1/53:katham idam vijñāyate : halādeḥ aṅgasya iti āhosvit halādeḥ ṛkārasya iti |
2/53:yuktam punaḥ idam vicārayitum |
3/53:nanu anena asandigdhena aṅgaviśeṣaṇena bhavitavyam |
4/53:katham hi ṛkārasya nāma hal ādiḥ syāt anyasya anyaḥ |
5/53:ayam ādiśabdaḥ asti eva avayavavācī |
6/53:tat yathā ṛgādiḥ , ardharcādiḥ , ślokādiḥ iti |
7/53:asti sāmīpye vartate |
8/53:tat yathā |
9/53:dadhibhojanam arthasiddheḥ ādiḥ |
10/53:dadhibhojanasamīpe |
11/53:ghṛtabhojanam ārogyasya ādiḥ |
12/53:ghṛtabhojanasamīpe |
13/53:yāvatā sāmīpye api vartate jāyate vicāraṇā : halsamīpasya ṛkārasya halādeḥ aṅgasya iti |
14/53:kim ca ataḥ |
15/53:yadi vijñāyate halādeḥ aṅgasya iti aprathīyān , atra na prāpnoti |
16/53:atha vijñāyate halādeḥ ṛkārasya iti anṛcīyān , atra api prāpnoti |
17/53:ubhayathā svṛcīyān iti atra prāpnoti |
18/53:astu tāvat halādeḥ aṅgasya iti |
19/53:katham aprathīyān |
20/53:taddhitāntena samāsaḥ bhaviṣyati |
21/53:na prathīyān aprathīyān iti |
22/53:bhavet siddham yadā taddhitāntena samāsaḥ |
23/53:yadā tu khalu samāsāt taddhitotpattiḥ tadā na sidhyati |
24/53:na eva samāsāt taddhitotpattyā bhavitavyam |
25/53:kim kāraṇam |
26/53:bahuvrīhiṇā uktatvāt matvarthasya |
27/53:bhavet yadā bahuvrīhiḥ tadā na syāt |
28/53:yadā tu khalu tatpuruṣaḥ tadā prāpnoti |
29/53:na pṛthuḥ apṛthuḥ |
30/53:ayam api apṛthuḥ |
31/53:ayam api apṛthuḥ |
32/53:ayam anayoḥ aprathīyān iti |
33/53:na samāsāt ajādibhyām bhavitavyam |
34/53:kim kāraṇam |
35/53:guṇavacanāt iti ucyate na ca samāsaḥ guṇavacanaḥ iti |
36/53:yadā tarhi samāsāt vinmatupau vinmatubantāt ajādī tadā prāpnutaḥ |
37/53:avidyamānāḥ pṛthavaḥ apṛthavaḥ |
38/53:apṛthavaḥ asya santi apṛthumān |
39/53:ayam apṛthumān |
40/53:ayam apṛthumān |
41/53:ayam anayoḥ aprathīyān iti |
42/53:na eṣaḥ doṣaḥ |
43/53:apṛthavaḥ eva na santi kutaḥ yasya apṛthavaḥ iti |
44/53:iha kasmāt na bhavati : mātayati , bhrātayati |
45/53:lopaḥ atra bādhakaḥ bhaviṣyati |
46/53:idam iha sampradhāryam |
47/53:ṭilopaḥ kriyatām rabhāvaḥ iti kim atra kartavyam |
48/53:paratvāt rabhāvaḥ |
49/53:yadi punaḥ avaśiṣṭasya rabhāvaḥ ucyeta |
50/53:na evam śakyam |
51/53:iha api prasajyeta : kṛtam ācaṣṭe , kṛtayati iti |
52/53:evam tarhi parigaṇanam kartavyam |
53/53:pṛthumṛdukṛśabhṛśadṛḍhaparivṛḍhānām iti vaktavyam |

raśabda ādeśo bhavati ṛkārasya halāder laghoḥ iṣṭhemeyassu parataḥ. prathiṣṭhaḥ. prathimā. prathīyān. mradiṣṭhaḥ. mradimā. mradīyān. ṛtaḥ iti kim? paṭiṣṭhaḥ s. paṭimā. paṭīyān. halādeḥ iti kim? ṛjiṣṭhaḥ. ṛjimā. ṛjīyān. laghoḥ iti kim? kṛṣṇā kṛṣṇiṣṭhaḥ. kṛṣṇimā. kṛṣṇīyān. parigaṇanam atra kartavyam. pṛthuṃ mṛduṃ bhṛśaṃ ca eva kṛśaṃ ca dṛḍham eva ca. paripūrvaṃ vṛḍhaṃ ca eva ṣaḍetān ravidhau smaret. tataḥ iha na bhavati, kṛtamācaṣṭe kṛtayati. mātaramācaṣṭe mātayati. bhrātayati.

ra ṛto halāder laghoḥ 6.4.161 raśabda ādeśo bhavati ṛkārasya halāder laghoḥ iṣṭhemeyassu parataḥ. prathiṣṭhaḥ. prathimā. prathīyān. mradiṣṭhaḥ. mradimā. mradīyān. ṛtaḥ iti kim? paṭiṣṭhaḥ s. paṭimā. paṭīyān. halādeḥ iti kim? ṛjiṣṭhaḥ. ṛjimā. ṛjīyān. laghoḥ iti kim? kṛṣṇā kṛṣṇiṣṭhaḥ. kṛṣṇimā. kṛṣṇīyān. parigaṇanam atra kartavyam. pṛthuṃ mṛduṃ bhṛśaṃ ca eva kṛśaṃ ca dṛḍham eva ca. paripūrvaṃ vṛḍhaṃ ca eva ṣaḍetān ravidhau smaret. tataḥ iha na bhavati, kṛtamācaṣṭe kṛtayati. mātaramācaṣṭe mātayati. bhrātayati.

ra ṛto halāderlaghoḥ. , 6.4.161 "katrtavyam()" iti. vyākhyeyamityarthaḥ. tatredaṃ vyākhyānam()--uttarasūtre yadvibhāṣāgrahaṇaṃ tadihāpi sambadhyate, sā ca vyavasthitavibhāṣā, tena pṛthvādīnāmeva bhaviṣyati. yadyevam(), "halāderlaghoḥ" ityetanna katrtavyam(), vyavasthitavibhāṣayā halāderlaghośca bhaviṣyati? satyametat(); tadvispaṭārthaṃ kriyate. "tata iha na bhavati" ityādi. akriyamāṇe tu parigaṇane kṛtayatītyādāvapīṣṭhavadbāvena syādeveti bhāvaḥ॥

halāderlaghorṛkārasya raḥ syādiṣṭheyassu parataḥ. pṛthumṛdubhṛśakṛśadṛḍhaparivṛḍhā nāmeva ratvam..

ra ṛto halāderlaghoḥ 1159, 6.4.161 halāderlaghorṛkārasya raḥ syādiṣṭheyassu parataḥ. pṛthumṛdubhṛśakṛśadṛḍhaparivṛḍhā nāmeva ratvam॥

ra ṛto. ra iti prathamāntam. iṣṭhemeyassviti. śeṣapūraṇam. `turiṣṭhemeyassu' ityastadanuvṛtteriti. bhāvaḥ. aṅgasyetyadhikṛtaṃ halāderaṅgasya laghorṛkārasya ra iti. repākārasaṅgāta ādeśaḥ syādiṣṭhani imanici īyasi ca pare ityarthaḥ.

ra ṛto halāderlaghoḥ 1762, 6.4.161 ra ṛto. ra iti prathamāntam. iṣṭhemeyassviti. śeṣapūraṇam. "turiṣṭhemeyassu" ityastadanuvṛtteriti. bhāvaḥ. aṅgasyetyadhikṛtaṃ halāderaṅgasya laghorṛkārasya ra iti. repākārasaṅgāta ādeśaḥ syādiṣṭhani imanici īyasi ca pare ityarthaḥ.

ra ṛto. halādeḥ kim?. ṛjiṣṭhaḥ. ṛjīyān. laghoḥ kim?. kṛṣṇimā. `pṛthumṛdubhṛśe 'ti parigaṇane tu `halāderlagho'riti tyaktuṃ śakyam.

ra ṛto halāderlaghoḥ 1359, 6.4.161 ra ṛto. halādeḥ kim(). ṛjiṣṭhaḥ. ṛjīyān. laghoḥ kim(). kṛṣṇimā. "pṛthumṛdubhṛśe "ti parigaṇane tu "halāderlagho"riti tyaktuṃ śakyam.