1/19:ṇau iṣṭhavat prātipadikasya |*
2/19:ṇau prātipadikasya iṣṭhavadbhāvaḥ vaktavyaḥ |
3/19:kim prayojanam |
4/19:puṃvadbhāvarabhāvaṭilopayaṇādiparārtham |*
5/19:puṃvadbhāvārtham |
6/19:enīm ācaṣṭe , etayati |
7/19:śyetayati |
8/19:rabhāvārtham |
9/19:pṛthum ācaṣṭe , prathayati |
10/19:mradayati |
11/19:ṭilopārtham |
12/19:paṭum ācaṣṭe paṭayati |
13/19:yaṇādiparārtham |
14/19:sthūlam ācaṣṭe sthavayati |
15/19:davayati |
16/19:kim punaḥ idam parigaṇanam āhosvit udāharaṇamātram |
17/19:udāharaṇamātram iti āha |
18/19:prādayaḥ api hi iṣyante : priyam ācaṣṭe prāpayati |
19/19:bhāradvājīyāḥ paṭhanti : ṇau iṣṭhavat prātipadikasya puṃvadbhāvarabhāvaṭilopayaṇādiparaprādivinmatorlukkanvidhyartham iti |

bhasya ṭerlopo bhavati iṣṭhemeyassu parataḥ. paṭu paṭiṣṭhaḥ. paṭimā. paṭīyān. laghu laghiṣṭhaḥ. laghimā. laghīyān. ṇāviṣṭhavat prātipadikasya kāryaṃ bhavati iti vaktavyam. kiṃ prayojanam? puṃvadbhāvarabhāvaṭilopayaṇādi. parārtham. puṃvadbhāvaḥ enīmācaṣṭe etayati. śyetayati. tasilādiṣvākṛtvasucaḥ 6-3-35 iti iṣṭhe puṃvadbhāvaḥ uktaḥ. rabhāvaḥ pṛthumācaṣṭe prathayati. mradayati. ṭilopaḥ paṭunācaṣṭe paṭayati. laghayati. yaṇādiparam sthūlamācaṣṭe sthavayati. bhāradvājīyāstu paṭhanti, ṇāviṣṭhavat prātipadikasya puṃvadbhāvarabhāvaṭilopayaṇādiparavinmatorlukkanartham iti. sragviṇamācaṣṭe srajayati. vasumantamācaṣṭe vasayati. yuvānamācaṣṭe yavayati. kanyati. etadubhayam api udāharaṇamātram, na parigaṇanam. prādayo 'pi hīṣyante, priyamācaṣṭe prāpayati.

ṭeḥ 6.4.155 bhasya ṭerlopo bhavati iṣṭhemeyassu parataḥ. paṭu paṭiṣṭhaḥ. paṭimā. paṭīyān. laghu laghiṣṭhaḥ. laghimā. laghīyān. ṇāviṣṭhavat prātipadikasya kāryaṃ bhavati iti vaktavyam. kiṃ prayojanam? puṃvadbhāvarabhāvaṭilopayaṇādi. parārtham. puṃvadbhāvaḥ enīmācaṣṭe etayati. śyetayati. tasilādiṣvākṛtvasucaḥ 6.3.34 iti iṣṭhe puṃvadbhāvaḥ uktaḥ. rabhāvaḥ pṛthumācaṣṭe prathayati. mradayati. ṭilopaḥ paṭunācaṣṭe paṭayati. laghayati. yaṇādiparam sthūlamācaṣṭe sthavayati. bhāradvājīyāstu paṭhanti, ṇāviṣṭhavat prātipadikasya puṃvadbhāvarabhāvaṭilopayaṇādiparavinmatorlukkanartham iti. sragviṇamācaṣṭe srajayati. vasumantamācaṣṭe vasayati. yuvānamācaṣṭe yavayati. kanyati. etadubhayam api udāharaṇamātram, na parigaṇanam. prādayo 'pi hīṣyante, priyamācaṣṭe prāpayati.

ṭeḥ. , 6.4.155 "ṇāviṣṭhavat()" iti. "tasilādiṣvā kṛtvasucaḥ" 6.3.34 iṣṭhani puṃvadbhāva uktaḥ, "ra ṛto halāderlaghoḥ" 6.4.161 iti rabhāvaḥ, "ṭeḥ" iti ṭilopaḥ, "sthūladūrayuvahyasva" 6.4.156 ityādinā yaṇādiparasya lopaḥ, pūrvasya ca guṇaḥ, "vinmatorluk()" 5.3.65 iti luk(), "yuvālpayoḥ kananyatarasyām()" 5.3.64 iti kan(). "priyasthira" 6.4.157 ityādinā prādaya ādeśāḥ--etāni kāryāṇi yatheṣṭhani bhavanti, tathā ṇāvapi yathā syuriti ṇāviṣṭhavat? prātipadikasya kāryaṃ bhavatīti vaktavyam(). prātipadikagrahaṇaṃ śakyamakarttum(), anyasyātideśasyāsambhavāt(). vatiriha sādṛśyārthaḥ, tena yasyeṣṭhani yatkāryaṃ vivakṣitaṃ tato'nyasyātideśasyāsambhavāt? tadvyavacchedārtha prātipadikagrahaṇaṃ na katrtavyam(). tat? kriyate visapaṣṭārtham(). kecittu brāuvate pratyayasya kāryāṇāmatideśo mā bhūdityevamarthaṃ prātipadikagrahaṇaṃ na katrtavyam(). tat? kriyate vispaṣṭārtham(). kecittu brāuvate pratyayasya kāryāṇāmatideśo mā bhūdityevamarthaṃ prātipadikagrahaṇ(), tena bahumācaṣṭe bahayatatyatra "iṣṭhasya yiṭ? ca" (6.4.158) iti yiṇṇa bhavati? etaccāyuktam(); iṣṭhavadityatra hi saptamī samarthādvatirdihitaḥ, ṇāditi pratiyogini sapatamīśravaṇāt(). teneṣṭhani yatkāryaṃ vihitaṃ tadatidiśyate, na tviṣṭhasya yatkāryaṃ tadapi. na ca yiṅ? iṣṭhani yat? kāryam(), api tviṣṭhana eva. tasyaiha prāptireva nāstīti kiṃ tannivṛttyarthena prātipadikagrahaṇena! "enīm()" iti. etacchabdāt? "varṇādanudāttāttopadhāt()" 4.1.39 ityādinā ṅīṣ(), takārasya ca nakāraḥ. "etayati" iti. ṇau kṛte puṃvadbhāvena ṅīṣnakārāvubhāvapi nivatrtete. nanu ca ṅīṣā vyavahito'tra ṇiriti ṇāvatideśaḥ kriyamāṇastadvyavadhāne na prāpnotīti? naiṣa doṣaḥ; iṣṭhanyapi hi ṅopā vyavadhānaeva prātipadakasya puṃvadbhāvaḥ. tasmādihāpi vyavadhāne'pi tadvadeva bhaviṣyati. "ruāgviṇam()" iti. "asmāyāmedhāruājo viniḥ" 5.2.120 iti viniḥ. ruājayatītyatra "saṃjñāpūrvako vidhiranityaḥ" (vyā.pa.64) iti "ata upadhāyāḥ" 7.2.116 iti vṛddhirna bhavati. "ahgavṛtte punaraṅgavṛttāvavidhirniṣṭhitasya" (vyā.pa.38) iti vapā. prāpayatītyevamādau bhavatyevāniṣṭhitatvāt(). atra "arttihro" 7.3.36 ityādinā puk(). nanu bhāradvājīyapāṭhe prādayo na siddhyanti; api tu ruājayati vasayatīti luk(), kanayatītyatra ca kannityata āha--"tadetadubhayamapyudāharaṇamātram()" ityādi. tadetadbhāvadvājīyapāṭhe anyeṣāñca prayojanamupadarśitam(), na tvetadudāharaṇamātraparigaṇanam(). etāvadeva prayojanamiti yasmāt? prādayo'pīṣyante. nanu "prātipadikāddhātvarthe bahulamiṣṭhavacca" (dhā.pā.ga.sū.186) iti curādigaṇa eva paṭha()te, tat? kasmāt? punariha ṇāviṣṭhavadbhāva ucyate? asyaiva prapañcārthamityeke. gaṇe vā sa vaktavyaḥ. "asau itaraḥ" iti vikalpapradarśanārthamityanye॥

ṭeḥ. `iṣṭhemeyassu' ityanuvartate. `allopo'naḥ' ityato lopa iti ca. tadāha– ṭerlopaḥ syādiṣṭhemeyassviti. prathimeti. pṛthuśabdādimanic. cakāra it. nakārādakāra uccāraṇārthaḥ. ṛkārasya raḥ, ukārasya guṇaṃ bādhitvā ṭerlopaḥ. pārthavamiti. imanijabhāve `igantācca laghupūrvā'dityaṇ. mradimeti. mṛduśabdādimanici ṛkārasya raḥ. `ṭeḥ' iti ṭilopaśca. mārdavamiti. `igantācce'tyaṇ.

ṭeḥ 1763, 6.4.155 ṭeḥ. "iṣṭhemeyassu" ityanuvartate. "allopo'naḥ" ityato lopa iti ca. tadāha--ṭerlopaḥ syādiṣṭhemeyassviti. prathimeti. pṛthuśabdādimanic. cakāra it. nakārādakāra uccāraṇārthaḥ. ṛkārasya raḥ, ukārasya guṇaṃ bādhitvā ṭerlopaḥ. pārthavamiti. imanijabhāve "igantācca laghupūrvā"dityaṇ. mradimeti. mṛduśabdādimanici ṛkārasya raḥ. "ṭeḥ" iti ṭilopaśca. mārdavamiti. "igantācce"tyaṇ.