1/24:āścaryam adbhute |*
2/24:āścaryam adbhute iti vaktavyam iha api yathā syāt |
3/24:āścaryam uccatā vṛkṣasya |
4/24:āścaryam nīlā dyauḥ |
5/24:āścaryam antarikṣe abandhanāni nakṣatrāṇi na patanti iti |
6/24:tat tarhi vaktavyam |
7/24:na vaktavyam |
8/24:anitye iti eva siddham |
9/24:iha tāvat āścaryam uccatā vṛkṣasya iti |
10/24:āścaryagrahaṇena na vṛkṣaḥ abhisambadhyate |
11/24:kim tarhi |
12/24:uccatā |
13/24:sā ca anityā |
14/24:āścaryam nīlā dyauḥ iti |
15/24:na āścaryagrahaṇena dyauḥ abhisambadhyate |
16/24:kim tarhi |
17/24:nīlatā |
18/24:sā ca anityā |
19/24:āścaryam antarikṣe abandhanāni nakṣatrāṇi na patanti iti |
20/24:na āścaryagrahaṇena nakṣatrāṇi abhisambadhyante |
21/24:kim tarhi |
22/24:patanakriyā |
23/24:sā ca anityā |
24/24:tatra anitye iti eva siddham |

anityatayā viṣayabhūtayā adbhutatvam iha upalakṣyate, tasminnācaryaṃ nipātyate. carerāṅi cāgurau iti yatpratyaye kṛte nipātanāt suṭ. āścaryaṃ yadi sa bhuñjīta. āścaryaṃ yadi so 'dhīyīta. citram adbhutam ityarthaḥ. anitye iti kim? ācaryaṃ karma śobhanam.

āścaryam anitye 6.1.147 anityatayā viṣayabhūtayā adbhutatvam iha upalakṣyate, tasminnācaryaṃ nipātyate. carerāṅi cāgurau iti yatpratyaye kṛte nipātanāt suṭ. āścaryaṃ yadi sa bhuñjīta. āścaryaṃ yadi so 'dhīyīta. citram adbhutam ityarthaḥ. anitye iti kim? ācaryaṃ karma śobhanam.

ārścayamanitye. , 6.1.142 yadyanitye'śā()ātika āścaryamiti nipātyate, tato, ghaṭādiṣvapi syādityetaṃ doṣaṃ parijihīrṣurāha--"anityatayā" ityādi. adbhutam()=citramityucyate. yalloke'dbhutaṃ taccitram(), tasya bhāvo'dbhutatvam(). tasya cānyatrābhāvādanityatā viṣayabhūtā, na hi tatra tato'nyatra sambhavati. tasmāt? tayā viṣayabhūtayā'dbhutatvamupalakṣyate. "āśascaryaṃ yadi sa bhuñjīta" iti. "anavaklṛptyamarṣayorakiṃvṛtte'pi" 3.3.145 ityanavaklṛptāvasambhāvanāyāṃ liṅ. bhojanaṃ kasyacidviśiṣṭakālādāvadṛṣṭapūrvam(). atastatra bhavat? tadadbhutaṃ bhavati॥

āścaryamanitye. adbhute gamye āṅpūrvakasya careḥ suṭ. `carerāṅi cā'gurau' iti yat. anityagrahaṇamapanīya adbhute iti vaktavyamiti vārtikamabhipretyāha–adbhute suḍiti. tena āścarya nīlā dyauḥ, āścaryamantarikṣe yadabandhanāni nakṣatrāṇi na patantītyādisaṃgrahaḥ. anitye ityanena kādācitkatayā adbhutaṃ lakṣyata ityukte tu etanna sidhyet.

āścaryamānitye 1047, 6.1.142 āścaryamanitye. adbhute gamye āṅpūrvakasya careḥ suṭ. "carerāṅi cā'gurau" iti yat. anityagrahaṇamapanīya adbhute iti vaktavyamiti vārtikamabhipretyāha--adbhute suḍiti. tena āścarya nīlā dyauḥ, āścaryamantarikṣe yadabandhanāni nakṣatrāṇi na patantītyādisaṃgrahaḥ. anitye ityanena kādācitkatayā adbhutaṃ lakṣyata ityukte tu etanna sidhyet.

āścaryamānatye 875, 6.1.142 āścaryamiti. āḍaḥ parasya careḥ suṭ. "carerāṅi cā'gurau"iti yat.