jave 'bhidheye syadaḥ iti ghañi nipātyate. syander nalopo vṛddhyabhāvaśca. ikprakaraṇāt na dhātulopaḥ iti pratiṣedho na asti. gosyadaḥ. aśvasyadaḥ. java iti kim? tailasyandaḥ. ghṛtasyandaḥ.

syado jave 6.4.28 jave 'bhidheye syadaḥ iti ghañi nipātyate. syander nalopo vṛddhyabhāvaśca. ikprakaraṇāt na dhātulopaḥ iti pratiṣedho na asti. gosyadaḥ. aśvasyadaḥ. java iti kim? tailasyandaḥ. ghṛtasyandaḥ.

syado jave. , 6.4.28 javaḥ=vegaḥ, gativiśeṣaḥ. "vṛddhyabhāvaśca" iti. "ata upadhāyāḥ" iti. nalope kṛte "ata upadhāyāḥ" iti vṛddhiḥ prāpnoti, atastadabhāvo nipātyate. nanu ca "na dhātulopa ārdhadhātuke" 1.1.4 ityanenaiva vṛddhipratiṣedhaḥ siddhaḥ, tat? kimarthaṃ vṛddhyabhāvo nipātyate? ityāha--"ikprakaraṇāt()" ityādi. tatra "iko guṇavṛddhī" 1.1.3 ityata "ik()" iti parakṛtamanuvartate, teneglakṣaṇayorguṇavṛddhyoḥ pratiṣedhaḥ. na ceyaminlakṣaṇā vṛddhiḥ, kintūpadhālakṣaṇā. na ceyamupadhālakṣaṇā vṛddhiriglākṣaṇā bhavati, nirdiṣṭasthānikatvāt(). tena nāstyatra tasyāḥ pratiṣedhaḥ. "gosyadaḥ" iti. bhāve dhañ(). gavāṃ syada iti gosyadaḥ, "kṛdyogā ṣaṣṭhī samasyate" (dhā.86) iti samāsaḥ. "tailasyandaḥ" iti. tailasya ruāvaṇamityarthaḥ. "syandū ruāvaṇe"["praruāvaṇe" dhā.pā.] (dhā.pā.761)॥