mito dhātavaḥ ghaṭādayo mitaḥ ityevam ādayo ye pratipāditāḥ, teṣām upadhāyā hrasvo bhavati ṇau parataḥ. ghaṭayati. vyathayati. janayati. rajayati. śamayati. jñapayati. kecidatra vā ityanuvartayanti. sā ca vyavasthitavibhāṣā. tena utkrāmayati, saṅkrāmayati ityevam ādi siddhaṃ bhavati.

mitāṃ hrasvaḥ 6.4.92 mito dhātavaḥ ghaṭādayo mitaḥ ityevam ādayo ye pratipāditāḥ, teṣām upadhāyā hrasvo bhavati ṇau parataḥ. ghaṭayati. vyathayati. janayati. rajayati. śamayati. jñapayati. kecidatra vā ityanuvartayanti. sā ca vyavasthitavibhāṣā. tena utkrāmayati, saṅkrāmayati ityevam ādi siddhaṃ bhavati.

mitāṃ hvasvaḥ. , 6.4.92 "evamādinā" iti. ādiśabdena "janījṛ()ṣkanasurañjo'mantāśca" (dhā.pā.817) ityevamādigrahaṇam(). "ghaṭayati" vyathayati" janayati" iti. "ghaṭa ceṣṭāyām()" (dhā.pā.763) "vyatha bhayacalanayoḥ (dhā.pā.764) "janau prādurbhāve" (dhā.pā.1149). nanu ca janeḥ "janivadhyośca" 7.3.35 iti vṛddhiḥ pratiṣidhyate, tadayuktamidamudāharaṇam(), mitsajñāpyāpārthikā? naitadasti; ciṇkṛtorhi sa vṛddhipratiṣedhaḥ, tatra hi "āto yuk? ciṇkṛtoḥ" 7.3.33 #ityanuvatrtate. "rajayita" iti. "rañjerṇau mṛgaramaṇa upasaṃkhyānam()" (vā.778). ityanunāsikalope kṛte "ata upadhāyāḥ" 7.2.116 iti vṛddhiḥ. tasyānena hyasvaḥ. "śamayati" iti. śameramantatvānmittvam(). asyāpi "nodāttopadeśa" 7.3.34 ityādinā vṛddhipratiṣedhaściṇkṛtoreva. "jñāpayati" iti. "jñā avabodhane" (dhā.pā.1507) ityasya kryādiparipaṭhitasya "māraṇatoṣaṇaniśāmaneṣu (dhā.pā.811) jñā, micca" iti mitsaṃjñā, "artihyī" 7.3.36 ityādinā puki kṛte hyasvaḥ. "kecidatra" ityādi. "kramu pādavikṣepe" (dhā.pā.437)ityasyāmantatvānmitsaṃjñā, tasya ca hyasvatve saṃkrāmayati, utkrāmayatīti na siddhyet(). tasmādetatsiddhaye "vā cittavirāge" 6.4.91 ityato vāgrahaṇamanuvartayan()ti. ta()smaścānuvatrtamāne sarvatra vikalpaḥ prasajyetetyatiprasaṅgaparihārārthaṃ "sā ca vyavasthitavibhāṣā" iti. vyācakṣate. atha "mitāmat()" ityevaṃ kasmānnoktam(), laghu hrevaṃ sūtraṃ bhavati? aśakyamevaṃ vaktum(), "veṣṭa veṣṭane" (dhā.pā.255) iti ghaṭādau paṭha()te, tatraivamucyamāne tasyāpkāraḥ prasajyet(), "hyasvaḥ" ityucyamāne "eca ig? hyasvādeśe" 1.1.47 itīkāraḥ siddho bhavati॥

mitāṃ hrasvaḥ 707, 6.4.92 ghaṭādīnāṃ jñapādīnāṃ copadhāyā hrasvaḥ syāṇṇau. ghaṭayati॥ jñapa jñāne jñāpane ca॥ jñapayati. ajijñapat॥

mitāṃ hyasvaḥ. `ūdupadhāyā gohaḥ' ityata upadhāyā iti, `doṣo ṇau' ityato ṇāviti cānuvartate. tadāha – mitāmupadhāyā ityādinā. jñapayatīti. ṇici upadhāvṛddhau hyasva iti bhāvaḥ. yama ca pariveṣaṇe. cānmiditi. `iti anukṛṣyate' iti śeṣaḥ. yamadhātuḥ pariveṣaṇe ṇicaṃ labhate, mitkāryabhākcetyarthaḥ. mitsaṃjñaka iti vā. pariveṣaṇāmiha veṣṭanamiti. `piraveṣastu paridhi'riti kośāditi bhāvaḥ. na tu bhojanamiti. bhujerhetumaṇṇyantātstriyāmityadhikāre `ṇyāsaśrantho yuc'. klībatvaṃ lokāt. `bhojane'tyeva kvacitpāṭhaḥ. bhoktuḥ pātre bhojyadravyopakalpanamiha na pariveṣaṇamityarthaḥ. bhojanāyāṃ yamerhutamaṇṇyantasya amantatvādeva mittvasiddheriti bhāvaḥ. pariveṣṭata ityartha iti. anena iha pariviṣeraṇyantāllyuṭi pariveṣaṇaśabda iti sūcitam. naca veṣṭane'pyarthe yameramantatvādeva siddhe mittvidhivryartha iti vācyaṃ, `na kamyamicamā'miti mit?tavapratiṣedhaprakaraṇasthe `yamo'pariveṣaṇe' iti ghaṭādyantargaṇasūtre'pariveṣaṇe iti paryudāsena bhojaneto'nyatra veṣṭane'rthe mittavaniṣedhasya prāptau mittvaprāpaṇārthatvāt. `yamo'pariveṣaṇe' ityatra pariveṣaṇa śabdena bhojanāyā eva vivakṣitatvena veṣṭane yamermittvaniṣedhasya prasaṅgāt. ata eva `yamirbhojanāto'nyatra na mi'diti vyākhyātaṃ mūlakṛtā. bhojanāyāṃ tu `yamo'pariveṣaṇe' iti mittvaniṣedhavidhau bhojanāyāḥ paryudāsādeva tatra mittvaniṣedhā'bhāvādamnatatvādeva mittvaprāpteriha curādau piraveṣaṇaśabdena veṣṭanameva vivakṣitaṃ natu bhojanetyāstāṃ tāvat. caha parikalpane iti. ita ārabhya `ciñ cayane' ityetatparyantaṃ cetyanuvartate. atasteṣāṃ mittvaṇṇici hyasvaḥ. tadāha - cahayatīti. nanvanenaiva siddhe agre curādyantargaṇe kathādāvasya pāṭho vyartha ityata āha– kathādāviti. `kathādayo'dantā'iti vakṣyate. tasmāṇṇici allope cahayatītyādau allopasya sthānivattvādvṛddhyabāve mittvāddhrasve ca na viśeṣaḥ. tathāpi adantāccaṅi ṇau allope sati aglopitayā sanvattvadīrghayorabhāve `acacaha'diti rūpamasti phalamityarthaḥ. capa ityeke iti. `caha parikalpane' ityasya sthāne `cape'tyeke paṭhantītyarthaḥ. `raha tyāge ityeke' ityapi tathaiva vyākhyeyam. evaṃ ca jñapādiṣu pañcasu cahadhātuścapadhātuḥ rahadhāturvā anyatamastṛtīyaḥ, baladhātuścaturthaḥ, ciñdhātuḥ pañcama iti kṛtvā jñapādipañcānāṃ matatraye'pi pañcatvājjñapādipañcakatvasya na virodhaḥ. `raha tyāge'ityasyāpi kathādipāṭhaphalamāha– kathādestu ararahaditi. adantatvena aglopitvānna dīrghasanvattve iti bhāvaḥ. bala prāṇane. `ce'tyanuvṛttyā mittvasyānukarṣaṇāddhrasvaṃ matvāha – balayatīti.

mitāṃ hyasvaḥ 395, 6.4.92 mitāṃ hyasvaḥ. "ūdupadhāyā gohaḥ" ityata upadhāyā iti, "doṣo ṇau" ityato ṇāviti cānuvartate. tadāha -- mitāmupadhāyā ityādinā. jñapayatīti. ṇici upadhāvṛddhau hyasva iti bhāvaḥ. yama ca pariveṣaṇe. cānmiditi. "iti anukṛṣyate" iti śeṣaḥ. yamadhātuḥ pariveṣaṇe ṇicaṃ labhate, mitkāryabhākcetyarthaḥ. mitsaṃjñaka iti vā. pariveṣaṇāmiha veṣṭanamiti. "piraveṣastu paridhi"riti kośāditi bhāvaḥ. na tu bhojanamiti. bhujerhetumaṇṇyantātstriyāmityadhikāre "ṇyāsaśrantho yuc". klībatvaṃ lokāt. "bhojane"tyeva kvacitpāṭhaḥ. bhoktuḥ pātre bhojyadravyopakalpanamiha na pariveṣaṇamityarthaḥ. bhojanāyāṃ yamerhutamaṇṇyantasya amantatvādeva mittvasiddheriti bhāvaḥ. pariveṣṭata ityartha iti. anena iha pariviṣeraṇyantāllyuṭi pariveṣaṇaśabda iti sūcitam. naca veṣṭane'pyarthe yameramantatvādeva siddhe mittvidhivryartha iti vācyaṃ, "na kamyamicamā"miti mit()tavapratiṣedhaprakaraṇasthe "yamo'pariveṣaṇe" iti ghaṭādyantargaṇasūtre'pariveṣaṇe iti paryudāsena bhojaneto'nyatra veṣṭane'rthe mittavaniṣedhasya prāptau mittvaprāpaṇārthatvāt. "yamo'pariveṣaṇe" ityatra pariveṣaṇa śabdena bhojanāyā eva vivakṣitatvena veṣṭane yamermittvaniṣedhasya prasaṅgāt. ata eva "yamirbhojanāto'nyatra na mi"diti vyākhyātaṃ mūlakṛtā. bhojanāyāṃ tu "yamo'pariveṣaṇe" iti mittvaniṣedhavidhau bhojanāyāḥ paryudāsādeva tatra mittvaniṣedhā'bhāvādamnatatvādeva mittvaprāpteriha curādau piraveṣaṇaśabdena veṣṭanameva vivakṣitaṃ natu bhojanetyāstāṃ tāvat. caha parikalpane iti. ita ārabhya "ciñ cayane" ityetatparyantaṃ cetyanuvartate. atasteṣāṃ mittvaṇṇici hyasvaḥ. tadāha - cahayatīti. nanvanenaiva siddhe agre curādyantargaṇe kathādāvasya pāṭho vyartha ityata āha-- kathādāviti. "kathādayo'dantā"iti vakṣyate. tasmāṇṇici allope cahayatītyādau allopasya sthānivattvādvṛddhyabāve mittvāddhrasve ca na viśeṣaḥ. tathāpi adantāccaṅi ṇau allope sati aglopitayā sanvattvadīrghayorabhāve "acacaha"diti rūpamasti phalamityarthaḥ. capa ityeke iti. "caha parikalpane" ityasya sthāne "cape"tyeke paṭhantītyarthaḥ. "raha tyāge ityeke" ityapi tathaiva vyākhyeyam. evaṃ ca jñapādiṣu pañcasu cahadhātuścapadhātuḥ rahadhāturvā anyatamastṛtīyaḥ, baladhātuścaturthaḥ, ciñdhātuḥ pañcama iti kṛtvā jñapādipañcānāṃ matatraye'pi pañcatvājjñapādipañcakatvasya na virodhaḥ. "raha tyāge"ityasyāpi kathādipāṭhaphalamāha-- kathādestu ararahaditi. adantatvena aglopitvānna dīrghasanvattve iti bhāvaḥ. bala prāṇane. "ce"tyanuvṛttyā mittvasyānukarṣaṇāddhrasvaṃ matvāha --balayatīti.

veṣṭanamiti. `pariveṣastu paridhi'rityamaraḥ. na tvityādi. ayaṃ bhāvaḥ– ghaṭādau `yamo'pariveṣaṇe' iti paṭhitaṃ, tatra hi pariveṣaṇamiti hetumaṇṇyantasya rūpam. hetumaṇṇyantasya hi bhojanā veṣṭanā cā'rthaḥ. tathā ca apariveṣaṇa ityanena bhojanāto veṣṭanātaścānyatra mittvaniṣedhe'pi tayorarthayostvamantatvādeva mittvasiddheriti. yadyapi ghaṭādau `yacchatirbhojanāto'nyatra minne'ti vyākhyātaṃ tathāpyatratyagranthānuguṇyenopapalakṣaṇatayā tadvyākhyeyamityāhuḥ. atredaṃ bodhyaṃ- - ghaṭādau `yamo'pariveṣaṇe' ityatra paripūrvakasya viṣerṇijantasya lyuṭi rūpam, `yama ca pariveṣaṇe' ityatra tu kevalasyaiva lyuṭi rūpaṃ na tu ṇijantasya. tathā ca bhojanāvadveṣṭanāyā api pariveṣaṇaśabdārthatvādubhayatrāpyamantatvenaiva mittvaṃ sidhyati. veṣṭane tu apariveṣaṇa ityanena amantatvaprayuktamittvasya niṣedhe'pi `yama ca pariveṣaṇe' ityanena mittvaṃ sidhyatīti dik.

mitāṃ hyasvaḥ 345, 6.4.92 veṣṭanamiti. "pariveṣastu paridhi"rityamaraḥ. na tvityādi. ayaṃ bhāvaḥ-- ghaṭādau "yamo'pariveṣaṇe" iti paṭhitaṃ, tatra hi pariveṣaṇamiti hetumaṇṇyantasya rūpam. hetumaṇṇyantasya hi bhojanā veṣṭanā cā'rthaḥ. tathā ca apariveṣaṇa ityanena bhojanāto veṣṭanātaścānyatra mittvaniṣedhe'pi tayorarthayostvamantatvādeva mittvasiddheriti. yadyapi ghaṭādau "yacchatirbhojanāto'nyatra minne"ti vyākhyātaṃ tathāpyatratyagranthānuguṇyenopapalakṣaṇatayā tadvyākhyeyamityāhuḥ. atredaṃ bodhyaṃ-- ghaṭādau "yamo'pariveṣaṇe" ityatra paripūrvakasya viṣerṇijantasya lyuṭi rūpam, "yama ca pariveṣaṇe" ityatra tu kevalasyaiva lyuṭi rūpaṃ na tu ṇijantasya. tathā ca bhojanāvadveṣṭanāyā api pariveṣaṇaśabdārthatvādubhayatrāpyamantatvenaiva mittvaṃ sidhyati. veṣṭane tu apariveṣaṇa ityanena amantatvaprayuktamittvasya niṣedhe'pi "yama ca pariveṣaṇe" ityanena mittvaṃ sidhyatīti dik.