1/103:halgrahaṇam kimartham |
2/103:samuccayaḥ yathā vijñāyeta |
3/103:vadivrajyoḥ ca halantasya ca acaḥ iti |
4/103:na etat asti prayojanam |
5/103:ajgrahaṇāt eva atra samuccayaḥ bhaviṣyati |
6/103:vadivrajyoḥ ca acaḥ ca iti |
7/103:asti anyat ajgrahaṇe prayojanam vadivrajiviśeṣaṇam yathā vijñāyeta |
8/103:vadivrajyoḥ ecaḥ iti |
9/103:yadi etāvat prayojanam syāt vadivrajyoḥ ataḥ iti evam brūyāt |
10/103:atha vā etat api na brūyāt |
11/103:ataḥ iti vartate |
12/103:idam tarhi prayojanam halantasya yathā syāt ajantasya mā bhūt |
13/103:kasya punaḥ ajantasya prāpnoti |
14/103:akārasya |
15/103:acikīrṣīt , ajihīrṣīt |
16/103:lopaḥ atra bādhakaḥ bhaviṣyati |
17/103:ākārasya tarhi prāpnoti |
18/103:ayāsīt , avāsīt |
19/103:na asti atra viśeṣaḥ satyām vā vṛddhau asatyām vā |
20/103:sandhyakṣarasya tarhi prāpnoti |
21/103:na vai sandhyakṣaram antyam asti |
22/103:nanu ca idam asti ḍhalope kṛte udavoḍhām , udavoḍham , udavoḍha iti |
23/103:asiddhaḥ ḍhalopaḥ tasya asiddhatvāt na etat antyam bhavati |
24/103:ataḥ uttaram paṭhati |
25/103:halgrahaṇam iṭi pratiṣedhārtham |*
26/103:halgrahaṇam kriyate iṭi pratiṣedhārtham |
27/103:na iṭi iti pratiṣedham vakṣyati saḥ halantasya yathā syāt ajantasya mā bhūt |
28/103:alāvīt , apāvīt |
29/103:na vā anantarasya pratiṣedhāt |*
30/103:na vā etat prayojanam asti |
31/103:kim kāraṇam |
32/103:anantarasya pratiṣedhāt |
33/103:anantaram yat vṛddhividhānam tat pratiṣidhyate |
34/103:kutaḥ etat |
35/103:anantarasya vidhiḥ vā bhavati pratiṣedhaḥ vā iti |
36/103:tat ca anantyārtham |*
37/103:tat ca anantaram vṛddhividhānam anantyārtham vijñāyate |
38/103:katham punaḥ anantaram vṛddhividhānam anantyārtham śakyam vijñātum |
39/103:antyasya vacanānarthakyāt |*
40/103:antyasya vṛddhividhāne prayojanam na asti iti kṛtvā anantaram vṛddhividhānam anantyārtham vijñāyate |
41/103:ataḥ vibhāṣārtham tarhi idam vaktavyam |
42/103:ataḥ halādeḥ laghoḥ iti vibhāṣā vṛddhim vakṣyati sā halantasya yathā syāt ajantasya mā bhūt |
43/103:acikīrṣīt , ajihīrṣīt |
44/103:ataḥ vibhāṣārtham iti cet siddham vṛddheḥ lopabalīyastvāt |*
45/103:ataḥ vibhāṣārtham iti cet tat antareṇa api halgrahaṇam siddham |
46/103:katham |
47/103:vṛddheḥ lopabalīyastvāt |
48/103:vṛddheḥ lopaḥ balīyān bhavati iti |
49/103:idam iha sampradhāryam |
50/103:vṛddhiḥ kriyatām lopaḥ iti kim atra kartavyam |
51/103:paratvāt vṛddhiḥ |
52/103:nityaḥ lopaḥ |
53/103:kṛtāyām api vṛddhau prāpnoti akṛtāyām api |
54/103:anityaḥ lopaḥ na hi kṛtāyām vṛddhau prāpnoti |
55/103:paratvāt sagiḍbhyām bhavitavyam |
56/103:na atra sagiṭau prāpnutaḥ |
57/103:kim kāraṇam |
58/103:ekācaḥ tau vali iti vā |*
59/103:ekācaḥ sagiṭau ucyete atha vā vali iti tatra anuvartate |
60/103:kim punaḥ kāraṇam ekācaḥ tau valī iti vā |
61/103:dardrāteḥ mā bhūt iti |
62/103:daridrāteḥ na sagiḍbhyām bhavitavyam |
63/103:uktam etat daridrāteḥ ārdhadhātuke lopaḥ siddhaḥ ca pratyayavidhau iti |
64/103:yaḥ ca idānīm pratyayavidhau siddhaḥ siddhaḥ asau sagiḍvidhau |
65/103:evamartham eva tarhi ekājgrahaṇam anuvartyam atra sagiṭau mā bhūtām iti |
66/103:saḥ eṣaḥ nityaḥ lopaḥ vṛddhim bādhiṣyate |
67/103:kam punaḥ bhavān vṛddheḥ avakāśam matvā āha nityaḥ lopaḥ iti |
68/103:anavakāśā vṛddhiḥ lopam bādhiṣyate |
69/103:sāvakāśā vṛddhiḥ |
70/103:kaḥ avakāśaḥ |
71/103:anantyaḥ : akaṇīt , akāṇīt |
72/103:katham punaḥ sati antye anantyasya vṛddhiḥ syāt |
73/103:bhavet yaḥ atā aṅgam viśeṣayet tasya anantyasya na syāt |
74/103:vayam tu khalu aṅgena akāram viśeṣayiṣyāmaḥ |
75/103:tatra anantyaḥ vṛddheḥ avakāśaḥ antyasya lopaḥ bādhakaḥ bhaviṣyati |
76/103:evam vṛddheḥ lopabalīyastvāt |
77/103:atha vā ārabhyate pūrvavipratiṣedhaḥ ṇyallopau iyaṅyaṇguṇavṛddhidīrghatvebhyaḥ pūrvavipratiṣiddham |
78/103:sā tarhi eṣā anantyārthā vṛddhiḥ halantasya yathā syāt ajantasya mā bhūt |
79/103:apipaṭhiṣīt |
80/103:etat api na asti prayojanam |
81/103:katham |
82/103:halādeḥ iti na eṣā bahuvrīheḥ ṣaṣṭhī : hal ādiḥ yasya saḥ ayam halādiḥ halādeḥ iti |
83/103:kā tarhi |
84/103:karmadhārayāt pañcamī |
85/103:hal ādiḥ halādiḥ halādeḥ parasya iti |
86/103:yadi karmadhārayāt pañcamī acakāsīt atra prāpnoti |
87/103:sicā anantaryam viśeṣayiṣyāmaḥ |
88/103:halādeḥ parasya sici anantarasya iti |
89/103:yadi sicā ānantaryam viśeṣyate akaṇīt , akāṇīt atra na prāpnoti |
90/103:vacanāt bhaviṣyati |
91/103:iha api tarhi vacanāt prāpnoti |
92/103:acakāsīt |
93/103:yena na avyavadhānam tena vyavahite api vacanaprāmāṇyāt |
94/103:kena ca na avyavadhānam |
95/103:varṇena ekena |
96/103:saṅgātena punaḥ vyavadhānam bhavati na ca bhavati |
97/103:yadi sicā ānantaryam viśeṣyate astu bahuvrīheḥ ṣaṣṭhī |
98/103:kasmāt na bhavati |
99/103:apipaṭhiṣīt |
100/103:vyavahitatvāt |
101/103:evam tarhi atidūram eva idam halgrahaṇam anusṛtam |
102/103:halgrahaṇam anantyārtham |
103/103:ajgrahaṇam anigartham

vadavrajoḥ halantānāṃ ca aṅgānām acaḥ sthāne vṛddhir bhavati sici parasmaipade parataḥ. avādīt. avrājīt. vikalpabādhanārthaṃ vadivrajigrahaṇam. halantānām apākṣīt. abhaitsīt. acchaitsīt. arautsīt. atra yogavibhāge sati halantagrahaṇam antareṇa api sidhyati. katham? vadivrajyoḥ ityatra prathamayoge ataḥ iti sthānī anuvartate, tato yatacaḥ iti sūtraṃ tatra aṅgena ajviśeṣyate, aṅgasya acaḥ sici parataḥ vṛddhir bhavati. tadetad dhalgrahaṇam halsamudāyaparigrahārtham. iha api syāt, arāṅkṣīt, asāṅkṣīt. anyathā hi yena na avyavadhānaṃ tena vyavahite 'pi vacanaprāmāṇyātityekena varṇena vyavadhāne syāt, anekena halā na syāt. udavoḍhām, udavoḍham ityatra vaheḥ sici ḍhatvasalopādīnām pūrvatra asiddham 8-2-1 ityasiddhatvāt pūrvaṃ halantalakṣaṇā vṛddhiḥ kriyate, paścād ḍhalopanimittamotvam. tatra kṛte punar vṛddhir na bhavati, kṛtatvāt. yatra tvakṛtā vṛddhiḥ, okārasya eva tatra bhavati, soḍhāmitrasya apatyam sauḍhāmitriḥ iti.

vadavrajahalantasya acaḥ 7.2.3 vadavrajoḥ halantānāṃ ca aṅgānām acaḥ sthāne vṛddhir bhavati sici parasmaipade parataḥ. avādīt. avrājīt. vikalpabādhanārthaṃ vadivrajigrahaṇam. halantānām apākṣīt. abhaitsīt. acchaitsīt. arautsīt. atra yogavibhāge sati halantagrahaṇam antareṇa api sidhyati. katham? vadivrajyoḥ ityatra prathamayoge ataḥ iti sthānī anuvartate, tato yatacaḥ iti sūtraṃ tatra aṅgena ajviśeṣyate, aṅgasya acaḥ sici parataḥ vṛddhir bhavati. tadetad dhalgrahaṇam halsamudāyaparigrahārtham. iha api syāt, arāṅkṣīt, asāṅkṣīt. anyathā hi yena na avyavadhānaṃ tena vyavahite 'pi vacanaprāmāṇyātityekena varṇena vyavadhāne syāt, anekena halā na syāt. udavoḍhām, udavoḍham ityatra vaheḥ sici ḍhatvasalopādīnām pūrvatra asiddham 8.2.1 ityasiddhatvāt pūrvaṃ halantalakṣaṇā vṛddhiḥ kriyate, paścād ḍhalopanimittamotvam. tatra kṛte punar vṛddhir na bhavati, kṛtatvāt. yatra tvakṛtā vṛddhiḥ, okārasya eva tatra bhavati, soḍhāmitrasya apatyam sauḍhāmitriḥ iti.

vadavrajahalantasyācaḥ. , 7.2.3 anigantārtho'yamārambhaḥ. atha vadivrajyogrrahaṇaṃ kimartham(), yāvatā halantatvādeva vṛddhiḥ sidhyati? ityata āha--"vikalapabādhanārtham()" ityādi. "ato halādeḥ" 7.2.7 vikalpaṃ vakṣyati, tasya bādho yathā syāt(). "apākṣīt()" iti. "ḍupacaṣ? pāke" (dhā.pā.996), "coḥ kuḥ" 8.2.30 iti kutvam(). "abhaistīt()" iti. "bhidir? vidāraṇe (dhā.pā.1439), "khari ca" 8.4.54 iti catrvam()--dakārasya takāraḥ. "arautsīt()" iti. "rudhira āvaraṇe" (dhā.pā.1438). "atra" ityādi. "vadivrajyoḥ ityeko yogaḥ, "acaḥ" iti dvitīyaḥ; evaṃ yogavibhāge sati halantagrahaṇamantareṇāpīṣṭaṃ sidhyatyeva. "katham()" iti. asambhāvayataḥ praśnaḥ. "vadivravyoḥ" ityādinā yathā yogavibhāge sati sidhyati tathā darśayati. tatra prathamayoge pūrvasūtrāt? "ataḥ" iti sthānyanuvatrtate. tenāvādīt(), avrājīdityetāvatsidhyati. tato yadaca iti dvitīyaṃ sūtram(), tatra viśeṣaṇaviśeṣyabhāvayoryatheṣṭatvāt? prakṛtenāṅgenājiviśidhyate--aṅgasya yo'jiti. tenāṅgasyāco yatra tatrāvasthitasya sici parato vṛddhirbhavati. apākṣīdityādyapi sidhyati. yadyevam(), yogavibhāga eva katrtavyaḥ, kiṃ halgrahaṇena? ityata āha--"tadetat()" ityādi. halsamudayaparigrahaḥ kimartho yatasatadartho'yaṃ yatnaḥ kriyate? ityāha--"ihāpi" ityādi. "arāṅkṣīt()" iti. "rañja rāge" (dhā.pā.1167). "asāṅkṣīt()" iti. "ṣanja saṅge" (dhā.pā.987). nanu cāṅgasya yo'c? tasya sici parato vṛddhirucyate, na cātrāṅgasambandhino'conantaraḥ paraḥ sic? sambhavati yasyānena vṛddhirvidhīyate. tathā hrakārāntasyāṅgasya tāvat? "ato lopaḥ" 6.4.48 iti lopena bhavitavyam(). na ca vacanādato lopaṃ vṛddhirbādhiṣyata iti śakyate vaktum(); yadi hrakārāntasyaiva vṛddhiḥ syāt? pratyāhāragrahaṇamanarthakaṃ syāt(), "ataḥ" ityevaṃ brāūyāt(). atha vā--tadapi sambhavati. akārāntasya tu kāmaṃ saṃbhavati yāvāprabhṛteḥ. na tu tasyāsti viśeṣaḥ satyāṃ vā vṛddhāvasatyāṃ vā. igantasya punaḥ "sici vṛddhiḥ" 7.2.1 ityādinaiva vṛddhirvihitā. sandhyakṣarāṇāṃ ca nāstyeva; "ādeca upadeśe'śiti" 6.1.44 ityāttvavidhānāt(). udavoḍhām(), udavoḍhamityatrāstīti cet()? na; ḍhalopasyāsiddhatvāt(). tadayaṃ na kyacidaco'nantaraḥ parasmaipadaparaḥ sic? sambhavati. ucyate cedaṃ vacanam(); tato "yena nāvyavadhānaṃ tena vyavahite'pi vacanaprāmāṇyāt()" (vyā.pa.46) yathā'pākṣīdityādau vṛddhirbhavati, tathā'rāṅkṣīdityādāvapi vṛddhirbhaviṣyati, tato nārtho halgrahaṇena? ityata āha--"anyathā hi" ityādi. ekena varṇena sarvatra vyavadhānamasti. halsamudāyena kyacidevārāṅkṣīdityādau. apākṣīdityadau nāsti, tatrasati halagrahaṇe'nantaroktayā nītyā yatraikena varṇena vyavadhānamasti--apākṣīdityādau, tatraiva syāt(), yatra tvarnekavarṇena vyavadhānamasti--arāṅkṣīdityādau, tatra na syāt(), yathā'pipaṭhiṣīdityādau ādayayoracorvyavadhānānna bhavati. halgrahaṇe tu sati halsamudāyena vyavadhāne'pi bhavati; halgrahaṇasāmathryāt(). udavoḍhām(), udavoḍhamityatra vahervṛddhiḥ kasmānna bhavati, ḍhalope kṛte'halantāditi cet()? na; ḍhalopasyāsiddhatvāditi yaścodayet(), taṃ pratyāha--kriyate evātra vṛddhiḥ. tasyāstvottvaṃ vidhīyata iti darśayitumāha--"udavoḍhām()" ityādi. ādiśabdena dhātvādayo gṛhrante. vaherutpūrvālluṅ(), tasthasau, tayoḥ "tasthasthamipām()" 3.4.101 ityādinā tāntamādeśau yathākramam(), halantalakṣaṇā vṛddhiḥ, "ho ḍhaḥ" 8.2.31 iti ḍhatvam(), "jhalo jhali" 8.2.26 iti sico lopaḥ, "jhaṣastathorgho'dhaḥ" 8.2.40 iti ṣatvam(), "ṣṭunā ṣṭuḥ" 8.4.40 iti ṣṭutvam(). "sahivaherodavarṇasya" 6.3.111 ityottvam(). tatra hrottve punarvṛddhiḥ kasmānna bhavati? ityāha--"tatra kṛte punaḥ" ityādi. ekaṃ hratra vṛddhiśāstram(), tena ca prāgeva kṛtā vṛddhiriti kṛtakāryatvād()vṛddhiśāstrasya, punastanna vyāpriyata iti na bhavati punarvṛddhiḥ. sauḍhāmitrirityatra tarhi kathamottve kṛte vṛddhirbhavati? ityāha--"yatra tu" ityādi. yatra prāgvṛddhiḥ kṛtā tatra kṛtārthatvād()vṛddhiśāstrasya punarna vyāpriyata iti na bhavati vṛddhiḥ, soḍhāmitrirityatra tu na kṛtā vṛddhiḥ. tasmādakṛtārthatvād()vṛddhiśāstraṃ vyāpriyata iti bhavatyeva vṛddhiḥ. sā ca bhavtyokārasya bhavati, nākarasya vṛddhiriti; vṛddhividhānakāla okārasyaiva vṛddhibhājaḥ sannihitatvāt(). saherniṣṭhā, tatra ḍhatvādiṣu kṛteṣu soḍha iti bhavati, soḍho'mitro'neneti soḍhāmitraḥ, tasyāpatyamiti "ata iñ()" 4.1.95, "taddhiteṣvacāmāne" 7.2.117 vṛddhiḥ. "yena vidhistadantasya" 1.1.71 ityeva siddhe tadantatve'ntagrahaṇamasandehārtham(). "halo'caḥ" ityucyamāne sandehaḥ syāt()--kimajantasyāṅgasya halo vṛddhirbhavati? uta halantasyāca iti()॥

eṣāmaco vṛddhiḥ sici parasmaipadeṣu. avrājīt. avrajiṣyat.. kaṭe varṣāvaraṇayoḥ.. 11.. kaṭati. cakāṭa. cakaṭatuḥ. kaṭitā. kaṭiṣyati. kaṭatu. akaṭat. kaṭet. kaṭyāt..

vadavrajahalantasyācaḥ 467, 7.2.3 eṣāmaco vṛddhiḥ sici parasmaipadeṣu. avrājīt. avrajiṣyat॥ kaṭe varṣāvaraṇayoḥ॥ 11॥ kaṭati. cakāṭa. cakaṭatuḥ. kaṭitā. kaṭiṣyati. kaṭatu. akaṭat. kaṭet. kaṭyāt॥

atra vṛddhimāśaṅkitumāha– vadavraja. vada varja halanta eṣāṃ samāhādvandvāt ṣaṣṭha\ufffdekavacanam. aṅgasyetyadhikṛtam. `sici vṛddhiḥ parasmaipadeṣvi'tyanuvartate. tadāha– vaderityādinā. halantatvādeva siddhe vadavarjagrahaṇaṃ tu avādīdavrājīdityatra `ato halāderlagho'riti vṛddhivikalpabādhanārtham.

vadavrajahalantasyācaḥ 111, 7.2.3 atra vṛddhimāśaṅkitumāha-- vadavraja. vada varja halanta eṣāṃ samāhādvandvāt ṣaṣṭha()ekavacanam. aṅgasyetyadhikṛtam. "sici vṛddhiḥ parasmaipadeṣvi"tyanuvartate. tadāha-- vaderityādinā. halantatvādeva siddhe vadavarjagrahaṇaṃ tu avādīdavrājīdityatra "ato halāderlagho"riti vṛddhivikalpabādhanārtham.

vadavraja. avādīt. avrājīt `ato halāde'ritivikalpaṃ bādhitvā anena nityaṃ vṛddhiḥ. halantasyodāharaṇam– apākṣīt adhākṣīt. tadantavidhinaiva siddhe'ntagrahaṇaṃ spaṣṭapratipattyartham. `halo''jityukte tvajantāhgasya halaḥ sthāne vṛddhiriti kadācidāśaṅkyeta. `aca' iti tu ikparibhāṣāyā anupasthānārtham, anyathā abhaitsīdityatra syānnatvapākṣīdityādau.

vadavrajahalantasyācaḥ 86, 7.2.3 vadavraja. avādīt. avrājīt "ato halāde"ritivikalpaṃ bādhitvā anena nityaṃ vṛddhiḥ. halantasyodāharaṇam-- apākṣīt adhākṣīt. tadantavidhinaiva siddhe'ntagrahaṇaṃ spaṣṭapratipattyartham. "halo'"jityukte tvajantāhgasya halaḥ sthāne vṛddhiriti kadācidāśaṅkyeta. "aca" iti tu ikparibhāṣāyā anupasthānārtham, anyathā abhaitsīdityatra syānnatvapākṣīdityādau.