1/74:pādaḥ upadhāhrasvatvam |*
2/74:pādaḥ upadhāhrasvatvam vaktavyam |
3/74:dvipadaḥ paśya |
4/74:ādeśe hi sarvādeśaprasaṅgaḥ |*
5/74:ādeśe hi sati sarvādeśaḥ prasajyeta |
6/74:sarvasya dvipācchabdasya tripācchabdasya ca pacchabdādeśaḥ prasajyeta yena vidhiḥ tadantasya iti |
7/74:tat tarhi vaktavyam |
8/74:na vā nirdiśyamānasya ādeśatvāt |*
9/74:na vā vaktavyam |
10/74:kim kāraṇam |
11/74:nirdiśyamānasya ādeśāḥ bhavanti iti eṣā paribhāṣā kartavyā |
12/74:kaḥ punaḥ atra viśeṣaḥ eṣā vā paribhāṣā kriyeta upadhāhrasvatvam vā ucyeta |
13/74:avaśyam eṣā paribhāṣā kartavyā |
14/74:bahūni etasyāḥ paribhāṣāyāḥ prayojanāni kāni |
15/74:prayojanam suptiṅādeśe |*
16/74:sup |
17/74:kumāryām , kośoryām , khaṭvāyām , mālāyām , tasyām , yasyām |
18/74:āḍyāṭsyāṭsu kṛteṣu sāḍyāṭsyāṭkasya ām prāpnoti |
19/74:nirdiśyamānasya ādeśāḥ bhavanti iti na doṣaḥ bhavati |
20/74:idam iha sampradhāryam |
21/74:āḍyāṭsyāṭaḥ kriyantām ām iti kim atra kartavyam |
22/74:paratvāt ām |
23/74:nityāḥ āḍyāṭsyāṭaḥ |
24/74:kṛte api āmi prapnuvanti akṛte api |
25/74:anityāḥ āḍyāṭsyāṭaḥ |
26/74:anyasya kṛte āmi prapnuvanti anyasya akṛte śabdāntarasya ca prāpnuvantaḥ anityāḥ bhavanti |
27/74:ubhayoḥ anityayoḥ paratvāt ām |
28/74:idam tarhi |
29/74:tasyai yasyai |
30/74:syāṭi kṛte sasyāṭkasya smaibhāvaḥ prāpnoti |
31/74:nirdiśyamānasya ādeśāḥ bhavanti iti na doṣaḥ bhavati |
32/74:yaḥ tarhi nirdiśyate tasya kasmāt na bhavati |
33/74:syāṭā vyavahitatvāt |
34/74:sup |
35/74:tiṅ| aruditām aruditam arudita iti |
36/74:iṭi kṛte seṭkasya tāmtamtāmādeśāḥ prāpnuvanti |
37/74:nirdiśyamānasya ādeśāḥ bhavanti iti na doṣaḥ bhavati |
38/74:idam iha sampradhāryam |
39/74:iṭ kriyatām tāmtamtāmaḥ iti kim atra kartavyam |
40/74:paratvāt iḍāgamaḥ |
41/74:antaraṅgāḥ tāmtamtāmaḥ |
42/74:idam tarhi kriyāstām , kriyāstam , kriyāsta |
43/74:yāsuṭi kṛte sayāsuṭkasya tāmtamtāmādeśāḥ prāpnuvanti |
44/74:nirdiśyamānasya ādeśāḥ bhavanti iti na doṣaḥ bhavati |
45/74:lyabbhāve ca |*
46/74:lyabbhāve ca prayojanam |
47/74:prakṛtya prahṛtya |
48/74:ktvāntasya lyap prāpnoti |
49/74:nirdiśyamānasya ādeśāḥ bhavanti iti na doṣaḥ bhavati |
50/74:tricaturyuṣmadasmattyadādivikāreṣu ca |*
51/74:tricaturyuṣmadasmattyadādivikāreṣu ca prayojanam |
52/74:atitisraḥ , aticatasraḥ |
53/74:tricaturantasya tisṛcatasṛbhāvaḥ prāpnoti |
54/74:nirdiśyamānasya ādeśāḥ bhavanti iti na doṣaḥ bhavati |
55/74:yuṣmat , asmat |
56/74:atiyūyam ativayam |
57/74:yuṣmadasmadantasya yūyavayau prāpnutaḥ |
58/74:nirdiśyamānasya ādeśāḥ bhavanti iti na doṣaḥ bhavati |
59/74:tyadādivikāra |
60/74:atisyaḥ , uttamasyaḥ , atyasau , uttamāsau |
61/74:tyadādyantasya tyadādivikārāḥ prāpnuvanti |
62/74:kimantasya kādeśaḥ prāpnoti |
63/74:atikaḥ , paramakaḥ |
64/74:nirdiśyamānasya ādeśāḥ bhavanti iti na doṣaḥ bhavati |
65/74:udaḥ pūrvatve |*
66/74:udaḥ pūrvatve prayojanam |
67/74:udasthātām |
68/74:aṭi kṛte sāṭkasya pūrvasavarṇaḥ prāpnoti udaḥ sthāstambhoḥ iti |
69/74:nirdiśyamānasya ādeśāḥ bhavanti iti na doṣaḥ bhavati |
70/74:yaḥ tarhi nirdiśyate tasya kasmāt na bhavati |
71/74:aṭā vyavahitatvāt |
72/74:sā tarhi paribhāṣā kartavyā |
73/74:na kartavyā |
74/74:uktam ṣaṣṭhī sthāneyogā iti etasya yogasya vacane prayojanam ṣaṣṭhyantam sthānena yathā yujyeta yataḥ ṣaṣṭhī uccāritā iti |

vakṣyati pādaḥ pat 6.4.130 dvipadaḥ paśya. dvipadā kṛtam. bhasya iti kim? dvipādau. dvipādaḥ. pādaḥ pat 6.4.130. pādaḥ iti pādaśabdo luptākāro gṛhyate. tadantasya aṅgasya bhasya patityayam ādeśo bhavati. sa ca nirdiśyamānasyādeśā bhavanti iti pācchabdasya eva bhavati, na tadantasya sarvasya. dvipadaḥ paśya. dvipadā. dvipade. dvipadikāṃ dadāti. tripadikāṃ dadāti. vaiyāghrapadyaḥ.

pādaḥ pat?. , 6.4.130 "pādaḥ" iti. "pādaśabdo luptākāro gṛhrate" iti. atha pādayateḥ kvibantasya yaḥ pācchabdaḥ sampadyate sa kasmānna gṛhrate? tasyāsambhavāt(). pādayaterhi kvip? "anyebhyo'pi dṛśyate" (3.2.178) ityanena syāt()? sa ca "dṛśyate" iti vacanānna bhavati. yatra loke kvibantaproyago dṛśyate tatra yathā syādityevamarthaṃ hi tatra "duśyate" ittayuktam(), na ca pādayateḥ kvibantasya prayogo dṛśyate? pādaśabdasya samāsa evākāro lupyate, tena sāmathryāt? tadantasyāṅgasya kāryaṃ vijñāyata ityāha--"tadantasyāṅgasya" ityādi. yadi tarhi pācchabdantasyāṅgasya padityayamādeśo vijñāyeta, evaṃ tarhi "ye na vidhistadantasya" 1.1.71 iti sarvasya tadantasya prāpnotītyāha--"sa ca" ityādi. "dvipadaḥ" iti. dvau pādavasyeti bahuvrīhiḥ. "saṃkhyāsupūrvasya" 5.4.140 ityakāralopaḥ. "dvipadikām()" iti. dvau dvau pādau dadātīti "pādaśatasya" 5.4.1 ityādinā vun(). "vaiyāghrapadyaḥ" iti. vyāghrasyeva pādāvasyeti bahuvrīhiḥ, "pādasya lopo'hastyādibhyaḥ" 5.4.138 ityakāralopaḥ, vyāghrapado'patyamiti gargāditvādyañ()॥

pācchabdāntaṃ yadaṅgaṃ bhaṃ tadavayavasya pācchabdasya padādeśaḥ.. supadaḥ. supadā. supādbhyām.. agnimat, agnimad. agnimathau. agnimathaḥ..

pādaḥ pat 335, 6.4.130 pācchabdāntaṃ yadaṅgaṃ bhaṃ tadavayavasya pācchabdasya padādeśaḥ॥ supadaḥ. supadā. supādbhyām॥ agnimat, agnimad. agnimathau. agnimathaḥ॥