ṇau iti vartate, hetubhaye iti ca. nityagrahaṇād vibhāṣā iti nivṛttam. ṣmiṅīṣaddhasane ityasya dhātoḥ hetubhaye 'rthe ṇau parato nityamakārādeśo bhavati. muṇḍo vismāpayate. jaṭilo vismāpayate. bhaye iti kim? kuñcikayā enaṃ vismāpayati. bhayaśabdena hetvarthasāmānyā, iha smayaterartho 'bhidhīyate. na hi mukhye bhaye smayater vṛttirasti.

nityaṃ smayateḥ 6.1.57 ṇau iti vartate, hetubhaye iti ca. nityagrahaṇād vibhāṣā iti nivṛttam. ṣmiṅīṣaddhasane ityasya dhātoḥ hetubhaye 'rthe ṇau parato nityamakārādeśo bhavati. muṇḍo vismāpayate. jaṭilo vismāpayate. bhaye iti kim? kuñcikayā enaṃ vismāpayati. bhayaśabdena hetvarthasāmānyā, iha smayaterartho 'bhidhīyate. na hi mukhye bhaye smayater vṛttirasti.

nityaṃ smayateḥ. , 6.1.56 "bhayaśabdena dhātvarthasāmyāt()" ityādi. yaśca bibhetarartho yaśca smayateḥ, tau dvāpi sadṛśau; cittavikāra svabhāvatayā. dvāvapi tau cittasaṃkṣobhalakṣaṇau, ato dvayorapi yat? sāmānyaṃ tat? sādṛśyam(). tasmādbhayaśabdenātra smayaterartho'bhidhīyate. dṛśyate hi sādṛśyādarthāntare'pi śabdānāṃ vṛttiḥ, yathā--siṃho māṇavaka iti. kiṃ punaḥ kāraṇamevaṃ vyākhyāyate? ityāha--"na hi" ityādi. "hetubhaye" 6.1.55 ityanuvatrtate. ucyate cedaṃ viśeṣaṇam(). na ca mukhye bhaye smayatervṛttisti. tatra sāmathryāt? kenacit? sādṛśyena smayatyartha eva bhayaśabdenātrābhidhīyata iti vijñāyate॥

nityaṃ smayateḥ. `ādeca upadeśe' ityata eca iti, āditi cānuvartate. citphuro'rityato ṇāviti, `bibheterhetubhaye' ityato hetubhaye iti ca. tatra ca bhayagrahaṇaṃ smayasyāpyupalakṣaṇam, atra tu smaya eva vivakṣitaḥ, smayaterbhītyarthakatvā'saṃbhavāt. tadāha – smayatereca ityādi. `vibhāṣā līyate' rityato vibhāṣānuvṛttinivṛttaye nityagrahaṇam. atha `bibheterhetubhaye' iti, `nityaṃ smayate'riti ca āttvavidhau, `bhīsmyorhetubhaye'iti ātmanepadavidhau ca hetugrahaṇasya prayojanamāha– hetoścedbhayasmayāvityukterneheti. kuñcikayainamiti. keśabandhaviśaeṣaḥ kuñcikā. tasyāśca karaṇatayā prayojakakartṛtvā'bhāvādāttvaṃ ṣuk ca neti bhāvaḥ. ākṣipati– kathamiti. raghuvaṃśakāravye– `tamāryagṛhraṃ nigṛhītadhenurmanuṣyavācā manuvaṃśaketum. vismāpayan vismitamātmavṛttau siṃhorusattvaṃ nijagāda siṃhaḥ॥ iti śloke vismāpayanniti kathamityākṣepaḥ. prayojakādbhyā'bhāvena āttvapuganupapatteriti bhāvaḥ. nanu manuṣyavāgeva tatra prayojikaketyata āha– manuṣyeti. manuṣyavāceti tṛtīyāntagamyakaraṇānmanuṣyavāgātmakādeva hi tatra smayaḥ. nanu karaṇabhūtā'pi manuṣyavāk prayojikā kuto netyata āha– anyatheti. manuṣyavācaḥ smayaprayojakatvamabhyupagamya āttvāśrayaṇe `bhīsmyorhetubhaye' ityātmanepadamapi syādityarthaḥ. smayo'tra prayojakamūlako neti yuktameva, kintvāttvapugākṣepo na yujyate ityadrdhāṅgīkareṇa pariharati - satyamiti. vismāyayannityeti. ṇau āyādeśe smāyītyasmāllaṭaḥ śatari śapi ṇerguṇe ayādeśe vismāyayannityeva kālidāso mahākaviḥ prāyuṅkta. `vismāpaya' nniti pakārapāṭhastu lekhapramādakṛta iti bhāvaḥ. yadveti. rājā dilīpo vismayate. taṃ siṃhoccāritā manuṣyavāk prayojayati– `vismāpayate manuṣyavāk rājānam'. atra manuṣyavāk prayojakakatrrī. rājā tu prayojyakarteti sthitiḥ. atra smayasya prayojakakartṛbhūtamanuṣyavāṅmūlakatvādāttve puk. mūle `prayojyakatrrī'tyeva pāṭhaḥ sugamaḥ. tāṃ vismāpayamānāṃ prayojakakatrrī manuṣyavācaṃ prayojayati siṃhaḥ vismāpayati. smāpīti ṇyantāṇṇau prathamaṇerlope smāpi ityasmāccatṛpratyaye śapi ṇerguṇe ayādeśe vismāpayanniti bhavatītyapretya āha – tayā siṃha iti. prayojakakartari tṛtīyā. ātmanepadaṃ bhīsmiprakṛtikaṇyantādeva, natu ṇyantaprakṛtikaṇyantāditi bhāvaḥ.

nityaṃ smayateḥ 424, 6.1.56 nityaṃ smayateḥ. "ādeca upadeśe" ityata eca iti, āditi cānuvartate. citphuro"rityato ṇāviti, "bibheterhetubhaye" ityato hetubhaye iti ca. tatra ca bhayagrahaṇaṃ smayasyāpyupalakṣaṇam, atra tu smaya eva vivakṣitaḥ, smayaterbhītyarthakatvā'saṃbhavāt. tadāha -- smayatereca ityādi. "vibhāṣā līyate" rityato vibhāṣānuvṛttinivṛttaye nityagrahaṇam. atha "bibheterhetubhaye" iti, "nityaṃ smayate"riti ca āttvavidhau, "bhīsmyorhetubhaye"iti ātmanepadavidhau ca hetugrahaṇasya prayojanamāha-- hetoścedbhayasmayāvityukterneheti. kuñcikayainamiti. keśabandhaviśaeṣaḥ kuñcikā. tasyāśca karaṇatayā prayojakakartṛtvā'bhāvādāttvaṃ ṣuk ca neti bhāvaḥ. ākṣipati-- kathamiti. raghuvaṃśakāravye-- "tamāryagṛhraṃ nigṛhītadhenurmanuṣyavācā manuvaṃśaketum. vismāpayan vismitamātmavṛttau siṃhorusattvaṃ nijagāda siṃhaḥ॥ iti śloke vismāpayanniti kathamityākṣepaḥ. prayojakādbhyā'bhāvena āttvapuganupapatteriti bhāvaḥ. nanu manuṣyavāgeva tatra prayojikaketyata āha-- manuṣyeti. manuṣyavāceti tṛtīyāntagamyakaraṇānmanuṣyavāgātmakādeva hi tatra smayaḥ. nanu karaṇabhūtā'pi manuṣyavāk prayojikā kuto netyata āha-- anyatheti. manuṣyavācaḥ smayaprayojakatvamabhyupagamya āttvāśrayaṇe "bhīsmyorhetubhaye" ityātmanepadamapi syādityarthaḥ. smayo'tra prayojakamūlako neti yuktameva, kintvāttvapugākṣepo na yujyate ityadrdhāṅgīkareṇa pariharati - satyamiti. vismāyayannityeti. ṇau āyādeśe smāyītyasmāllaṭaḥ śatari śapi ṇerguṇe ayādeśe vismāyayannityeva kālidāso mahākaviḥ prāyuṅkta. "vismāpaya" nniti pakārapāṭhastu lekhapramādakṛta iti bhāvaḥ. yadveti. rājā dilīpo vismayate. taṃ siṃhoccāritā manuṣyavāk prayojayati-- "vismāpayate manuṣyavāk rājānam". atra manuṣyavāk prayojakakatrrī. rājā tu prayojyakarteti sthitiḥ. atra smayasya prayojakakartṛbhūtamanuṣyavāṅmūlakatvādāttve puk. mūle "prayojyakatrrī"tyeva pāṭhaḥ sugamaḥ. tāṃ vismāpayamānāṃ prayojakakatrrī manuṣyavācaṃ prayojayati siṃhaḥ vismāpayati. smāpīti ṇyantāṇṇau prathamaṇerlope smāpi ityasmāccatṛpratyaye śapi ṇerguṇe ayādeśe vismāpayanniti bhavatītyapretya āha --tayā siṃha iti. prayojakakartari tṛtīyā. ātmanepadaṃ bhīsmiprakṛtikaṇyantādeva, natu ṇyantaprakṛtikaṇyantāditi bhāvaḥ.