1/66:sambuddhilope ḍatarādibhyaḥ pratiṣedhaḥ |*
2/66:sambuddhilope ḍatarādibhyaḥ pratiṣedhaḥ vaktavyaḥ |
3/66:he katarat, he katamat |
4/66:kim ucyate ḍatarādibhyaḥ pratiṣedhaḥ vaktavyaḥ iti yadā apṛktasya iti anuvartate |
5/66:apṛktādhikārasya nivṛttatvāt |*
6/66:nivṛttaḥ apṛktādhikāraḥ |
7/66:kim ḍatarādibhyaḥ pratiṣedham vakṣyāmi iti apṛktādhikāraḥ nivartyate |
8/66:na iti āha |
9/66:tat ca amartham |*
10/66:saḥ ca avaśyam apṛktādhikāraḥ nivartyaḥ |
11/66:kimartham |
12/66:amartham |
13/66:amaḥ lopaḥ yathā syāt |
14/66:he kuṇḍa , he pīṭha |
15/66:nivṛtte api apṛktādhikāre amaḥ lopaḥ na prāpnoti |
16/66:na hi lopaḥ sarvāpahārī |
17/66:mā bhūt sarvasya lopaḥ |
18/66:alaḥ antyasya vidhayaḥ bhavanti iti antyasya lope kṛte dvayoḥ akārayoḥ pararūpeṇa siddham rūpam syāt he kuṇḍa , he pīṭha iti |
19/66:yadi etat labhyeta kṛtam syāt |
20/66:tat tu na labhyate |
21/66:kim kāraṇam |
22/66:atra hi tasmāt iti uttarasya ādeḥ parasya iti akārasya lopaḥ prāpnoti |
23/66:akāralope ca sati makāre ataḥ dīrghaḥ yañi supi ca iti dīrghatve he kuṇḍām , he pīṭhām iti etat rūpam prasajyeta |
24/66:evam tarhi halaḥ lopaḥ sambuddhilopaḥ |
25/66:tat halgrahaṇam kartavyam |
26/66:na kartavyam |
27/66:prakṛtam anuvartate |
28/66:kva prakṛtam |
29/66:halṅyābbhyaḥ dīrghāt sutisi apṛktam hal iti |
30/66:tat vai prathamānirdiṣṭam ṣaṣṭhīnirdiṣṭena ca iha arthaḥ |
31/66:na eṣaḥ doṣaḥ |
32/66:eṅ hrasvāt iti eṣā pañcamī hal iti asyāḥ prathamāyāḥ ṣaṣṭhīm prakalpayiṣyati tasmāt iti uttarasya iti |
33/66:evam api prathamayoḥ pūrvasavarṇadīrghatve kṛte he pīṭhā iti etat rūpam prasajyeta |
34/66:ami pūrvatvam atra bādhakam bhaviṣyati |
35/66:ami iti ucyate na ca atra amam paśyāmaḥ |
36/66:ekadeśavikṛtam ananyavat bhavati iti |
37/66:atha vā idam iha sampradhāryam |
38/66:sambuddhilopaḥ kriyatām ekādeśaḥ iti |
39/66:kim atra kartavyam |
40/66:paratvāt ekādeśaḥ |
41/66:evam api ekādeśe kṛte vyapavargābhāvāt sambuddhilopaḥ na prāpnoti |
42/66:antādivadbhāvena vyapavargaḥ bhaviṣyati |
43/66:ubhayataḥ āśraye na antādivat |
44/66:na ubhayataḥ āśrayaḥ kariṣyate |
45/66:katham |
46/66:na evam vijñāyate |
47/66:hrasvāt uttarasyāḥ sambuddheḥ lopaḥ bhavati iti |
48/66:katham tarhi |
49/66:hrasvāt uttarasya halaḥ lopaḥ bhavati saḥ cet sambuddheḥ iti |
50/66:saḥ tarhi pratiṣedhaḥ vaktavyaḥ |
51/66:na vaktavyaḥ |
52/66:uktam vā |*
53/66:kim uktam |
54/66:siddham anunāsikopadhatvāt iti |
55/66:evam api dalopaḥ sādhīyaḥ prāpnoti |
56/66:dukkaraṇāt vā |
57/66:atha vā duk ḍatarādīnām iti vakṣyāmi |
58/66:ḍitkaraṇāt vā |
59/66:atha vā ḍit ayam śabdaḥ kariṣyate |
60/66:saḥ tarhi ḍakāraḥ kartavyaḥ |
61/66:na kartavyaḥ |
62/66:kriyate nyāse eva |
63/66:dviḍakāraḥ nirdeśaḥ adḍ ḍatarādibhyaḥ iti |
64/66:evam api lopaḥ prāpnoti |
65/66:vihitaviśeṣaṇam hrasvagrahaṇam |
66/66:yasmāt hrasvāt sambuddhiḥ vihitā iti |

1/20:apṛktasambuddhilopābhyām luk |*
2/20:apṛktasambuddhilopābhyām luk bhavati vipratiṣedhena |
3/20:apṛktalopasya avakāśaḥ gomān , yavamān |
4/20:lukaḥ avakāśaḥ trapu, jatu |
5/20:iha ubhayam prāpnoti |
6/20:tat brāhmaṇakulam , yat brāhmaṇakulam |
7/20:sambuddhilopasya avakāśaḥ he agne, he vāyo |
8/20:lukaḥ saḥ eva |
9/20:iha ubhayam prāpnoti |
10/20:he trapu , he jatu |
11/20:luk bhavati vipratiṣedhena |
12/20:saḥ tarhi vipratiṣedhaḥ vaktavyaḥ |
13/20:na vā lopalukoḥ lugavadhāraṇāt yathā anaḍuhyate iti |*
14/20:na vā arthaḥ vipratiṣedhena |
15/20:kim kāraṇam |
16/20:lopalukoḥ lugavadhāraṇāt |
17/20:lopalukoḥ hi luk avadhāryate |
18/20:luk lopayaṇayavāyāvekādeśebhyaḥ |
19/20:yathā anaḍuhyate iti |
20/20:tat yathā anaḍvān iva ācarati anaḍuhyate iti atra lopalukoḥ luk avadhāryate evam iha api |

lopaḥ iti vartate, haliti ca. apṛktam iti na adhikriyate, tathā ca pūrvasūtre punarapṛktagrahaṇaṃ kṛtam. eṅantāt prātipadikāt hrasvantāc ca paro hal lupyate sa cet sambuddher bhavati. eṅantāt he agne. he vāyo. hrasvāntāt he devadatta. he nadi. he vadhu. he kuṇḍa. kuṇḍaśabdātato 'm 7-1-24 iti am. ami pūrvaḥ 6-1-107 iti pūrvatve krte lahmātrasya makārasya lopaḥ. he kataratityatra ḍidayam adḍādeśaḥ, tatra ṭilope sati hrasvābhāvān na asti sambuddhilopaḥ. eṅgrahaṇam kriyate sambuddhiguṇabalīyastvāt.

eṅ hrasvāt sambuddheḥ 6.1.69 lopaḥ iti vartate, haliti ca. apṛktam iti na adhikriyate, tathā ca pūrvasūtre punarapṛktagrahaṇaṃ kṛtam. eṅantāt prātipadikāt hrasvantāc ca paro hal lupyate sa cet sambuddher bhavati. eṅantāt he agne. he vāyo. hrasvāntāt he devadatta. he nadi. he vadhu. he kuṇḍa. kuṇḍaśabdātato 'm 7.1.24 iti am. ami pūrvaḥ 6.1.103 iti pūrvatve krte lahmātrasya makārasya lopaḥ. he kataratityatra ḍidayam adḍādeśaḥ, tatra ṭilope sati hrasvābhāvān na asti sambuddhilopaḥ. eṅgrahaṇam kriyate sambuddhiguṇabalīyastvāt.

eṅhasvātsambuddheḥ. , 6.1.67 "haliti ca" iti. vatrtata ityapekṣate. yadi haliti nānuvatrteta, tadā he kuṇḍa+su iti sthite lopāt? paratvādambhāve kṛte "ādeḥ parasya" 1.1.53 ityakāralope "supi ca" 7.3.102 iti dīrghatve ca he kuṇḍamityaniṣṭaṃ rūpaṃ syādityabhiprāyaḥ. "apṛktamiti nādhikriyate" iti. yadi hrapṛktamihānuvarteta, tarhi he kuṇḍetyatra lopo na syāt(); apṛktasaṃjñāyā abhāvāditi bhāvaḥ. kathaṃ punajrñāyate--apukta iha nānuvatrtate? ityāha--"tathā ca" ityādi. tathā ceti hitau. yasmāt pūrvasūtre'pṛktagrahaṇaṃ kṛtamato'vasīyate--nātra prakaraṇe'pṛktagrahaṇasyānuvṛttirastauti; anyathā hi "verapṛktasya" 6.1.65 ityata evāpṛktagrahaṇamanuvarttiṣyata iti punarapṛktagrahaṇaṃ pūrvasūtre na kriyeteti. "sa cet? sambuddherbhavati" iti. yadi sambuddheḥ sambaddho bhavatītyarthaḥ. etena sambuddherityasyāvayavaṣaṣṭha()ntatāṃ darśayati. "he agne, he vāyo" iti. "hyasvasya guṇaḥ" 7.3.108. "he nadi, he vadhu" iti. "ambārthanadyohryasvaḥ" 7.3.107 iti hyasvatvam(). "halmātrasya makārasya lopaḥ" iti. halityanuvṛtteḥ. he kataradityatraikādeśe kṛte hyasvāt? sambuddherhal? bhavatīti tasya lopaḥ kasmānna bhavati? ityāha--"he katarat()" ityādi. "adḍḍatarādibhyaḥ" (7.1.25) ityatra dviḍakāranirdeśāt? ḍicchabda ādeśo bhavatīti ḍitvāṭ? ṭilope hyasavo nāstīti na bhavati lopaḥ. athaiṅgrahaṇaṃ kimartham(), yāvatā he agne ityādāvapi prāgeva sambud()dhiguṇād? hyasvādityevaṃ lope na bhavitavyam()? ityata āha--"eṅgrahaṇam()" ityādi. nityatvāt? paratvācca sambuddhigumo balīyāniti tanaiva tāvat? bhavitavyam(), tatra kṛte hyasvāt? paraḥ sambuddherhal? na sambhavatīti lopo na prāpnoti, ata eṅgrahaṇaṃ kriyate. nanu ca vihitaviśeṣaṇaṃ vijñāsyate--hyasvādvihitāyāḥ sambuddheriti? naitadasti; ekā hīyaṃ pañcamī, tatra yadi hyasvādvihiti viśeṣaṇaṃ vijñāyate tadaiṅantādapi vijñāyeta. tathā ca --he gaurityatrāpi syāt(). tasmādeṅgrahaṇaṃ katrtavyam()॥

eṅhrasvātsambuddheḥ 134, 6.1.67 eṅantāddhrasvāntāccāṅgāddhallupyate sambuddheścet. he rāma. he rāmau. he rāmāḥ॥

eṅhyasvāt. `eṅhyasvā'dityaṅgaviśeṣaṇaṃ, tadantavidhiḥ. sutisyapṛktaṃ halityato haliti prathamāntamanuvartate, taccāṅgādityatrānveti - `aṅgāt paraṃ ha'siti. `lopo vyo'rityato `lopa' ityanuvartate. tacca halityanena sāmānādhikaraṇyenānveti. lupyate iti lopaḥ. karmaṇi ghañ. `saṃbuddhe'rityavayavaṣaṣṭhī- halityatrānveti. tatasca eṅantāddhrasvāntāccāṅgātparaṃ yat saṃbuddhyavayavabhūtaṃ `tallupyate ityarthaḥ phalati. tadāha–eṅantādityādinā. nanu eṅhyasvādityasyāṅgadhikārasthatvābhāvāt kathamaṅgasya viśeṣyatvalābhaḥ. tasya vā kiṃ prayojanam. eṅo hyasvācca paraṃ saṃbuddhyavayavabhūtaṃ hallupyata ityevāstu. tatrāha- sambuddhyakṣiptasyetyādi. saṃbuddheḥ pratyayatvāttatprakṛteraṅgatvamarthāllabdham. tasya ca eṅā hyasvena ca viśeṣitatvāttadantavidhau eṅantāddhrasvāntāccāṅgātparaṃ hallupyata ityarthalābhādiha lopo netyarthaḥ. ihetyasya viśeṣyamāha-he kataratkuletīti. kataraśabdasya napuṃsakatvasphoraṇāya kulaśabdaḥ. kataraśabdānnapuṃsakaliṅgātsaṃbuddhiḥ suḥ. `ad?ḍādeśaḥ. ḍakāra it. ḍittvasāmathryādabhatve'pi ṭeriti rephādakārasya lopaḥ `vā'vasāna#e' iti cartve kataraditi rūpam. yadi eṅhyasvādityatrāṅgasya viśeṣyatvaṃ na syāt, tadā kataradityatra takārasya halo hyasvādakārāt paratvātsaṃbuddhyavayavatvācca lopaḥ prasajyeta. aṅgasya viśeṣyatve tu na doṣaḥ. atra hi ṭilopānantaraṃ katariti rephāntamaṅgam. tattu na hyasvāntam. yattu tannāṅgam. rephādakārasya susthānikādḍādeśāvayavatvena pratyayāvayavatayā prakṛtibhāgānantarbhāvāt. nanviha halgrahaṇānuvṛttivryarthā, eṅantāddhrasvāntāccāṅgātparasya saṃbuddherlopaḥ syādityeva vyākhyāyātām. astu vā halanuvṛttiḥ , tathāpi `eṅantāddhrasvāntāccāṅgātparā yā saṃbuddhistadavayavo hallupyate' iti kuto na vyākhyāyata iti cet, evaṃ sati he jñānāti na sidhyet. tadidamajantanapuṃsakaliṅgādhikāre jñānaśabdāprakriyāvāsare mūla eva spaṣṭībhaviṣyati. he hare he viṣṇo iti. hariśabdādviṣṇuśabdācca saṃbuddhiḥ suḥ. `hyasvasya guṇa' iti guṇaḥ. he hares, he viṣṇositi sthite, hyasvātparatvā'bhāvātsulopo na syādata eṅgrahaṇamityarthaḥ. nanu guṇātpūrvaṃ he hari s, he viṣṇu sityasyāmeva daśāyāṃ hyasvātparatvādeva sulopasaṃbhavādeṅgragrahaṇaṃ vyarthamityata āha–atreti. saṃbuddhilopāpekṣayā'yaṃ guṇaḥ paraḥ, nityaśca, akṛte'pi saṃbuddhilope tatpravṛtteḥ, kṛte.ñapi saṃbuddhilope pratyayalakṣaṇamāśritya tatpravṛtteḥ, kṛte'pi saṃbuddhilope pratyayalakṣaṇamāśritya tatpravṛtte, ataḥ saṃbuddhilopātprāgeva hyasvasya guṇe kṛte sati hyasvātparatvā.ñabhāvātsorlopo na syāt. ata eṅgrahaṇamityarthaḥ. \r\natha dvitīyā vibhaktiḥ. rāma amiti sthite, `na vibhaktau tusmā' iti makārasya nettvam.

eṅ?hyasvātsaṃbuddheḥ 192, 6.1.67 eṅhyasvāt. "eṅhyasvā"dityaṅgaviśeṣaṇaṃ, tadantavidhiḥ. sutisyapṛktaṃ halityato haliti prathamāntamanuvartate, taccāṅgādityatrānveti - "aṅgāt paraṃ ha"siti. "lopo vyo"rityato "lopa" ityanuvartate. tacca halityanena sāmānādhikaraṇyenānveti. lupyate iti lopaḥ. karmaṇi ghañ. "saṃbuddhe"rityavayavaṣaṣṭhī-halityatrānveti. tatasca eṅantāddhrasvāntāccāṅgātparaṃ yat saṃbuddhyavayavabhūtaṃ "tallupyate ityarthaḥ phalati. tadāha--eṅantādityādinā. nanu eṅhyasvādityasyāṅgadhikārasthatvābhāvāt kathamaṅgasya viśeṣyatvalābhaḥ. tasya vā kiṃ prayojanam. eṅo hyasvācca paraṃ saṃbuddhyavayavabhūtaṃ hallupyata ityevāstu. tatrāha-sambuddhyakṣiptasyetyādi. saṃbuddheḥ pratyayatvāttatprakṛteraṅgatvamarthāllabdham. tasya ca eṅā hyasvena ca viśeṣitatvāttadantavidhau eṅantāddhrasvāntāccāṅgātparaṃ hallupyata ityarthalābhādiha lopo netyarthaḥ. ihetyasya viśeṣyamāha-he kataratkuletīti. kataraśabdasya napuṃsakatvasphoraṇāya kulaśabdaḥ. kataraśabdānnapuṃsakaliṅgātsaṃbuddhiḥ suḥ. "ad()ḍādeśaḥ. ḍakāra it. ḍittvasāmathryādabhatve'pi ṭeriti rephādakārasya lopaḥ "vā'vasāna#e" iti cartve kataraditi rūpam. yadi eṅhyasvādityatrāṅgasya viśeṣyatvaṃ na syāt, tadā kataradityatra takārasya halo hyasvādakārāt paratvātsaṃbuddhyavayavatvācca lopaḥ prasajyeta. aṅgasya viśeṣyatve tu na doṣaḥ. atra hi ṭilopānantaraṃ katariti rephāntamaṅgam. tattu na hyasvāntam. yattu tannāṅgam. rephādakārasya susthānikādḍādeśāvayavatvena pratyayāvayavatayā prakṛtibhāgānantarbhāvāt. nanviha halgrahaṇānuvṛttivryarthā, eṅantāddhrasvāntāccāṅgātparasya saṃbuddherlopaḥ syādityeva vyākhyāyātām. astu vā halanuvṛttiḥ , tathāpi "eṅantāddhrasvāntāccāṅgātparā yā saṃbuddhistadavayavo hallupyate" iti kuto na vyākhyāyata iti cet, evaṃ sati he jñānāti na sidhyet. tadidamajantanapuṃsakaliṅgādhikāre jñānaśabdāprakriyāvāsare mūla eva spaṣṭībhaviṣyati. he hare he viṣṇo iti. hariśabdādviṣṇuśabdācca saṃbuddhiḥ suḥ. "hyasvasya guṇa" iti guṇaḥ. he hares, he viṣṇositi sthite, hyasvātparatvā'bhāvātsulopo na syādata eṅgrahaṇamityarthaḥ. nanu guṇātpūrvaṃ he hari s, he viṣṇu sityasyāmeva daśāyāṃ hyasvātparatvādeva sulopasaṃbhavādeṅgragrahaṇaṃ vyarthamityata āha--atreti. saṃbuddhilopāpekṣayā'yaṃ guṇaḥ paraḥ, nityaśca, akṛte'pi saṃbuddhilope tatpravṛtteḥ, kṛte.ñapi saṃbuddhilope pratyayalakṣaṇamāśritya tatpravṛtteḥ, kṛte'pi saṃbuddhilope pratyayalakṣaṇamāśritya tatpravṛtte, ataḥ saṃbuddhilopātprāgeva hyasvasya guṇe kṛte sati hyasvātparatvā.ñabhāvātsorlopo na syāt. ata eṅgrahaṇamityarthaḥ. atha dvitīyā vibhaktiḥ. rāma amiti sthite, "na vibhaktau tusmā" iti makārasya nettvam.

saṃbuddhyākṣiptasyeti. tadantasyaiva saṃjñābhyupagame tu sambuddhyā'ṅgamākṣeptuṃ na śakyate iti bodhyam. hyasvātparatvaṃ nāstīti. tathā ca sūtre eṅgrahaṇamāvaśyakamiti bhāvaḥ. kiṃ ca `imāṃ kimācāmayase na cakṣuṣī'iti śrīharṣaprayoge `se' iti pṛthakpadaṃ, `salakṣmīke he damayantī'tyartha iti `nigaraṇacalanārthebhyaśce'ti sūtre manoramāyāṃ vyutpāditam. tataśca tatrāpi saṃbuddhilopārthameṅgrahaṇamāvaśyakameva. syādetat. eṅgrahaṇasya `se' ityatra sāvakāśatayā `he hare' ityādau saṃbuddhilopo na syāt, saṃnipātaparibhāṣāvirodhāt. tathā hyasvagrahaṇasyāpi `he rāme'tyatra sāvakāśatvāt `he gaurī'-tyādau paratvāddhalṅyādilopaṃ bādhitvā `ambārthanādyo'riti hyasve kṛte saṃbuddhilopo na syāt. lakṣmīśabde tu halṅyādilopasyāpyabhāvāddhe lakṣmītyatra sutarāṃ saṃbuddhilopo na syāt. satyam, `guṇātsaṃbuddhe'riti vaktavye eṅhyasvagrahaṇasāmathryātsaṃnipātaparibhāṣāṃ bādhitvā'pi saṃbuddhilopaḥ pravartate iti dik.

eṅhyasvātsaṃbuddheḥ 160, 6.1.67 saṃbuddhyākṣiptasyeti. tadantasyaiva saṃjñābhyupagame tu sambuddhyā'ṅgamākṣeptuṃ na śakyate iti bodhyam. hyasvātparatvaṃ nāstīti. tathā ca sūtre eṅgrahaṇamāvaśyakamiti bhāvaḥ. kiṃ ca "imāṃ kimācāmayase na cakṣuṣī"iti śrīharṣaprayoge "se" iti pṛthakpadaṃ, "salakṣmīke he damayantī"tyartha iti "nigaraṇacalanārthebhyaśce"ti sūtre manoramāyāṃ vyutpāditam. tataśca tatrāpi saṃbuddhilopārthameṅgrahaṇamāvaśyakameva. syādetat. eṅgrahaṇasya "se" ityatra sāvakāśatayā "he hare" ityādau saṃbuddhilopo na syāt, saṃnipātaparibhāṣāvirodhāt. tathā hyasvagrahaṇasyāpi "he rāme"tyatra sāvakāśatvāt "he gaurī"-tyādau paratvāddhalṅyādilopaṃ bādhitvā "ambārthanādyo"riti hyasve kṛte saṃbuddhilopo na syāt. lakṣmīśabde tu halṅyādilopasyāpyabhāvāddhe lakṣmītyatra sutarāṃ saṃbuddhilopo na syāt. satyam, "guṇātsaṃbuddhe"riti vaktavye eṅhyasvagrahaṇasāmathryātsaṃnipātaparibhāṣāṃ bādhitvā'pi saṃbuddhilopaḥ pravartate iti dik.