1/10:kim idam khyatyāt iti |
2/10:sakhipatyoḥ vikṛtagrahaṇam |
3/10:kim punaḥ kāraṇam sakhipatyoḥ vikṛtagrahaṇam kriyate na sakhipatibhyām iti eva ucyeta |
4/10:na evam śakyam |
5/10:garīyān ca eva hi nirdeśaḥ syāt iha ca prasajyeta |
6/10:atisakheḥ āgacchāmi |
7/10:atisakheḥ svam |
8/10:iha ca na syāt : sakhīyateḥ apratyayaḥ sakhyuḥ , patyuḥ |
9/10:lunīyateḥ apratyayaḥ |
10/10:lūnyuḥ , pūnyuḥ |

ṅasiṅasoḥ iti vartate, utiti ca. khyatyātiti khiśabdakhīśabdayoḥ tiśabdatīśabdayośca kṛtayaṇādeśayoridaṃ grahaṇaṃ, tābhyāṃ parasya ṅasiṅasoḥ ata ukārādeśo bhavati. sakhyurāgacchati. sakhyuḥ svam. patyurāgacchati. patyuḥ svam. khīśabdasya udāharaṇam saha khena vartate iti sakhaḥ, tam icchati iti kyac sakhīyati. sakha yateḥ kvip sakhīḥ, tasya ṅasiṅasoḥ sakhyuḥ iti. tīśabdasya api lūnam icchati lūnīyati, lūnīyateḥ kvipi lupte, lūnyurāgcchati. lūnyuḥ svam. niṣṭhānatvaṃ pūrvatrāsiddham 8-2-1 ityasiddham. vikṛtanirdeśādeva iha na bhavati, atisakherāgacchati, senāpaterāgacchati iti. sakhiśabdasya kevalasya ghisaṃjñā pratiṣidhyate, na tadantasya.

khyatyāt parasya 6.1.112 ṅasiṅasoḥ iti vartate, utiti ca. khyatyātiti khiśabdakhīśabdayoḥ tiśabdatīśabdayośca kṛtayaṇādeśayoridaṃ grahaṇaṃ, tābhyāṃ parasya ṅasiṅasoḥ ata ukārādeśo bhavati. sakhyurāgacchati. sakhyuḥ svam. patyurāgacchati. patyuḥ svam. khīśabdasya udāharaṇam saha khena vartate iti sakhaḥ, tam icchati iti kyac sakhīyati. sakha yateḥ kvip sakhīḥ, tasya ṅasiṅasoḥ sakhyuḥ iti. tīśabdasya api lūnam icchati lūnīyati, lūnīyateḥ kvipi lupte, lūnyurāgcchati. lūnyuḥ svam. niṣṭhānatvaṃ pūrvatrāsiddham 8.2.1 ityasiddham. vikṛtanirdeśādeva iha na bhavati, atisakherāgacchati, senāpaterāgacchati iti. sakhiśabdasya kevalasya ghisaṃjñā pratiṣidhyate, na tadantasya.

khyatyātparasya. , 6.1.108 "khyatyāditi khiśabdakhīśabdayostiśabdatīśabdayośca kṛtayaṇādeśayoridaṃ grahaṇam()" iti. yamādeśe kṛte tulyaṃ rūpamiti viśeṣābhāvāt(). atha kasmādatrākārāntayoreva khyaśabdatyaśabdayoridaṃ grahaṇaṃ na bhavati? kevalasya khyaśabdasya tyaśabdasyāsambhavāditi cet()? na; yadi kevalau na staḥ, tadantānāṃ tarhi mukhyagosaṃkhyādīnāmapatya gārhapatyādīnāñca grahaṇamastu? naitadasti; evaṃ hi--"sakhyurasambuddhau" 7.1.92, "patyurno yajñasaṃyoge" 4.1.33 iti nirdeśau nopapadyeyātām(). "saha khena vatrtata iti sakhaḥ" iti. "tena saheti tulyayoge" 2.2.28 iti bahuvrīhiḥ, "vopasarjanasya" 6.3.81 iti sahasya sabhāvaḥ. "sakhīyati" iti. "kyaci ca" 7.4.33 itīttvam(). "sakhīḥ" iti. kvip? "ato lopaḥ" 6.4.48 ityakāralopaḥ "lopo vyoravali" 6.1.64 iti yakārasya ca. "lunam" iti. "lvādibhya" 8.2.44 iti niṣṭhānatvam(). nanu ca nāyaṃ tīśabdaḥ, tatkathaṃ tasyodamudāharaṇamityata āha--"niṣṭhānatvam()" ityādi. atheha kasmānna bhavati--atasakherāgacchati, senāpaterāgacchatīti, asati hratrāpi khiśabdaḥ tiśabdaśca? ityata āha--"vikṛtanirdeśāt()" ityādi. yo'yaṃ khyatyādityāgantukenākārema yaṇādeśaṃ kṛtvā vikṛtanirdeśaḥ kṛtastasyaitadeva prayojanam()--yatra yaṇādeśaḥ, tatraiva yathā syāt(). na cātra yaṇādeśo'sti, ato na bhavati, anyathā hi vikṛtanirdeśo'narthakaḥ syāt(). nanu ca ladhvarthaḥ syāt(), anyathā hi "khitikhītībhyaḥ" ityucyamāne gauravaṃ syāt()? evaṃ manyate--yadi yatara yaṇ? na bhavati, tatrāpi bhavitavyam(), tadā khītībhyāmityevaṃ brāūyāt(). na caivamucyamāne hyasvantābhyānna prāpnoti; khiśabdāt? "sakhyuryaḥ", (5.1.126) tiśabdāt? "patyurno yajñasaṃyoge" 4.1.33 iti nirdeśābhyāmeva siddheḥ atra hi sakhipatiśabdayogrrahaṇam(), na sakhīpatīśabdayoḥ. na hīha patīśabdasya yajñena saṃyogo'sti, nāpi "saha khena vatrtate" ityādinā prakārema vyutpādito yaḥ sakhīśabdastata utpanno yaḥ pratyayaḥ sa prakṛtyarthābhidhāne samartho bhavati; yato'bhidhānalakṣaṇā hi kṛttaddhitasamāsā bhavanti. tasmādvikṛtanirdeśasya pūrvoktameva prayojanamiti. atha sa yaṇādeśo'tara kasmānna bhavati yasmin? satyuttvena bhavitavyam()? "gheṅiti" (7.3.111) iti guṇena bādhitatvāditi cet()? na; "śeṣo dhyasakhiḥ 1.4.7 iti dhisaṃjñāpratiṣedhāditi cetyata āha--"sakhīśabdasya" ityādi. atra ca "grahaṇavatā prātipadikena tadantavidhirnāsti" (vyā.pa.89) iti pratiṣedho hetuḥ. parasyeti kimartham()? pūrvaparayormā bhūt(). itaścārabhya pūrvaparayorityetannānuvatrtate॥

khyatyātparasya 183, 6.1.108 khitiśabdābhyāṃ khītīśabdābhyāṃ kṛtayaṇādeśābhyāṃ parasya ṅasiṅasorata uḥ. sakhyuḥ॥

khyatyātparasya. `khikhī'-tyanayoḥ, ti-tī'tyanayośca kṛtayaṇādeśayoḥ `khya' `tya' iti nirdeśaḥ. yakārādakāra uccāraṇārthaḥ. `eṅaḥ padāntā'dityato'tītyanuvartate. tacca parasyeti sāmānādhikaraṇyātṣaṣṭha\ufffdntatayā vipariṇamyate. `ṅasiṅasośce'tyo `ṅasiṅaso'rityanuvartate. avayavaṣaṣṭha\ufffdeṣā. tataśca `ṅasiṅasoravayavasya ata' iti labhyate. `ṛt u'dityata, udityanuvartate. `ekaḥ pūrvaparayoḥ' iti tu nivṛttam, `para'grahaṇasāmathryāt. anyathā `khyatyā'diti pañcamīnirdeśādeva siddhe kiṃ tena ?. tadāha–khitiśabdābhyāmityādinā. sakhyuriti. sakhyas iti sthite yakārādakārasya ukāre rutvavisargau.

khyātyātparasya 253, 6.1.108 khyatyātparasya. "khikhī"-tyanayoḥ, ti-tī"tyanayośca kṛtayaṇādeśayoḥ "khya" "tya" iti nirdeśaḥ. yakārādakāra uccāraṇārthaḥ. "eṅaḥ padāntā"dityato'tītyanuvartate. tacca parasyeti sāmānādhikaraṇyātṣaṣṭha()ntatayā vipariṇamyate. "ṅasiṅasośce"tyo "ṅasiṅaso"rityanuvartate. avayavaṣaṣṭha()eṣā. tataśca "ṅasiṅasoravayavasya ata" iti labhyate. "ṛt u"dityata, udityanuvartate. "ekaḥ pūrvaparayoḥ" iti tu nivṛttam, "para"grahaṇasāmathryāt. anyathā "khyatyā"diti pañcamīnirdeśādeva siddhe kiṃ tena?. tadāha--khitiśabdābhyāmityādinā. sakhyuriti. sakhyas iti sthite yakārādakārasya ukāre rutvavisargau.

khyatyāt. pañcamīnirdeśādeva`parasye'ti labdhe`parasye'ti grahaṇamekaḥ pūrvaparayoriti navṛttamiha tu nādhikriyate ihi dhvananārtham. khyaśca tyaśceti samāhāradvandve khyatyaṃ, tatra khikhīśabdayoḥ kṛtayaṇādeśayoranukaraṇaṃ `khya'iti. evaṃ titīśabdayostyeti. ubhayatrāpyakāra uccāṇārthau na tu mukhyāpatyādiśabdaikadeśānukaraṇamidaṃ, `sakhyuryaḥ'`patyurnaḥ,'`saṅkhyāyāḥ saṃvatsarasaṅkhyasya ca', `āpatyasya ce' tyādinirdeśādityabhipretyāhakhitiśabdābhyāmityādi. evaṃ ca yatra yaṇpravṛttiḥ tatraivottvaṃ na tvatisakherityādau. na caivaṃ yaṇā nirdeśasyoktaprayojanatvādbhasvāntayoreva grahaṇaṃ syānna tu dīrghantayoriti śaṅkyam. nirdeśasya hyasvadīrghasādhāraṇatvācchāstrasya bahuviṣayatvasaṃbhave tatsaṅkocasyā'nyāyyatvācceti bhāvaḥ.

khyatyātparasya 214, 6.1.108 khyatyāt. pañcamīnirdeśādeva"parasye"ti labdhe"parasye"ti grahaṇamekaḥ pūrvaparayoriti navṛttamiha tu nādhikriyate ihi dhvananārtham. khyaśca tyaśceti samāhāradvandve khyatyaṃ, tatra khikhīśabdayoḥ kṛtayaṇādeśayoranukaraṇaṃ "khya"iti. evaṃ titīśabdayostyeti. ubhayatrāpyakāra uccāṇārthau na tu mukhyāpatyādiśabdaikadeśānukaraṇamidaṃ, "sakhyuryaḥ""patyurnaḥ,""saṅkhyāyāḥ saṃvatsarasaṅkhyasya ca", "āpatyasya ce" tyādinirdeśādityabhipretyāhakhitiśabdābhyāmityādi. evaṃ ca yatra yaṇpravṛttiḥ tatraivottvaṃ na tvatisakherityādau. na caivaṃ yaṇā nirdeśasyoktaprayojanatvādbhasvāntayoreva grahaṇaṃ syānna tu dīrghantayoriti śaṅkyam. nirdeśasya hyasvadīrghasādhāraṇatvācchāstrasya bahuviṣayatvasaṃbhave tatsaṅkocasyā'nyāyyatvācceti bhāvaḥ.