krādiniyamādiṭaḥ pravṛtteḥ॥

ādrdhadhātukasyeḍvalādeḥ 27, 7.2.35 "neḍvaśi kṛtī"tyata iḍityanuvartamāne punariḍgrahaṇaṃ niṣedhasaṃbaddhasyeṭo nivṛttyartham. vastutastu "samarthānāṃ prathamādve"tyanuvṛttasya padatrayasay madhye "prāgdiś" ityanantaraṃ "samarthānāṃ prathamā"diti nivṛttaṃ, "ve"titvanuvartata iti vyākhyānamiva "neti nivṛttam, iḍityanuvatrtate" iti vyākhyātuṃ śakyatvādiḍgrahaṇaṃ tyuktaṃ śakyam, tathāpi spaṣṭapratipattyarthaṃ tatsvīkṛtamiti bodhyam. ādrdhadhātukasyeti kim?. āste, śete. valādeḥ kim?. edhanīyam. nanu "rudādibhyaḥ sārvadhātuke" ityanena sārvadhātukasya yadīḍbhavati tarhi rudādibhya eve"ti niyamādāste śeta ityatra iḍna bhavedityādrdhadhātukasyeti grahaṇaṃ vyartham. na ca rudādibhyaḥ sārvadhātuka eveti viparītaniyamādroditetyatra na syāt, āste śeta ityatra tu syāditi śaṅkyam. "rudavidamuṣagrahisvapipracchaḥ saṃśce"ti ktvāpratyaye aupadeśikakittvasya susthatvāt. "halantañce"ti jhalādisanaḥ kittvācca. tasmādviparītaniyamā'saṃbhavenādrdhadātukagrahaṇaṃ vyarthameva. nanu tadgrahaṇā'bhāve valāderityasya-- aṅgasyeti yadadhikṛtaṃ tadviśeṣyaṃ syāt, tataśca aḍāṭāviveḍāgamo'tādavasthyāt, akṛte.()pi tadgrahaṇe'ṅgasya yo valādiraṅganimittaṃ tasyeḍiti vyākhyānādiṣṭasiddheśca. tasmādubhayathāpi vyākhyāneśaraṇīkartavye "ādrdhadhātukasye"tyasya tyāga eva śreyān. nanvevaṃ "keśavaḥ", "aṅganā" "vṛkṣatva"mityatreṭ syāt. "ṛta iddhāto"rityato dhātorityanuvartanādadhātoḥ parasya na bhavatīti parihārasaṃbhave'pi lūbhyāṃ pūbhyāmityatra durvāra eveḍāgamaḥ. vihitaviśeṣaṇenāpyayaṃ vārayitumaśakyaḥ, kvibantā dhātutvaṃ na jahatīti lūbhyāṃ lūbhirityatra byāmāderdhātorvihitatvā'napāyāt. kiṃca "jugupsate" ityādau "guptijkidbhyaḥ" iti dhātorvihitasya sana iḍ durvāraḥ syāt. na ceha dhātoḥ paratra vihitasya valāderiti vyākhyānalābhāya dhātoriti pañcamyantamapekṣitaṃ, tacca durlabham, "ṛta iddhāto"rityatra dhātorityasya ṣaṣṭha()ntatvāt, tathā ca vṛkṣatvamityādāvapīḍāgamaprasaṅga iti vācyaṃ, śabdādhikārapakṣe svaritatvena tatsadṛśaśabdo'numīyata iti pañcamyantalābhāt. astu vā ṣaṣṭha()ntatvaṃ, vihitatvaṃ ṣaṣṭha()rtha iti vyākhyāyāmiṣṭasiddhaḥ. tasmājjugupsata ityādāvatiprasaṅgavāraṇārthamādrdhadhātukasyati grahaṇam. kecittu--- dhātorityuccārya vihito yaḥ pratyayastasya#eḍiti yadi vyākhyāyeta tadā lūbhyāṃ jugupsata ityatrātiprasaṅgā'bhāvādādrdhadhātukasyeti vyarthamityāhuḥ. babhūviveti. na cā'tra "śryukaḥ kitī"tīṇniṣedhe vugāgamo'pi na syāditi śaṅkyaṃ, krādiniyamādiṭaḥ pravṛtteḥ॥