1/28:ajgrahaṇam kartavyam |
2/28:nanu ca kriyate eva |
3/28:dvitīyam kartavyam yathā acāmādigrahaṇam ajviśeṣaṇam vijñāyeta |
4/28:acām ādeḥ acaḥ iti |
5/28:atha akriyamāṇe ajgrahaṇe kasya acāmādigrahaṇam viśeṣaṇam syāt |
6/28:igviśeṣaṇam iti āha |
7/28:acām ādeḥ ikaḥ iti |
8/28:tatra kaḥ doṣaḥ |
9/28:iha eva syāt |
10/28:aitkāyanaḥ , aupagavaḥ |
11/28:iha na syāt |
12/28:gārgyaḥ , vātsyaḥ iti |
13/28:tat tarhi ajgrahaṇam kartavyam |
14/28:na kartavyam |
15/28:prakṛtam anuvartate |
16/28:kva prakṛtam |
17/28:acaḥ ñṇiti iti |
18/28:yadi tat anuvartate ataḥ upadhāyāḥ acaḥ iti ajmātrasya upadhāyāḥ vṛddhiḥ prasajyeta |
19/28:chedakaḥ iti |
20/28:akāreṇa tapareṇa acam viśeṣayiṣyāmaḥ |
21/28:acaḥ ataḥ iti |
22/28:iha idānīm acaḥ iti eva anuvartate ataḥ iti nivṛttam |
23/28:atha vā maṇḍūkagatayaḥ adhikārāḥ |
24/28:yathā maṇḍūkāḥ utplutya utplutya gacchanti tadvat adhikārāḥ |
25/28:atha vā ekayogaḥ kariṣyate |
26/28:acaḥ ñṇiti ataḥ upadhāyāḥ |
27/28:tataḥ taddhiteṣu acām ādeḥ iti |
28/28:na ca ekayoge anuvṛttiḥ bhavati

1/17:taddhiteṣu acāmādivṛddhau antyopadhalakṣaṇapratiṣedhaḥ |*
2/17:taddhiteṣu acāmādivṛddhau antyopadhalakṣaṇāyāḥ vṛddheḥ pratiṣedhaḥ vaktavyaḥ |
3/17:krauṣṭuḥ jāgataḥ iti |
4/17:nanu ca acāmādivṛddhiḥ antyopadhalakṣaṇām vṛddhim bādhiṣyate |
5/17:katham anyasya ucyamānā anyasya bādhikā syāt |
6/17:asati khalu api sambhave bādhanam bhavati asti ca sambhavaḥ yat ubhayam syāt |
7/17:lokavijñānāt siddham |*
8/17:sati api sambhave bādhanam bhavati |
9/17:tat yathā |
10/17:brāhmaṇebhyaḥ dadhi dīyatām takram kauṇḍinyāya iti sati api sambhave dadhidānasya takradānam nivartakam bhavati |
11/17:evam iha api sati api sambhave acāmādivṛddhiḥ antyopadhalakṣaṇām vṛddhim bādhiṣyate |
12/17:viṣamaḥ upanyāsaḥ |
13/17:na aprāpte dadhidāne takradānam ārabhyate tat prāpte ārabhyamāṇam bādhakam bhaviṣyati |
14/17:iha punaḥ aprāptāyām antyopadhalakṣaṇāyām vṛddhau acāmādivṛddhiḥ ārabhyate |
15/17:suśrut , sauśrutaḥ iti |
16/17:puṣkarasadgrahaṇāt vā |*
17/17:atha vā yat ayam anuśatikādiṣu puṣkarasacśabdam paṭhati tat jñāpayati ācāryaḥ acāmādivṛddhau antyopadhalakṣaṇā vṛddhiḥ na bhavati iti

taddhite ñiti ṇiti ca pratyaye parato 'ṅgasya acām ādeḥ acaḥ sthāne vṛddhir bhavati. gārgyaḥ. vātsyaḥ. dākṣiḥ. plākṣiḥ. ṇiti aupagavaḥ. kāpaṭavaḥ. tvāṣṭraḥ, jāgataḥ ityatra acāmāder vṛddhirantyopadhālakṣaṇāṃ vṛddhiṃ bādhate.

taddhiteṣvacām ādeḥ 7.2.117 taddhite ñiti ṇiti ca pratyaye parato 'ṅgasya acām ādeḥ acaḥ sthāne vṛddhir bhavati. gārgyaḥ. vātsyaḥ. dākṣiḥ. plākṣiḥ. ṇiti aupagavaḥ. kāpaṭavaḥ. tvāṣṭraḥ, jāgataḥ ityatra acāmāder vṛddhirantyopadhālakṣaṇāṃ vṛddhiṃ bādhate.

taddhiteṣvacāmādeḥ. , 7.2.117 "acām()" iti nirdhāraṇe ṣaṣṭhī. "acāmāderacaḥ sthāne" iti. nanu cekparibhāvopasthānādika eva sthāne vṛddhyā bhavitavyam(), tasmādikaḥ sthāna ityevaṃ vaktavyam(), na tvacaḥ sthāna iti? evaṃ manyate--"aco ñṇiti" (7.2.115) ityataḥ sthāninirdeśārthaṃ dvitīyamajgrahaṇamanuvatrtate, tena yathā "aco ñṇiti" 7.2.115 ityatra sthāninirdeśādikparibhāṣā nopatiṣṭhate, tathehāpītyadoṣaḥ. "gārgyaḥ, vātsyaḥ" iti. "gargādibhyo yañ()" 4.1.105. "dākṣiḥ, plākṣiḥ" iti. "ata iñ()" 4.1.95. "aupagavaḥ, kāpaṭavaḥ" iti. prāgdīvyatīyo'ṇ? 4.1.83. atha tvāṣṭraḥ, jāgata ityatara tvaṣṭṛjagadbhyāṃ "tasyevam()" 4.3.120 ityaṇi kṛte yathākramaṃ "aco ñṇiti" 7.2.115 ityajlakṣaṇā vṛddhiḥ prāpnoti, "ata upadhāyāḥ" (7.2.116) ityupadhālakṣaṇā vṛddhiḥ kasmānna bhavati? ityāha--"acāmādervṛddhirantyopadhāvṛrddhi bādhate" iti. kathaṃ punaranyasyocyamānā'nyasya bādhikā syāt()? jñāpakāt(). yadayamanuśatikādiṣu puṣkarasacchabdaṃ paṭhati, tajjñāpayati--yatrādivṛddhistatrānyā vṛddhirna bhavatīti. tasyānuśatikādiṣu pāṭhasyaitat? prayojanam()--ubhayapadavṛddhiryathā syāt(), puṣkarasado'patyaṃ pauṣkarasādiriti. "bāhavādibhyaśca" 4.1.96 itīñ(). yadi cādivṛddhiranyasyā vṛddherbādhikā na syāt(), upadhālakṣaṇenaiva vṛddheḥ siddhatvāt? pauṣkarasādiśabdasya, puṣkarasacchabdo'nuśatikādiṣu na paṭha()eta. paśyatyācāryaḥ--yatrādipadavṛddhistatrānyā vṛddhirna bhavatīti; yato'nuśatikādiṣu puṣkarasacchabdaṃ paṭhati. nanu ṭhagarthastatra paṭhaḥ, tatra hrupadhālakṣaṇā vṛddhirna prāpnotīti ṭhako'ñṇittvāt()--puṣkarasadā caratīti pauṣkarasādika iti? naitadasti; yadi puṣkarasacchabdāccaratyarthe ṭhagutpadyate. kasmāt? punarnotpadyate? anabhidhānāt(). abhidhānalakṣaṇā hi kṛttaddhitasamāsā bhavantīti. tasmājjñāpaka evānuśatikādiṣu pāṭhaḥ puṣkarasacchabdasya॥

dityādibhyaḥ patyutatarapadācca prāgdīvyatiyeṣvartheṣu ṇyaḥ syāt. aṇo'pavādaḥ. diterapatyaṃ daityaḥ. aditerādityasya vā..

taddhiteṣvacāmādeḥ 941, 7.2.117 ñiti ṇiti ca taddhiteṣvacāmāderaco vṛddhiḥ syāt. yasyeti ca. paurvaśālaḥ. pañca gāvo dhanaṃ yasyeti tripade bahuvrīhau. (dvandvatatpuruṣayoruttarapade nitya samāsavacanam)॥

taddhiteṣvacāmādeḥ. `acoñṇitī'tyanuvartate. `mṛjervṛddhi'rityato vṛddhiriti ca. `acā'miti nirdhāraṇaṣaṣṭhī. tadāha–ñitīti.

taddhiteṣvacāmādeḥ 1059, 7.2.117 taddhiteṣvacāmādeḥ. "acoñṇitī"tyanuvartate. "mṛjervṛddhi"rityato vṛddhiriti ca. "acā"miti nirdhāraṇaṣaṣṭhī. tadāha--ñitīti.

taddhiteṣva. acāṃ madhye ādirajeveti `aco'ñṇitī'ti sūtradaca ityanuvartata ityāśayena vyācaṣṭe–aca iti. vṛddhiḥ syāditi. `mṛjervṛddhi'rityato'nuvartata iti bhāvaḥ.

taddhiteṣvacāmādeḥ 885, 7.2.117 taddhiteṣva. acāṃ madhye ādirajeveti "aco'ñṇitī"ti sūtradaca ityanuvartata ityāśayena vyācaṣṭe--aca iti. vṛddhiḥ syāditi. "mṛjervṛddhi"rityato'nuvartata iti bhāvaḥ.