1/6:kimartham idam ucyate na upasargāt svāṅgam dhruvam iti eva siddham |
2/6:abheḥ mukham apāt ca adhruvārtham |*
3/6:adhruvārthaḥ ayam ārambhaḥ |
4/6:abhuvrīhyartham vā |*
5/6:atha vā bahuvrīheḥ iti vartate |
6/6:abhuvrīhyarthaḥ ayam ārambhaḥ |

abheruttaraṃ mukham antodāttaṃ bhavati. abhimukhaḥ. bahuvrīhirayam prādisamāso vā. avyayībhāve tu samāsāntodāttatvena eva siddham. upasargāt svāṅgam 6-2-177 iti siddhe vacanam abahuvrīhyartham adhruvārtham asvāṅgārthaṃ ca. abhimukhā śālā.

abher mukham 6.2.185 abheruttaraṃ mukham antodāttaṃ bhavati. abhimukhaḥ. bahuvrīhirayam prādisamāso vā. avyayībhāve tu samāsāntodāttatvena eva siddham. upasargāt svāṅgam 6.2.176 iti siddhe vacanam abahuvrīhyartham adhruvārtham asvāṅgārthaṃ ca. abhimukhā śālā.

abhermukham?. , 6.2.184 "abhimukhaḥ" iti. mukhaśabda uktasvaraḥ. abhiśabdo'ntodāttaḥ. "bahuvrīhirayam()" ityādi. yadā bahuvrīhistadā--abhigataṃ mukhamaneneti vigrahaḥ. yadā tu prādisamāsastadā abhigato mukham(), abhigato vā mukheneti. kasmādayamavyayībhāvo na bhavati? ityāha--"avyayībāve tu" ityādi. "vacanamidamabahuvrīhrartham()" iti. yadā mukhaṃ dhruvaṃ bhavati tadā'dhruvārtham(), asvāṅgārtha ceti. adhruvamasvāṅgañca mukhaṃ bahuvrīhāvapi yadā bhavati. "abhimukhā śālā" iti. abhigataṃ mukhaṃ yasyā iti bahuvrīhiḥ. atra "upasargāt? svāṅgam()" 6.2.176 iti na sidhyati; mukhaśabdasyāsvāṅgavācitvāt()॥