ṅau parataḥ śīśabde ca ano vibhāṣā akāralopo bhavati. rājñi, rājani. sāmni, sāmani. sāmnī, sāmanī.

vibhāṣā ṅiśyoḥ 6.4.136 ṅau parataḥ śīśabde ca ano vibhāṣā akāralopo bhavati. rājñi, rājani. sāmni, sāmani. sāmnī, sāmanī.

vibhāṣā ṅiśyoḥ. , 6.4.136 "śīśabde ca" iti. etena "napuṃsakācca" 7.1.19 iti yo vihitaḥ śośabdastasyedaṃ grahaṇam(), na tu "jaśśasoḥ śiḥ" 7.1.20 iti yo vihitaḥ śiśabdastasyedaṃ grahaṇamiti darśayati. kutaḥ punaretajjñāyate? śiśabde bhasaṃjñāyā abhāvāt()॥

aṅgāvayavo'sarvanāmasthānayajādisvādiparo yo'n tasyākārasya lopo vā syāṅat ṅiśyoḥ parayoḥ. dadhni, dadhani. śeṣaṃ vārivat.. evamasthisakthyakṣi.. sudhi. sudhinī. sudhīni. he sudhe, he sudhi..

vibhāṣā ṅiśyoḥ 249, 6.4.136 aṅgāvayavo'sarvanāmasthānayajādisvādiparo yo'n tasyākārasya lopo vā syāṅat ṅiśyoḥ parayoḥ. dadhni, dadhani. śeṣaṃ vārivat॥ evamasthisakthyakṣi॥ sudhi. sudhinī. sudhīni. he sudhe, he sudhi॥

vibhāṣā ṅiśyoḥ. `allopo'na' ityanuvartate. `aṅgasye'ti `bhasye'ti cādhikṛtaṃ. `bhasye'tyanena ca asarvanāmasthānayajādisvādiparatve pūrvavadano labhyate. tadāha–aṅgāvayava iti. ṅiśyoriti. ṅiśca śī ceti vigrahaḥ. `napuṃsakācce'ti vihita evā'tra śī gṛhrate, natu jaśśasośśiḥ, tasmin pare bhatvā'sambhavāt. pakṣe iti. yūṣannādeśā'bhāvapakṣe ityarthaḥ. atha kvacicchasādibhyo'nyatrāpi padādyādeśaṃ sādhāyitumāha–paddanna itīti. prakāreti. prakāraḥ sādṛśyam. tacca pratyayatvena bodhyam. prabhṛtigrahaṇasya prakārārthatve pramāṇaṃ darśayati–ata eveti. prabhṛtigrahaṇasya prakārārthakatvādevetyarthaḥ. `kakuddoṣaṇī yācate mahādevaḥ' ityevaṃ bhāṣye auṅādeśabhūtaśībhāve parata udāhmato doṣannādeśo'ta eva saṅgacchate ityanvayaḥ. teneti. prakārārthakaprabhṛtigrahaṇenetyarthaḥ. `padaṅghri'rityatra `pa'diti prathamaikavacanam, `svāntaṃ hma'dityatra hmaditi ca saṅgacchata ityarthaḥ. ādinā niśādisaṅgrahaḥ. āsanyaṃ prāṇamiti. āsanyaṃ prāṇamūcuriti cā'ta eva saṅgacchate ityanvayaḥ. āsanaśabdasya āsannādeśa iti bhramaṃ vārayati–āsye bhava iti. prāṇaśabdasamabhivyāhārādiyameva vyutpattiriti bhāvaḥ. `śarīrāvayavācce'tyāsyaśabdādbhavārthe yatpratyaye āsannādeśaḥ. `ye cā'bhāvākarmaṇoḥ' iti prakṛtibhāvā'nnastaddhite' iti ṭilopo na. prabhṛtigrahaṇasya prakārārthatvā'bhāve tvihā''sannādeśo na syāt, yatpratyayasya. śasādiṣu supsvanantarbhāvāditi bhāvaḥ. nanu `doṣaṇī' iti bhāṣye napuṃsakaprayogo'nupapannaḥ, `doṣaṃ tasya tathāvidhasye'tyādau puṃstvasyaiva prayogadarśanādityata āha–doṣśabdasya dvitīyaikavacanaṃ doriti. puṃstve doṣamiti syāditi bhāvaḥ. bhāṣyānusārāddoṣśabdasya napuṃsakatvameva syādityata āha–bhujeti. `bhujabāhū praveṣṭo do'riti kośātpuṃstvamapītyarthaḥ. nanvayaṃ kośo doṣśabdasya napuṃsakatve'pyupapanna ityata āha-sāhacaryāditi. puṃliṅgabhujādiśabdasāhacaryādityarthaḥ. `sāhacaryācca kutraci'diti kośe paribhāṣitatvāditi bhāvaḥ. doṣśabdasya puṃstvasādhane phalaṃ darśayati–doṣaṃ tasyeti. `doṣaṃ tasya tathāvidhasya bhajataścāpasya gṛhṇan guṇa'miti śrīharṣaḥ. doṣaṃ hastaṃ dūṣaṇaṃ ca bhajataścāpasya guṇaṃ maurvīm, atiśayaṃ ca gṛhṇannityanvayaḥ. atra doṣamiti doṣśabdasya puṃliṅgadvitīyaikavacanam. atra `su prabhṛtiṣvi'ti vācye `śasprabṛtiṣvi'ti vacanātsupi kvacideva padādyādeśā iti gamyate. dvayorahnoriti. `taddhitārtha' iti samāsaḥ. `kālāṭhṭha'ñiti ṭhañ. `dvigorluganapatye' iti luk. `rājāhaḥ sakhibhyaṣṭa'jiti ṭac. `ahno'hna etebhyaḥ' ityahnādeśaḥ. rāmaśabdavadrūpāṇi.

vibhāṣā ṅiśyoḥ 235, 6.4.136 vibhāṣā ṅiśyoḥ. "allopo'na" ityanuvartate. "aṅgasye"ti "bhasye"ti cādhikṛtaṃ. "bhasye"tyanena ca asarvanāmasthānayajādisvādiparatve pūrvavadano labhyate. tadāha--aṅgāvayava iti. ṅiśyoriti. ṅiśca śī ceti vigrahaḥ. "napuṃsakācce"ti vihita evā'tra śī gṛhrate, natu jaśśasośśiḥ, tasmin pare bhatvā'sambhavāt. pakṣe iti. yūṣannādeśā'bhāvapakṣe ityarthaḥ. atha kvacicchasādibhyo'nyatrāpi padādyādeśaṃ sādhāyitumāha--paddanna itīti. prakāreti. prakāraḥ sādṛśyam. tacca pratyayatvena bodhyam. prabhṛtigrahaṇasya prakārārthatve pramāṇaṃ darśayati--ata eveti. prabhṛtigrahaṇasya prakārārthakatvādevetyarthaḥ. "kakuddoṣaṇī yācate mahādevaḥ" ityevaṃ bhāṣye auṅādeśabhūtaśībhāve parata udāhmato doṣannādeśo'ta eva saṅgacchate ityanvayaḥ. teneti. prakārārthakaprabhṛtigrahaṇenetyarthaḥ. "padaṅghri"rityatra "pa"diti prathamaikavacanam, "svāntaṃ hma"dityatra hmaditi ca saṅgacchata ityarthaḥ. ādinā niśādisaṅgrahaḥ. āsanyaṃ prāṇamiti. āsanyaṃ prāṇamūcuriti cā'ta eva saṅgacchate ityanvayaḥ. āsanaśabdasya āsannādeśa iti bhramaṃ vārayati--āsye bhava iti. prāṇaśabdasamabhivyāhārādiyameva vyutpattiriti bhāvaḥ. "śarīrāvayavācce"tyāsyaśabdādbhavārthe yatpratyaye āsannādeśaḥ. "ye cā'bhāvākarmaṇoḥ" iti prakṛtibhāvā"nnastaddhite" iti ṭilopo na. prabhṛtigrahaṇasya prakārārthatvā'bhāve tvihā'‌'sannādeśo na syāt, yatpratyayasya. śasādiṣu supsvanantarbhāvāditi bhāvaḥ. nanu "doṣaṇī" iti bhāṣye napuṃsakaprayogo'nupapannaḥ, "doṣaṃ tasya tathāvidhasye"tyādau puṃstvasyaiva prayogadarśanādityata āha--doṣśabdasya dvitīyaikavacanaṃ doriti. puṃstve doṣamiti syāditi bhāvaḥ. nanu bhāṣyānusārāddoṣśabdasya napuṃsakatvameva syādityata āha--bhujeti. "bhujabāhū praveṣṭo do"riti kośātpuṃstvamapītyarthaḥ. nanvayaṃ kośo doṣśabdasya napuṃsakatve'pyupapanna ityata āha-sāhacaryāditi. puṃliṅgabhujādiśabdasāhacaryādityarthaḥ. "sāhacaryācca kutraci"diti kośe paribhāṣitatvāditi bhāvaḥ. doṣśabdasya puṃstvasādhane phalaṃ darśayati--doṣaṃ tasyeti. "doṣaṃ tasya tathāvidhasya bhajataścāpasya gṛhṇan guṇa"miti śrīharṣaḥ. doṣaṃ hastaṃ dūṣaṇaṃ ca bhajataścāpasya guṇaṃ maurvīm, atiśayaṃ ca gṛhṇannityanvayaḥ. atra doṣamiti doṣśabdasya puṃliṅgadvitīyaikavacanam. atra "su prabhṛtiṣvi"ti vācye "śasprabṛtiṣvi"ti vacanātsupi kvacideva padādyādeśā iti gamyate. dvayorahnoriti. "taddhitārtha" iti samāsaḥ. "kālāṭhṭha"ñiti ṭhañ. "dvigorluganapatye" iti luk. "rājāhaḥ sakhibhyaṣṭa"jiti ṭac. "ahno'hna etebhyaḥ" ityahnādeśaḥ. rāmaśabdavadrūpāṇi.

vibhāṣā ṅiśyoḥ. `śī'ti-`napuṃsakācce'ti vihito gṛhrate, na tu `jaśśasoḥ śiḥ'. tasminnamatvāt. `bhasye'tyanenā'sarvanāmasthānasyaiva yajāderākṣepāt. tadetadāha– aruāvanāmasthānetyādi. kakuddoṣaṇī iti. kakut–doṣaṇī iti cchedaḥ. ekapadatve tvanupapattiranupadameva vakṣyate. āsanyamiti. `ye cābhāvakarmaṇo'riti prakṛtibhāvāt `nastaddhite' iti ṭilopo na. ata eveti. `kakuddoṣaṇī' iti prayogādevetyarthaḥ. yaṃdyapi kakuccadośca tayoḥ samāhāraḥ kakuddoḥ. kakuddośca kakudośca kakuddoṣaṇī kṛte bhāṣyaṃ suyojamiti doḥśabdasya napuṃsakatve nedaṃ pramāṇaṃ, tathāpi `kaku'dityasya pṛthakpadatvameva nyāyyam. anyathā bāhvordvitve labdhe'pi kakuda ekatvaṃ na labhyeteti bhāvaḥ. `tamupādravadudyamya dakṣiṇaṃ dorniśācaraḥ' iti raghuḥ. tatra dakṣiṇaṃ dorudyamya tamupādravadityanvayaḥ. doṣaṃ tasyeti. ayaṃ ca śrīharṣaprayogaḥ. doṣaṃ hastu dūṣaṇaṃ ca bhajataḥ cāpasyeti saṃbandhaḥ. dvayorahnorbhava iti. taddhitārtha iti samāsaḥ. `rājāhaḥsakhibhya' iti ṭac, `ahno'hna etebhyaḥ' iti ahnādeśaḥ, kālāṭṭaño `dvigorluganapatye' iti luk.

vibhāṣā ṅiśyoḥ 199, 6.4.136 vibhāṣā ṅiśyoḥ. "śī"ti-"napuṃsakācce"ti vihito gṛhrate, na tu "jaśśasoḥ śiḥ". tasminnamatvāt. "bhasye"tyanenā'sarvanāmasthānasyaiva yajāderākṣepāt. tadetadāha--aruāvanāmasthānetyādi. kakuddoṣaṇī iti. kakut--doṣaṇī iti cchedaḥ. ekapadatve tvanupapattiranupadameva vakṣyate. āsanyamiti. "ye cābhāvakarmaṇo"riti prakṛtibhāvāt "nastaddhite" iti ṭilopo na. ata eveti. "kakuddoṣaṇī" iti prayogādevetyarthaḥ. yaṃdyapi kakuccadośca tayoḥ samāhāraḥ kakuddoḥ. kakuddośca kakudośca kakuddoṣaṇī kṛte bhāṣyaṃ suyojamiti doḥśabdasya napuṃsakatve nedaṃ pramāṇaṃ, tathāpi "kaku"dityasya pṛthakpadatvameva nyāyyam. anyathā bāhvordvitve labdhe'pi kakuda ekatvaṃ na labhyeteti bhāvaḥ. "tamupādravadudyamya dakṣiṇaṃ dorniśācaraḥ" iti raghuḥ. tatra dakṣiṇaṃ dorudyamya tamupādravadityanvayaḥ. doṣaṃ tasyeti. ayaṃ ca śrīharṣaprayogaḥ. doṣaṃ hastu dūṣaṇaṃ ca bhajataḥ cāpasyeti saṃbandhaḥ. dvayorahnorbhava iti. taddhitārtha iti samāsaḥ. "rājāhaḥsakhibhya" iti ṭac, "ahno'hna etebhyaḥ" iti ahnādeśaḥ, kālāṭṭaño "dvigorluganapatye" iti luk.