1/29:iṭaḥ pratiṣedhaḥ vaktavyaḥ |
2/29:rudihi svapihi |
3/29:jhalaḥ iti dhitvam prāpnoti |
4/29:heḥ dhitve haladhikārāt iṭaḥ apratiṣedhaḥ |*
5/29:heḥ dhitve haladhikārāt iṭaḥ apratiṣedhaḥ |
6/29:anarthakaḥ pratiṣedhaḥ apratiṣedhaḥ |
7/29:dhitvam kasmāt na bhavati |
8/29:haladhikārāt |
9/29:prakṛtam halgrahaṇam anuvartate |
10/29:kva prakṛtam |
11/29:ghasibhasoḥ hali iti |
12/29:tat vai saptamīnirdiṣṭam ṣaṣṭhīnirdiṣṭena ca iha arthaḥ |
13/29:tat vai tatra pratyākhyāyate |
14/29:tatra pratyākhyātam sat yayā vibhaktyā nirdiśyamānam arthavattayā nirdiṣṭam iha anuvartiṣyate |
15/29:atha vā hujhalbhayaḥ iti eṣā pañcamī hali iti saptamyāḥ ṣaṣṭhīm prakalpayiṣyati tasmāt iti uttarasya iti |
16/29:atha vā nirdiśyamānasya ādeśāḥ bhavanti iti evam na bhaviṣyati |
17/29:yaḥ tarhi nirdiśyate tasya kasmāt na bhavati |
18/29:iṭā vyavahitatvāt |
19/29:yadi evam chindhaki bhindhaki iti atra dhitvam na prāpnoti |
20/29:dhitve kṛte akac bhaviṣyati |
21/29:idam iha sampradhāryam |
22/29:dhitvam kriyatām akac iti kim atra kartavyam |
23/29:paratvāt dhitvam |
24/29:nityaḥ akac |
25/29:kṛte api dhitve prāpnoti akṛte api |
26/29:akac api anityaḥ |
27/29:anyasya kṛte dhitve prāpnoti anyasya akṛte śabdāntarasya ca prāpnuvan vidhiḥ anityaḥ bhavati |
28/29:ubhayoḥ anityayoḥ paratvāt dhitve kṛte akac bhaviṣyati |
29/29:atha vā hakārasya eva aśaktijena ikāreṇa grahaṇam |

hu ityetasmād jhalantebhyas ca uttarasya halādeḥ heḥ sthāne dhirādeśo bhavati. juhudhi. jhalantebhyaḥ bhindhi. chindhi. hujhalbhyaḥ iti kim? krīṇīhi. prīṇīhi. heḥ iti kim? juhutām. hali ityeva, rudihi. svapihi. iha juhutāt, bhintāt tvam iti paratvāt tātaṅi kṛte sakṛdgatau vipratiṣedhena yad badhitaṃ tad bādhitam eva iti punaḥ dhibhāvo na bhavati. bhindhaki, chindhaki ityatra paratvād dhibhāve kṛte punaḥ prasaṅgavijñānādakac kriyate.

hujhalbhyo her dhiḥ 6.4.101 hu ityetasmād jhalantebhyas ca uttarasya halādeḥ heḥ sthāne dhirādeśo bhavati. juhudhi. jhalantebhyaḥ bhindhi. chindhi. hujhalbhyaḥ iti kim? krīṇīhi. prīṇīhi. heḥ iti kim? juhutām. hali ityeva, rudihi. svapihi. iha juhutāt, bhintāt tvam iti paratvāt tātaṅi kṛte sakṛdgatau vipratiṣedhena yad badhitaṃ tad bādhitam eva iti punaḥ dhibhāvo na bhavati. bhindhaki, chindhaki ityatra paratvād dhibhāve kṛte punaḥ prasaṅgavijñānādakac kriyate.

hujhalbhyo herdhiḥ. , 6.4.101 "halādeḥ" iti. kutaḥ punarhalgrahaṇaṃ prakṛtaṃ yena hiśabdo viśiṣyate? anantarasūtrāditi cet()? na; taddhi saptamīnirdiṣṭam(), ṣaṣṭhīnirdiṣṭena cehārthaḥ. "hujhalbhyaḥ" ityeṣā pañcamī "hali" 6.4.100 ityetasyāḥ saptamyāḥ ṣaṣṭhītvaṃ prakalpayiṣyati. "tasmādityuttarasya" 1.1.66 iti vacanādityadoṣaḥ. "bhindhi" iti. "śnasorallopaḥ" 6.4.111 ityakāralopaḥ. "krīṇīhi" iti. "sehrrapicca" 3.4.87 iti hirādeśaḥ "ī halyaghoḥ" 6.4.113 ittīttvam(). "juhutām()" iti. loṭ(), tasastām(). "rudihi, svapihi" iti. adāditvācchapo luk(), "rudādibhyaḥ sārvadhātuke" 7.2.76 itīṭ(). atheha kasmānna bhavati--"juhutāt? tvam()" iti? āha--"iha" ityādi. dhibhāvasyāvakāśo'nāśiṣi--jhuhudhīti. tātaṅo'vakāśaḥ--jīvatāt? tvamiti; āśiṣi loṭi ubhayaprāptau paratvāttātaṅeva bhavati. atha kṛte'pi ta()smastasya sthānivadbhāvāt? punaḥ prasaṅgavijñānād()dhibhāvaḥ kasmānna bhavati? ityāha--"tatra" ityādi. yadyevam(), bhindhaki, chindhakītyatra paratvād()dhibhāve satyanantaroktādeva hetorakajna syāt()? ityata āha--"bhindhaki, chindaki" ityādi. vyaktau hi padārthe "sakṛdgatau vipratiṣedhe yadbādhitaṃ tadbādhitameva" (vyā.pa.40) ityetat? pravatrtate. jātau ca "punaḥprasaṅgavijñānāt? siddham()" (vyā.pa.41) iti "vipratiṣedhe paraṃ kāryam()" 1.4.2 ityatra pratipāditam(). pāṇinestūbhayaṃ matam(), lakṣyānurodhātkvacit? kiñcidāśrīyate. tatra tātaṅavidhau vyaktipadārthasyāśrayaṇāt? "sakṛdgatau vipratiṣedhe yad? bādhitaṃ tadbādhitameva" ityasyā upasthānam(); akajvidhau tu jāteḥ padārthasyāśrayaṇāt? "punaḥprasaṅgavijñānātsiddham()" ityasyāḥ. "bhindhaki" iti. "avyayasarvanāmnām()" 5.3.71 ityādinākac(). tatra "tiṅaśca" 5.3.56 ityanuvatrtate॥

hujhalbhyo herdhiḥ 558, 6.4.101 horjhalantebhyaśca herdhiḥ syāt. addhi. attāt. attam. atta. adāni. adāva. adāma॥

hujhalbhyo herdhiḥ. jhalantebhya iti. aṅgaviśeṣaṇatvāttadantavidhiriti bhāvaḥ. anekāltvātsarvādeśaḥ. `rudihī'tyatra tu na , nirdiśyamānaheriḍā vyavahitattvāt, iṭsahitasya tvanirdiśyamānatvāditi bhāṣye spaṣṭam. attāditi. dhitvātparatvāttātaṅ. tasya sthānivattvena hitve'pi na punardhitvaṃ, `vipratiṣedhe yadbādhitaṃ tadbādhitameve'ti nyāyāt. attam atta. adānīti. `āḍuttamasye'tyāḍāgamaḥ. etadarthameva āḍāgame dīrghoccāraṇamiti bhāvaḥ. adāva adāma. lahi ād t iti sthite–

hujhalbhyo herdhiḥ 256, 6.4.101 hujhalbhyo herdhiḥ. jhalantebhya iti. aṅgaviśeṣaṇatvāttadantavidhiriti bhāvaḥ. anekāltvātsarvādeśaḥ. "rudihī"tyatra tu na , nirdiśyamānaheriḍā vyavahitattvāt, iṭsahitasya tvanirdiśyamānatvāditi bhāṣye spaṣṭam. attāditi. dhitvātparatvāttātaṅ. tasya sthānivattvena hitve'pi na punardhitvaṃ, "vipratiṣedhe yadbādhitaṃ tadbādhitameve"ti nyāyāt. attam atta. adānīti. "āḍuttamasye"tyāḍāgamaḥ. etadarthameva āḍāgame dīrghoccāraṇamiti bhāvaḥ. adāva adāma. lahi ād t iti sthite--

juhudhi. `ghasibhasorhalī'tyato halītyanuvarttya halāderiti vyākhyānāt rudihi svapihītyādāviḍāderherdhirna bhavati, `attā'dityatra tu dhitvātparatvāttātaṅi kṛte sthānivadbhāvena punardhitvaṃ tu `sakṛdgatau' iti nyāyānnetyāhuḥ. anye tu– - herdhirityatra sthānyādeśayodrvayorapīkāra uccāraṇārthaṃ iti hakārasya dhakāra ādeśaḥ, tena halītyanuvṛttirna kartavyā, nāpi tātaṅo dhitvaprasaṅga iti sakṛdgatinyāyāśrayaṇamapi māstvityāhuḥ.

hujhalbhyo herdhiḥ 225, 6.4.101 juhudhi. "ghasibhasorhalī"tyato halītyanuvarttya halāderiti vyākhyānāt rudihi svapihītyādāviḍāderherdhirna bhavati, "attā"dityatra tu dhitvātparatvāttātaṅi kṛte sthānivadbhāvena punardhitvaṃ tu "sakṛdgatau" iti nyāyānnetyāhuḥ. anye tu--- herdhirityatra sthānyādeśayodrvayorapīkāra uccāraṇārthaṃ iti hakārasya dhakāra ādeśaḥ, tena halītyanuvṛttirna kartavyā, nāpi tātaṅo dhitvaprasaṅga iti sakṛdgatinyāyāśrayaṇamapi māstvityāhuḥ.