1/26:vṛddhau ajgrahaṇam go'rtham |*
2/26:vṛddhau ajgrahaṇam kriyate gotaḥ vṛdhiḥ yathā syāt |
3/26:gauḥ iti |
4/26:na etat asti prayojanam |
5/26:ṇitkaraṇasāmarthyāt eva atra vṛddhiḥ bhaviṣyati |
6/26:atha yogavibhāgaḥ kimarthaḥ na ñṇiti ataḥ upadhāyāḥ iti eva ucyeta |
7/26:kā rūpasiddhaḥ cāyakaḥ , lāvakaḥ , kārakaḥ |
8/26:guṇe kṛte ayavaḥ raparatve ca ataḥ upadhāyāḥ iti eva siddham |
9/26:yogavibhāgaḥ sakhivyañjanādyarthaḥ |*
10/26:yogavibhāgaḥ kriyate sakhyarthaḥ vyañjanādyarthaḥ ca |
11/26:sakhyarthaḥ tāvat |
12/26:sakhāyau , sakhāyaḥ |
13/26:vyañjanādyarthaḥ |
14/26:jaitram , yautram , cyautram |
15/26:yogavibhāge ca idānīm sakhivyañjanādyarthe kriyamāṇe ajgrahaṇam api kartavyam bhavati |
16/26:kim prayojanam |
17/26:gortham |
18/26:nanu ca uktam ṇitkaraṇasāmarthyāt eva atra vṛddhiḥ bhaviṣyati iti |
19/26:asti anyat ṇitkaraṇasaya prayojanam |
20/26:kim |
21/26:gāvau , gāvaḥ |
22/26:avādeśe kṛte ataḥ upadhāyāḥ iti vṛddhiḥ yathā syāt |
23/26:yat tu sau ṇitkaraṇam tat anavakāśam tasya anavakāśatvāt eva vṛddhiḥ bhaviṣyati |
24/26:yathā eva khalu api ṇitkaraṇasāmarthyāt anikaḥ api vṛddhiḥ prārthyate evam tatvam api prāpnoti |
25/26:tatvam api hi ñṇiti iti ucyate |
26/26:tasmāt ajgrahaṇam kartavyam

ajantasya aṅgasya ñiti ṇiti ca pratyaye vṛddhir bhavati. ñiti ekastaṇḍulaniścāyaḥ. dvau śūrpaniṣpāvau. kāraḥ. hāraḥ. ṇiti gauḥ, gāvau, gāvaḥ. sakhāyau, sakhāyaḥ. jaitram. yautram. cyautnaḥ. jayater yauteśca uṇādayo bahulam 3-3-1 iti ṣṭran pratyayaḥ. cyavaterapi tnaṇ.

aco ñṇiti 7.2.115 ajantasya aṅgasya ñiti ṇiti ca pratyaye vṛddhir bhavati. ñiti ekastaṇḍulaniścāyaḥ. dvau śūrpaniṣpāvau. kāraḥ. hāraḥ. ṇiti gauḥ, gāvau, gāvaḥ. sakhāyau, sakhāyaḥ. jaitram. yautram. cyautnaḥ. jayater yauteśca uṇādayo bahulam 3.3.1 iti ṣṭran pratyayaḥ. cyavaterapi tnaṇ.

aco ñṇiti. , 7.2.115 "niścāyaniṣpāvau" ["ekasataṇḍulaniścāyaḥ, dvau śūrpaniṣpāvau"--kāśikā] iti. niṣpūrvāccinīteḥ, punāteśca "parimāṇākhyāyāṃ sarvebhyaḥ" 3.3.20 iti dhañ(). "idupadhasya cāpratyayasya" 8.3.41 iti visarjanīyaṣatvam(). "kāraḥ, hāraḥ" iti. kṛñaḥ hmañaśca bhāve ghañ(). "gauḥ, gāvo gāvaḥ" iti. "goto ṇit()" 7.1.90 iti sarvanāmasthānasya ṇittvam(). "sakhāyau, sakhāyaḥ" iti. atrāpi "sakhyurasambuddhau" 7.1.92 iti. "jayateḥ, yauteśca" iti. "ji jaye" (dhā.pā.561), "yu miśraṇe" ["miśraṇe'miśraṇe ca"--dhā.pā.] (dhā.pā.1033). "cyavateḥ" iti. "cyuṅa chyuṅ? jyuṅ? pruṅ? pluṅ? gatau"[nāsti--dhā.pā.] (dhā.pā.955-958). ajgrahaṇamaniko'pi yathā syāt()--goriti. nanu ṇitkaraṇasāmathryādeva tatra bhaviṣyati? naitadasti; asti hranyat? ṇitkaraṇasya prayojanam(), kiṃ tat()? gāvau, gāva ityavādeśe kṛte "ata upadhāyāḥ" 7.2.116 iti vṛddhiryathā syāt(). yadyevam(), gaurityatrāguṇaviṣaye vṛddhiriyaṃ kṛtārtheti kārayatītyādiṣu paratvādguṇena bādhyeta? ṇitkaraṇasāmathryānna bhaviṣyatīti. etaccānuttaram(); "ṇeraniṭi" (6.4.51) ityevamādau ṇitkaraṇasya caritārthatvāt()? naiṣa doṣaḥ; ācāryapravṛttijrñāpayati--guṇaviṣaye'pi vṛddhirabhavatīti; yadayaṃ jāgatrtarvṛddhiviṣaye pratiṣedhaviṣaye ca "jāgro'viciṇṇalṅitsu" 7.3.85 iti punarguma ārabhyate. yadi hi guṇaviṣaye vṛddharna syāt(), tadā jāgarayatītyādiṣu guṇo'styeveti tadviṣaye guṇārambho'narthakaḥ syāt(). vṛddhiviṣayatā cārambhasya ciṇṇaloḥ pratiṣedhādvijñāyate. atha yogavibhāgaḥ kimarthaḥ, na "ñṇityata upathāyāḥ" ityedocyeta? aśakyamevaṃ vaktum(); evaṃ hrucyamāne yadyapi gāvo, gāva ityatrāvādeśe kṛte cāyakaḥ, lāvaka ityatra guṇe kṛte'yavādeśayoḥ kṛtayoḥ sidhyati--gauḥ, sakhāyau; jaitramityādau tu na sidhyati; ayavādeśayorguṇasya ca yathāyogamasambhavāt? smādyathāyogaṃ yogavibhāgaḥ katrtavyaḥ॥

ajantāṅgasya vṛddhirñiti ṇiti ca pare. sakhāyau. sakhāyaḥ. he sakhe. sakhāyam. sakhāyau. sakhīn. sakhyā. sakhye..

aco ñṇiti 182, 7.2.115 ajantāṅgasya vṛddhirñiti ṇiti ca pare. sakhāyau. sakhāyaḥ. he sakhe. sakhāyam. sakhāyau. sakhīn. sakhyā. sakhye॥

acoñṇiti. ñ ca ṇ cañṇau, tau itau yasya tat ñṇit. `mṛjeḥ' ityato `vṛddhi'rityanuvartate. `aṅgasye'tyadhikṛtamacā viśeṣyate. tatastadantavidhiḥ. tadāha- ajantasyetyādinā. sthānasāmyādikārasya vṛddhiraikāraḥ. tasya āyādeśa ityabhipretyāha-sakhāyāviti. evaṃ-sakhāyaḥ. sakhāyaṃ sakhāyau. sakhīniti śasi harivadrūpam. asarvanāmasthānatvāṇṇittvā'bhāvānna vṛddhiḥ. ghisaṃjñā'bhāvāditi. `śeṣo ghyasakhī'tyatra asakhīti paryudāsāditi bhāvaḥ. na tatkāryamiti. ghiprayuktakāryaṃ netyarthaḥ. sakhyeti. sakhi-ā iti sthite ghitvā'bhāvādāṅo nā'striyāmiti nābhāvā'bhāve yaṇi rūpam. sakhye iti. sakhi-e iti sthite ghitvā'bhāvāt `gherṅitī'ti guṇā'bhāve yaṇi rūpam. ṅasiṅasoḥ-sakhi as iti sthite ghitvā'bhāvāt `gherṅitī'ti guṇā'bhāve yaṇi sakhyas iti sthite.

acoñṇiti 252, 7.2.115 acoñṇiti. ñ ca ṇ cañṇau, tau itau yasya tat ñṇit. "mṛjeḥ" ityato "vṛddhi"rityanuvartate. "aṅgasye"tyadhikṛtamacā viśeṣyate. tatastadantavidhiḥ. tadāha-ajantasyetyādinā. sthānasāmyādikārasya vṛddhiraikāraḥ. tasya āyādeśa ityabhipretyāha-sakhāyāviti. evaṃ-sakhāyaḥ. sakhāyaṃ sakhāyau. sakhīniti śasi harivadrūpam. asarvanāmasthānatvāṇṇittvā'bhāvānna vṛddhiḥ. ghisaṃjñā'bhāvāditi. "śeṣo ghyasakhī"tyatra asakhīti paryudāsāditi bhāvaḥ. na tatkāryamiti. ghiprayuktakāryaṃ netyarthaḥ. sakhyeti. sakhi-ā iti sthite ghitvā'bhāvādāṅo nā'striyāmiti nābhāvā'bhāve yaṇi rūpam. sakhye iti. sakhi-e iti sthite ghitvā'bhāvāt "gherṅitī"ti guṇā'bhāve yaṇi rūpam. ṅasiṅasoḥ-sakhi as iti sthite ghitvā'bhāvāt "gherṅitī"ti guṇā'bhāve yaṇi sakhyas iti sthite.

acoñṇiti. `mṛjervṛddhi'rityato `vṛddhi'rityanuvartate, `aṅgasye'ti cānuvṛttamacā viśeṣyate, viśeṣaṇena tadantavidhirityāśayena vyācaṣṭe— ajantāṅgasyeti.

aco ñṇiti 213, 7.2.115 acoñṇiti. "mṛjervṛddhi"rityato "vṛddhi"rityanuvartate, "aṅgasye"ti cānuvṛttamacā viśeṣyate, viśeṣaṇena tadantavidhirityāśayena vyācaṣṭe---ajantāṅgasyeti.