utpucchaśabde tatpuruṣe vibhāṣā anta udātto bhavati. utkrāntaḥ pucchātutpucchaḥ, utpucchaḥ. yadā tu pucchamudasyati utpucchayati, utpuccayateracutpucchaḥ, tadā thāthādisūtreṇa nityam antodāttatve prāpte vikalpo 'yam iti seyam ubhayatra vibhāṣa bhavati. tatpuruṣe ityeva udastaṃ puccham asya utpucchaḥ.

vibhāṣā utpucche 6.2.196 utpucchaśabde tatpuruṣe vibhāṣā anta udātto bhavati. utkrāntaḥ pucchātutpucchaḥ, utpucchaḥ. yadā tu pucchamudasyati utpucchayati, utpuccayateracutpucchaḥ, tadā thāthādisūtreṇa nityam antodāttatve prāpte vikalpo 'yam iti seyam ubhayatra vibhāṣa bhavati. tatpuruṣe ityeva udastaṃ puccham asya utpucchaḥ.

vibhāṣotpucche. , 6.2.195 "utpucchaḥ" iti. pucchaśabdaḥ "nabviṣayasya" (phi.sū.2.26) ityādyudāttaḥ. "seyamubhayatra vibhāṣā bhavati" iti. yadotpucchaśabdo'cpratyayānto na bhavati tadā samāsāntodāttatvam(). yadā samāsāntodāttatvāpavādaḥ "tatpuruṣe tulyārtha" 6.2.2 ityādinā pūrvapadasyāvyayasya prakṛtisvaraḥ, tadā tenāprāptesminnantodāttatve vibhāṣeyam(). yadā tu pucchamudasyatītyasyārthasya vivakṣāyāṃ "pucchabhāṇḍacīvarāṇṇiṅ()" 3.1.20 ti ṇiṅaṃ vidāya tadantādutpucchayateḥ pacādyaci kṛte utpuccha ityetacchapabdarūpaṃ bhavati, tadā thāthādisvareṇa 6.2.143 nityamantodāttatve prāpte'yaṃ vikalpaḥ. tena prāpte vibhāṣeyam(). "udastaṃ pucchamasyotpacchaḥ" iti. bahuvrīhiprakṛtisvara eva bhavati॥