1/14:svāṅgagrahaṇam anuvartate utāho na |
2/14:kim ca ataḥ |
3/14:yadi anuvartate siddham hastebandhaḥ , hastabandhaḥ |
4/14:cakrebhandaḥ , cakrabandhaḥ iti na sidhyati |
5/14:atha nivṛttam siddham cakrebhandaḥ , cakrabandhaḥ |
6/14:hastebandhaḥ , hastabandhaḥ iti na sidhyati |
7/14:kim kāraṇam |
8/14:na insiddhabadhnātiṣu iti pratiṣedhaḥ prāpnoti |
9/14:na eṣaḥ doṣaḥ |
10/14:sarvatra eva atra uttarapadādhikare tatpuruṣed kṛti bahulam iti prāpte na insiddhabadhnātiṣu iti pratiṣedhaḥ ucyate |
11/14:tasmin nitye prāpte iyam vibhāṣā ārabhyate |
12/14:evam api na jñāyate kasmin viṣaye vibhāṣā kasmin viṣaye pratiṣedhaḥ iti |
13/14:ghañantasya idam bandhaśabdasya grahaṇam pratiṣedhe punaḥ dhātugrahaṇam |
14/14:ghañante vibhāṣā anyatra pratiṣedhaḥ |

bandhaḥ iti ghañanto gṛhyate. tasminnuttarapade haladanttaduttarasyāḥ saptamyāḥ vibhāṣā alug bhavati. hastebandhaḥ, hastabandhaḥ. cakrebandhaḥ, cakrabandhaḥ. ubhayatra vibhāṣeyam. svaṅgād dhi bahuvrihau pūrveṇa nityam aluk prāpnoti, tatpuruṣe tu svaṅgādasvāṅgāc ca nainsiddhabadhnātisu ca 6-3-19 iti pratiṣedhaḥ prāpnoti. haladantādityeva, guptibandhaḥ.

bhandhe ca vibhāṣā 6.3.13 bandhaḥ iti ghañanto gṛhyate. tasminnuttarapade haladanttaduttarasyāḥ saptamyāḥ vibhāṣā alug bhavati. hastebandhaḥ, hastabandhaḥ. cakrebandhaḥ, cakrabandhaḥ. ubhayatra vibhāṣeyam. svaṅgād dhi bahuvrihau pūrveṇa nityam aluk prāpnoti, tatpuruṣe tu svaṅgādasvāṅgāc ca nainsiddhabadhnātisu ca 6.3.18 iti pratiṣedhaḥ prāpnoti. haladantādityeva, guptibandhaḥ.

bandhe ca vibhāṣā. , 6.3.12 "svāṅgāt()" 6.3.11 iti nivṛttam(), sāmānyena vidhiḥ. "bandhe" iti. badhnāteretadrūpam(). "nentsiddhabadhnātiṣu ca" 6.3.18 ityanena tatpuruṣe badhnātau pratiṣedhaṃ vakṣyanti. tatra viṣayavibhāgo na jñāyate--tatpuruṣe kva ca pratiṣedhaḥ? ityatastatparijñānārthamāha--"bandha iti dhañanto gṛhrate" iti. bandhanaṃ banadhaḥ, bhāve ghañ(). anena dhañante badhnātau vibhāṣā. pratyayāntare tu pratiṣedha iti darśitaṃ bhavati. kathaṃ punajrñāyate--ghañanto'yamiti? ādyudāttatvāt(). "hastebandhaḥ" iti. tatpuruṣaḥ, bahuvrīhirvā. "ubhayatra" iti. prāpte cāprāpte ca kathaṃ punarubhayatra vibhāṣeyam()? ityāha--"svāṅgāddhi" ityādi॥

bandhe ca vibhāṣā. śeṣapūraṇena sūtraṃ vyācaṣṭe–haladantāditi. bastebandha iti. saṃjñāyāmiti saptamīttapuruṣo'yam. iha tatpuruṣa iti saṃbadhyate, `bandha' iti ghañantam, anyatra tu `nensiddhe'ti niṣedha iti spaṣṭa bhāṣye.

bandhe ca vibhāṣā 956, 6.3.12 bandhe ca vibhāṣā. śeṣapūraṇena sūtraṃ vyācaṣṭe--haladantāditi. bastebandha iti. saṃjñāyāmiti saptamīttapuruṣo'yam. iha tatpuruṣa iti saṃbadhyate, "bandha" iti ghañantam, anyatra tu "nensiddhe"ti niṣedha iti spaṣṭa bhāṣye.

bandhe ca vibhāṣā. bandha iti ghañantaḥ. hastebandha iti. bahuvrīhirayam. tatpuruṣe tu nensiddhabandhātiṣu ceti vakṣyamāṇena niṣedha evetyāhuḥ. apsavya iti. digāditvādyati orguṇe vāntādeśaḥ. prācā tu yataḥ sthāne jaṃ paṭhitvā apsujaḥ ityudāhmataṃ, tadākaraviruddham. \r\napo yoniyanmatuṣu. apsumantāviti. kārīryām apsvagne sadhiṣṭhava apsu me somo abrāvīdityājyabhāgamantrau staḥ. tatra hrapsuśabdo'stīti taddvārā ājyabhāgayorapyapsumattvam. prācā tu matiṣu iti paṭhitvā apsumatiḥ ityudāhmatam. atra kecit— apsvityetadanukaraṇaśabdaḥ saptamyanto na vā ?. ādye saptamyāntātprathamāyā abhāvena matubeva durlabhaḥ. antye tu lukaḥ prāptireva nāsti, saptamyabhāvāt. tathā ca matiṣu iti prācoktaḥ pāṭha eva yuktaḥ. na ca sa pāṭho bhāṣyādau na dṛṣṭa iti vācyaṃ, matiṣu iti pāṭhasya apsumatiḥ ityudāharaṇasya ca bhāṣyavṛttyādipustakeṣu dṛśyamānatvena matuṣviti pāṭhasyaiva kkāpyadarśanāt, vyarthatvācca. asyavāmīyaṃ kathāśubhīyam ityādāviva luki kartavye prakṛtiprakṛtivadanukaraṇamityatideśā'pravṛttyaiveṣṭasiddherityāhuḥ.

bandhe ca vibhāṣā 824, 6.3.12 bandhe ca vibhāṣā. bandha iti ghañantaḥ. hastebandha iti. bahuvrīhirayam. tatpuruṣe tu nensiddhabandhātiṣu ceti vakṣyamāṇena niṣedha evetyāhuḥ. apsavya iti. digāditvādyati orguṇe vāntādeśaḥ. prācā tu yataḥ sthāne jaṃ paṭhitvā apsujaḥ ityudāhmataṃ, tadākaraviruddham. apo yoniyanmatuṣu. apsumantāviti. kārīryām apsvagne sadhiṣṭhava apsu me somo abrāvīdityājyabhāgamantrau staḥ. tatra hrapsuśabdo'stīti taddvārā ājyabhāgayorapyapsumattvam. prācā tu matiṣu iti paṭhitvā apsumatiḥ ityudāhmatam. atra kecit--- apsvityetadanukaraṇaśabdaḥ saptamyanto na vā?. ādye saptamyāntātprathamāyā abhāvena matubeva durlabhaḥ. antye tu lukaḥ prāptireva nāsti, saptamyabhāvāt. tathā ca matiṣu iti prācoktaḥ pāṭha eva yuktaḥ. na ca sa pāṭho bhāṣyādau na dṛṣṭa iti vācyaṃ, matiṣu iti pāṭhasya apsumatiḥ ityudāharaṇasya ca bhāṣyavṛttyādipustakeṣu dṛśyamānatvena matuṣviti pāṭhasyaiva kkāpyadarśanāt, vyarthatvācca. asyavāmīyaṃ kathāśubhīyam ityādāviva luki kartavye prakṛtiprakṛtivadanukaraṇamityatideśā'pravṛttyaiveṣṭasiddherityāhuḥ.