bhaktamannam, tadākhyās tadvācinaḥ śabdāḥ, tadartheṣu uttarapadeṣu ādyudāttā bavanti. bhikṣākaṃsaḥ. śrāṇākaṃsaḥ. bhājīkaṃsaḥ. bhikṣādayo 'nnavacanāḥ. bhaktākhyāḥ iti kim? samāśaśālayaḥ. samaśanaṃ samāśaḥ iti kriyāmātram ucyate, na dravyam. tadarthesu iti kim? bhikṣāpriyaḥ. bahuvrīhirayam, atra pūrvapadam antodāttam.

bhaktā'khyās tadartheṣu 6.2.71 bhaktamannam, tadākhyās tadvācinaḥ śabdāḥ, tadartheṣu uttarapadeṣu ādyudāttā bavanti. bhikṣākaṃsaḥ. śrāṇākaṃsaḥ. bhājīkaṃsaḥ. bhikṣādayo 'nnavacanāḥ. bhaktākhyāḥ iti kim? samāśaśālayaḥ. samaśanaṃ samāśaḥ iti kriyāmātram ucyate, na dravyam. tadarthesu iti kim? bhikṣāpriyaḥ. bahuvrīhirayam, atra pūrvapadam antodāttam.

bhaktakhyāstadartheṣu. , 6.2.71 ākhyāgrahaṇaṃ svarūpavidhinirāsārtham(). nanu ca bahuvacanādeva svarūpavidhirna bhaviṣyati? naitadasti; bahuvacanaṃ hretadarthasyaiva bahutvamācakṣīta--bahvarthavṛttiryo bhaktaśabda iti. api ca bahuvacanena svarūpavidhau bādhite'nnādaya eva ye bhaktaśabdena samāsārthaparyāyāste gṛhreran(), na tu bhakataviśeṣavācino bhikṣādayaḥ. ākhyāgrahaṇe tu svarūpavidau bādhite bahuvacanena tadviśeṣāṇāṃ grahaṇaṃ sampadyate. tasmā idaṃ tadartham(). tacchabdena bhaktākhyānāmartho nirdiśyate. "bhikṣākaṃsaḥ" ityevamādayaḥ "caturthī tadarthārtha" 2.1.35 iti caturthīsamāsāḥ. nanu ca prakṛtivikṛtigrahaṇaṃ tatra codyate, na ceha prakṛtivikārabhāvaḥ? satyametat(); idameva tu vacanaṃ jñāpakam--bhaktākhyāyāṃ tādathryamātre caturthī samasyata iti. "samaśanaṃ samāśaḥ" iti. "aśū bhojane" (dhā.pā.1523) [aśa bhojane--dhā.pā] ityasmāt? sampūrvādbhāve ghañ(). "kriyāmātramucyate" iti. mātraśabdena bhaktavyavacchedaṃ karoti. "atra pūrvapadamantodāttam()" iti. bhikṣāśabdaḥ "gurośca halaḥ" 3.3.103 iti bhikṣerapratyayaṃ kṛtvā vyutpādyate, śrāṇāśabdo'pi "śrai pāke" (dhā.pā.919) ityasmāt? ktapratyayam(). tena dvāvapi pratyayasvareṇāntodāttau. "bahuvrīhau prakṛtyā" 6.2.1 iti prakṛtibhāvenāntodāttādeva bhavataḥ. samāsasavarāpavādo yogaḥ॥