1/39:ayam ram rephasya sthāne kasmāt na bhavati |
2/39:mit acaḥ antyāt paraḥ iti anena acām antyāt paraḥ kriyate |
3/39:rephasya tarhi śravaṇam kasmāt na bhavati |
4/39:ṣaṣṭhyuccāraṇasāmarthyāt |
5/39:bhāradvājīyāḥ paṭhanti bhrasjaḥ ropadhayoḥ lopaḥ āgamaḥ ram vidhīyate iti |
6/39:bhrasjādeśāt samprasāraṇam vipratiṣedhena |*
7/39:bhrasjādeśāt samprasāraṇam bhavati vipratiṣedhena |
8/39:bhrasjādeśasya avakāśaḥ : bharṣṭā bhraṣṭā |
9/39:samprasāraṇasya avakāśaḥ : bhṛjjati |
10/39:iha ubhayam prāpnoti : bhṛṣṭaḥ , bhṛṣṭavān |
11/39:samprasāraṇam bhavati vipratiṣedhena |
12/39:saḥ tarhi pūrvavipratiṣedhaḥ vaktavyaḥ |
13/39:na vaktavyaḥ |
14/39:raseḥ vā ṛvacanāt siddham |
15/39:rasoḥ vā ṛ bhavati iti vakṣyāmi |
16/39:rasoḥ vā ṛvacane sici vṛddheḥ bhrasjādeśaḥ |*
17/39:rasoḥ vā ṛvacane sici vṛddheḥ bhrasjādeśaḥ vaktavyaḥ |
18/39:vṛddhau kṛtāyām idam eva rūpam syāt : abhrākṣīt |
19/39:idam na syāt : abhārkṣīt |
20/39:sarvathā vayam pūrvavipratiṣedhāt na mucyāmahe sūtram ca bhidyate |
21/39:yathānyāsam eva astu |
22/39:nanu ca uktam bhrasjādeśāt samprasāraṇam vipratiṣedhena iti |
23/39:idam iha sampradhāryam |
24/39:bhrasjādeśaḥ kriyatām samprasāraṇam iti kim atra kartavyam |
25/39:paratvāt bhrasjādeśaḥ |
26/39:nityatvāt samprasāraṇam |
27/39:kṛte api bhrasjādeśe prāpnoti akṛte api |
28/39:bhrasjādeśaḥ api nityaḥ |
29/39:kṛte api samprasāraṇe prāpnoti akṛte api prāpnoti |
30/39:katham |
31/39:yaḥ asau ṛkāre rephaḥ tasya ca upadhāyāḥ ca kṛte api prāpnoti |
32/39:anityaḥ bhrasjādeśaḥ |
33/39:na hi kṛte samprasāraṇe prāpnoti |
34/39:kim kāraṇam |
35/39:na hi varṇaikadeśāḥ varṇagrahaṇena gṛhyante |
36/39:atha api gṛhyante evam api anityaḥ |
37/39:katham |
38/39:upadeśaḥ iti vartate |
39/39:tat ca avaśyam upadeśagrahaṇam anuvartyam barībhṛjjyataḥ iti evamartham |

bhrasjo rephasya upadhāyāśca ram anyatarasyāṃ bhavati. ropadhayoḥ iti sthānaṣaṣṭhīnirdeśātupadhā rephaśca nivartete. mittvāc ca ayam aco 'ntyātparo bhavati. bhraṣṭā, bharṣṭā. bhraṣṭum, bharṣṭum. bhraṣṭavyam, bharṣṭavyam. bhrajajanam, bhrjanam. bhṛṣṭaḥ, bhṛṣṭavānityatra pūrvavipratiṣedhena samprasāraṇaṃ bhavati. upadeśe ityeva, barībhṛjyate.

bhrasjo raupadhayo ram anyatarasyām 6.4.47 bhrasjo rephasya upadhāyāśca ram anyatarasyāṃ bhavati. ropadhayoḥ iti sthānaṣaṣṭhīnirdeśātupadhā rephaśca nivartete. mittvāc ca ayam aco 'ntyātparo bhavati. bhraṣṭā, bharṣṭā. bhraṣṭum, bharṣṭum. bhraṣṭavyam, bharṣṭavyam. bhrajajanam, bhrjanam. bhṛṣṭaḥ, bhṛṣṭavānityatra pūrvavipratiṣedhena samprasāraṇaṃ bhavati. upadeśe ityeva, barībhṛjyate.

bhrasjo ropadhayo ramanyatarasyām?. , 6.4.47 ramayaṃ yadi rephopadhayoḥ sthāne syāt? mittvamanarthakaṃ syāt? athāyaṃ ramāgamo'co'nyāt? paro bhavati rephopadhayoḥ avaṇamāpadyeta? ityetaccodyamāśaṅkyāha--"ropadhayoḥ" ityādi. mittvādramanenāvaśyamaco'ntyāt? pareṇa bhavitavyam(), anyathā tadanarthakaṃ syāt(). tatra yadi rephopadhayoḥ śravaṇaṃ syāt? "ropadhayoḥ" iti ṣaṣṭhīnirdeśo'narthakaḥ syāt(). tasmāt? ṣaṣṭhīnirdeśa eva tayornivṛttimācaṣṭe. tasyā hretadeva prayojanam()--ṣaṣṭha()ā nirdiruyamānasya yo dharmo nivṛttiḥ, sā yathā syāt(). na hranyat? ṣaṣṭhīnirdeśasya prayojanamasti. tasmānmittvādaco'ntyāparo bhavati rama. ṣaṣṭhīnirdeśasāmathryād? rephopadhe sthānidharmanivṛtiṃ()ta pratipadyete. "bhraṣṭā" iti. "bhrasja pāke" (dhā.pā.1284) vraścādisūtreṇa 8.2.36 ṣatvam(). "bhrajjanam()" iti. sakārasya jaśtvam()--dakāraḥ, tasyāpi ścutvam()--jakāraḥ. atheha kasmānna bhavati--bhṛṣṭaḥ, bhṛṣṭavān()? ityāha--"bhṛṣṭaḥ, bhṛṣṭavān()" ityādi. ramo'vakāśaḥ--bharṣṭā, bhraṣṭāḥ sumprasāraṇasyāvakāśaḥ--"bhṛjjati" iti, ihobhayaṃ prāpnoti--bhṛṣṭā, bhṛṣṭavāniti, grahrādisūtreṇa 6.1.16 samprasāraṇameva bhavati pūrvavipratiṣedhena. pūrvavipratiṣedhaśceṣṭavācitvāt? paraśabdasya labhyate. "barībhṛjyate" iti. yaṅ. "rīgṛdupadhasya" 7.4.90 iti rogāgamaḥ. "atra upadeśa" 6.4.45 ityato hi yadantarasyāṃgrahaṇaṃ prakṛtaṃ, tat? sanādisambaddham(), iha ca sanādernivṛttiḥ. atastannivṛttau tasyāpi nivṛttirāśaṅkyeta. anantarayogasya cānyārthatvāt(), tatrānyatarasyāṃgrahaṇasya prayojanābhāvāt(). atha bhrasjo bharjetyevaṃ kasmānnoktatam()? aśakyamevaṃ vaktum(). evaṃ hrucyamāne "prakṛtigrahaṇe yaṅalugantasyāpi grahaṇaṃ bhavati" (vyā.pa.77) iti yaṅlugantādārthadhātuka utpanne satyabhyāsasya bhrasjo bharjjādeśaḥ syāt()? naiṣa doṣaḥ; upadeśagrahaṇena bhrajjiṃ viśeṣayiṣyāmaḥ--"upadeśa yo bhrajjiḥ" iti. śtipā nirdeśo'tra vā kariṣyate--bhṛjjaterbhajaṃ iti; tena yaṅaḥlugantasya grahaṇaṃ na bhaviṣyati. etamapi "bhujjayate" ityatra prāpnoti, bhavati hratropadeśe bhrasjiriti? naitadasti; atra hi pūrvavipratiṣedhāt? samprasāraṇena bhavitavyam(), yathā--bhṛṣṭa ityatra. evaṃ tarhi vaicitryārtha tathā noktam()॥

bhrasjo rephasyopadhāyāśca sthāne ramāgamo vā syādārdhadhātuke. mitvādantyādacaḥ paraḥ. sthānaṣaṣṭhīnirdeśādropadhayornivṛttiḥ. babharja. babharjatuḥ. babharjitha, babharṣṭha. babhrajja. babhrajjatuḥ. babhrajjitha. skoriti salopaḥ. vraśceti ṣaḥ. babhraṣṭha. babharje, babhrajje. bharṣṭā, bhraṣṭā. bharkṣyati, bhrakṣyati. kṅiti ramāgamaṃ bādhitvā samprasāraṇaṃ pūrvavipratiṣedhena. bhṛjjyāt. bhṛjjyāstām. bhṛjjyāsuḥ. bharkṣīṣṭa, bhrakṣīṣṭa. abhārkṣīt, abhrākṣīt. abharṣṭa, abhraṣṭa.. kṛṣa vilekhane.. 4.. kṛṣati kṛṣate. cakarṣa, cakṛṣe..

bhrasjo ropadhayo ramanyatarasyām 655, 6.4.47 bhrasjo rephasyopadhāyāśca sthāne ramāgamo vā syādārdhadhātuke. mitvādantyādacaḥ paraḥ. sthānaṣaṣṭhīnirdeśādropadhayornivṛttiḥ. babharja. babharjatuḥ. babharjitha, babharṣṭha. babhrajja. babhrajjatuḥ. babhrajjitha. skoriti salopaḥ. vraśceti ṣaḥ. babhraṣṭha. babharje, babhrajje. bharṣṭā, bhraṣṭā. bharkṣyati, bhrakṣyati. kṅiti ramāgamaṃ bādhitvā samprasāraṇaṃ pūrvavipratiṣedhena. bhṛjjyāt. bhṛjjyāstām. bhṛjjyāsuḥ. bharkṣīṣṭa, bhrakṣīṣṭa. abhārkṣīt, abhrākṣīt. abharṣṭa, abhraṣṭa॥ kṛṣa vilekhane॥ 4॥ kṛṣati kṛṣate. cakarṣa, cakṛṣe॥

bhrasjo ropadhayoḥ. `bhrasja' ityavayavaṣaṣṭhī. `ropadhayo'riti sthānaṣaṣṭī. raśca upadhā ca tayoriti vigrahaḥ. rephādakāra uccāraṇārthaḥ. rephasya upadhāyāśca sthāne iti labhyate. `ādrdhadhātuke' ityadhikṛtam. tadāha – bhrasjo rephasyetyādinā. rami makāra iti. akāra uccāraṇārthaḥtadāha – mittvādantyādacaḥ para iti. tathā ca rephā'kārādupari sakārāt prāk repha āgama iti phalitat. bhra r s j a iti sthitam. nanu rama āgamatve `ropadhayo'riti kathaṃ sthānaṣaṣṭhīnirdeśa ityata āha– sthāneti. sthānaṃ – prasaṅgaḥ. rephasya upadhāyāśca uccāraṇaprasaṅge sati akārādupari rephaḥ prayojyaḥ. bhakārādupari repho jakārātprāksakāraśca na prayojyāviti labdham. tathā ca tayornivṛttiḥ phaliteti bhāvaḥ. evaṃ ca bharj a iti sthite dvitvādau rūpamāha - babharjeti.atusādāvapi saṃyogātparatvātkittvā'bhāvāt `grahijye'ti saṃprasāraṇaṃ na bhavati. bhāradvājaniyamātthali veḍitimatvā''ha - babharjitha babharṣṭheti. iḍabhāvapakṣe barbhaj tha iti sthite `vraśca' iti jasya ṣaḥ. ṣṭutvena thasya ṭha iti bhāvaḥ. babharjiva. liṭastaṅyāha - babharje iti. babharjāte ityādi sugamam. ramabhāve āha – babhrajjeti. ṇali bhrasj a iti sthite dvitve halādiśeṣe abhyāsajaśtve babhrasj a iti sthite sasya ścutvena śakāre śasya jaśtvena jakāraiti bhāvaḥ. `liṭa\ufffdbhyāsasye'ti saṃprāsaraṇasya na prasaktiḥ, abhyāse halādiśeṣeṇa rephā'bhāvāt. babhrajjaturiti. saṃyogātparatvādakittvāt `grahijye'ti na saṃprasāraṇamiti bhāvaḥ. babhrajjitheti. thalibhāradvājaniyamādiṭpakṣe ramabhāvapakṣe liṭastahrāha– babhrajjeti. babhrajjāte. babhrajjiṣe. ityādi sugamam. bhraṣṭeti. ramabhāvapakṣe rūpam. bharṣṭeti. ramāgame bharj tā iti sthite jasya `vraśca' iti ṣaḥ, ṣṭutvena takārasyaṭa iti bhāvaḥ. evaṃ - - bhrakṣyati bhakṣryatīti. `ṣaḍho'riti katve sasya ṣatvamiti viśeṣaḥ. bhṛjjatu.abhṛjjat. bhṛjjet. nanu āśīrliṅi bhrasj yāditi sthite yāsuṭaḥ kittvāt `grahijye'ti saṃprasāraṇe pūrvarūpe sakārasya ścutvena śakāre śasya jaśtvena jakāre bhṛjjyāditi rūpaṃ vakṣyati. tadayuktam. saṃprasāraṇaṃ bādhitvā paratvādramāgame kṛte bhajryāditi prasaṅgādityata āha– kṅiti ramāgamamiti. āśīrliṅastaṅi sīyuṭi ramāgamapakṣe āha– bharkṣīṣṭeti. ramabhāve tu akittvātsaṃprasāraṇā'bhavādāha - bhrakṣīṣṭeti. luṅi parasmaipade ramāgamavikalpaṃ matvāha - abhārkṣīt abhrākṣīditi. ātmanepade sici ramāgamavikalpaṃ matvāha - abhaṣrṭa - abhraṣṭeti. `jhalo jhalī'ti sijlopaḥ. kṣipa preraṇe iti. aniṭ. ajantā'kāravattvā'bhāvātkrādiniyamātthali nityamiṭ.cikṣepitha. evaṃ kṛṣadhāturapi.cakarṣitha. luṭi tāsi `anudāttasya cardupadhasye'tyamāgamavikalpaḥ. amāgamā'bhāve guṇe raparatvam. tadāha - kraṣṭā karṣṭeti. āśīrliṅi parasmaipade āha - - kṛṣyāditi. kittvājjhalāditvā'bhāvācca amāgamo guṇaśca neti bhāvaḥ. āśīrliṅastaṅyāha - kṛkṣīṣṭeti. `liṅsicau' iti kittvādamāgamo guṇaśca netibhāvaḥ. luṅi parasmaipade āha - spṛśamṛśeti sijveti. pakṣe iti. sijabhāvapakṣe `śalaḥ' iti ksa ityarthaḥ. sici amveti. sicpakṣe `anudāttasya ce' tyamāgamavikalpa ityarthaḥ. kse tu kittvādamāgamo neti bhāvaḥ. akrākṣīditi.sici amāgame rūpam. akārkṣīditi. sici amabhāvapakṣe halantalakṣaṇā vṛddhiriti bhāvaḥ. ksādeśapakṣe āha– akṛkṣaditi. kittvādabhāgamo guṇaśca jñeyam. akṛṣṭeti. `jhalo jhalī' ti sijlopa iti bhāvaḥ. akṛkṣaditi. kittvādabhāgamo guṇaśce neti bhāvaḥ. taṅīti. taṅi sicpakṣe akṛṣ s ta itisthite `liṅsicau' itikittvādamnetyarthaḥ. guṇo'pi neti jñeyam. akṛṣṭeti. `jhalo jhalīṭati sijlopa iti bhāvaḥ. akṛkṣateti. sijpakṣe anataḥ paratvādadādeśa iti bhāvaḥ. ksādeśapakṣe āha– akṛkṣateti. kittvādamneti bhāvaḥ. akṛkṣanteti. ksādeśapakṣe a kṛkṣa jha iti sthite acparakatvā'bhāvāt `ksasyācī'tyakāralopā'bhāvādataḥ paratvādadādeśā'bhāve antādeśa iti bhāvaḥ. ṛṣī gatāviti. seṭ. ānarṣitha ānarṣiva. arṣitā. ārṣīt. o vijī bhayeti. seṭ. udvijitetyādau laghūpadhaguṇe prāpte -

bhrasjo ropadhayo ramanyatarasyām 365, 6.4.47 bhrasjo ropadhayoḥ. "bhrasja" ityavayavaṣaṣṭhī. "ropadhayo"riti sthānaṣaṣṭī. raśca upadhā ca tayoriti vigrahaḥ. rephādakāra uccāraṇārthaḥ. rephasya upadhāyāśca sthāne iti labhyate. "ādrdhadhātuke" ityadhikṛtam. tadāha -- bhrasjo rephasyetyādinā. rami makāra iti. akāra uccāraṇārthaḥtadāha -- mittvādantyādacaḥ para iti. tathā ca rephā'kārādupari sakārāt prāk repha āgama iti phalitat. bhra r s j a iti sthitam. nanu rama āgamatve "ropadhayo"riti kathaṃ sthānaṣaṣṭhīnirdeśa ityata āha-- sthāneti. sthānaṃ -- prasaṅgaḥ. rephasya upadhāyāśca uccāraṇaprasaṅge sati akārādupari rephaḥ prayojyaḥ. bhakārādupari repho jakārātprāksakāraśca na prayojyāviti labdham. tathā ca tayornivṛttiḥ phaliteti bhāvaḥ. evaṃ ca bharj a iti sthite dvitvādau rūpamāha - babharjeti.atusādāvapi saṃyogātparatvātkittvā'bhāvāt "grahijye"ti saṃprasāraṇaṃ na bhavati. bhāradvājaniyamātthali veḍitimatvā'‌'ha - babharjitha babharṣṭheti. iḍabhāvapakṣe barbhaj tha iti sthite "vraśca" iti jasya ṣaḥ. ṣṭutvena thasya ṭha iti bhāvaḥ. babharjiva. liṭastaṅyāha - babharje iti. babharjāte ityādi sugamam. ramabhāve āha -- babhrajjeti. ṇali bhrasj a iti sthite dvitve halādiśeṣe abhyāsajaśtve babhrasj a iti sthite sasya ścutvena śakāre śasya jaśtvena jakāraiti bhāvaḥ. "liṭa()bhyāsasye"ti saṃprāsaraṇasya na prasaktiḥ, abhyāse halādiśeṣeṇa rephā'bhāvāt. babhrajjaturiti. saṃyogātparatvādakittvāt "grahijye"ti na saṃprasāraṇamiti bhāvaḥ. babhrajjitheti. thalibhāradvājaniyamādiṭpakṣe ramabhāvapakṣe liṭastahrāha-- babhrajjeti. babhrajjāte. babhrajjiṣe. ityādi sugamam. bhraṣṭeti. ramabhāvapakṣe rūpam. bharṣṭeti. ramāgame bharj tā iti sthite jasya "vraśca" iti ṣaḥ, ṣṭutvena takārasyaṭa iti bhāvaḥ. evaṃ -- bhrakṣyati bhakṣryatīti. "ṣaḍho"riti katve sasya ṣatvamiti viśeṣaḥ. bhṛjjatu.abhṛjjat. bhṛjjet. nanu āśīrliṅi bhrasj yāditi sthite yāsuṭaḥ kittvāt "grahijye"ti saṃprasāraṇe pūrvarūpe sakārasya ścutvena śakāre śasya jaśtvena jakāre bhṛjjyāditi rūpaṃ vakṣyati. tadayuktam. saṃprasāraṇaṃ bādhitvā paratvādramāgame kṛte bhajryāditi prasaṅgādityata āha-- kṅiti ramāgamamiti. āśīrliṅastaṅi sīyuṭi ramāgamapakṣe āha-- bharkṣīṣṭeti. ramabhāve tu akittvātsaṃprasāraṇā'bhavādāha - bhrakṣīṣṭeti. luṅi parasmaipade ramāgamavikalpaṃ matvāha - abhārkṣīt abhrākṣīditi. ātmanepade sici ramāgamavikalpaṃ matvāha - abhaṣrṭa - abhraṣṭeti. "jhalo jhalī"ti sijlopaḥ. kṣipa preraṇe iti. aniṭ. ajantā'kāravattvā'bhāvātkrādiniyamātthali nityamiṭ.cikṣepitha. evaṃ kṛṣadhāturapi.cakarṣitha. luṭi tāsi "anudāttasya cardupadhasye"tyamāgamavikalpaḥ. amāgamā'bhāve guṇe raparatvam. tadāha - kraṣṭā karṣṭeti. āśīrliṅi parasmaipade āha -- kṛṣyāditi. kittvājjhalāditvā'bhāvācca amāgamo guṇaśca neti bhāvaḥ. āśīrliṅastaṅyāha - kṛkṣīṣṭeti. "liṅsicau" iti kittvādamāgamo guṇaśca netibhāvaḥ. luṅi parasmaipade āha - spṛśamṛśeti sijveti. pakṣe iti. sijabhāvapakṣe "śalaḥ" iti ksa ityarthaḥ. sici amveti. sicpakṣe "anudāttasya ce" tyamāgamavikalpa ityarthaḥ. kse tu kittvādamāgamo neti bhāvaḥ. akrākṣīditi.sici amāgame rūpam. akārkṣīditi. sici amabhāvapakṣe halantalakṣaṇā vṛddhiriti bhāvaḥ. ksādeśapakṣe āha-- akṛkṣaditi. kittvādabhāgamo guṇaśca jñeyam. akṛṣṭeti. "jhalo jhalī" ti sijlopa iti bhāvaḥ. akṛkṣaditi. kittvādabhāgamo guṇaśce neti bhāvaḥ. taṅīti. taṅi sicpakṣe akṛṣ s ta itisthite "liṅsicau" itikittvādamnetyarthaḥ. guṇo'pi neti jñeyam. akṛṣṭeti. "jhalo jhalīṭati sijlopa iti bhāvaḥ. akṛkṣateti. sijpakṣe anataḥ paratvādadādeśa iti bhāvaḥ. ksādeśapakṣe āha-- akṛkṣateti. kittvādamneti bhāvaḥ. akṛkṣanteti. ksādeśapakṣe a kṛkṣa jha iti sthite acparakatvā'bhāvāt "ksasyācī"tyakāralopā'bhāvādataḥ paratvādadādeśā'bhāve antādeśa iti bhāvaḥ. ṛṣī gatāviti. seṭ. ānarṣitha ānarṣiva. arṣitā. ārṣīt. o vijī bhayeti. seṭ. udvijitetyādau laghūpadhaguṇe prāpte -

bhrasjo ropadhayoḥ. ramyakāra uccāraṇārthaḥ. `ra'mityasyā'ntyādacaḥ paratve `ropadhayo'riti ṣaṣṭhīnirdeśasya vaiyathryamāśaṅkyāha– nivṛttiriti. ayaṃ bhāvaḥ- - sthāniviśeṣalābhāya mittvasya karaṇānna ropadhayoḥ sthāne ram bhavati. yatra hranirdhāritaḥ sthānaṣaṣṭha\ufffdā nirdiśya vidhīyate sa tatsthāne bhavati. yathā `iko yaṇacī'tyādau yaṇādiḥ. prakṛte tu ramo nirdiṣṭastānikatvādopadhayoḥ sthāne na bhavati. eṃ cāsya ādeśāgamatve bhavati, yathā śnamaḥ pratyayāgamatve' iti. anye tvetādṛg vyākhyānamayuktamiti matvā `sanaḥ kticī'tyato lopamanuvatrya bhrasjo ropadhayorlopaḥ,ram tu āgama evetyāhuḥ. pare tu– `bhrasjo rasaranyatarasyā'mityeva sūtramastu. `rasaḥ– ṛ'iti cchedaḥ. `rasa' iti rephā'kārasakārāṇāṃ yaḥ saṅghātastasya `ṛ' ityādeśaḥ syādityarthaḥ. tataśca akṅiti bharjako bharjanaṃ babharjetyādi sidhyati. ṛkārā'bhāvapakṣe tu bhrajjako bhrajjanaṃ babhrajjetyādi. kṅiti tu ṛkārapakṣe bhṛṣṭiḥ bhṛjyādityādi. tadabhāve saṃprasāraṇe sati tadeva rūpam. evaṃca barībhṛjyata ityādau rīko rephasya nivṛtiṃ?ta vārayitum `anudāttopadeśe' tyata upadeśagrahaṇamanuvarttyam, idānīṃ tu nānuvarttyaṃ, `kṅiti ramāgamaṃ bādhitvā saṃprasāraṇa'mati pūrvavipratiṣedhaśca na kartavya iti mahadeva lāghavamityāhuḥ. idaṃ ca `rasorvacanātsiddha'miti vārtikāśayavarṇanameva na tvapūrvam. `rvacanā'dityas vā ṛvacanāditi chedaḥ. bhāṣyakāraistu `sūtraṃ bhidyate yatānyāsamevāstu' iti vadadbhirasyāṃ kalpanāyāṃ duṣṭatvaṃ sūcitaṃ. tacca manorayāmāṃ spaṣṭameva. tathā hi rephā'kārasakārasamudāyasya ṛbhāve pañca doṣāḥ. apilliṭi babharjutaḥ babharjurityādīṣyate, babhṛjatuḥ babhṛjurityādi syāt. na cā'tra guṇena nirvāhaḥ, ṛbhāve sati `asaṃyogālliṭ ki'diti kittvapravṛttyā tanniṣedhāt. `sanīvante'ti iḍvikalpādvibhakrṣatītyādi iṣyate, bibhṛkṣatītyādi syāt. ṛbhāve `halantācce'ti sanaḥ kittvapravṛtteḥ. liṅasicostaṅibharkṣīṣṭa abharṣṭetyādīṣyate, bhṛkṣīṣṭa abhṛṣṭetyādi syāt. `liṅ sicāvātmanepadeṣu' iti kittvāt. ṇijantāccaṅi ababharjaditīṣyate. abībhṛjadityapi syāt. irarārāmapavādatvena `urṛditi ṛtvapravṛttau `sanvallaghunī'ti sanvadbhāvāt `sanyataḥ itītve `dīrgho lagho'riti pravṛtteḥ. yadyapi `urṛ'dityasya vaikalpikatvādababharjaditi sidhyatyeva tathāpi pakṣe abībhṛjadityaniṣṭaṃ sya#āditi bodhyam. `ṛjibhṛjī bharjane' iti bhvādestādṛśaṃ rūpamiṣṭamiti cet. maivam. bharjanārthe hi tādṛgrūpamiṣṭaṃ na tu pākasāmānye. ubhayorekārthatvābhyupagame'pi prācīnāścatvāro doṣāstu dṛḍhā eva. hi te'pi dhātvantareṇa supariharāḥ. apilliṭi bhṛjerapi dhātorguṇā'bhāvādanudāttatvena ātmanepaditvācca babharjaturityādirūpasya tenā'pyasiddheḥ. tathā bhṛjerudāttatvena tataḥ pareṣāṃ sanliṅsicāmiḍāgamadhrauvyāt- - bibhakrṣati bharkṣīṣṭa abharṣṭetyādirapi tena na sidhyati. etena `bhrasjerbhṛjirādeśa' iti pakṣo'pi nirastaḥ, pūrvoktadūṣaṇagaṇaprasaṅgāt. kiṃ ca asminpakṣe yaṅluki adhiko doṣaḥ. vadhādeśavatsābhyāsasya bhṛjjyādeśe punardvirvacanasya durlabhatvāt, sthānivattvenā'nabhyāsasyeti niṣedhāt. svīkṛte'pi dvirvacane rugrigrīko'bhyāsasya syureveti rugādirahitaṃ bābharjitā bābharjiṣyatītyādi rūpaṃ naiva sidhyet. yaditu lāghave pakṣapātena svātantryaṃ cikīṣryate tarhi `bhrasjeraso'riti paṭhitvā rasiti samudāyasya areva vidhīyatāṃ, tathā ca na ko'pi doṣa iti. ayamatra saṅgrahaḥ— `rasa ṛñcedapilliṭsanliṅsiccaṅparaṇikṣu te. doṣo bhrasjerbhṛjau caivaṃ, doṣo yaṅluki cādhikaḥ. sābhyāsasya hi bhṛjbhāvo bhaveddhantervadhiryathā. dvitvaṃ punarna labhyeta sthānivattvādvadheriva. tasmādastu yathānyāsaṃ, svātantrye'stu rasoriti'. pūrvavipratiṣedhena. pūrvavipratiṣedheneti. nityatvādityapi suvacam. na ca saṃprasāraṇātpūrvaṃ dhāto rephasya, paścāttu ramāgamarephasyeti śabdāntaraprāptyā saṃprasāraṇasya nityatvaṃ neti śaṅkyaṃ, lakṣyānurodhena kṛtā'kṛtaprasaṅgitvenāpi kvacinnityatvasvīkārāt.

bhrasjo ropadhayo ramanyatarasyām 319, 6.4.47 bhrasjo ropadhayoḥ. ramyakāra uccāraṇārthaḥ. "ra"mityasyā'ntyādacaḥ paratve "ropadhayo"riti ṣaṣṭhīnirdeśasya vaiyathryamāśaṅkyāha-- nivṛttiriti. ayaṃ bhāvaḥ-- sthāniviśeṣalābhāya mittvasya karaṇānna ropadhayoḥ sthāne ram bhavati. yatra hranirdhāritaḥ sthānaṣaṣṭha()ā nirdiśya vidhīyate sa tatsthāne bhavati. yathā "iko yaṇacī"tyādau yaṇādiḥ. prakṛte tu ramo nirdiṣṭastānikatvādopadhayoḥ sthāne na bhavati. eṃ cāsya ādeśāgamatve bhavati, yathā śnamaḥ pratyayāgamatve" iti. anye tvetādṛg vyākhyānamayuktamiti matvā "sanaḥ kticī"tyato lopamanuvatrya bhrasjo ropadhayorlopaḥ,ram tu āgama evetyāhuḥ. pare tu-- "bhrasjo rasaranyatarasyā"mityeva sūtramastu. "rasaḥ-- ṛ"iti cchedaḥ. "rasa" iti rephā'kārasakārāṇāṃ yaḥ saṅghātastasya "ṛ" ityādeśaḥ syādityarthaḥ. tataśca akṅiti bharjako bharjanaṃ babharjetyādi sidhyati. ṛkārā'bhāvapakṣe tu bhrajjako bhrajjanaṃ babhrajjetyādi. kṅiti tu ṛkārapakṣe bhṛṣṭiḥ bhṛjyādityādi. tadabhāve saṃprasāraṇe sati tadeva rūpam. evaṃca barībhṛjyata ityādau rīko rephasya nivṛtiṃ()ta vārayitum "anudāttopadeśe" tyata upadeśagrahaṇamanuvarttyam, idānīṃ tu nānuvarttyaṃ, "kṅiti ramāgamaṃ bādhitvā saṃprasāraṇa"mati pūrvavipratiṣedhaśca na kartavya iti mahadeva lāghavamityāhuḥ. idaṃ ca "rasorvacanātsiddha"miti vārtikāśayavarṇanameva na tvapūrvam. "rvacanā"dityas vā ṛvacanāditi chedaḥ. bhāṣyakāraistu "sūtraṃ bhidyate yatānyāsamevāstu" iti vadadbhirasyāṃ kalpanāyāṃ duṣṭatvaṃ sūcitaṃ. tacca manorayāmāṃ spaṣṭameva. tathā hi rephā'kārasakārasamudāyasya ṛbhāve pañca doṣāḥ. apilliṭi babharjutaḥ babharjurityādīṣyate, babhṛjatuḥ babhṛjurityādi syāt. na cā'tra guṇena nirvāhaḥ, ṛbhāve sati "asaṃyogālliṭ ki"diti kittvapravṛttyā tanniṣedhāt. "sanīvante"ti iḍvikalpādvibhakrṣatītyādi iṣyate, bibhṛkṣatītyādi syāt. ṛbhāve "halantācce"ti sanaḥ kittvapravṛtteḥ. liṅasicostaṅibharkṣīṣṭa abharṣṭetyādīṣyate, bhṛkṣīṣṭa abhṛṣṭetyādi syāt. "liṅ sicāvātmanepadeṣu" iti kittvāt. ṇijantāccaṅi ababharjaditīṣyate. abībhṛjadityapi syāt. irarārāmapavādatvena "urṛditi ṛtvapravṛttau "sanvallaghunī"ti sanvadbhāvāt "sanyataḥ itītve "dīrgho lagho"riti pravṛtteḥ. yadyapi "urṛ"dityasya vaikalpikatvādababharjaditi sidhyatyeva tathāpi pakṣe abībhṛjadityaniṣṭaṃ sya#āditi bodhyam. "ṛjibhṛjī bharjane" iti bhvādestādṛśaṃ rūpamiṣṭamiti cet. maivam. bharjanārthe hi tādṛgrūpamiṣṭaṃ na tu pākasāmānye. ubhayorekārthatvābhyupagame'pi prācīnāścatvāro doṣāstu dṛḍhā eva. hi te'pi dhātvantareṇa supariharāḥ. apilliṭi bhṛjerapi dhātorguṇā'bhāvādanudāttatvena ātmanepaditvācca babharjaturityādirūpasya tenā'pyasiddheḥ. tathā bhṛjerudāttatvena tataḥ pareṣāṃ sanliṅsicāmiḍāgamadhrauvyāt-- bibhakrṣati bharkṣīṣṭa abharṣṭetyādirapi tena na sidhyati. etena "bhrasjerbhṛjirādeśa" iti pakṣo'pi nirastaḥ, pūrvoktadūṣaṇagaṇaprasaṅgāt. kiṃ ca asminpakṣe yaṅluki adhiko doṣaḥ. vadhādeśavatsābhyāsasya bhṛjjyādeśe punardvirvacanasya durlabhatvāt, sthānivattvenā'nabhyāsasyeti niṣedhāt. svīkṛte'pi dvirvacane rugrigrīko'bhyāsasya syureveti rugādirahitaṃ bābharjitā bābharjiṣyatītyādi rūpaṃ naiva sidhyet. yaditu lāghave pakṣapātena svātantryaṃ cikīṣryate tarhi "bhrasjeraso"riti paṭhitvā rasiti samudāyasya areva vidhīyatāṃ, tathā ca na ko'pi doṣa iti. ayamatra saṅgrahaḥ--- "rasa ṛñcedapilliṭsanliṅsiccaṅparaṇikṣu te. doṣo bhrasjerbhṛjau caivaṃ, doṣo yaṅluki cādhikaḥ. sābhyāsasya hi bhṛjbhāvo bhaveddhantervadhiryathā. dvitvaṃ punarna labhyeta sthānivattvādvadheriva. tasmādastu yathānyāsaṃ, svātantrye'stu rasoriti".*kṅiti ramāgamaṃ bādhitvā saṃprasāraṇaṃ pūrvavipratiṣedhena. pūrvavipratiṣedheneti. nityatvādityapi suvacam. na ca saṃprasāraṇātpūrvaṃ dhāto rephasya, paścāttu ramāgamarephasyeti śabdāntaraprāptyā saṃprasāraṇasya nityatvaṃ neti śaṅkyaṃ, lakṣyānurodhena kṛtā'kṛtaprasaṅgitvenāpi kvacinnityatvasvīkārāt.