hvaḥ iti vartate, tadabhyastasya ityanena vyadhikaraṇam. abhyastasya yo hvayatiḥ. kaśca abhyastasya hvayatiḥ? kāraṇam. tena abhyastakāraṇasya hvayatiḥ prāgeva dvirvacanāt samprasāraṇaṃ bhavati. juhāva. juhūyate. juhūṣati.

hvaḥ saṃprasāraṇam 6.1.32 ṇau ca saṃścaṅoḥ 6.1.31 iti vartate. sanpare caṅpare ca nau parato hvaḥ saṃprasāraṇaṃ bhavati. juhāvayiṣati, juhāvayiṣtaḥ, juhāvayiṣanti. ajūhavat, ajūhavatām, ajūhavan. saṃprasāraṇasya balīyastvāt śācchāsāhvāvyāvepāṃ yuk 7.3.37 iti prāgeva yuk na bhavati. samprasāraṇam iti vartamāne punaḥ samprasāraṇam ityuktaṃ vibhāṣā ityasya nivṛttyartham. hvaḥ samprasāraṇam abhyastasya ityekayogena siddhe pṛthagyogakaranam anabhyastanimittapratyayavyavadhāne samprasāraṇābhāvajñāpanārtham. hvayakam icchati hvāyakīyate. hvāyakīyateḥ san jihvāyakīyiṣati.

hvaḥ samprasāraṇam?. , 6.1.32 "juhāvayiṣati" iti. atrāpi pūrvavadbalīyastvādbṛddhyādeḥ prāk? samprasāraṇaṃ bhavati, abhyāsasya "kuhoścuḥ" 7.4.62 iti cutvam()--hakārasya jhakāraḥ. tasya "abhyāse carca" 8.4.53 iti jaśtvam()--jakāraḥ. athātra kasmāt? "sācchāśāhvā" (7.3.37) ityādinā prāgeva samprasāraṇādyugāgamo na bhavati? ityāha--"samprasāraṇasya" ityādi. nanu ca samprasāraṇagrahaṇamanuvatrtata eva, tat? kimartha punaḥ samprasāraṇamityucyate? ityāha--"samprasāraṇamiti" ityādi. pūrvakaṃ hi samprasāraṇagrahaṇaṃ vibhāṣetyanena sambaddham(), atastadanuvṛttau tasyāpyanuvṛttiḥ syāt(). tasmādvibhāṣetyasya nivṛttaye punaḥ samprasāraṇamityuktam(). atha kasmādyogavibhāgaḥ kriyate, yāvatā "hvaḥ samprasāraṇamabhyastasya ca" ityekayāge'pi juhāvayiṣatītyādi siddhyatyeva, atrāpi hvayatarabhyastasya kāraṇatvena sambandhī bhavtyeva, tathā ca"ekāco dve prathamasya" (6.1.1) iti sa eva dvirucyamānobhyasatasya kāraṇaṃ bhavatyeva? ityāha--"hvaḥ samprasāraṇam()" ityādi. ekayogenaiva siddhe pṛthagyogakaraṇenāyamartho na jñāpyeta, tadā syādevātra samprasāraṇam(). bhavati hratrāpi hvapatirabhyastasya nimittm(). hvāyakaśabdāṇṇvulantāt? kyac(), "kyati ca" 7.4.33 itīttvam(), kyajantāt? san(), iṭ(), "ato lopaḥ 6.4.48 dvirvacanam()॥

abhyasta sya ca. `hvaḥ saṃprasāraṇa'mityanuvartate. `hva' iti kṛtāttvasya `have' ityasya ṣaṣṭha\ufffdntam. tathā ca abhyastībhūtasya hveñaḥ saṃprasāraṇe kṛte pūrvakhaṇḍasyā'bhyāsasya `na saṃprasāraṇe saṃprasāraṇa'miti niṣedhaḥ syādityata āha- abhyastībhaviṣyata iti. nanu yadyabhyastībhaviṣyato hveñaḥ saṃprasāraṇaṃ tarhi dvitvaṃ bādhitvā paratvātsaṃprasāraṇe sati `vipratiṣedhe yadbādhitaṃ tadbādhita'miti nyāyāddvitvaṃ na syādityata āha–tato dvitvamiti. saṃprasāraṇānantaraṃ dvitvamityarthaḥ, punaḥ prasaṅgavijñānāditi bhāvaḥ. tathā ca ṇali āttve kṛte saṃprasāraṇe pararūpe `hu' ityasya dvitve `kuhoścu'riti cutve tasya jaśtve `aco ñṇitī'ti vṛddhau avādeśe pariniṣṭhitaṃ rūpamāha–juhāveti. juhuvaturiti. atusi āttve āllopaṃ bādhitvā antaraṅgatvāt `abhyastasya ce'tyanena saṃprasāraṇe `vārṇādāṅgaṃ balīyaḥ' ityasyā'nityatayā'ntaraṅgatvātpūrvarūpe kṛte dvitve uvaṅiti bhāvaḥ. yadyapi kiti `vacisvapī'ti saṃprasāraṇe'pi siddhamidam, tathāpi akiti āvaśyakamabhyastasya cetyeta nnyāyyatvādihāpi bhavatīti bodhyam. evaṃ juhuvuḥ. bhāradvājaniyamātthali veṭ. tadāha–juhotha juhavitheti. juhuvathuḥ juhuva. juhāva juhava juhuviva juhuvima. krādiniyamādiṭ. juhuve juhuvāte juhuvire. juhuviṣe juhuvāthe juhuviḍhve juhuvidhve. juhuve juhuvivahe juhuvimahe. hvāteti. tāsi āttvam. hvāsyati hvāsyate. hvayatu hvayatām. ahvayat ahvayata. hvayet hvayeta. hūyāditi. āśīrliṅi āttve yāsuṭi kittvāt `vacisvapī'ti saṃprasāraṇe pūrvarūpe `akṛtsārvadhātukayo'riti dīrgha iti bhāvaḥ. hvāsīṣṭeti. āśīrliṅi sīyuṭi rūpam. luṅi viśeṣamāha–

hvaḥ saṃprasāraṇam 414, 6.1.32 hvaḥ saṃprasāraṇam. hveñaḥ kṛtāttvasya "hva" iti ṣaṣṭhī. "ṇau ca saṃścaṅo"rityanuvṛttimabhipretya āha-- sanpara ityādi. ajūhavaditi. hvā i a t iti sthite "saṃprasāraṇaṃ tadāśrayaṃ ca kāryaṃ balava"diti vacanātkṛte saṃprasāraṇe pūrvarūpe ca "hu" ityasya dvitve uttarakhaṇḍasya vṛddhyāvādeśayoḥ kṛtayorupadhāhyasve sanvattvadīrghāviti bhāvaḥ. atra kṛte saṃprasāraṇe pūrvarūpe ca hvārūpā'bhāvānna yuk. pādhātorṇau yugāgame pāyi ityasmālluṅi caṅi dvitvādau apīpay a t iti sthite -

abhyastasya ceti. pūrvayogastu `ṇau ca saṃścaṅo'rviṣaye pravartate. juhāvayiṣati. ajūhavat. abhyastībhaviṣyato hveña iti. abhyastanimitte pratyaye pare dvirvacanātprāgeva hveñaḥ saṃprasāraṇamiti phalito'rthaḥ. abhyastamasyāstīti abhyastaḥ = sanādiḥ, tasya yo hveñ = tatprakṛtibhūtastasyetyādivyākhyānasya svīkārāt. tena jihvāyakamātmana icchati jihvāyakīṣatītyatra hveñaḥ saṃprasāraṇaṃ na bhavati, ṇvulo dvitvanimittatvā'bhāvāt. ata eva ṇico dvitvanimittatvaṃ neti `hvaḥ saṃprasāraṇa'miti yogavibhāgaḥ kriyate. etacca ākare spaṣṭam.

hvaḥ saṃprasāraṇam 362, 6.1.32 hvaḥ saṃpra. "ṇau ca saṃścaṅo"riti vartate. tadāha--sanpara ityādi. ajūhavat.ajuhāviti. "kāṇyādīnāṃ ve"ti hyasvavikalpaḥ.