1/32:hṛddyubhyām ṅeḥ upasaṅkhyānam |*
2/32:hṛddyubhyām ṅeḥ upasaṅkhyānam kartavyam |
3/32:hṛdispṛk , divispṛk |
4/32:anyārthe ca |*
5/32:anyārthe ca eṣā saptamī draṣṭavyā |
6/32:hṛdayam spṛśati iti hṛdispṛk |
7/32:divam śprśati iti divispṛk |
8/32:haladantādhikāre goḥ upasaṅkhyānam |*
9/32:haladantādhikāre goḥ upasaṅkhyānam kartavyam |
10/32:gaviṣthiraḥ |
11/32:na kartavyam |
12/32:lukaḥ avādeśaḥ vipratiṣedhena |
13/32:luk kriyatām avādeśaḥ iti avādeśaḥ bhaviṣyati vipratiṣedhena |
14/32:avādeśe kṛte halantāt iti eva siddham |
15/32:lukaḥ avādeśaḥ vipratiṣedhena iti cet bhūmipāśe atiprasaṅgaḥ |*
16/32:lukaḥ avādeśaḥ vipratiṣedhena iti cet bhūmipāśe atiprasaṅgaḥ bhavati |
17/32:bhūmyām pāśaḥ , bhūmipāśaḥ |
18/32:akaḥ ataḥ iti vā sandhyakṣarārtham |*
19/32:evam tarhi aviśeṣeṇa saptamyāḥ alukam uktvā akaḥ ataḥ iti vakṣyāmi |
20/32:tat niyamārtham bhaviṣyati |
21/32:akaḥ ataḥ iti eva bhavati na anyataḥ iti |
22/32:tena sandhyakṣarāṇām siddham bhavati |
23/32:sidhyati |
24/32:sūtram tarhi bhidyate |
25/32:yathānyāsam eva astu |
26/32:nanu ca uktam haladantādhikāre goḥ upasaṅkhyānam iti |
27/32:na eṣaḥ doṣaḥ |
28/32:nipātanāt etat siddham |
29/32:kim nipātanam |
30/32:gaviṣṭhiraśabdaḥ vidādiṣu paṭhyate |
31/32:asakṛt khalu api nipātanam kriyate |
32/32:gaviyudhibhyā sthiraḥ iti |

halantādadantāc ca uttarasyāḥ saptamyāḥ saṃjñāyām alug bhavati. yudhiṣṭhiraḥ. tvacisāraḥ. gaviṣṭhiraḥ ityatra tu gaviyudhibhyāṃ sthiraḥ 8-3-95 ityata eva vacanādaluk. adantāt araṇyetilakāḥ. araṇyemāṣakāḥ. vanekiṃśukāḥ. vaneharidrakāḥ. vanebalbajakāḥ. purvāhṇesphoṭakāḥ. kūpepiśācakāḥ. haladantāditi kim? nadyāṃ kukkuṭikā nadīkukkuṭikā. bhūmyāṃ pāśāḥ bhūmipāśāḥ. saṃjñāyām iti kim? akṣaśauṇḍaḥ. hṛddyubhāṃ ṅeḥ. hṛd divityetebhyām uttarasya ṅeralug bhavati. hṛdispṛk. divispṛk.

haladantāt saptamyāḥ saṃjñāyām 6.3.9 halantādadantāc ca uttarasyāḥ saptamyāḥ saṃjñāyām alug bhavati. yudhiṣṭhiraḥ. tvacisāraḥ. gaviṣṭhiraḥ ityatra tu gaviyudhibhyāṃ sthiraḥ 8.3.95 ityata eva vacanādaluk. adantāt araṇyetilakāḥ. araṇyemāṣakāḥ. vanekiṃśukāḥ. vaneharidrakāḥ. vanebalbajakāḥ. purvāhṇesphoṭakāḥ. kūpepiśācakāḥ. haladantāditi kim? nadyāṃ kukkuṭikā nadīkukkuṭikā. bhūmyāṃ pāśāḥ bhūmipāśāḥ. saṃjñāyām iti kim? akṣaśauṇḍaḥ. hṛddyubhāṃ ṅeḥ. hṛd divityetebhyām uttarasya ṅeralug bhavati. hṛdispṛk. divispṛk.

haladantātsaptamyāḥ saṃjñāyām?. , 6.3.8 "yudhiṣṭhiraḥ" iti. "saṃjñāyām()" 2.1.43 iti samāsaḥ, "gaviyudhibhyāṃ sthiraḥ" 8.3.95 iti ṣatvam(). atha gaviṣṭhira ityatra kathamaluk(), na hi gośabdo halantaḥ, nāpyadantaḥ? syādetat()--go+i+sthira iti sthite'ntaraṅgatvādavādeśe kṛte halantatvādbhaviṣyati, etacca nāsti; yataḥ "antaraṅgānapi vidhīn? vahiraṅgo lug? bādhate" (vyā.pa.128) iti, avaśyaṃ caitadabhyupeyam(); anyathā hi nadyāṃ kukkuṭikā nadīkukkuṭika, bhūmyāṃ pāśo bhūmipāśa ityatrāpi yaṇādeśe kṛte'luk? prasajyeta? ityata āha--"gaviṣṭhira ityatra tu" ityādi. "hmaddyubhyām()" iti. asaṃjñārthamidam(). vaktavyamiti vyākhyeyamityarthaḥ. vyākhyānaṃ cottaratra kariṣyate. atha vehāpi kriyate--ihāntagrahaṇaṃ na katrtavyam(), vināpi tena sapatamyā prātipadike sannidhāpite haladantatā labhyata eva, tasamādadhikamihāntagrahaṇaṃ kriyate, tadadhikaṃ kriyamāṇametat? sūcayati--adhikenāyamalugbhavatīti. tena kvacidasaṃjñāyāmalugbhavatīti. "hmadispṛgdivispṛk()" iti. "spṛśo'nudake kvin()" 3.2.58 "kvinpratyasya kuḥ" 8.2.62 ti śakārasya khakāraḥ, tasya "jhalāṃ jaśo'nte" 8.2.39 iti jaśtvam()--gakāraḥ, tasyāpi "vā'vasāne" 8.4.55 iti catrvam()--kakāraḥ. atra cāyamarthaḥ--hmadayaṃ spṛśati, divaṃ spṛśatīti. tathā hi bhāṣye uktam()--"dvitīyārthe saptamī caiṣā draṣṭavayā, hmadayaṃ spṛśati, divaṃ spṛśatīti "hmavispṛk(), divispṛka" iti. kathaṃ punaḥ dvitīyārthe sā bhavati? ata eva bhāṣyakāravacanāt(). atha vā--hmadayaṃ yaḥ spṛśati sa hmadaye spṛśatyeva, divaṃ yaḥ spṛśati sa divi spṛśatyeva atra "adhikaraṇe" 2.3.36 ityevaṃ bhaviṣyati saptamī. ākhyāgrahaṇe prakṛte punaḥ saṃjñāgrahaṇaṃ vispaṣṭārtham()॥

halantādadantācca saptamyā aluk. kaṇṭhekālaḥ. prāptamudakaṃ yaṃ sa prāptodako grāmaḥ. ūḍharatho'naḍvān. upahṛtapaśū rudraḥ. uddhṛtaudanā sthālī. pītāmbaro hariḥ. vīrapuruṣako grāmaḥ. (prādibhyo dhātujasya vācyo vā cottarapadalopaḥ). prapatitaparṇaḥ, praparṇaḥ. (naño'styarthānāṃ vācyo vā cottarapadalopaḥ) avidyamānaputraḥ, aputraḥ..

halantātsaptamyāḥ saṃjñāyām 971, 6.3.8 halantādadantācca saptamyā aluk. kaṇṭhekālaḥ. prāptamudakaṃ yaṃ sa prāptodako grāmaḥ. ūḍharatho'naḍvān. upahṛtapaśū rudraḥ. uddhṛtaudanā sthālī. pītāmbaro hariḥ. vīrapuruṣako grāmaḥ. (prādibhyo dhātujasya vācyo vā cottarapadalopaḥ). prapatitaparṇaḥ, praparṇaḥ. (naño'styarthānāṃ vācyo vā cottarapadalopaḥ) avidyamānaputraḥ, aputraḥ॥

haladantāt. tvacisāra iti. ata eva jñāpakādvyadhikaraṇapado bahuvrīhiḥ. `vaṃśe tvaksārakarmāratvacisāratṛṇadhvajāḥ' ityamaraḥ. atha halantasyodāharaṇāntaraṃ vakṣyati– yudhiṣṭhira iti. atra `ajiraśiśisasthire'tyuṇādisūtreṇa sthādhātoḥ kiraci sthiraśabdo vyutpāditaḥ.

haladantātsaptamyāḥ saṃjñāyām 951, 6.3.8 haladantāt. tvacisāra iti. ata eva jñāpakādvyadhikaraṇapado bahuvrīhiḥ. "vaṃśe tvaksārakarmāratvacisāratṛṇadhvajāḥ" ityamaraḥ. atha halantasyodāharaṇāntaraṃ vakṣyati--yudhiṣṭhira iti. atra "ajiraśiśisasthire"tyuṇādisūtreṇa sthādhātoḥ kiraci sthiraśabdo vyutpāditaḥ.