1/29:śeṣāt iti ucyate |
2/29:kaḥ śeṣaḥ nāma |
3/29:yābhyaḥ prakṛtibhyaḥ samāsāntaḥ ni vidhīyate saḥ śeṣaḥ |
4/29:kimartham punaḥ śeṣagrahaṇam kriyate |
5/29:yābhyaḥ prakṛtibhyaḥ samāsāntaḥ vidhīyate tābhyaḥ mā bhūt iti |
6/29:na etat asti prayojanam |
7/29:ye pratipadam vidhīyante te tatra bādhakāḥ bhaviṣyanti |
8/29:anavakāśāḥ hi vidhayaḥ bādhakāḥ bhavanti sāvakāśāḥ ca samāsāntāḥ |
9/29:kaḥ avakāśaḥ |
10/29:vibhāṣā kap |
11/29:yadā na kap saḥ avakāśaḥ |
12/29:kapaḥ prasaṅge ubhayam prāpnoti |
13/29:paratvāt kap prāpnoti |
14/29:tasmāt śeṣagrahaṇam kartavyam |
15/29:kim punaḥ idam śeṣagrahaṇam kabapekṣam yasmāt bahuvrīheḥ kap iti āhosvit samāsāntāpekṣam yasmāt bahuvrīheḥ samāsāntaḥ na vihitaḥ iti |
16/29:kim ca ataḥ |
17/29:yadi vijñāyate kabapekṣam anṛcaḥ bahvṛcaḥ iti atra api prāpnoti |
18/29:atha samāsāntāpekṣam anṛkkam bahvṛkkam sūktam iti na sidhyati |
19/29:astu kabapekṣam |
20/29:katham anṛcaḥ bahvṛcaḥ iti |
21/29:viśeṣe etat vaktavyam |
22/29:anṛcaḥ māṇave bahvṛcaḥ caraṇaśākhāyām iti |
23/29:idam tarhi ūdhasaḥ anaṅi strīgrahaṇam coditam |
24/29:tasmin kriyamāṇe api prāpnoti |
25/29:evam tarhi na eva kabapekṣam śeṣagrahaṇam na api samāsāntāpekṣam |
26/29:kim tarhi anantaraḥ yaḥ bahuvrīhyadhikāraḥ saḥ apekṣyate |
27/29:anantare bahuvrīhyadhikāre yasmāt bahuvrīheḥ samāsāntaḥ na vihitaḥ iti |
28/29:katham anṛcaḥ bahvṛcaḥ iti |
29/29:vaktavyam eva anṛcaḥ māṇave bahvṛcaḥ caraṇaśākhāyām iti |

yasmād bahuvrīheḥ samāsānto na vihitaḥ sa śeṣaḥ tasmād vibhāṣā kap pratyayo bhavati. bahvyaḥ khaṭvāḥ asmin bahukhaṭvakaḥ. bahumālakaḥ. bahuvīṇakaḥ. bahukhaṭvākaḥ. bahumālākaḥ. bahuvīṇākaḥ. bahukhaṭvaḥ. bahumālaḥ. bahuvīṇaḥ. katham anṛkkaṃ sāma, bahvṛkkaṃ sūktam iti, yāvatā vihito 'tra sāmānyena samāsāntaḥ ṛṣpūḥ iti. na etadasti. viśeṣe sa iṣyate, anṛco māṇadako jñeyo bahvṛcaścaraṇākhyāyām iti. śeṣātiti kim? priyapathaḥ. priyadhuraḥ.

śeṣād vibhāṣā 5.4.154 yasmād bahuvrīheḥ samāsānto na vihitaḥ sa śeṣaḥ tasmād vibhāṣā kap pratyayo bhavati. bahvyaḥ khaṭvāḥ asmin bahukhaṭvakaḥ. bahumālakaḥ. bahuvīṇakaḥ. bahukhaṭvākaḥ. bahumālākaḥ. bahuvīṇākaḥ. bahukhaṭvaḥ. bahumālaḥ. bahuvīṇaḥ. katham anṛkkaṃ sāma, bahvṛkkaṃ sūktam iti, yāvatā vihito 'tra sāmānyena samāsāntaḥ ṛṣpūḥ iti. na etadasti. viśeṣe sa iṣyate, anṛco māṇadako jñeyo bahvṛcaścaraṇākhyāyām iti. śeṣātiti kim? priyapathaḥ. priyadhuraḥ.

śeṣādvibhāṣā. , 5.4.154 śeṣaḥ kabapekṣo vā syāt()---yasmādbahuvrīheḥ kabna vihitaḥ sa śeṣa iti? samāsāntāpekṣo vā--yasmād()bahuvrīheḥ samāsānto na vihitaḥ sa śeṣa iti? tatra yadi kabapekṣaḥ śeṣaḥ syāt()---anṛcaḥ, vyāghrapāt(), sugandhirityatrāpi syāt(). na hrataḥ kenacit? kabvihita iti kabapekṣe śeṣe doṣaṃ dṛṣṭvā samāsāntāpekṣayā śeṣa iti darśayannāha--"yasmādbahuvrīheḥ samāsānto na bhavati sa śeṣaḥ" iti. kathaṃ jñāyate--samāsāntāpekṣaḥ śeṣa iti? śeṣagrahaṇāt(). tatra yadi kabapekṣaḥ śeṣaḥ syāt(), śeṣagrahaṇanarthakaṃ syāt(). ārambhasāmathryādeva hi śeṣaviṣaya eva vikalpo bhaviṣyati; anyathā yadi yato'pi pūrvevidhivākyaiḥ kabvihitastato'pyanena vibhāṣā vidhīyate, vidhivākyānāmānarthakyamāpadyeta. tasmāccheṣagrahaṇāt? samāsāntāpekṣaḥ śeṣo vijñāyate. "bahūkhaṭvakaḥ" iti "āpo'nyatarasyām()" 7.4.15 iti hyasvaḥ. "bahukhaṭvaḥ" ityatrāpi "gostriyorupasarjanasya" 1.2.48 iti. "katham()" ityādi. yadi samāsāntāpekṣaḥ śeṣaḥ; anṛkkaṃ sāma, bah? vṛkkaṃ sūktamityatra kabna sidhyatītyabhiprāyaḥ. "viśeṣe sa iṣyate" iti. sa hrakāraḥ samāsānto viśeṣe māṇave caraṇākhyāyāṃ ceṣyata iti tatrākāro vihitaḥ. na cāpi tatraiva viśeṣa kabvihitaḥ, kiṃ tarhi? viṣayāntare--sāmani, sūkte ca. tatra bahuvrīheḥ samāsāntāpekṣaḥ śeṣaḥ. tena ca priyapathaḥ, priyamadhura iti "ṛkpūrabdhūḥ" 5.4.74 ityādinā'kāraḥ samāsāntaḥ. atha kimarthaṃ śeṣagrahaṇam(), yāvatā yābhyaḥ prakṛtibhyaḥ samāsāntā vihitāḥ, tābhyasta eva bādhakā bhaviṣyanti? naitadasti; niravakāśā hi viṣayo bādhakā bhaviṣyanti, sāvakāśāśca samāsāntāḥ. ko'vakāśaḥ? pratipadopāttaprakṛtayaḥ; yābhyaḥ samāsāntā arthaviśeṣe samāsaviśeṣaṃ prati pratipadamupādāya vihitāḥ so'vukāśaḥ; viśeṣa prakṛtibhyaḥ prasaṅge satyubhayaprāptau paratvāt? kapratyayaḥ syāt(). tasmāccheṣagrahaṇaṃ katrtavyam()॥

śeṣādvibhāṣā. itaḥ pūrvaṃ yebyaḥ samāsāntā vihitāstebhyo'nyaḥ śeṣaḥ. tadāha– anuktasamāsāntāditi. śeṣādhikārasthāditi. `śeṣā'dityanena śeṣādhikārasthādityapi vivakṣitamiti bhāvaḥ. mahayaśaska iti. mahat yaśaḥ yasyeti vigrahaḥ `ānmahataḥ' ityāttve, kapi, `so'padādau' iti satvam. mahāyaśā iti. kababhāve `atvasantasye'ti dīrghaḥ. vyāghrapāditi. `pādasya lopo'hastyādibhyaḥ' ityuktasamāsānto'yam sthānidvārā lopasyāpi samāsāntatvāt. sugandhiriti. `gandhasyedutpūtī'ti kṛtasamāsānto'yam. priyapatha iti. `ṛkpū'riti kṛtasamāsānto'yam. upabahava iti. saṅkhyayāvyaye'ti bahuvrīhirayaṃ, na śeṣādhikārasthaḥ. uttarapūrveti. ayamapi `diṅnāmānyantarāle' iti bahuvrīhiḥ na seṣādhikārasthaḥ. saputra iti. `tena saha' ityayamapi bahuvrīhiḥ na śeṣādhikārasthaḥ. nanu sakṛduccāritāccheṣaśabdāt kathamarthadvayalābha ityata āha– tantrādineti. ādinā āvṛttisaṃgrahaḥ. ekamanekopayogi tantram. uccārayitrā tantreṇoccāritācchabdādāvṛttyā bodha iti bodhyam. `\ufffdoto dhāvatī'tyādau sakṛduccāraṇe'pi `\ufffdāā ito dhāvati, \ufffdota guṇako dhāvatī'tyevamanekārthabodhadarśanāditi bhāvaḥ.

śeṣādvibhāṣā 882, 5.4.154 śeṣādvibhāṣā. itaḥ pūrvaṃ yebyaḥ samāsāntā vihitāstebhyo'nyaḥ śeṣaḥ. tadāha--anuktasamāsāntāditi. śeṣādhikārasthāditi. "śeṣā"dityanena śeṣādhikārasthādityapi vivakṣitamiti bhāvaḥ. mahayaśaska iti. mahat yaśaḥ yasyeti vigrahaḥ "ānmahataḥ" ityāttve, kapi, "so'padādau" iti satvam. mahāyaśā iti. kababhāve "atvasantasye"ti dīrghaḥ. vyāghrapāditi. "pādasya lopo'hastyādibhyaḥ" ityuktasamāsānto'yam sthānidvārā lopasyāpi samāsāntatvāt. sugandhiriti. "gandhasyedutpūtī"ti kṛtasamāsānto'yam. priyapatha iti. "ṛkpū"riti kṛtasamāsānto'yam. upabahava iti. saṅkhyayāvyaye"ti bahuvrīhirayaṃ, na śeṣādhikārasthaḥ. uttarapūrveti. ayamapi "diṅnāmānyantarāle" iti bahuvrīhiḥ na seṣādhikārasthaḥ. saputra iti. "tena saha" ityayamapi bahuvrīhiḥ na śeṣādhikārasthaḥ. nanu sakṛduccāritāccheṣaśabdāt kathamarthadvayalābha ityata āha--tantrādineti. ādinā āvṛttisaṃgrahaḥ. ekamanekopayogi tantram. uccārayitrā tantreṇoccāritācchabdādāvṛttyā bodha iti bodhyam. "()oto dhāvatī"tyādau sakṛduccāraṇe'pi "()āā ito dhāvati, ()ota guṇako dhāvatī"tyevamanekārthabodhadarśanāditi bhāvaḥ.

śeṣadvi. yadyatra prāguktakabmātrāpekṣaḥ śeṣaḥ syāttarhi vyāghrapātsugandhirityādāvapi syādataḥ samāsāntāpekṣaḥ śeṣa iha gṛhrata ityāha— anuktasamāsāntāditi. vyāghrapāditi. sthānidvārā lopo'pi samāsāntāpekṣa ityuktam. sugandhiriti. `gandhasye'dityādinā itsamāsāntaḥ. priyapatha iti. `ṛkpūḥ—'ityuppratyayaḥ samāsāntaḥ. upabahava iti. `saṃṅkhyāvyaye'tyādinā samāsaḥ. uttarapūrveti. `diṅnāme'tyādinā samāsaḥ. suputra iti. `tena sahetī'tyādinā samāsaḥ. ayaṃ bhāvaḥ–`śeṣo bahuvrāhi'rityataṛ śeṣapadam `anekamanyapadārthe'ityetasminneva sūtre'nuvartate, `saṅkhyāyāvyayāsanne'tyādiṣu ca nivartate. tathā ca śeṣadhikārasthātvā'bhāvādupabahava ityādiṣu kappratyayo neti. evaṃ ca `anekamanyapādarthe'iti sūtratpṛthak `saṅkhyayāvyayāsanne'tyādīnāmārambhaḥ kababhāvārthamapyāvaśyaka iti sthitam. nanu sakṛduccaritasya śeṣaśabdasyā'nuktasamāsāntaparatvaṃ śeṣādhikārasthaparatvaṃ ca kathamityata āha— tantrādineti. `arthabhedena śaṣa śabdabhedaḥ', `satyapyarthabhede bdasyā'bhedaḥ'iti matadvayam. ādye āvṛttirdvitīye tantramiti vivekaḥ. yattu vadanti— `pratipadoktāḥ samāsāntāḥ svaviṣaye bādhakā bhavanti, tatkimanuktasamāsāntapareṇa śeṣagrahaṇene'ti. tanna. `ṛkpūḥ' ityādīnāṃ samāsāntare caritārthatayā `priyapatha'ityādau pareṇa kapā bādhāpatteḥ.

śeṣadvibhāṣā 764, 5.4.154 śeṣadvi. yadyatra prāguktakabmātrāpekṣaḥ śeṣaḥ syāttarhi vyāghrapātsugandhirityādāvapi syādataḥ samāsāntāpekṣaḥ śeṣa iha gṛhrata ityāha---anuktasamāsāntāditi. vyāghrapāditi. sthānidvārā lopo'pi samāsāntāpekṣa ityuktam. sugandhiriti. "gandhasye"dityādinā itsamāsāntaḥ. priyapatha iti. "ṛkpūḥ---"ityuppratyayaḥ samāsāntaḥ. upabahava iti. "saṃṅkhyāvyaye"tyādinā samāsaḥ. uttarapūrveti. "diṅnāme"tyādinā samāsaḥ. suputra iti. "tena sahetī"tyādinā samāsaḥ. ayaṃ bhāvaḥ--"śeṣo bahuvrāhi"rityataṛ śeṣapadam "anekamanyapadārthe"ityetasminneva sūtre'nuvartate, "saṅkhyāyāvyayāsanne"tyādiṣu ca nivartate. tathā ca śeṣadhikārasthātvā'bhāvādupabahava ityādiṣu kappratyayo neti. evaṃ ca "anekamanyapādarthe"iti sūtratpṛthak "saṅkhyayāvyayāsanne"tyādīnāmārambhaḥ kababhāvārthamapyāvaśyaka iti sthitam. nanu sakṛduccaritasya śeṣaśabdasyā'nuktasamāsāntaparatvaṃ śeṣādhikārasthaparatvaṃ ca kathamityata āha---tantrādineti. "arthabhedena śaṣa śabdabhedaḥ", "satyapyarthabhede bdasyā'bhedaḥ"iti matadvayam. ādye āvṛttirdvitīye tantramiti vivekaḥ. yattu vadanti---"pratipadoktāḥ samāsāntāḥ svaviṣaye bādhakā bhavanti, tatkimanuktasamāsāntapareṇa śeṣagrahaṇene"ti. tanna. "ṛkpūḥ" ityādīnāṃ samāsāntare caritārthatayā "priyapatha"ityādau pareṇa kapā bādhāpatteḥ.