1/18:ūṭ ādiḥ kāsmāt na bhavati |
2/18:ādiḥ ṭit bhavati iti ādiḥ prāpnoti |
3/18:samprasāraṇam iti anena yaṇaḥ sthānam hriyate |
4/18:yadi evam vāhaḥ ūḍvacanānarthakyam samprasāraṇena kṛtatvāt |*
5/18:vāhaḥ ūḍvacanam anarthakam |
6/18:kim kāraṇam |
7/18:samprasāraṇena kṛtatvāt |
8/18:samprasāraṇena eva siddham |
9/18:kā rūpasiddhiḥ |
10/18:praṣṭhauhaḥ paśya |
11/18:guṇaḥ pratyayalakṣaṇatvāt |*
12/18:pratyayalakṣaṇena guṇaḥ bhaviṣyati |
13/18:ejgrahaṇāt vṛddhiḥ |*
14/18:ejgrahaṇāt vṛddhiḥ bhaviṣyati |
15/18:evam tarhi siddhe sati yat vāhaḥ ūṭham śāsti śāsti tat jñāpayati ācāryaḥ bhavati eṣā paribhāṣā asiddham bahiraṅgalakṣaṇam antaraṅgalakṣaṇe iti |
16/18:kim etasya jñāpane prayojanam |
17/18:pacāva idam , pacāma idam |
18/18:asiddhatvāt bahiraṅgalakṣaṇasya āt guṇasya antaraṅgalakṣaṇam aittvam na bhavati iti |

vāha ityevamantasya bhasya ūṭh ityetat samprasāraṇaṃ bhavati. praṣṭhauhaḥ. praṣṭhauhā. praṣṭhauhe. dityauhaḥ. dityauhā. dityauhe. etyedhatyūṭhsu 6-1-89 iti vṛddhiḥ. atha kimarthamūṭh kriyate, samprasāraṇe eva kṛte guṇe ca vṛddhireci 6-1-88 iti vṛddhau satyām siddhaṃ rūpaṃ bhavati praṣṭhauhaḥ iti, anakārānte copapade vaherṇvirna dṛśyate? jñāpanārtham . etaj jñāpayati, bhavatyeṣā paribhāṣā ’asiddhaṃ bahiraṅgam antaraṅge (pari0 50)’ iti. tasyāṃ hi satyāṃ bahiraṅgasya samprasāraṇasya asiddhatvātantaraṅgo guṇo na syāt.

vāha ūth 6.4.132 vāhaḥ ityevam antasya bhasya ūth ityetat samprasāraṇaṃ bhavati. praṣṭhauhaḥ. praṣṭhauhā. praṣṭhauhe. dityauhaḥ. dityauhā. dityauhe. etyedhatyūṭhsu 6.1.86 iti vṛddhiḥ. atha kimarthamūth kriyate, samprasāraṇe eva kṛte guṇe ca vṛddhireci 6.1.85 iti vṛddhau satyām siddhaṃ rūpaṃ bhavati praṣṭhauhaḥ iti, anakārānte copapade vaherṇvirna dṛśyate? jhāpanārtham. etaj jñāpayati, bhavatyeṣā paribhāṣā asiddhaṃ bahiraṅgam antaraṅge iti. tasyāṃ hi satyāṃ bahiraṅgasya samprasāraṇasya asiddhatvātantaraṅgo guṇo na syāt.

vāha ūṭh?. , 6.4.132 "vāhaḥ" iti. vahirayaṃ ṇvipratyayāntaḥ, sa cāsmātsopapadādeva ṇvirvihitaḥ. tena sāmathryāt? tadantavidhirvijñāyata ityāha--"vāha ityevamantasya" ityādi. "ūḍityetat()" iti. ṭhidayamūkāraḥ. "etyedhatyūṭhsu" 6.1.86 iti viśeṣaṇārthaḥ. "samprasāraṇaṃ bhavati" iti. samprasāraṇamityeṣa viśeṣaḥ kuto labhyate. pūrvasūtrāt? samprasāraṇamityasyānuvṛtteḥ. kimarthaṃ punaḥ samprasāraṇamanuvāryate? sthāniniyamārtham(). yadyetannānuvatryate, yaṇa eva sthāne "igyaṇaḥ samprasāraṇam()" 1.1.44 iti bhavitavyam(). "praṣṭhauhaḥ" iti. praṣṭhaṃ vahatīti "bhajo ṇviḥ" 3.2.62 ityanuvatrtamāne "vahaśca" 3.2.64 iti ṇviḥ. atha kimarthamūṭh? kriyate, na "vāha" ityetāvadeva sūtraṃ katrtavyamityabhiprāyaḥ. "samprasaraṇa eva kṛte" iti. pūrvasatrāt? samaprasāraṇagrahaṇānuvṛtteḥ. "guṇe ca" iti. kṛta iti sambandhaḥ. guṇastu "pugantalaghūpadhasya ca" 7.3.86 iti lupte'pi ṇvau pratyalakṣaṇena. nanu ca "aṅgavṛtte punaraṅgavṛttāvavidhi niṣṭhitasya" (vyā.pa.38) iti samprasāraṇe kṛte guṇena na bhavitavyam()? "niṣṭhitasya" iti. "vacanādadoṣaḥ. niṣṭhā hi śabdasya parisamāptiḥ, sā ca tadā bhavati yadā śabdasaya prayogārhatā bhavati. na ca yāvadguṇādisaṃskāro na kriyate tāvadasya prayogārhatā bhavati. tasmāt? kṛte'pi samprasāraṇe bhavatyeva guṇaḥ, tatretat? syāt(). yadyūḍ na kriyate, tadā śārli vahati, ditiṃ vahati, śālyuhaḥ, dityūha ityevamādyanakārante śāliditiśabda upapade vaherṇvi pratyaye vihite sati na siddhyatītyata āha--"anakārānte copapade" ityādi. "vahaśca" 3.2.64 ityanena "chandasi sahaḥ" 3.2.63 ityato'tra chandograhaṇānuvṛtteśchandasyeva ṇvirvidhīyate, dṛṣṭārthavidhiśchandasi, akārānta eva copapade praṣṭhādau vaheśchandasi ṇvirdṛśyate na tvakārānte śālyādau. kathaṃ punaranena bahiraṅgaparibhāṣā jñāpyate? ityāha--"tasyāṃ hi" ityādi. bahiraṅgattvaṃ punaḥ samprasāraṇasya bāhrājādipratyayanimittāṃ bhasaṃjñāmāśritya pravṛttātvāt(). guṇasya tvantaraṅgattvam(); abāhṛpratyaye pravṛttatvāt(). kiṃ punarasyāḥ paribhāṣāyāḥ jñāpanenaprayojanam()? pacāvedam(), yajāvedamityatraḥ siddhattvaṃ bahiraṅgalakṣaṇasya. ato'ntaraṅgalakṣaṇameta aitvaṃ na bhavati; bahiraṅgalakṣaṇatvādguṇasya. bahiraṅgatvantu padadvayāśritatvāt(). aitvasya tvantaraṅgatvaṃ viparyayāt()॥

vāha ūṭh. `bhasye'tyadhikṛtam. `vasoḥ saṃprasāraṇa' mityataḥ `saṃprasāraṇa'mityanuvartate. tacca ūḍityanenānveti. tadāha-bhasyetyādinā.

vāha ūṭh , 6.4.132 vāha ūṭh. "bhasye"tyadhikṛtam. "vasoḥ saṃprasāraṇa" mityataḥ "saṃprasāraṇa"mityanuvartate. tacca ūḍityanenānveti. tadāha-bhasyetyādinā.