1/9:kimartham idam ucyate na vatyāḥ iti eva ucyate |
2/9:vatyāḥ iti iyati ucyamāne rājavatī , atra api prasajyeta |
3/9:atha avatyāḥ iti ucyamāne kasmāt eva atra na bhavati |
4/9:asiddhaḥ nalopaḥ |
5/9:tasya asiddhatvāt na eṣaḥ avatīśabdaḥ |
6/9:kaḥ tarhi |
7/9:anvatīśabdaḥ |
8/9:yathā eva tarhi nalopasya asiddhatvāt na avatīśabdaḥ evam vatvasya api asiddhatvāt na avatīśabdaḥ |
9/9:āśrayāt siddhatvam syāt |

saṃjñāyām ityeva. avatīśabdāntasya saṃjñāyām anta udātto bhavati. ajiravatī. khadiravatī. haṃsavatī. kāraṇḍavatī. ṅīpaḥ pittvādanudāttatvaṃ prāptam. avatyāḥ iti kim ucyate, na vatyā ityevam ucyeta? na evaṃ śakyam iha api syāt, rājavatī. svaravidhau nalopasya asiddhatvān na ayam avatīśabdaḥ. vatvaṃ punarāśrayāt siddham.

anto 'vatyāḥ 6.1.220 saṃjñāyām ityeva. avatīśabdāntasya saṃjñāyām anta udātto bhavati. ajiravatī. khadiravatī. haṃsavatī. kāraṇḍavatī. ṅīpaḥ pittvādanudāttatvaṃ prāptam. avatyāḥ iti kim ucyate, na vatyā ityevam ucyeta? na evaṃ śakyam iha api syāt, rājavatī. svaravidhau nalopasya asiddhatvān na ayam avatīśabdaḥ. vatvaṃ punarāśrayāt siddham.

anto'vatyāḥ. , 6.1.214 "ajiravatī" ityādi. pūrvavanmatup(). "pittvādanudāttatvaṃ prāptam()" iti. atasatasyāyamapavāda iti śeṣaḥ. athāvatyā ityucyamāne rājavatītyetasmānna bhavati, asti hretadapi nalope kṛte'vatīśabdāntam()? ityāha--"svaravidhau" ityādi. kathamudāharaṇam(), yāvata matorvatvasyāsiddhatvādatrādatīśabdāntatvaṃ nāsti? ityāha--"vatvaṃ punaḥ"--ityādi. punaḥśabdena nalopādviśeṣaṃ darśayati. lopo hrasiddhaḥ, vatvaṃ punaḥ siddham(). kutaḥ? āśrayāt(). āśrayaḥ svaravidhau nimittatvenopādānamityarthaḥ. avatīśabdasyāntodāttatvaṃ brāuvatā vatvamāśritam(), tasmādāśrayāttasya siddhatvam(), anyathaiva vacanamanarthakaṃ syāt. na hi vatvasya siddhatvamantareṇāvatīśabdāntaṃ kiñcidasti॥