1/14:kim idam sātatye iti |
2/14:santatabhāvaḥ sātatyam |
3/14:yadi evam sāntatye iti bhavitavyam |
4/14:samaḥ hitatatayoḥ vā lopaḥ |*
5/14:samaḥ hitatatayoḥ vā lopaḥ vaktavyaḥ |
6/14:saṃhitam , sahitam , santatam , satatam |
7/14:samtumunoḥ kāme |*
8/14:samtumunoḥ kāme lopaḥ vaktavyaḥ |
9/14:sakāmaḥ , bhoktukāmaḥ |
10/14:manasi ca iti vaktavyam |
11/14:samanāḥ , bhoktumanāḥ |
12/14:avaśyamaḥ kṛtye |*
13/14:avaśyamaḥ kṛtye lopaḥ vaktavyaḥ |
14/14:avaśyabhāvyam |

aparāsparā iti suṭ nipātyate kriyāsātatye gamyamāne. aparasparāḥ sārthāḥ gacchanti. santatamavicchedena gacchanti ityarthaḥ. kriyāsātatye iti kim? aparaparāḥ sārthāḥ gacchanti. apare ca pare ca sakṛdeva gacchanti ityarthaḥ. na atra gamanasya sātatyaprabandho vivakṣitaḥ. kim idaṃ sātatyam iti? satatasya bhāvaḥ sātatyam. kathaṃ satatam? samastate vikalpena makāralopo vidhīyate. lumpedavaśyamaḥ kutye tuṃkāmamanasorapi. samo vā hitatatayormāṃsasya paciyuḍghañoḥ.

aparasparāḥ kriyāsātatye 6.1.144 aparāsparā iti suṭ nipātyate kriyāsātatye gamyamāne. aparasparāḥ sārthāḥ gacchanti. santatamavicchedena gacchanti ityarthaḥ. kriyāsātatye iti kim? aparaparāḥ sārthāḥ gacchanti. apare ca pare ca sakṛdeva gacchanti ityarthaḥ. na atra gamanasya sātatyaprabandho vivakṣitaḥ. kim idaṃ sātatyam iti? satatasya bhāvaḥ sātatyam. kathaṃ satatam? samastate vikalpena makāralopo vidhīyate. lumpedavaśyamaḥ kutye tuṃkāmamanasorapi. samo vā hitatatayormāṃsasya paciyuḍghañoḥ.

aparasaparāḥ kriyāsātatye. , 6.1.139 "aparasparāḥ" iti. apare ca pare ceti dvandvaḥ. santataśabdādbhāvapratyaya utpanne sāntatyamiti bhavitavyamityabhiprāyeṇāya--"kimidam()" ityādi. satataśabdādevāyaṃ bhāvapratya utpanna iti darśayannāha--"satatasya bhāvaḥ" ityādi. "kathaṃ satatam()" iti. evaṃ manyate--samo makāralopasya lakṣaṇaṃ tāvadiha śāstre nāsti. atha sātatya ityetadeva nipātanam(), tataśabde parataḥ samo makārasya lopo bhaviṣyatītyasyārthasya jñāpanaṃ kalpyeta, evaṃ sati santatamiti na sidhyati? ityata āha--"samastate vikalpena" ityādi. ayamabhiprāyaḥ--sātatyaśabdaṃ pūrvācāryalakṣaṇaprasiddhamuccārayatā pūrvācāryalakṣaṇamapyāśritam(). atastena samo makārasyātra lopo vidhīyate. etañca kṛtvā'vaśyamprabhṛtīnāmapi kṛtyādiṣu lopaḥ siddho bhavati. atastadeva pūrvācāryalakṣaṇaṃ darśayati--"lumpet()" ityādi. antyamiti śeṣaḥ. avaśyaṃśabdasya kṛtyapratyayānte parato lumpet? antyalopamasya kuryādityarthaḥ. avaśyakatrtavyam(). tumun()pratyayāntasyāpyāntyaṃ lumpet(), kāmamanasośca śabdayoḥ parataḥ--karttuṃ kāmo'syeti karttukāmaḥ, harttu mano'syeti harttumanāḥ. samśabdasya cāntyaṃ lumpedvikalpena hitatayoḥ śabdayoḥ parataḥ--sahitam(), satatam(), santatam(). "kugatiprādayaḥ" 2.2.18 iti samāsaḥ. māṃsaśabdasyāntyaṃ lumpet(), kva? paci. "ḍupacaṣ? pāke" (dhā.pā.996) ityetasmin? dhātau. kiṃ viśiṣṭe? "yuṅghañoḥ" iti. lyuṭi ghañi ca pratyaye parato yaḥ pacistasminnityarthaḥ. atrāpi vāgrahaṇaṃ sambadhyate. māṃspacanam(), māṃsapacanam(). māṃspākaḥ, māṃsapākaḥ. "kṛdyogā ca ṣaṣṭhī samasyate" (vā.86) iti samāsaḥ. samāse'yaṃ lopaḥ pūrvācāryāṇāmabhiprāyaḥ, saṃhitāyāṃ ca. tena vākye vicchidyapāṭhe na bhavati॥

aparasparāḥ. spaṣṭam. goṣpadam. asevite goṣpadaśabdasya vṛttyasaṃbhavānnañpūrvakamudāharati–agoṣpadānīti. gavāṃ sañcāro yatra naiva saṃbhavati tatrāpi suḍiti bhāvaḥ.

aparasparāḥ kriyāsātatye 1044, 6.1.139 aparasparāḥ. spaṣṭam. goṣpadam. asevite goṣpadaśabdasya vṛttyasaṃbhavānnañpūrvakamudāharati--agoṣpadānīti. gavāṃ sañcāro yatra naiva saṃbhavati tatrāpi suḍiti bhāvaḥ.