1/11:iha papau, tasthau iti trīṇi kāryāṇi yugapat prāpnuvanti : dvirvacanam ekādeśaḥ autvam iti |
2/11:tat yadi sarvataḥ autvam labhyeta kṛtam syāt |
3/11:atha api dvirvacanam labhyeta evam api kṛtam syāt |
4/11:tat tu na labhyam |
5/11:kim kāraṇam |
6/11:atra hi paratvāt ekādeśaḥ dvirvacanam bādhate |
7/11:paratvāt autvam |
8/11:nityaḥ ekādeśaḥ autvam bādheta |
9/11:kam punaḥ bhavān autvasya avakāśam matvā āha nityaḥ ekādeśaḥ iti |
10/11:anavakāśam autvam ekādeśam bādhiṣyate |
11/11:autve kṛte dvirvacanam ekādeśaḥ iti yadi api paratvāt ekādeśaḥ sthānivadbhāvāt dvirvacanam bhaviṣyati

ākārāntādaṅgāduttarasya ṇalaḥ aukārādeśo bhavati. papau. tasthau. jaglau. mamlau. atra autvam, ekādeśaḥ , sthānivadbhāvaḥ, dvirvacanam ityanena krameṇa kāryāṇi kriyante. ekādeśādanavakāśatvādautvaṃ dvirvacanādapi paratvādekādeśaḥ iti.

āta au ṇalaḥ 7.1.34 ākārāntādaṅgāduttarasya ṇalaḥ aukārādeśo bhavati. papau. tasthau. jaglau. mamlau. atra autvam, ekādeśaḥ , sthānivadbhāvaḥ, dvirvacanam ityanena krameṇa kāryāṇi kriyante. ekādeśādanavakāśatvādautvaṃ dvirvacanādapi paratvādekādeśaḥ iti.

āta au ṇalaḥ. , 7.1.34 "tasyau" iti. "śarpūrvāḥ khayaḥ" 7.4.61 iti khayaḥ śeṣaḥ. "jaglau" iti. "kahoścuḥ" 7.4.62 iti cutvam(). iha "pā" ityādibhyo ṇali paratravasthite yugapat? trīṇi kāryāṇi prāpnuvanti--dvivacanam(), ekādeśaḥ, autvañca. teṣāñca tathā prāptānāṃ yugapatpravṛttiḥ sambhavatīti sāmathryāt? prāptaḥ krama āśrīyate. tatra yena krameṇa tāni katrtavyāni, taṃ darśayitumāha--"atra" ityādi. atretyanena papavityādīnyudaharaṇāni pratyayamuśyante. yadi dvirvacanādekādeśaḥ pūrvaṃ kriyate tadā "vṛddhireci" 6.1.85 iti vṛddhāvekādeśe kṛte nimittanimittinoviṃśeṣābhāvālliṭi parataḥ pūrvasyocayamānaṃ dvivacanaṃ na prāpnotīti tasya nirāsāyedamuktam()--sthānivadbhāvo dvirvacanamiti. kena punaratra sthānivadbhāvaḥ? "dvirvacane'ci" (1.1.59) ityanena? naivam(); dvirvacananimitte'pi parataḥ pūrvasyocyamānaṃ dvivacanaṃ na prāpnotīti tasya nirāsāyedamuktam()--sthānivadbhāvo dvirvacanamiti. kena punaratara sthānivadbhāvaḥ? "dvirvacane'ci" (1.1.59) ityanena? naivam(); dvirvacananimitte'ci parataḥ pūrvasaya sthānivadbhāva ucyate, na cātra dvirvacananimittaṃ paramacaṃ paśyāmaḥ. atra kcidāhuḥ--acītyupalakṣaṇam(), aci ya ādeśo dṛṣṭaḥ sa dvirvacane katrtavye sthānivadbhavatītīmaṃ sūtrārthamāśrityaitaduktam(). iha sampratyanacparatve'pyekādeśakaraṇakāle'caḥ parasya nimittabhāvenaśrayaṇādacyayamādeśaḥ kṛtaḥ. tasmādbhavitavyaṃ sthānivadbhāvena. anye tvāhu--"ekādeśaḥ pūrvavidhau sthānivadbhavatīti vaktavyam()" ityanayeṣṭa()ā sthānivadbhāvaḥ. "dvirvacane'ci" 1.1.58 iti yogāvibhāgādvā sthānivadbhāvaḥ ityapare. kathaṃ punarayameṣāṃ kāryāṇāṃ krama upalabhyate? ityata āha--"ekādeśāt()" ityādi. pā+a iti sthite'kaḥ savarṇe dīrghatvaṃ 6.1.97 prāpnoti, autvañca. tatraikādeśaḥ--daṇḍāgramityādau sāvakāśaḥ, autvaṃ tu na kvacit? sāvakāśam(); atastāvadanavakāśatvāt? prāgautvaṃ kriyate, tatara kṛte vṛddhiḥ prāpanoti, dvavacanañca, tatra paratvād()vṛddhirbhavati. dvivacanaṃ hi--papācetyādau sāvakāśam(), vṛddhestvavakāśaḥ--khaṭvaiḍaketyādau. ato vṛddhau kṛtāyāṃ paścādbhavati dvirvacanaṃ sthānivadbhāvena! "ṇalaḥ" iti. ṇakāroccāraṇaṃ pratyayagrahaṇaṃ yathā syāt(). ṇalo ṇakāroccāraṇe hi ṇalpratyayo'stīti tasya grahaṇaṃ bhavati. ta()smaścāsatyala ityucyamāne satyalpratyayasyābhāvāt? pratyāhāragrahaṇaṃ vijñāyeta. lakāroccāraṇaṃ "śyādvyadha" 3.1.141 ityādinā vihitasya ṇapratyayasya grahaṇaṃ mā bhūdityevamartham(). atha "ekavacanasya" (7.1.32) ityanuvatrtate? tathā sati mukhasukhārtham()॥

tathā ca prakṛte liṭi dvitvādau dadhā a iti sthite–āta au. `au' iti luptaprathamākam. aṅgasyetyadhikṛtaṃ pañcamyā viparīṇamyate. `āta' iti tadviśeṣaṇam. tadantavidhiḥ. tadāha–ādantāddhātoriti. ṇal?prakṛtiśca dhātureveti dhātugrahaṇam. tathā ca ṇala autve vṛddhau rūpamāha– dadhāviti.

āta au ṇalaḥ 208, 7.1.34 tathā ca prakṛte liṭi dvitvādau dadhā a iti sthite--āta au. "au" iti luptaprathamākam. aṅgasyetyadhikṛtaṃ pañcamyā viparīṇamyate. "āta" iti tadviśeṣaṇam. tadantavidhiḥ. tadāha--ādantāddhātoriti. ṇal()prakṛtiśca dhātureveti dhātugrahaṇam. tathā ca ṇala autve vṛddhau rūpamāha-- dadhāviti.

āta au ṇalaḥ. iha aṅgasyetyanuvartate. dhātoriti tu phalitārthakathanam. ādantādaṅgādityarthaḥ.

āta au ṇalaḥ 180, 7.1.34 āta au ṇalaḥ. iha aṅgasyetyanuvartate. dhātoriti tu phalitārthakathanam. ādantādaṅgādityarthaḥ.